ಈ ಟ್ರಿಕ್ಸ್ ಗೊತ್ತಿದ್ರೆ ಕಡಿಮೆ ಎಣ್ಣೆಯಲ್ಲೂ ರುಚಿಕರವಾದ ಅಡುಗೆ ಮಾಡ್ಬೋದು

ನಮ್ಮ ಅಡುಗೆ ವಿಧಾನದಲ್ಲಿ ಸಣ್ಣಪುಟ್ಟ ಬದಲಾವಣೆಗಳನ್ನು ಮಾಡಿಕೊಂಡರೆ ಯಾವುದೇ ಅಡುಗೆಯನ್ನಾದರೂ ಆರೋಗ್ಯಕರವಾಗಿ ಮತ್ತು ರುಚಿಕರವಾಗಿಯೂ ಮಾಡಬಹುದು. 

ಕಡಿಮೆ ಎಣ್ಣೆಯಲ್ಲಿ ರುಚಿಕರ ಅಡುಗೆ..

ಅಡುಗೆಗೆ ಎಣ್ಣೆ ತುಂಬಾ ಮುಖ್ಯ. ಆದರೆ, ಜಾಸ್ತಿ ಎಣ್ಣೆ ಹಾಕಿ ಮಾಡಿದ ಅಡುಗೆ ತಿಂದ್ರೆ ತೂಕ ಹೆಚ್ಚುವುದಲ್ಲದೆ, ಹಾರ್ಟ್ ಪ್ರಾಬ್ಲಮ್ ಕೂಡ ಬರಬಹುದು. ಇದರ ಜೊತೆಗೆ ಬೇರೆ ಆರೋಗ್ಯ ಸಮಸ್ಯೆಗಳೂ ಬರುತ್ತವೆ. ಹಾಗಾಗಿ ಅಡುಗೆ ಎಣ್ಣೆ ಬಳಕೆಯಲ್ಲಿ ಜಾಗ್ರತೆ ಇರಬೇಕು ಅಂತಾರೆ ವೈದ್ಯರು. ಕಡಿಮೆ ಎಣ್ಣೆ ಬಳಸಿ ಅಡುಗೆ ಮಾಡಿ ಅಂತಾರೆ. ಆದರೆ, ಎಣ್ಣೆ ಕಡಿಮೆ ಆದ್ರೆ ರುಚಿ ಎಲ್ಲಿಂದ ಬರುತ್ತೆ? ರುಚಿ ಇಲ್ಲದಿದ್ದರೆ ಹೇಗೆ ತಿನ್ನೋದು ಅಂತ ಕೆಲವರು ಅಂದುಕೊಳ್ಳುತ್ತಾರೆ. ಆದರೆ, ಕಡಿಮೆ ಎಣ್ಣೆಯಲ್ಲೂ ರುಚಿಯಾದ ಅಡುಗೆ ಮಾಡಬಹುದು. ಹೇಗೆ ಅಂತ ನೋಡೋಣ...

ಡೀಪ್ ಫ್ರೈ ಬೇಡ..

ರುಚಿ, ಆರೋಗ್ಯದ ವಿಷಯ ಬಂದಾಗ ಹೆಚ್ಚಿನವರು ರುಚಿಗೆ ಪ್ರಾಮುಖ್ಯತೆ ಕೊಡ್ತಾರೆ. ಒಂದೇ ಒಂದು ಜೀವನ, ರುಚಿಯಾದ ಊಟ ಇಲ್ಲದಿದ್ದರೆ ಈ ಬದುಕೇಕೆ ಅಂತ ಅಂದುಕೊಳ್ಳುತ್ತಾರೆ. ಆದರೆ, ನಮ್ಮ ಅಡುಗೆ ವಿಧಾನದಲ್ಲಿ ಸಣ್ಣಪುಟ್ಟ ಬದಲಾವಣೆಗಳನ್ನು ಮಾಡಿಕೊಂಡರೆ ಯಾವುದೇ ಅಡುಗೆಯನ್ನಾದರೂ ಆರೋಗ್ಯಕರವಾಗಿ ಮತ್ತು ರುಚಿಕರವಾಗಿಯೂ ಮಾಡಬಹುದು.

