ಪಿರಿಯಡ್ಸ್ ಟೈಮಲ್ಲಿ ಉಂಟಾಗೋ ಈ ಬದಲಾವಣೆಗಳನ್ನು ಇಗ್ನೋರ್ ಮಾಡ್ಲೇ ಬೇಡಿ…

ನಿಮ್ಮ ಋತುಚಕ್ರದಲ್ಲಿ ಉಂಟಾಗುವ ಕೆಲವೊಂದು ಬದಲಾವಣೆಗಳು ಗರ್ಭಕಂಠದ ಕ್ಯಾನ್ಸರ್, ಬಂಜೆತನ, ಎಂಡೊಮೆಟ್ರಿಯೋಸಿಸ್, ಸೋಂಕುಗಳಂತಹ ಸಮಸ್ಯೆಗಳಿಗೆ ಸಂಬಂಧಿಸಿದೆ. ಇಂತಹ ಲಕ್ಷಣಗಳನ್ನು ಯಾವತ್ತೂ ಇಗ್ನೋರ್ ಮಾಡಲೇಬೇಡಿ, ಕೂಡಲೇ ವೈದ್ಯರಲ್ಲಿ ಪರೀಕ್ಷಿಸಿ.   

ಋತುಚಕ್ರವು (periods) ಪ್ರತಿ ತಿಂಗಳು ಬರುತ್ತದೆ, ಆದರೆ ನಿಮ್ಮ ಋತುಚಕ್ರದ ಸಮಯ, ರಕ್ತಸ್ರಾವ ಮತ್ತು ನೋವಿನ ಪ್ರಮಾಣವು ಪ್ರತಿ ತಿಂಗಳು ಸಾಮಾನ್ಯವಾಗಿರಬೇಕು ಅಂತೇನಿಲ್ಲ.ಪಿರಿಯಡ್ಸ್ ನಲ್ಲಿ ಏರಿಳಿತ ಸಾಮಾನ್ಯ. ಅದೇ ಸಮಯದಲ್ಲಿ, ಕೆಲವೊಮ್ಮೆ ಬದಲಾವಣೆಗಳು ಸಾಮಾನ್ಯ, ಕೆಲವೊಮ್ಮೆ ಅವು ಗಂಭೀರವಾಗಿರಬಹುದು. ಹೆಚ್ಚಾಗಿ ಮಹಿಳೆಯರು ಋತುಚಕ್ರದ ಬದಲಾವಣೆಗಳನ್ನು ನಿರ್ಲಕ್ಷಿಸುತ್ತಾರೆ, ಇದು ಮತ್ತಷ್ಟು ಗಂಭೀರ ಸಮಸ್ಯೆಗಳನ್ನು ಉಂಟುಮಾಡಬಹುದು. 

ನಿಮ್ಮ ಋತುಚಕ್ರದ ರೋಗಲಕ್ಷಣಗಳಲ್ಲಿನ ಬದಲಾವಣೆಗಳು ಗರ್ಭಕಂಠದ ಕ್ಯಾನ್ಸರ್, ಬಂಜೆತನ, ಎಂಡೊಮೆಟ್ರಿಯೋಸಿಸ್, ಸೋಂಕುಗಳಂತಹ ಸಮಸ್ಯೆಗಳಿಗೆ ಸಂಬಂಧಿಸಿದೆ. ಆದ್ದರಿಂದ, ಅವರನ್ನು ನಿರ್ಲಕ್ಷಿಸಬಾರದು. ಬನ್ನಿ ಹಾಗಿದ್ರೆ ಯಾವೆಲ್ಲ ಲಕ್ಷಣಗಳು ಕಂಡು ಬಂದ ತಕ್ಷಣ ವೈದ್ಯರನ್ನು ಭೇಟಿಯಾಗಿ ಚಿಕಿತ್ಸೆ ಮಾಡಿಕೊಳ್ಳಬೇಕು ತಿಳಿಯೋಣ. 

