ಸಂಗೀತ (Music) ಕೇಳಲು ಯಾರು ಇಷ್ಟಪಡುವುದಿಲ್ಲ? ಪ್ರತಿಯೊಬ್ಬರೂ ತಮ್ಮ ಮನಸ್ಥಿತಿಯನ್ನು ತಾಜಾಗೊಳಿಸಲು ಹಾಡುಗಳನ್ನು ಕೇಳುತ್ತಾರೆ. ಎಷ್ಟೋ ಜನ ಮಲಗುವಾಗಲೂ (Sleeping) ಹಾಡುಗಳನ್ನು ಕೇಳುತ್ತಾರೆ. ನೀವು ಇದನ್ನು ಮಾಡುತ್ತಿದ್ದರೆ, ಜಾಗರೂಕರಾಗಿರಿ ಏಕೆಂದರೆ ನಿದ್ರೆಗೆ ಹೋಗುವ ಮೊದಲು ಹಾಡುಗಳನ್ನು ಕೇಳುವ ಜನರು ನಿದ್ರೆಯಲ್ಲೂ ಹಾಡುತ್ತಲೇ ಇರುತ್ತಾರೆ ಎಂದು ಸಂಶೋಧನೆಯೊಂದು ಬಹಿರಂಗಪಡಿಸಿದೆ.
ವಾಸ್ತವವಾಗಿ, ನಮ್ಮ ಮೆದುಳಿನಲ್ಲಿ ಸಂಗೀತದ(Music) ಪ್ರಕ್ರಿಯೆಯು ಮಲಗುವಾಗ ನಿಂತಾಗಲೂ ಮುಂದುವರಿಯುತ್ತದೆ. ವರದಿಯ ಪ್ರಕಾರ, ಸಂಶೋಧನೆಯ ಫಲಿತಾಂಶಗಳನ್ನು 'ಸೈಕಲಾಜಿಕಲ್ ಸೈನ್ಸ್' ಜರ್ನಲ್ ನಲ್ಲಿ ಪ್ರಕಟಿಸಲಾಗಿದೆ. ಈ ಫಲಿತಾಂಶ ಏನು ಹೇಳುತ್ತೆ ಅನ್ನೋದನ್ನು ನೋಡೋಣ.
ಸಂಶೋಧನೆಯನ್ನು ಏಕೆ ಮಾಡಲಾಯಿತು?
ವಾಸ್ತವವಾಗಿ, ನಿದ್ರೆಯ ಬಗ್ಗೆ ಸಂಶೋಧನೆ ನಡೆಸಿದ ಅಮೆರಿಕದ ಬೈಲರ್ ವಿಶ್ವವಿದ್ಯಾಲಯದ ಮನಃಶಾಸ್ತ್ರ ಮತ್ತು ನರವಿಜ್ಞಾನದ ಸಹ ಪ್ರಾಧ್ಯಾಪಕ ಮೈಕೆಲ್ ಶ್ಲಿನ್ ಈ ಸಂಶೋಧನೆಯನ್ನು ಮಾಡಿದರು. ಸಂಗೀತವು ನಿದ್ರೆಯ(Sleep) ಮೇಲೆ ಯಾವ ರೀತಿಯ ಪರಿಣಾಮ ಬೀರಬಹುದು ಎಂಬುದನ್ನು ಕಂಡುಹಿಡಿಯಲು ಅವರು ಸಂಶೋಧನೆ ಮಾಡಿದರು.
ಒಂದು ರಾತ್ರಿ ತನ್ನ ನಿದ್ರೆ ಇದ್ದಕ್ಕಿದ್ದಂತೆ ರಾತ್ರಿಯಲ್ಲಿ ಮುರಿದು ಎಚ್ಚರವಾಗಿದ್ದೆ, ಅಷ್ಟೇ ಅಲ್ಲ ಅವರು ನಿದ್ರೆಗೆ ಹೋಗುವ ಮೊದಲು ಕೇಳಿದ್ದ ಅದೇ ಸಂಗೀತದ ರಾಗವು ಅವರ ಮೆದುಳಿನಲ್ಲಿ ನುಡಿಸುತ್ತಿದೆ ಎಂದು ಅವರು ಹೇಳಿದರು. ನಂತರವೇ ಅವರು ಈ ವಿಷಯವನ್ನು ಸಂಶೋಧನೆ ಮಾಡಲು ನಿರ್ಧರಿಸಿದರು.
ನಿದ್ರೆ ಕೆಟ್ಟಿರಬಹುದು.
ಸಂಗೀತವನ್ನು ಕೇಳುವುದು ಒಳ್ಳೆಯದು ಎಂದು ಎಲ್ಲರಿಗೂ ತಿಳಿದಿದೆ ಎಂದು ಪ್ರೊಫೆಸರ್ ಶ್ಲಿನ್ ವಿವರಿಸಿದರು. ವಿಶೇಷವಾಗಿ ಯುವಕರು ನಿಯಮಿತವಾಗಿ ಮಲಗುವಾಗ ಸಂಗೀತವನ್ನು ಕೇಳುತ್ತಾರೆ, ಆದರೆ ಅನೇಕ ಬಾರಿ ನಿದ್ರೆ ಮಾಡಲು ಪ್ರಯತ್ನಿಸುವಾಗ, ಸಂಗೀತವು ಮೆದುಳಿನಲ್ಲಿ ನುಡಿಸುತ್ತದೆ ಎಂದು ಅವರು ಹೇಳಿದರು. ಇದರಿಂದ ನಿದ್ರೆ ಕ್ಷೀಣಿಸುವ ಸಾಧ್ಯತೆ ಇದೆ.
