ಶಿವನಿಂದ ಪ್ರೇರಿತವಾದ ಆಯುರ್ವೇದ ತತ್ವಗಳು… ಇವತ್ತಿನಿಂದಲೇ ಪಾಲಿಸಿ ಜೀವನ ಬದಲಾಗುತ್ತೆ

Ayurveda lessons: ನಿಮ್ಮ ಆಂತರಿಕ ಅಗ್ನಿಯ ಸಮತೋಲನಗೊಳಿಸುವುದರಿಂದ ಹಿಡಿದು ಸ್ಥಿರತೆಯನ್ನು ಗೌರವಿಸುವವರೆಗೆ, ಶಿವನಿಂದ ಪ್ರೇರಿತವಾದ ಈ ಶಾಶ್ವತ ಆಯುರ್ವೇದ ತತ್ವಗಳು ನಿಮಗೆ ಸ್ಪಷ್ಟತೆ, ಶಕ್ತಿ ಮತ್ತು ಶಾಂತ ಜೀವನದತ್ತ ಮಾರ್ಗದರ್ಶನ ನೀಡುತ್ತವೆ. 

ದೇಹವೆಂಬ ದೇಗುಲವನ್ನು ಗೌರವಿಸಿ

• ಶಿವನ ಶಿಸ್ತಿನ ಜೀವನಶೈಲಿಯು ಸ್ವ ಆರೈಕೆಗೆ ಮಹತ್ವ ನೀಡುತ್ತೆ. ಅಭ್ಯಂಗನ ಸ್ನಾನ ಮಾಡಿ. ಇದರಿಂದ ರಕ್ತಪರಿಚಲನೆ ಮತ್ತು ಚರ್ಮದ ಆರೋಗ್ಯ ಉತ್ತಮವಾಗುತ್ತದೆ.
• ಪ್ರತಿದಿನ ತಪ್ಪದೇ ವ್ಯಾಯಾಮ, ಯೋಗ ಅಥವಾ ಪ್ರಕೃತಿಯಲ್ಲಿ ವಾಕಿಂಗ್ ಮಾಡಿ.
• ನೀವು ನಿಮ್ಮ ದೇಹವನ್ನು ಗೌರವಿಸಿದಾಗ ದೀರ್ಘಾಯುಷ್ಯ ಮತ್ತು ಸ್ಥಿತಿಸ್ಥಾಪಕತ್ವ ನ್ಯಾಚುರಲ್ ಆಗಿ ನಿಮ್ಮನ್ನು ಹಿಂಬಾಲಿಸುತ್ತದೆ.

ನಿಮ್ಮ ಆಂತರಿಕ ಅಗ್ನಿಯನ್ನು ಸಮತೋಲನ ಮಾಡಿ

• ಶಿವನು ಶಕ್ತಿ ಮತ್ತು ಶಾಂತಿಯ ಪರ್ಫೆಕ್ಟ್ ಬ್ಯಾಲೆನ್ಸ್. ಅವನಂತೆ ಆಗಬೇಕು, ದೇಹವನ್ನು ಬ್ಯಾಲೆನ್ಸ್ ಮಾಡಬೇಕೆಂದರೆ ನಿಮ್ಮ ಜೀರ್ಣಕ್ರಿಯೆಯ ಅಗ್ನಿಯನ್ನು ಜಾಗೃತಗೊಳಿಸಬೇಕು, ಅದಕ್ಕಾಗಿ ಬಿಸಿಬಿಸಿಯಾದ ಊಟ, ಆರೋಗ್ಯಯುತ ಆಹಾರ ಸೇವಿಸಿ.
• ಯಾವತ್ತೂ ಆಹಾರವನ್ನು ಮತ್ತೆ ಮತ್ತೆ ಬಿಸಿ ಮಾಡುವುದು ಅಥವಾ ಆಹಾರವನ್ನೇ ಸ್ಕಿಪ್ ಮಾಡಿ ಆ ಸಮತೋಲನವನ್ನು ಕಳೆದುಕೊಳ್ಳಬೇಡಿ.
• ನಿಮ್ಮ ಆಂತರಿಕ ಅಗ್ನಿಯು ಶಕ್ತಿ, ರೋಗನಿರೋಧಕ ಶಕ್ತಿ ಮತ್ತು ಸ್ಪಷ್ಟ ಮನಸ್ಸಿನ ಭದ್ರ ಬುನಾದಿಯಾಗಿದೆ.

ಮನಃಪೂರ್ವಕ ನಿಶ್ಚಲತೆ ಅಭ್ಯಾಸ ಮಾಡಿ

• ಶಿವನು ಈ ಒತ್ತಡ, ಕಿರಿಕಿರಿಯ ಮಧ್ಯೆ ನಿಶ್ಚಲವಾಗಿರುವುದನ್ನು ಕಲಿಸುತ್ತಾನೆ.
• ಪ್ರತಿದಿನವು ದೀರ್ಘ ಉಸಿರಾಟ ಅಥವಾ ಧ್ಯಾನ ಮಾಡುವುದನ್ನು ರೂಢಿ ಮಾಡಿ.
• ನಿಮ್ಮ ಒತ್ತಡವನ್ನು ಕಡಿಮೆ ಮಾಡಿ, ವಾತವನ್ನು ಬ್ಯಾಲೆನ್ಸ್ ಮಾಡಿ ಹಾಗೂ ನಿದ್ರೆಯನ್ನು ಉತ್ತಮಗೊಳಿಸಿ.
• ನೀವು ಆಂತರಿಕವಾಗಿ ಶಾಂತವಾಗಿದ್ದರೆ, ಮಾನಸಿಕ ಸ್ಪಷ್ಟತೆ ಮತ್ತು ಸಂಪೂರ್ಣ ಆರೋಗ್ಯ ಉತ್ತಮವಾಗಿರುತ್ತದೆ.

