ನಿಮಗೆ ಮದುವೆಯಾಗಿ ಹಲವು ಸಮಯ ಆಗಿದ್ದು, ಪ್ರೆಗ್ನೆಂಟ್ ಆಗೋದಕ್ಕೆ ಕಷ್ಟಪಡ್ತಿದ್ದರೆ, ನಿಮ್ಮ ಆಹಾರದಲ್ಲಿ ಈ ಆಹಾರಗಳನ್ನು ಸೇರಿಸುವ ಮೂಲಕ ನಿಮ್ಮ ಫರ್ಟಿಲಿಟಿ ಹೆಚ್ಚಿಸಬಹುದು. ಆ ಮೂಲಕ ಬೇಗನೆ ಪ್ರೆಗ್ನೆಂಟ್ ಆಗುವ ನಿಮ್ಮ ಕನಸನ್ನು ನನಸಾಗಿಸಬಹುದು.
ಇತ್ತೀಚಿಗೆ ಅನೇಕ ದಂಪತಿ ಬಂಜೆತನ ಸಮಸ್ಯೆ (infertility issues) ಎದುರಿಸುತ್ತಿದ್ದಾರೆ. ಜನರ ಬದಲಾದ ಜೀವನಶೈಲಿ ಪುರುಷರು ಮತ್ತು ಮಹಿಳೆಯರು ಇಬ್ಬರಿಗೂ ಫರ್ಟಿಲಿಟಿ ಸಮಸ್ಯೆಯನ್ನು ಉಂಟು ಮಾಡುತ್ತಿದೆ. ಇದರಿಂದ ದಂಪತಿ ಗರ್ಭಧರಿಸಲು ಸಾಕಷ್ಟು ಕಷ್ಟಪಡಬೇಕಾಗುತ್ತೆ. ಗಂಡು ಅಥವಾ ಹೆಣ್ಣು ಗರ್ಭಧರಿಸುವಲ್ಲಿ ಇಬ್ಬರೂ ಸಮಾನ ಪಾತ್ರ ಹೊಂದಿದ್ದಾರೆ, ಮತ್ತು ಒಬ್ಬರು ತಮ್ಮ ಆರೋಗ್ಯದ ಬಗ್ಗೆ ನಿರ್ಲಕ್ಷ್ಯ ವಹಿಸಿದರೆ, ಗರ್ಭಧಾರಣೆಯನ್ನು ಯೋಜಿಸುವುದು ಕಷ್ಟವಾಗುತ್ತದೆ. ಆದ್ದರಿಂದ, ದಂಪತಿಗಳಿಬ್ಬರೂ ಆರಂಭದಲ್ಲೇ ಫರ್ಟಿಲಿಟಿಯತ್ತ ಗಮನ ಹರಿಸಬೇಕು.
ನೀವು ಗರ್ಭಧರಿಸುವ ಬಗ್ಗೆ ಪ್ಲ್ಯಾನ್ (pregnancy plan) ಮಾಡಿದ್ರೆ, ಫಲವತ್ತತೆಯನ್ನು ಹೆಚ್ಚಿಸಲು ನಮಗೆ ಉತ್ತಮ ಆಯ್ಕೆ ಇದೆ. ಫಲವತ್ತತೆಯನ್ನು ಹೆಚ್ಚಿಸುವ ಕೆಲವು ವಿಶೇಷ ಆಹಾರಗಳಿವೆ, ಅವುಗಳನ್ನು ದಂಪತಿಗಳು ತಮ್ಮ ಆಹಾರದಲ್ಲಿ ಸೇರಿಸಬೇಕು. ಅವುಗಳನ್ನು ಸೇವಿಸುವ ಮೂಲಕ, ಗರ್ಭಧರಿಸಲು ನಿಮಗೆ ಯಾವುದೇ ಸಮಸ್ಯೆ ಇಲ್ಲದಿರುವಂತೆ ನೋಡಿಕೊಳ್ಳಬಹುದು.