ನೀವು ನಿಮ್ಮ ಆಹಾರದಲ್ಲಿ ಎಣ್ಣೆಯ ಪ್ರಮಾಣ ಕಡಿಮೆ ಮಾಡಬೇಕೆಂದರೆ, ನಿಮ್ಮ ಅಡುಗೆ ವಿಧಾನವನ್ನೂ ಬದಲಾಯಿಸಿಕೊಳ್ಳಿ. ಉದಾಹರಣೆಗೆ, ಡೀಪ್ ಫ್ರೈ ಮಾಡುವ ಬದಲು ಏರ್ ಫ್ರೈ ಮಾಡಿ. ಅದರ ಜೊತೆಗೆ, ಬೇಕಿಂಗ್, ಗ್ರಿಲ್ಲಿಂಗ್ ಅಥವಾ ಸ್ಟೀಮಿಂಗ್ ಮಾಡಿ. ಇದರಿಂದ ಆಹಾರದಲ್ಲಿ ಎಣ್ಣೆ ಕಡಿಮೆ ಆಗುತ್ತದೆ. ರುಚಿಯಲ್ಲೂ ರಾಜಿ ಮಾಡಿಕೊಳ್ಳಬೇಕಾಗಿಲ್ಲ.

ಎಣ್ಣೆ ಬದಲು ನೀರು ಅಥವಾ ಹಾಲಿನ ಉತ್ಪನ್ನಗಳನ್ನು ಬಳಸಿ

ಸಾಮಾನ್ಯವಾಗಿ ನಾವು ಆಹಾರವನ್ನು ಎಣ್ಣೆಯಲ್ಲಿ ಹುರಿಯುತ್ತೇವೆ, ಆದರೆ ನೀವು ಆರೋಗ್ಯಕರ ಆಯ್ಕೆಗಳನ್ನು ಹುಡುಕುತ್ತಿದ್ದರೆ, ಆಹಾರವನ್ನು ನೀರು, ತರಕಾರಿ ಸಾರು ಅಥವಾ ಹಾಲಿನ ಉತ್ಪನ್ನಗಳಲ್ಲಿ ಹುರಿಯಬೇಕು. ಈರುಳ್ಳಿ, ಟೊಮೆಟೊ, ಬೆಳ್ಳುಳ್ಳಿಯನ್ನು ಮೃದುವಾಗಿಸಲು, ಬೇಗ ಬೇಯಿಸಲು ನೀರು ಸಹಾಯ ಮಾಡುತ್ತದೆ. ಮತ್ತೊಂದೆಡೆ, ತರಕಾರಿ ಸಾರು ಆಹಾರವನ್ನು ಆರೋಗ್ಯಕರ ಮತ್ತು ರುಚಿಕರವಾಗಿಸುತ್ತದೆ. ನೀವು ದಕ್ಷಿಣ ಭಾರತದ ಅಡುಗೆ ಮಾಡುತ್ತಿದ್ದರೆ, ಎಣ್ಣೆ, ತುಪ್ಪದ ಬದಲು ತೆಂಗಿನ ಹಾಲನ್ನು ಬಳಸಿ.

ಆಯಿಲ್ ಸ್ಪ್ರೇ ಅಥವಾ ಬ್ರಷ್ ಬಳಸಿ

ನಿಮ್ಮ ಆಹಾರದಲ್ಲಿ ಎಣ್ಣೆಯನ್ನು ಕಡಿಮೆ ಮಾಡಲು ಇದು ತುಂಬಾ ಸುಲಭವಾದ ಮಾರ್ಗ. ಬಾಟಲಿಯಿಂದ ನೇರವಾಗಿ ಎಣ್ಣೆಯನ್ನು ಸೇರಿಸುವ ಬದಲು ಯಾವಾಗಲೂ ಆಯಿಲ್ ಸ್ಪ್ರೇ ಅಥವಾ ಬ್ರಷ್ ಬಳಸಿ. ಆಗ ಕಡಿಮೆ ಎಣ್ಣೆ ಬಳಕೆ ಆಗುತ್ತದೆ. ಯಾವುದೇ ಅಡುಗೆಗೆ ನಾಲ್ಕು ಚಮಚ ಎಣ್ಣೆ ಬೇಕು. ಅದರ ಬದಲು ಎರಡು ಚಮಚ ಎಣ್ಣೆ ಬಳಸಿ.