ಸಂಗೀತವನ್ನು ಕೇಳಲು ಸಮಯವನ್ನು ಹೊಂದಿಸುವುದು ಸಹ ಮುಖ್ಯ.
ಮಲಗುವಾಗ, ನಮ್ಮ ಮೆದುಳಿನಲ್ಲಿ ಸಂಗೀತದ ಪ್ರಕ್ರಿಯೆಯು ನಿದ್ರೆ ಮಾಡುವಾಗಲೂ ಮುಂದುವರಿಯುತ್ತದೆ ಎಂದು ಶಾಲಿನ್ ವಿವರಿಸಿದರು. ಅವರು ಪ್ರಾಯೋಗಿಕ ಆಧಾರದ ಮೇಲೆ ಈ ತೀರ್ಮಾನಕ್ಕೆ ಬಂದರು. ಅಧ್ಯಯನದಲ್ಲಿ 50 ಜನರು ಭಾಗಿಯಾಗಿದ್ದಾರೆ ಎಂದು ಅವರು ಹೇಳಿದರು. ಈ ಸಮಯದಲ್ಲಿ, ಅವರು ನಿದ್ರೆಗೆ ಹೋಗುವ ಮೊದಲು ವಿವಿಧ ಸಂಗೀತವನ್ನು ಆಲಿಸಿದರು(Listening music) ಮತ್ತು ನಿದ್ರೆಯ ಮೇಲೆ ಅದರ ಪರಿಣಾಮಗಳ ಬಗ್ಗೆ ಕಂಡುಕೊಂಡರು.
ಈ ಸಮಯದಲ್ಲಿ ಹೆಚ್ಚು ಸಂಗೀತವನ್ನು ಕೇಳುವ ಜನರು, ಅವರ ನಿದ್ರೆ ಅರ್ಧದಲ್ಲಿ ಕಟ್ ಆಗಬಹುದು ಎಂಬುದು ಬೆಳಕಿಗೆ ಬಂದಿದೆ ಎಂದು ಅವರು ಹೇಳಿದರು. ಸಂಗೀತ ಕೇಳುವ ಸಮಯವೂ ಮುಖ್ಯ, ಆದರೆ ಮಲಗುವ ಮುನ್ನ ಸಂಗೀತ ಕೇಳಬೇಡಿ ಎಂದು ಸಂಶೋಧಕರು ತಿಳಿಸಿದ್ದಾರೆ.
ಪ್ರತಿರಾತ್ರಿ ಸುರಕ್ಷಿತ ಮತ್ತು ಉತ್ತಮ ನಿದ್ರೆಯನ್ನು ಪಡೆಯುವುದು ತುಂಬಾನೇ ಮುಖ್ಯವಾಗಿದೆ. ಸಂಗೀತವು ನಿಮಗೆ ನಿದ್ರೆ ಮಾಡಲು ಸಹಾಯ ಮಾಡುತ್ತದೆ ಎಂದಾದರೆ, ಈ ಅಭ್ಯಾಸವನ್ನು ಸಂಪೂರ್ಣವಾಗಿ ಬಿಡಬೇಕಾಗಿಲ್ಲ ಆದರೆ ನಿಮ್ಮ ಆರೋಗ್ಯಕ್ಕೆ(Health) ಧಕ್ಕೆಯಾಗದ ಹಾಗೆ ಸ್ಮಾರ್ಟ್ ಆಯ್ಕೆಗಳನ್ನು ಮಾಡಬೇಕು.
ಅಲ್ಲದೆ, ಸಂಗೀತವು ನಿಮ್ಮ ಮೂಡ್ ನ್ನು ಶಾಂತವಾಗಿಸಿ, ನಿಮ್ಮನ್ನು ನಿದ್ರೆಗೆ ಜಾರುವಂತೆ ಮಾಡುತ್ತದೆ ಎಂಬುದನ್ನು ನೆನಪಿಟ್ಟುಕೊಳ್ಳುವುದು ಮುಖ್ಯ ಆದರೆ ಅದು ನಿಜವಾಗಿಯೂ ನಿದ್ರೆಯ ಆಳವಾದ ಮಟ್ಟವನ್ನು ತಲುಪಲು ನಿಮಗೆ ಸಹಾಯ ಮಾಡುವುದಿಲ್ಲ. ಆದುದರಿಂದ ಈ ಅಭ್ಯಾಸವನ್ನು ದೂರ ಮಾಡೋದು ಉಚಿತ.
ಇನ್ನು ನಿದ್ರೆ ಮಾಡಲು ಮ್ಯೂಸಿಕ್ ಗೆ ಶರಣಾಗುವ ಬದಲಾಗಿ, ಆರೋಗ್ಯಕರ ಅಭ್ಯಾಸಗಳು ಮತ್ತು ಜೀವನಶೈಲಿಯನ್ನು(Lifestyle) ಬೆಳೆಸಿಕೊಳ್ಳಿ, ಇದು ನಿಮ್ಮನ್ನು ಸ್ವಯಂಚಾಲಿತವಾಗಿ ಉತ್ತಮ ನಿದ್ರೆಗೆ ಜಾರಲು ಸಹಾಯ ಮಾಡುತ್ತದೆ. ಆರೋಗ್ಯವು ಉತ್ತಮವಾಗಿರುತ್ತದೆ.