ಹುದುಗಿಸಿದ ಈ ಆಹಾರ ಕರುಳಿನ ಆರೋಗ್ಯಕ್ಕೆ ನಿಧಿಯಿದ್ದಂತೆ, ದೇಹವನ್ನ ಒಳಗಿನಿಂದ್ಲೇ ಸ್ಟ್ರಾಂಗ್ ಮಾಡುತ್ತೆ!

ಇಂದು, ಪ್ರಪಂಚದಾದ್ಯಂತ ಕರುಳಿನ ಆರೋಗ್ಯದ ಬಗ್ಗೆ ಚರ್ಚೆಯಾಗುತ್ತಿರುವುದು ನಿಮಗೆಲ್ಲಾ ಗೊತ್ತಿರುವುದೇ. ಸರಿಯಾದ ಜೀರ್ಣಕ್ರಿಯೆಯನ್ನು ಕಾಪಾಡಿಕೊಳ್ಳಲು ಸಹಾಯ ಮಾಡುವ ನಮ್ಮ ಭಾರತ ದೇಶದ ಈ ಹಳೆಯ ಪ್ರಕ್ರಿಯೆಗಳನ್ನು ನಾವು ಪುನಃ ಗುರುತಿಸಬೇಕಾಗಿದೆ.

ಜೀರ್ಣಾಂಗ ವ್ಯವಸ್ಥೆಯನ್ನು ಬಲಪಡಿಸಲು

ಶತಮಾನಗಳಿಂದ ಭಾರತದ ಸಾಂಪ್ರದಾಯಿಕ ಆಹಾರ ವ್ಯವಸ್ಥೆಯ ಭಾಗವಾಗಿರುವ ಹುದುಗು ಬರಿಸಿ ತಯಾರಿಸಿದ ಆಹಾರಗಳು ರುಚಿಯನ್ನು ಹೆಚ್ಚಿಸುವುದಲ್ಲದೆ, ಜೀರ್ಣಾಂಗ ವ್ಯವಸ್ಥೆಯನ್ನು ಬಲಪಡಿಸಲು ಮತ್ತು ರೋಗಗಳಿಂದ ದೂರವಿಡಲು ಸಹಾಯ ಮಾಡುತ್ತದೆ.

ಇಡ್ಲಿ ಮತ್ತು ದೋಸೆ ಹಿಟ್ಟು

ಇಡ್ಲಿ-ದೋಸೆ ಹಿಟ್ಟನ್ನು ಉದ್ದಿನ ಬೇಳೆ ಮತ್ತು ಅಕ್ಕಿಯನ್ನು ಹುದುಗಿಸುವ ಮೂಲಕ ತಯಾರಿಸಲಾಗುತ್ತದೆ. ಇದು ನೈಸರ್ಗಿಕ ಪ್ರೋಬಯಾಟಿಕ್‌ಗಳನ್ನು ಅಭಿವೃದ್ಧಿಪಡಿಸುತ್ತದೆ. ನಿಮ್ಮ ಜೀರ್ಣಕ್ರಿಯೆಯನ್ನು ಸುಧಾರಿಸುತ್ತದೆ ಮತ್ತು ಹಗುರವಾದ ಊಟವಾಗಿರುವುದರಿಂದ ಗ್ಯಾಸ್ ಮತ್ತು ಮಲಬದ್ಧತೆಯಿಂದ ಪರಿಹಾರ ನೀಡುತ್ತದೆ.

ಮೊಸರಿನಿಂದ ತಯಾರಿಸಿದ ಮಜ್ಜಿಗೆ

ಇದು ತಂಪಾಗಿರುತ್ತದೆ, ಹಗುರವಾಗಿರುತ್ತದೆ ಮತ್ತು ಹೊಟ್ಟೆಗೆ ತುಂಬಾ ಪ್ರಯೋಜನಕಾರಿಯಾಗಿದೆ. ಇದರಲ್ಲಿರುವ ಲ್ಯಾಕ್ಟಿಕ್ ಆಸಿಡ್ ಬ್ಯಾಕ್ಟೀರಿಯಾಗಳು ಕರುಳನ್ನು ಸಮತೋಲನದಲ್ಲಿಡುತ್ತದೆ ಮತ್ತು ಜೀರ್ಣಕ್ರಿಯೆಯನ್ನು ಸುಲಭಗೊಳಿಸುತ್ತದೆ.

ಕಾಂಜಿ

ಕಪ್ಪು ಕ್ಯಾರೆಟ್‌ನಿಂದ ತಯಾರಿಸಿದ ಸಾಂಪ್ರದಾಯಿಕ ಪ್ರೋಬಯಾಟಿಕ್ ಪಾನೀಯವಾಗಿದೆ. ಇದರ ನೈಸರ್ಗಿಕ ಹುದುಗು ಬರಿಸುವ ಪ್ರಕ್ರಿಯೆಯು ಕರುಳನ್ನು ಶುದ್ಧೀಕರಿಸಲು ಮತ್ತು ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ.

