ಒಂದು ವಾರ ಉಪ್ಪು ಸೇವನೆ ಮಾಡದಿದ್ದರೆ ಏನಾಗುತ್ತೆ?

ಅಡುಗೆಯಲ್ಲಿ ಉಪ್ಪು ಅತ್ಯಂತ ಪ್ರಮುಖ ವಸ್ತು. ಎಷ್ಟೇ  ಚೆನ್ನಾಗಿ ಅಡುಗೆ ಮಾಡಿ ಉಪ್ಪು ಹಾಕೋದು ಮರೆತರೆ ರುಚಿಯೇ ಇರಲ್ಲ ಅಥವಾ ಉಪ್ಪು ಹೆಚ್ಚಾದರೆ ಅಡುಗೆ ಸಂಪೂರ್ಣ ಹಾಳಾಗುತ್ತದೆ.

ಅತಿಯಾಗಿ ಉಪ್ಪು ತಿನ್ನುವುದು ಆರೋಗ್ಯಕ್ಕೆ ಒಳ್ಳೆಯದಲ್ಲ. ಉಪ್ಪಿಲ್ಲದೇ ಅಡುಗೆ ಯಾರೂ ಸಹ ತಿನ್ನಲು ಇಷ್ಟಪಡಲ್ಲ.  ಒಂದು ವಾರ ಉಪ್ಪು ತಿನ್ನದಿದ್ದರೆ ದೇಹದ ಮೇಲೆ ಯಾವ ಪರಿಣಾಮ ಬೀರುತ್ತೆ ಎಂದು ಗೊತ್ತಿದೆಯಾ? ಅದಕ್ಕೆ ಉತ್ತರ ಇಲ್ಲಿದೆ

ಅಡುಗೆ ಅಥವಾ ಸೇವಿಸುವ ಆಹಾರದಲ್ಲಿ ಉಪ್ಪು ನಿಯಮಿತ ಮತ್ತು ಸರಿಯಾದ ಪ್ರಮಾಣಲ್ಲಿಯೇ ಇರಬೇಕು. ಒಂದು ವೇಳೆ ಅತಿಯಾಗಿ ಸೇವಿಸಿದ್ರೆ ಅನೇಕ ರೋಗಗಳಿಗೆ ತುತ್ತಾಗಬೇಕಾಗುತ್ತದೆ. ಹಾಗಾಗಿಯೇ ಬಹುತೇಕರು ಉಪ್ಪನ್ನು ಕಡಿಮೆ ಸೇವಿಸುತ್ತಾರೆ. 

ಉಪ್ಪಿನಲ್ಲಿ ಸೋಡಿಯಂ ಅಂಶ  ಅತ್ಯಧಿಕವಾಗಿರುತ್ತದೆ. ಒಂದು ವೇಳ ದೇಹದಲ್ಲಿ ಸೋಡಿಯಂ ಅಂಶ ಕಡಿಮೆಯಾದ್ರೆ ಅನೇಕ ರೋಗಗಳು ಕಾಣಿಸಿಕೊಳ್ಳುತ್ತವೆ. ದೇಹದಲ್ಲಿ ನೀರಿನ ಮಟ್ಟವನ್ನು ಸರಿಯಾಗಿ ನಿರ್ವಹಿಸುವ ಪ್ರಕ್ರಿಯೆಯಲ್ಲಿ ಸೋಡಿಯಂ ಪರಿಣಾಮಕಾರಿಯಾಗಿ ಕೆಲಸ ಮಾಡುತ್ತದೆ. ಪೋಷಕಾಂಶಗಳು ಮತ್ತು ಆಮ್ಲಜನಕವನ್ನು ದೇಹದ ಇತರೆ ಭಾಗಗಳಿಗೆ ಸಾಗಿಸಲು ಇದು ಕೆಲಸ ಮಾಡುತ್ತದೆ.

ಉಪ್ಪಿನಲ್ಲಿ ಸೋಡಿಯಂ ಅಂಶ  ಅತ್ಯಧಿಕವಾಗಿರುತ್ತದೆ. ಒಂದು ವೇಳ ದೇಹದಲ್ಲಿ ಸೋಡಿಯಂ ಅಂಶ ಕಡಿಮೆಯಾದ್ರೆ ಅನೇಕ ರೋಗಗಳು ಕಾಣಿಸಿಕೊಳ್ಳುತ್ತವೆ. ದೇಹದಲ್ಲಿ ನೀರಿನ ಮಟ್ಟವನ್ನು ಸರಿಯಾಗಿ ನಿರ್ವಹಿಸುವ ಪ್ರಕ್ರಿಯೆಯಲ್ಲಿ ಸೋಡಿಯಂ ಪರಿಣಾಮಕಾರಿಯಾಗಿ ಕೆಲಸ ಮಾಡುತ್ತದೆ. ಪೋಷಕಾಂಶಗಳು ಮತ್ತು ಆಮ್ಲಜನಕವನ್ನು ದೇಹದ ಇತರೆ ಭಾಗಗಳಿಗೆ ಸಾಗಿಸಲು ಇದು ಕೆಲಸ ಮಾಡುತ್ತದೆ.

ಒಂದು ವಾರ ಉಪ್ಪು ಸೇವನೆ  ಮಾಡದಿದ್ದರೆ ರಕ್ತದಲ್ಲಿನ ಸೋಡಿಯಂ ಪ್ರಮಾಣ ಕಡಿಮೆಯಾಗುತ್ತದೆ. ಈ ಕಾರಣದಿಂದ ದೇಹದಲ್ಲಿ ಅತ್ಯಧಿಕ ನೀರು ಸಂಗ್ರಹವಾಗಿ ತಲೆನೋವು, ವಾಕರಿಕೆ ಮತ್ತು ಆಯಾಸದಂತಹ ಸಮಸ್ಯೆಗಳು ಕಾಣಿಸಿಕೊಳ್ಳಲು ಆರಂಭಿಸುತ್ತವೆ.

ದೇಹದಲ್ಲಿ ಸೋಡಿಯಂ ಕೊರತೆ ಉಂಟಾದ್ರೆ ಮೂಳೆಗಳು ದುರ್ಬಲಗೊಳ್ಳುತ್ತವೆ. ಅಧಿಕ ರಕ್ತದೊತ್ತಡ ಸಮಸ್ಯೆ ಹೊಂದಿರೋರಿಗೆ ಉಪ್ಪು ಸೇವನೆ  ಮಾಡದಂತೆ ವೈದ್ಯರು ಸಲಹೆ ನೀಡುತ್ತಾರೆ. ಇಂತಹವರ ದೇಹದಲ್ಲಿ ಸೋಡಿಯಂ ಅಂಶ ಹೆಚ್ಚಾಗಿರುತ್ತದೆ.

ಉಪ್ಪು ಜೀರ್ಣಕ್ರಿಯೆ ಮತ್ತು ದೇಹದಲ್ಲಿ ಪೋಷಕಾಂಶಗಳನ್ನು ಹೀರಿಕೊಳ್ಳಲು ಸಹಾಯ ಮಾಡುತ್ತದೆ. ನೀವು ಒಂದು ವಾರ ಉಪ್ಪು ಸೇವನೆ ಮಾಡದಿದ್ದರೆ ಮಲಬದ್ಧತೆ ಅಥವಾ ಇತರ ಜೀರ್ಣಕಾರಿ ಸಮಸ್ಯೆಗಳು ಕಾಣಿಸಿಕೊಳ್ಳುವ ಸಾಧ್ಯತೆ ಇರುತ್ತದೆ.