ಪ್ರಕೃತಿಯೊಂದಿಗೆ ಬೆರೆಯಿರಿ

• ಶಿವನು ಪ್ರಾಕೃತಿಕ ಜಗತ್ತಿನೊಂದಿಗೆ ಅನ್ಯೋನ್ಯತೆಯಿಂದ ಜೀವಿಸಿದ್ದನು.
• ನೀವು ಪ್ರಕೃತಿಯೊಂದಿಗೆ ಬೆರೆಯಲು ಸೀಸನಲ್ ಆಹಾರಗಳನ್ನು ಹಾಗೂ ತಾಜಾ ಹಸಿರು ತರಕಾರಿಗಳನ್ನು ಆಹಾರದಲ್ಲಿ ಸೇವಿಸಿ.
• ನಿಮ್ಮ ಆಹಾರದಲ್ಲಿ ಅರಿಶಿನ, ಶುಂಠಿ, ಮತ್ತು ದಾಲ್ಚಿನಿ ಇರಲಿ. ಇವು ದೇಹದ ದೋಷಗಳನ್ನು ಸಮತೋಲನದಲ್ಲಿರಿಸುತ್ತವೆ. ಪ್ರಕೃತಿಗೆ ಅನುಗುಣವಾಗಿ ಆಹಾರವನ್ನು ಸೇವಿಸುವುದರಿಂದ ದೇಹ ಮನಸ್ಸು ಹಾಗೂ ಚೈತನ್ಯವ ಅದ್ಭುತವಾಗಿರುತ್ತದೆ.

ನಿಮ್ಮ ಜೀವನಶೈಲಿ ಸರಳವಾಗಿರಲಿ

• ಶಿವನು ಯಾವಾಗಲೂ ಮಿನಿಮಲಿಸಂ ಅಂದರೆ ಕನಿಷ್ಠತೆ ಹಾಗೂ ಗಮನದ ಕಡೆಗೆ ಹೆಚ್ಚು ಕೇಂದ್ರೀಕೃತವಾಗಿದ್ದರು.
• ಸಂಸ್ಕರಿಸಿದ ಆಹಾರಗಳಿಗೆ ತಡೆ ಹಾಕಬೇಕು.
• ಸಾಧ್ಯವಾದಷ್ಟು ವಿಶ್ರಾಂತಿ, ಹೈಡ್ರೇಶನ್ ಹಾಗೂ ನಿಮ್ಮ ದೋಷವನ್ನು ಸಮತೋಲನದಲ್ಲಿರಿಸುವ ರೂಟೀನ್ ಫಾಲೋ ಮಾಡಿ.
• ಸರಳತೆಯು ಒತ್ತಡವನ್ನು ನಿವಾರಿಸುತ್ತದೆ ಹಾಗೂ ನಿಮ್ಮ ದೇಹವು ತನ್ನಷ್ಟಕ್ಕೆ ಹೀಲ್ ಆಗುತ್ತದೆ.

ಚಕ್ರದೊಂದಿಗೆ ಸಮತೋಲನತೆ

• ಪ್ರಕೃತಿಯ ಚಕ್ರದ ಜೊತೆ ಶಿವನ ರಿಧಂ ಸೇರಿಕೊಳ್ಳುತ್ತದೆ.
• ನೀವು ಸೂರ್ಯನ ಜೊತೆ ಅಥವಾ ಸೂರ್ಯನಿಗೂ ಮುನ್ನ ಎದ್ದೇಳಿ. ಸಾಧ್ಯವಾದಷ್ಟು ಬೇಗ ನಿದ್ರೆ ಮಾಡಿ. ಸರಿಯಾದ ಸಮಯಕ್ಕೆ ಆಹಾರವನ್ನು ಸೇವಿಸಿ.
• ನೀವು ಪ್ರತಿಯೊಂದು ಕಾಲದ ಚಕ್ರಕ್ಕೆ ಸರಿಯಾಗಿ ಅಭ್ಯಾಸಗಳನ್ನು ರೂಡಿ ಮಾಡಿಕೊಂಡಿದ್ದರೆ ನಿಮ್ಮ ರೋಗನಿರೋಧಕ ಶಕ್ತಿ ಜೀರ್ಣಕ್ರಿಯೆ ಮತ್ತು ಶಕ್ತಿಯು ಮತ್ತಷ್ಟು ಪವರ್ಫುಲ್ ಆಗುವುದರಲ್ಲಿ ಸಂಶಯವಿಲ್ಲ.