Kidney Health: ಬೆಳಗ್ಗೆ ಮಾಡುವ ಈ 5 ತಪ್ಪುಗಳಿಂದ ಕಿಡ್ನಿ ಫೇಲ್ ಆಗಬಹುದು, ಎಚ್ಚರ!

Kidney damage habits: ನಮ್ಮಲ್ಲಿ ಅನೇಕರು ಕಿಡ್ನಿ ಸಂಬಂಧಿ ಕಾಯಿಲೆಗಳಿಂದ ಬಳಲುತ್ತಿದ್ದಾರೆ. ನಮ್ಮ ಕೆಲವು ದೈನಂದಿನ ಅಭ್ಯಾಸಗಳೇ ಈ ರೀತಿಯ ಕಿಡ್ನಿ ಸಮಸ್ಯೆಗಳಿಗೆ ಕಾರಣವಾಗಬಹುದು. ಆರೋಗ್ಯದ ಮೇಲೆ ಗಂಭೀರವಾಗಿ ಪರಿಣಾಮ ಬೀರಬಹುದು. ಅವು ಯಾವುವು ಎಂದು ತಿಳಿಯೋಣ. 

ಬೆಳಗ್ಗೆ ನೀರು ಕುಡಿಯದಿರುವುದು

ನಾವು ನಿದ್ದೆಯಿಂದ ಎದ್ದಾಗ ದೇಹದಲ್ಲಿ ನೀರಿನಂಶ ಕಡಿಮೆ ಇರುತ್ತದೆ. ಈ ವೇಳೆ ನೀರು ಕುಡಿಯದಿದ್ದರೆ, ಕಿಡ್ನಿಗಳ ಮೇಲೆ ಹೆಚ್ಚು ಒತ್ತಡ ಬೀಳುತ್ತದೆ. ಇದು ದೇಹದ ವಿಷಕಾರಿ ಅಂಶಗಳನ್ನು ಹೊರಹಾಕಲು ಅಡ್ಡಿಪಡಿಸುತ್ತದೆ.

ಮೂತ್ರ ತಡೆಹಿಡಿಯುವುದು

ನಿದ್ದೆಯಿಂದ ಎದ್ದ ನಂತರ ಸೋಮಾರಿತನ ಅಥವಾ ಕೆಲಸದ ಒತ್ತಡದಿಂದ ಅನೇಕರು ಮೂತ್ರವನ್ನು ತಡೆಹಿಡಿಯುತ್ತಾರೆ. ಆದರೆ ಇದು ಕಿಡ್ನಿಗಳಿಗೆ ಬಹಳ ಹಾನಿಕಾರಕ. ಹೀಗೆ ಮಾಡುವುದರಿಂದ ಮೂತ್ರಕೋಶ ಮತ್ತು ಕಿಡ್ನಿಗಳೆರಡಕ್ಕೂ ಒತ್ತಡ ಹೆಚ್ಚಾಗುತ್ತದೆ.

ನೋವು ನಿವಾರಕಗಳನ್ನು ತೆಗೆದುಕೊಳ್ಳುವುದು

ಅನೇಕರು ತಲೆನೋವು ಮತ್ತು ಮೈಕೈ ನೋವು ಕಡಿಮೆ ಮಾಡಲು ನೋವು ನಿವಾರಕಗಳನ್ನು ತೆಗೆದುಕೊಳ್ಳುತ್ತಾರೆ. ಆದರೆ, ಖಾಲಿ ಹೊಟ್ಟೆಯಲ್ಲಿ ಇವುಗಳನ್ನು ಸೇವಿಸುವುದು ಕಿಡ್ನಿಗಳಿಗೆ ಹಾನಿ ಮಾಡುತ್ತದೆ.

ವ್ಯಾಯಾಮದ ನಂತರ ನೀರು ಕುಡಿಯದಿರುವುದು

ಬೆಳಗ್ಗೆ ವ್ಯಾಯಾಮ ಮಾಡುವುದು ಆರೋಗ್ಯಕ್ಕೆ ಒಳ್ಳೆಯದು. ಆದರೆ ವ್ಯಾಯಾಮ ಮಾಡುವಾಗ ಬೆವರಿನ ಮೂಲಕ ದೇಹದ ನೀರಿನಂಶ ನಷ್ಟವಾಗುತ್ತದೆ. ಈ ನೀರನ್ನು ಮತ್ತೆ ದೇಹಕ್ಕೆ ಸೇರಿಸದಿದ್ದರೆ, ನಿರ್ಜಲೀಕರಣ ಉಂಟಾಗಿ ಕಿಡ್ನಿಗಳ ಮೇಲೆ ಒತ್ತಡ ಬೀಳುತ್ತದೆ.

ಬೆಳಗಿನ ಉಪಾಹಾರವನ್ನು ಬಿಡುವುದು

ಬೆಳಗಿನ ಉಪಾಹಾರವನ್ನು ಬಿಡುವುದರಿಂದ ರಕ್ತದಲ್ಲಿನ ಸಕ್ಕರೆ ಮಟ್ಟ ಕಡಿಮೆಯಾಗುತ್ತದೆ. ಇದರಿಂದಾಗಿ, ಹೆಚ್ಚು ಸೋಡಿಯಂ ಇರುವ ಜಂಕ್ ಫುಡ್ ತಿನ್ನಬೇಕೆಂದು ಅನಿಸುತ್ತದೆ. ಇಂತಹ ಆಹಾರಗಳು ಕಿಡ್ನಿಗಳಿಗೆ ಹಾನಿಕಾರಕ.