ಕೂದಲು ಕಪ್ಪಾಗಿ, ಉದ್ದವಾಗಿ, ಆರೋಗ್ಯವಾಗಿರಬೇಕೆಂದು ಎಲ್ಲರೂ ಬಯಸುತ್ತಾರೆ. ಅದಕ್ಕಾಗಿ ಬೇಕಾದ ಟಿಪ್ಸ್ ಫಾಲೋ ಮಾಡುತ್ತಾರೆ. ಆದರೆ ಕೂದಲಿನ ಆರೋಗ್ಯಕ್ಕೆ ಅರಿಶಿನ ತುಂಬಾ ಚೆನ್ನಾಗಿ ಕೆಲಸ ಮಾಡುತ್ತದೆ ಎಂದು ನಿಮಗೆ ಗೊತ್ತಾ? ಅರಿಶಿನವನ್ನು ಹೇಗೆ ಬಳಸಿದರೆ ಕೂದಲಿಗೆ ಒಳ್ಳೆಯದು ಎಂದು ಇಲ್ಲಿ ತಿಳಿಯೋಣ.
ಅರಿಶಿನದಲ್ಲಿ ಔಷಧೀಯ ಗುಣಗಳು ಹೆಚ್ಚು. ಇದರಲ್ಲಿರುವ ಕರ್ಕ್ಯುಮಿನ್, ಆಂಟಿ ಬ್ಯಾಕ್ಟೀರಿಯಲ್, ಆಂಟಿ ಸೆಪ್ಟಿಕ್ ಗುಣಗಳು ಆರೋಗ್ಯಕ್ಕೆ ತುಂಬಾ ಒಳ್ಳೆಯದು. ಅರಿಶಿನವನ್ನು ಅಡುಗೆಗೆ ಮಾತ್ರವಲ್ಲ, ಚರ್ಮದ ಸೌಂದರ್ಯಕ್ಕೂ ಬಳಸುತ್ತಾರೆ. ಆದರೆ ಅರಿಶಿನವನ್ನು ಕೂದಲಿಗೆ ಕೂಡ ಬಳಸಬಹುದು ಎಂದು ನಿಮಗೆ ಗೊತ್ತಾ? ಅರಿಶಿನವನ್ನು ಕೂದಲಿಗೆ ಹೇಗೆ ಬಳಸಬೇಕು? ಅದರಿಂದಾಗುವ ಪ್ರಯೋಜನಗಳೇನು ಎಂದು ಇಲ್ಲಿ ನೋಡೋಣ.
ಕೂದಲಿಗೆ ಅರಿಶಿನದಿಂದ ಲಾಭಗಳು:
- ಕೂದಲು ಬೇಗನೆ ಬೆಳ್ಳಗಾಗುತ್ತಿದ್ದರೆ ಅರಿಶಿನ ಬಳಸಿ. ಇದರಲ್ಲಿರುವ ಕರ್ಕ್ಯುಮಿನ್ ಬಿಳಿ ಕೂದಲಿನ ಸಮಸ್ಯೆಯನ್ನು ನಿವಾರಿಸುತ್ತದೆ.
- ತಲೆಹೊಟ್ಟು ಸಮಸ್ಯೆ ಇದ್ದರೆ ಕೂದಲಿಗೆ ಅರಿಶಿನ ಬಳಸಿ. ಅರಿಶಿನದಲ್ಲಿರುವ ಆಂಟಿ ಬ್ಯಾಕ್ಟೀರಿಯಲ್ ಗುಣಗಳು ತಲೆಹೊಟ್ಟು ಸಮಸ್ಯೆಯಿಂದ ಮುಕ್ತಿ ನೀಡುತ್ತವೆ.
- ಅರಿಶಿನದಲ್ಲಿರುವ ಬಹಳಷ್ಟು ಅಂಶಗಳು ಕೂದಲು ಬೆಳವಣಿಗೆಯನ್ನು ಉತ್ತೇಜಿಸುತ್ತವೆ. ಕೂದಲು ತುದಿಗಳು ಒಡೆಯದಂತೆ ಮಾಡುತ್ತವೆ.