ಈ 6 ಚಿಹ್ನೆಗಳನ್ನು ನಿರ್ಲಕ್ಷಿಸಬೇಡಿ  
ಎರಡು ತಿಂಗಳು ಅಥವಾ ಅದಕ್ಕಿಂತ ಹೆಚ್ಚು ಸಮಯ ಪಿರಿಯಡ್ಸ್ ಆಗದೇ ಇರೋದು
ನೀವು ಸತತ 2 ತಿಂಗಳು ಋತುಚಕ್ರವನ್ನು (periods) ಹೊಂದಿಲ್ಲದಿದ್ದರೆ ಅಥವಾ ಋತುಚಕ್ರವನ್ನು ಮಿಸ್ ಮಾಡಿಕೊಂಡಿದ್ದರೆ, ವೈದ್ಯರನ್ನು ಭೇಟಿ ಮಾಡಬೇಕು ಮತ್ತು ಸಲಹೆ ಪಡೆಯಬೇಕು. ಋತುಚಕ್ರವು 1 ತಿಂಗಳವರೆಗೆ ಬರದಿದ್ದರೆ, ಅದು ಸಾಮಾನ್ಯವಾಗಿರಬಹುದು. ಆಹಾರದಲ್ಲಿನ ಬದಲಾವಣೆಗಳು, ಪರಿಸರದಲ್ಲಿನ ಬದಲಾವಣೆಗಳು ಮತ್ತು ಹಾರ್ಮೋನುಗಳ ಅಸಮತೋಲನದಿಂದಾಗಿ ಅನೇಕ ಬಾರಿ ಋತುಚಕ್ರ ತಡವಾಗಬಹುದು, ಆದರೆ ಒಂದು ತಿಂಗಳಿಗಿಂತ ಹೆಚ್ಚು ಕಾಯಬೇಡಿ. ಇದು ಗಂಭೀರ ಸಮಸ್ಯೆಯ ಸಂಕೇತ.

ಋತುಚಕ್ರದ ನಡುವೆ ನಿರಂತರ ಸ್ಪಾಟಿಂಗ್
ಋತುಚಕ್ರದ ನಡುವೆ, ಋತುಬಂಧದ ನಂತರ ಅಥವಾ ಲೈಂಗಿಕ ಕ್ರಿಯೆಯ ನಂತರ ರಕ್ತಸ್ರಾವ (bleeding) ಮತ್ತು ಸ್ಪಾಟಿಂಗ್ (spotting) ಸಂಭವಿಸುತ್ತಿದ್ದರೆ, ಅದನ್ನು ನಿರ್ಲಕ್ಷಿಸಬೇಡಿ. ಋತುಚಕ್ರದ ನಡುವೆ ರಕ್ತಸ್ರಾವವು ಅಪಾಯಯಾಗಬಹುದು. ಈ ಚಿಹ್ನೆಗಳು ಗರ್ಭಕಂಠದ ಕ್ಯಾನ್ಸರ್, ಫರ್ಟಿಲಿಟಿ ಸಮಸ್ಯೆಗಳು (fertility problem), ಸೋಂಕುಗಳು ಮುಂತಾದ ಅನೇಕ ಗಂಭೀರ ಸಮಸ್ಯೆಗಳನ್ನು ಸೂಚಿಸುತ್ತವೆ.

ತಿಂಗಳಿಗೆ ಎರಡು ಬಾರಿ ಋತುಚಕ್ರ
ನಿಮ್ಮ ಋತುಚಕ್ರವು ಸಾಮಾನ್ಯವಾಗಿ ಪ್ರತಿ 28 ದಿನಗಳಿಗೊಮ್ಮೆ ಸಂಭವಿಸುತ್ತದೆ, ಆದರೆ ಸಾಮಾನ್ಯ ಋತುಚಕ್ರವು ದಿನ 21 ರಿಂದ ದಿನ 35 ರವರೆಗೆ ಇರುತ್ತದೆ. ಇದಕ್ಕಿಂತ ಹೆಚ್ಚಾಗಿ ಋತುಚಕ್ರ ಉಂಟಾಗುವುದು ಸಾಮಾನ್ಯವಲ್ಲ. ಇದು ನಿಮಗೆ ಸಂಭವಿಸುತ್ತಿದ್ದರೆ, ಅದು ನಿಮ್ಮ ಫಲವತ್ತತೆಗೆ ಹೆಚ್ಚಿನ ಕಾಳಜಿಯ ವಿಷಯವಾಗಿದೆ. ನಿಮ್ಮ ಋತುಚಕ್ರವನ್ನು ಟ್ರ್ಯಾಕ್ ಮಾಡುವುದು ಬಹಳ ಮುಖ್ಯ.