ಖರ್ಜೂರ (Dates)
ಖರ್ಜೂರವು ಅನೇಕ ಪ್ರಮುಖ ಪೋಷಕಾಂಶಗಳಿಂದ ಸಮೃದ್ಧವಾಗಿದೆ. ಇದು ಎಲ್ಲಾ ವಯಸ್ಸಿನ ಜನರಿಗೆ ಅತ್ಯಗತ್ಯ, ಮತ್ತು ಅನೇಕ ಆರೋಗ್ಯ ಪ್ರಯೋಜನಗಳನ್ನು ಹೊಂದಿದೆ. ಅದೇ ಸಮಯದಲ್ಲಿ, ಬಂಜೆತನಕ್ಕೆ (Infertility) ಸಂಬಂಧಿಸಿದ ಸಮಸ್ಯೆಗಳಲ್ಲಿ ಪುರುಷರು ಮತ್ತು ಮಹಿಳೆಯರು ಇಬ್ಬರಿಗೂ ಇದು ತುಂಬಾ ಪರಿಣಾಮಕಾರಿ. ಇದು ಪುರುಷರು ಮತ್ತು ಮಹಿಳೆಯರ ದೇಹಕ್ಕೆ ಸಾಕಷ್ಟು ಶಕ್ತಿಯನ್ನು ಒದಗಿಸುತ್ತದೆ. ಇದರ ನಿಯಮಿತ ಸೇವನೆ ಪುರುಷರಲ್ಲಿ ನಿಮಿರುವಿಕೆಯ ಅಪಸಾಮಾನ್ಯ ಕ್ರಿಯೆಯಂತಹ ಸಮಸ್ಯೆಗಳನ್ನು ನಿವಾರಿಸುತ್ತೆ, ಮಹಿಳೆಯರ ಫಲವತ್ತತೆಯನ್ನು ಬಲಪಡಿಸುತ್ತದೆ ಇದರಿಂದ ಗರ್ಭಧರಿಸುವುದು ಸುಲಭವಾಗುತ್ತದೆ.
ಏಲಕ್ಕಿ (Elaichi)
ಏಲಕ್ಕಿ ಪಿತ್ತ ಮತ್ತು ವಾತ ದೋಷವನ್ನು ಸಮತೋಲನಗೊಳಿಸುವ ಅದ್ಭುತ ಮಸಾಲೆ. ಇದು ರಿಬೋಫ್ಲೇವಿನ್ ಮತ್ತು ನಿಯಾಸಿನ್, ಉತ್ಕರ್ಷಣ ನಿರೋಧಕಗಳಂತಹ ಅನೇಕ ಪ್ರಮುಖ ಜೀವಸತ್ವಗಳನ್ನು (Vitamins) ಹೊಂದಿರುತ್ತದೆ, ಇದು ಉತ್ತಮ ಆರೋಗ್ಯ, ನಿಮಿರುವಿಕೆಯ ಅಪಸಾಮಾನ್ಯ ಕ್ರಿಯೆ ಮತ್ತು ಬಂಜೆತನದ ಸಮಸ್ಯೆಗಳಿಗೆ ಪರಿಣಾಮಕಾರಿ. ಗರ್ಭಧರಿಸಲು ಯೋಚಿಸುತ್ತಿದ್ದರೆ, ಏಲಕ್ಕಿಯನ್ನು ಮಸಾಲೆಯಾಗಿ ಬಳಸುವುದರ ಜೊತೆಗೆ, ನೀವು ಅದರ ಚಹಾ ಮಾಡಿ ಕುಡಿಯೋದು ಸಹ ಉತ್ತಮ.
ತುಪ್ಪ (Ghee)
ಆಯುರ್ವೇದದ ಪ್ರಕಾರ, ಹಸುವಿನ ತುಪ್ಪವು ದೈಹಿಕ, ಮಾನಸಿಕ ಮತ್ತು ಆಧ್ಯಾತ್ಮಿಕ ಆರೋಗ್ಯ ಪ್ರಯೋಜನ ನೀಡುತ್ತೆ. ಬಂಜೆತನ ಸಮಸ್ಯೆ ಎದುರಿಸುತ್ತಿರುವ ದಂಪತಿಗಳಿಗೆ ಹಸುವಿನ ತುಪ್ಪವು ವರದಾನ ಎನ್ನಬಹುದು. ಹಸುವಿನ ತುಪ್ಪವನ್ನು ನಿಮ್ಮ ಆಹಾರದಲ್ಲಿ ಆರೋಗ್ಯಕರ ರೀತಿಯಲ್ಲಿ ಸೇರಿಸುವ ಮೂಲಕ, ಫರ್ಟಿಲಿಟಿಯನ್ನು ಸುಧಾರಿಸಬಹುದು. ಇದರಿಂದ ಗರ್ಭಧಾರಣೆಯೂ ಸುಲಭವಾಗುತ್ತೆ. ಇದನ್ನು ಮಹಿಳೆಯರು ಮಾತ್ರವಲ್ಲದೆ ಪುರುಷರು ಸಹ ಸೇವಿಸಬಹುದು.