- ತಲೆಯಲ್ಲಿ ತುರಿಕೆ ಅನೇಕ ಸಮಸ್ಯೆಗಳಿಗೆ ದಾರಿ ಮಾಡಿಕೊಡುತ್ತದೆ. ಅರಿಶಿನ ಬಳಸುವುದರಿಂದ ಈ ಸಮಸ್ಯೆಯಿಂದ ಹೊರಬರಬಹುದು. ಅರಿಶಿನದಲ್ಲಿರುವ ಅಲರ್ಜಿ ನಿರೋಧಕ ಗುಣಗಳು ತಲೆಯಲ್ಲಿ ತುರಿಕೆಯನ್ನು ಕಡಿಮೆ ಮಾಡುತ್ತವೆ.
ಕೂದಲಿಗೆ ಅರಿಶಿನ ಬಳಸುವ ವಿಧಾನ:
ಮೊಟ್ಟೆ, ಜೇನುತುಪ್ಪ, ಅರಿಶಿನ: 2 ಮೊಟ್ಟೆ, ಜೇನುತುಪ್ಪ, ಅರಿಶಿನ ಪುಡಿ ತೆಗೆದುಕೊಂಡು ಚೆನ್ನಾಗಿ ಮಿಕ್ಸ್ ಮಾಡಿ. ನಂತರ ಅದನ್ನು ಕೂದಲಿಗೆ ಹಚ್ಚಿ 30 ನಿಮಿಷ ಬಿಟ್ಟು ಶಾಂಪೂ ಹಾಕಿ ಸ್ನಾನ ಮಾಡಿ. ಇದರಿಂದ ಕೂದಲು ಸಮಸ್ಯೆಗಳು ಕಡಿಮೆಯಾಗುತ್ತವೆ.
ತೆಂಗಿನ ಎಣ್ಣೆ, ಅರಿಶಿನ: ತೆಂಗಿನ ಎಣ್ಣೆಯಲ್ಲಿ ಅರಿಶಿನ ಬೆರೆಸಿ ಅದನ್ನು ಕೂದಲಿಗೆ ಹಚ್ಚಿ ಮಸಾಜ್ ಮಾಡಿ. ನಂತರ ಶಾಂಪೂ ಹಾಕಿ ಸ್ನಾನ ಮಾಡಿದರೆ ತಲೆಹೊಟ್ಟು ಸಮಸ್ಯೆ ಇರುವುದಿಲ್ಲ. ಕೂದಲು ಉದ್ದವಾಗಿ ಬೆಳೆಯಲು ಇದು ಸಹಾಯ ಮಾಡುತ್ತದೆ.
ಆಲಿವ್ ಎಣ್ಣೆ, ಮೊಸರು, ಅರಿಶಿನ: ಒಂದು ಚಮಚ ಅರಿಶಿನ, 2 ಚಮಚ ಆಲಿವ್ ಎಣ್ಣೆ, ಕಾಲು ಕಪ್ ಮೊಸರು ತೆಗೆದುಕೊಂಡು ಚೆನ್ನಾಗಿ ಮಿಕ್ಸ್ ಮಾಡಿ. ಅದನ್ನು ಕೂದಲಿಗೆ ಹಚ್ಚಿ 30 ನಿಮಿಷ ಬಿಟ್ಟು ನಂತರ ಶಾಂಪೂ ಹಾಕಿ ಸ್ನಾನ ಮಾಡಿ. ಇದರಿಂದ ಕೂದಲು ಹೊಳಪು ಹೆಚ್ಚುತ್ತದೆ. ಇದರಲ್ಲಿ ಜೇನುತುಪ್ಪವನ್ನು ಕೂಡ ಬೆರೆಸಬಹುದು.
ಬಿಸಿ ತೆಂಗಿನ ಎಣ್ಣೆ, ಅರಿಶಿನ: ಕಾಲು ಕಪ್ ತೆಂಗಿನ ಎಣ್ಣೆಯನ್ನು ಬಿಸಿ ಮಾಡಿ ಇಳಿಸುವಾಗ ಅದಕ್ಕೆ ಅರ್ಧ ಚಮಚ ಅರಿಶಿನ ಪುಡಿ ಸೇರಿಸಿ. ಅದನ್ನು ರಾತ್ರಿ ಮಲಗುವ ಮುನ್ನ ನಿಮ್ಮ ಕೂದಲಿಗೆ ಹಚ್ಚಿ ಮರುದಿನ ಬೆಳಗ್ಗೆ ಶಾಂಪೂ ಹಾಕಿ ಸ್ನಾನ ಮಾಡಿದರೆ ಒಣ ಕೂದಲು ಮೃದುವಾಗುತ್ತದೆ.