ತೀವ್ರ ರಕ್ತಸ್ರಾವ
ನಿಮ್ಮ ಋತುಚಕ್ರದ ಹರಿವು (heavy bleeding) ಸಾಮಾನ್ಯಕ್ಕಿಂತ ಹೆಚ್ಚು ಅಥವಾ ಹಗುರವಾಗಿದ್ದರೆ, ಅದನ್ನು ಪರೀಕ್ಷಿಸಿ. ನೀವು ಹೆಚ್ಚು ರಕ್ತಸ್ರಾವ ಹರಿವನ್ನು ಹೊಂದಿದ್ದರೆ ಅಥವಾ ತುಂಬಾ ಲೈಟ್ ಆದ ಪಿರಿಯಡ್ಸ್ ಹೊಂದಿದ್ದರೆ ಅದು ಸಮಸ್ಯೆಯ ಸಂಕೇತವಾಗಿದೆ. ಈ ಲಕ್ಷಣಗಳು ಸೂಕ್ತವಲ್ಲ, ಅದರ ಬಗ್ಗೆ ಗಮನ ಹರಿಸಿ ಮತ್ತು ಸಮಯಕ್ಕೆ ಸರಿಯಾಗಿ ವೈದ್ಯರನ್ನು ಸಂಪರ್ಕಿಸಿ.

7 ದಿನಗಳಿಗಿಂತ ಹೆಚ್ಚು ದಿನ ರಕ್ತಸ್ರಾವ
ನಿಮ್ಮ ಋತುಚಕ್ರವು 7 ದಿನಗಳಿಗಿಂತ ಹೆಚ್ಚು ಕಾಲ ಇದ್ದರೆ, ಅದು ಅಪಾಯದ ಸಂಕೇತ. ಸಾಮಾನ್ಯ ಋತುಚಕ್ರವು 5-7 ದಿನಗಳ ನಡುವೆ ಇರುತ್ತದೆ. ಇದು ಸಾಮಾನ್ಯವಲ್ಲ, ಮತ್ತು ನಿಮ್ಮ ಸಂತಾನೋತ್ಪತ್ತಿ ಆರೋಗ್ಯಕ್ಕೆ ಚಿಕಿತ್ಸೆ ಅಗತ್ಯವಿದೆ ಅನ್ನೋದನ್ನು ಸೂಚಿಸುತ್ತದೆ. ಅದನ್ನು ಎಂದಿಗೂ ಲಘುವಾಗಿ ತೆಗೆದುಕೊಳ್ಳಬೇಡಿ. ಒಮ್ಮೆ ಇದು ಸಂಭವಿಸಿದರೆ, ಅದು ಹಾರ್ಮೋನುಗಳ ಬದಲಾವಣೆಗಳು (hormonal changes) ಇತ್ಯಾದಿಗಳಿಂದಾಗಿರಬಹುದು. ಆದರೆ ಇದು ನಿಮಗೆ ಮತ್ತೆ ಮತ್ತೆ ಆಗುತ್ತಿದ್ದರೆ, ಈ ಬಗ್ಗೆ ಗಮನ ಹರಿಸಬೇಕು.

ವಿಪರೀತ ನೋವು
ಮುಟ್ಟಿನ ಸಮಯದಲ್ಲಿ ಒಂದೇ ರೀತಿಯ ನೋವಿರುವುದು ಸಾಮಾನ್ಯ ಮತ್ತು ಇದು ಎಲ್ಲಾ ಮಹಿಳೆಯರಲ್ಲಿ ಸಂಭವಿಸುತ್ತದೆ. ಆದರೆ ನೀವು ತೀವ್ರವಾದ ನೋವನ್ನು ಹೊಂದಿದ್ದರೆ, ಅಥವಾ ಅದನ್ನು ಸಹಿಸಲು ಸಾಧ್ಯವಾಗದಿದ್ದರೆ, ಅದು ಸಮಸ್ಯೆಯ ಸಂಕೇತವಾಗಿರಬಹುದು. ವೈದ್ಯರ ಪ್ರಕಾರ, ಈ ಪರಿಸ್ಥಿತಿಯಲ್ಲಿ ನೀವು ಯಾವುದೇ ಔಷಧಿಗಳು ಮತ್ತು ಮನೆಮದ್ದುಗಳ (home remedies) ಮೇಲೆ ಅವಲಂಬಿತರಾಗಬಾರದು. ಇದಕ್ಕೆ ಚಿಕಿತ್ಸೆಯ ಅಗತ್ಯವಿದೆ. ಆದ್ದರಿಂದ ನಿಮ್ಮ ಹತ್ತಿರದ ಸ್ತ್ರೀರೋಗ ತಜ್ಞರನ್ನು ಭೇಟಿ ಮಾಡಿ.