ಲವಂಗ (Clove)
ಲವಂಗವು ಆಯುರ್ವೇದಲ್ಲಿ ಫರ್ಟಿಲಿಟಿ ಹೆಚ್ಚಿಸಲು ಬಳಸುವ ಒಂದು ಔಷಧಿಯಾಗಿದೆ. ಆಯುರ್ವೇದದಲ್ಲಿ ಫಲವತ್ತತೆ ಸಮಸ್ಯೆಗಳಿಗೆ ಚಿಕಿತ್ಸೆ ನೀಡಲು ಲವಂಗವನ್ನು ಬಹಳ ಪರಿಣಾಮಕಾರಿ ಸೂಪರ್ಫುಡ್ ಎನ್ನಲಾಗುತ್ತೆ. ಈ ಮಸಾಲೆಯ ಹೆಚ್ಚಿನ ಪ್ರಯೋಜನ ಪಡೆಯಲು ಆಹಾರದಲ್ಲಿ ಇದನ್ನು ಸೇವಿಸಬಹುದು. ನೀವು ಗರ್ಭಧರಿಸುವ ಬಗ್ಗೆ ಯೋಚಿಸುತ್ತಿದ್ದರೆ, ಖಂಡಿತವಾಗಿಯೂ ಅದನ್ನು ನಿಮ್ಮ ಮತ್ತು ನಿಮ್ಮ ಸಂಗಾತಿಯ ಆಹಾರದ ಭಾಗವಾಗಿ ಸೇರಿಸಿ.
ಕಪ್ಪು ಒಣದ್ರಾಕ್ಷಿ (Raisin)
ತ್ರಿದೋಷ ಸಮತೋಲನಕ್ಕೆ ಕಪ್ಪು ಒಣದ್ರಾಕ್ಷಿ ಅತ್ಯುತ್ತಮ ಎನ್ನಲಾಗುತ್ತೆ. ಇದು ಅನೇಕ ಪ್ರಮುಖ ಪೋಷಕಾಂಶಗಳ ಗುಣಮಟ್ಟವನ್ನು ಹೊಂದಿರುತ್ತದೆ. ಇದು ಆರೋಗ್ಯಕರ ದೇಹವನ್ನು ನಿರ್ಮಿಸುತ್ತದೆ, ಜೊತೆಗೆ ಲೈಂಗಿಕ ಶಕ್ತಿಯನ್ನು (Sexual Power) ಹೆಚ್ಚಿಸುತ್ತದೆ. ಇದು ಮಾತ್ರವಲ್ಲ, ಇದರ ಪರಿಣಾಮವು ಪುರುಷ ಮತ್ತು ಸ್ತ್ರೀ ಫಲವತ್ತತೆಯ ಮೇಲೂ ಕಂಡುಬರುತ್ತದೆ, ಆದ್ದರಿಂದ ಬಂಜೆತನದ ಸಮಸ್ಯೆಯಿಂದ ತೊಂದರೆಗೀಡಾದ ದಂಪತಿಗಳು ತಮ್ಮ ಆಹಾರದಲ್ಲಿ ಕಪ್ಪು ಒಣದ್ರಾಕ್ಷಿಯನ್ನು ಸೇರಿಸಬೇಕು. ನೀವು ಅವುಗಳನ್ನು ರಾತ್ರಿ ನೆನೆಸಿ, ಮುಂಜಾನೆ ಎದ್ದು ನೀರಿನ ಜೊತೆ ಸಹ ಸೇವಿಸಬಹುದು.
ಜಾಯಿಕಾಯಿ (Nutmeg)
ಜಾಯಿಕಾಯಿಯನ್ನು ಆಹಾರಗಳಲ್ಲಿ ಮಸಾಲೆಯಾಗಿ ಬಳಸಲಾಗುತ್ತದೆ. ಇದು ಆಹಾರಕ್ಕೆ ಪರಿಮಳ ನೀಡುತ್ತೆ ಅನ್ನೋದು ನಿಮಗೆ ಗೊತ್ತು, ಅದರ ಜೊತೆಗೆ ಇದನ್ನು ಆರೋಗ್ಯಕರ ಫರ್ಟಿಲಿಟಿಗಾಗಿ ಪುರುಷರು ಮತ್ತು ಮಹಿಳೆಯರು ಇದನ್ನು ಬಳಸಬಹುದು. ಇದು ವೀರ್ಯದ ಗುಣಮಟ್ಟ ಮತ್ತು ಪ್ರಮಾಣ ಎರಡನ್ನೂ ಸುಧಾರಿಸುತ್ತದೆ ಮತ್ತು ಮಹಿಳೆಯರಲ್ಲಿ ಒಟ್ಟಾರೆ ಫಲವತ್ತತೆ ಆರೋಗ್ಯವನ್ನು ಉತ್ತೇಜಿಸುತ್ತದೆ.