ಉಪ್ಪಿನಕಾಯಿ

ಸಾಸಿವೆ ಎಣ್ಣೆ ಮತ್ತು ಮಸಾಲೆಗಳಲ್ಲಿ ದೀರ್ಘಕಾಲ ಸಂಗ್ರಹಿಸಲಾದ ಹುದುಗಿಸಿದ ಉಪ್ಪಿನಕಾಯಿಗಳಿವೆ. ಇವು ನೈಸರ್ಗಿಕ ಆಸಿಡ್ ಮತ್ತು ಸೂಕ್ಷ್ಮಜೀವಿಗಳನ್ನು ಹೊಂದಿರುತ್ತವೆ. ಇದು ಕರುಳಿನ ಸಸ್ಯವರ್ಗವನ್ನು ಸಮತೋಲನದಲ್ಲಿಡುತ್ತದೆ.

ಗುಜರಾತ್‌ನ ಗುರುತಾಗಿರುವ ಧೋಕ್ಲಾ

ಗುಜರಾತ್‌ನ ಗುರುತಾಗಿರುವ ಧೋಕ್ಲಾವನ್ನು ಸಹ ಹುದುಗಿಸಿದ ಹಿಟ್ಟಿನಿಂದ ತಯಾರಿಸಲಾಗುತ್ತದೆ. ಇದು ಹೊಟ್ಟೆಯಲ್ಲಿ ಭಾರವಾದ ಅನುಭವ ನೀಡುವುದಿಲ್ಲ ಮತ್ತು ಹಗುರವಾದ ಸ್ಪಂಜಿನಂಥ ರಚನೆಯನ್ನು ಹೊಂದಿರುತ್ತದೆ, ಇದರಿಂದ ಹೊಟ್ಟೆ ಹೆವಿ ಅನಿಸಲ್ಲ ಮತ್ತು ದಿನವಿಡೀ ಹೊಟ್ಟೆಯ ಸಮಸ್ಯೆಗಳನ್ನು ತಡೆಯುತ್ತದೆ.

ಉದ್ದಿನ ಬೇಳೆ ಪೀತಾ

ಪೂರ್ವ ಭಾರತದಲ್ಲಿ ಉದ್ದಿನ ಬೇಳೆಯಿಂದ ತಯಾರಿಸಿದ ಉದ್ದಿನ ಬೇಳೆ ಪೀತಾವನ್ನು (ನಮ್ಮಲ್ಲಿ ಖಾರದ ಮೋದಕವಿದ್ದ ಹಾಗೆ) ಸಹ ಹುದುಗಿಸಿಯೇ ಮಾಡಲಾಗುವುದು. ಇವು ರುಚಿಕರವಾಗಿರುವುದಲ್ಲದೆ, ಫೈಬರ್ ಮತ್ತು ಉತ್ತಮ ಬ್ಯಾಕ್ಟೀರಿಯಾಗಳಲ್ಲಿಯೂ ಸಮೃದ್ಧವಾಗಿವೆ. ಇವುಗಳನ್ನು ಆವಿಯಲ್ಲಿ ಬೇಯಿಸುವ ಮೂಲಕ ತಯಾರಿಸಲಾಗುತ್ತದೆ.

ಸರಿಯಾಗಿ ಹುದುಗಿಸಿಡುವುದೂ ಮುಖ್ಯ

ಹುದುಗುವಿಕೆಯ ಪ್ರಕ್ರಿಯೆಯಲ್ಲಿ ನೈಸರ್ಗಿಕ ಬ್ಯಾಕ್ಟೀರಿಯಾ ಮತ್ತು ಯೀಸ್ಟ್ ಆಹಾರದಲ್ಲಿ ಜೀರ್ಣಕ್ರಿಯೆಯನ್ನು ಸುಧಾರಿಸುವ ಮತ್ತು ರೋಗನಿರೋಧಕ ಶಕ್ತಿಯನ್ನು ಬಲಪಡಿಸುವ ಅಂಶಗಳನ್ನು ಸೃಷ್ಟಿಸುತ್ತವೆ. ಹುದುಗಿಸಿದ ಆಹಾರವನ್ನು ಸರಿಯಾದ ತಾಪಮಾನ ಮತ್ತು ನೈರ್ಮಲ್ಯದಲ್ಲಿ ತಯಾರಿಸಿ. ತಪ್ಪು ರೀತಿಯಲ್ಲಿ ತಯಾರಿಸಿದ ಹುದುಗಿಸಿದ ಆಹಾರವು ಹಾನಿಯನ್ನುಂಟುಮಾಡಬಹುದು.

ರಾತ್ರಿ ನೆನೆಸಿಟ್ಟ ಅಕ್ಕಿ

ಒಡಿಶಾ ಮತ್ತು ಬಂಗಾಳದಲ್ಲಿ ರಾತ್ರಿಯಿಡೀ ನೀರಿನಲ್ಲಿ ನೆನೆಸಿದ ಅಕ್ಕಿಯನ್ನು ಬೆಳಗ್ಗೆ ತಿನ್ನಲಾಗುತ್ತದೆ. ಇದನ್ನು ನೈಸರ್ಗಿಕವಾಗಿ ಹುದುಗಿಸುವುದರಿಂದ ಕರುಳಿನ ಆರೋಗ್ಯವನ್ನು ಸುಧಾರಿಸುವ ಉತ್ತಮ ಬ್ಯಾಕ್ಟೀರಿಯಾಗಳು ಉತ್ಪತ್ತಿಯಾಗುತ್ತವೆ.