ಗುಲಾಬಿ (Rose)
ಗುಲಾಬಿ ವಿಶೇಷ ಗಿಡಮೂಲಿಕೆಗಳಲ್ಲೊಂದು. ಆಯುರ್ವೇದದಲ್ಲಿ ಇದನ್ನು ವಿವಿಧ ಆರೋಗ್ಯ ಸಮಸ್ಯೆಗಳಿಗೆ ಚಿಕಿತ್ಸೆ ನೀಡಲು ಬಳಸಲಾಗುತ್ತದೆ. ಇದು ಪುರುಷರು ಮತ್ತು ಮಹಿಳೆಯರ ಫರ್ಟಿಲಿಟಿಯನ್ನು ಸುಧಾರಿಸುತ್ತದೆ. ಅಲ್ಲದೇ ದೇಹದಲ್ಲಿ ಲವ್ ಹಾರ್ಮೋನ್ ಆಕ್ಸಿಟೋಸಿನ್ ಬಿಡುಗಡೆಯನ್ನು ಹೆಚ್ಚಿಸುತ್ತದೆ. ಇದು ಒತ್ತಡವನ್ನು ನಿವಾರಿಸುತ್ತದೆ, ಮನಸ್ಸಿನ ಶಾಂತಿಯನ್ನು ನೀಡುತ್ತದೆ. . ನೀವು ಗುಲಾಬಿ ದಳಗಳನ್ನು ಒಣಗಿಸಿ ಪುಡಿ ಮಾಡಿ ಆಹಾರದಲ್ಲಿ ಸೇರಿಸಬಹುದು, ತಾಜಾ ಗುಲಾಬಿ ದಳದ ಚಹಾ ಅಥವಾ ಅವುಗಳ ರಸವೂ ತುಂಬಾ ಪರಿಣಾಮಕಾರಿಯಾಗಿರುತ್ತದೆ.
ದಾಳಿಂಬೆ (Pomegranate)
ಸಿಹಿ ದಾಳಿಂಬೆ ಸುಕ್ರಲಾ ಎಂದರೆ ವೀರ್ಯಾಣುಗಳ ಗುಣಮಟ್ಟವನ್ನು ಹೆಚ್ಚಿಸುತ್ತದೆ ಮತ್ತು ಮಹಿಳೆಯರಿಗೆ ಇದು ಆರೋಗ್ಯಕರ ಹಾರ್ಮೋನುಗಳ ಚಕ್ರವನ್ನು ಉತ್ತೇಜಿಸುತ್ತದೆ. ಮಹಿಳೆಯರಲ್ಲಿ ಹಾರ್ಮೋನುಗಳು ಸಮತೋಲನಗೊಂಡರೆ, ಅವರ ಫಲವತ್ತತೆಯನ್ನು ಕಾಪಾಡಿಕೊಳ್ಳುವುದು ಸುಲಭವಾಗುತ್ತದೆ. ಅದೇ ಸಮಯದಲ್ಲಿ, ಗರ್ಭಧಾರಣೆಯ ಸಮಯದಲ್ಲಿ ಪುರುಷರಲ್ಲಿ ವೀರ್ಯಾಣುಗಳ ಗುಣಮಟ್ಟವು ಬಹಳ ಮುಖ್ಯ. ಅದಕ್ಕಾಗಿ ನಿಯಮಿತವಾಗಿ ದಾಳಿಂಬೆ ಸೇವಿಸಿ.
ಕಬ್ಬಿನ ರಸ (Sugarcane)
ಕಬ್ಬನ್ನು ಆಯುರ್ವೇದದಲ್ಲಿ ಇಕ್ಷು ಎಂದು ಕರೆಯಲಾಗುತ್ತೆ, ಇದು ಕಾಮೋತ್ತೇಜಕ, ದೈಹಿಕ ಶಕ್ತಿ (Physical Power) ಮತ್ತು ವೀರ್ಯದ ಗುಣಮಟ್ಟವನ್ನು (Quality of Sperms) ಸುಧಾರಿಸುವ ಗುಣಗಳನ್ನು ಹೊಂದಿದೆ. ಆಯುರ್ವೇದದಲ್ಲಿ, ಫಲವತ್ತತೆಗೆ ಸಂಬಂಧಿಸಿದ ಸಮಸ್ಯೆಗಳಿಗೆ ಚಿಕಿತ್ಸೆ ನೀಡಲು ಇದನ್ನು ಬಳಸಲಾಗುತ್ತದೆ. ಅದೇ ಸಮಯದಲ್ಲಿ, ಇದು ಲೈಂಗಿಕ ಶಕ್ತಿಯನ್ನು ಹೆಚ್ಚಿಸುತ್ತದೆ, ಇದರಿಂದಾಗಿ ದಂಪತಿಗಳು ಆರೋಗ್ಯಕರ ಸೆಕ್ಸ್ ಲೈಫ್ ಎಂಜಾಯ್ ಮಾಡಲು ಸಹಾಯಕವಾಗಿದೆ.