ಬಿಸಿ ನೀರಿಗೆ ಒಂದು ಟಾಬ್ಲೆಟ್​ ಹಾಕಿದ್ರೆ ಸಾಕು, ಎರಡೇ ನಿಮಿಷದಲ್ಲಿ ನೂಡಲ್ಸ್​ ರೆಡಿ- ಏನಿದು AI Tablet?

ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿರುವ ಮ್ಯಾಗಿ ಟ್ಯಾಬ್ಲೆಟ್ ವಿಡಿಯೋ ಎಲ್ಲರ ಗಮನ ಸೆಳೆದಿದೆ. ಬಿಸಿ ನೀರಿಗೆ ಹಾಕಿದ ತಕ್ಷಣ ನೂಡಲ್ಸ್ ಸಿದ್ಧವಾಗುವ ಈ ಟ್ಯಾಬ್ಲೆಟ್​ನ ಅಸಲಿಯತ್ತೇನು? ಇಲ್ಲಿದೆ ನೋಡಿ ಇಂಟರೆಸ್ಟಿಂಗ್​ ವಿಷ್ಯ

ಅಡುಗೆ ಬರುತ್ತಾ?

ಇಂದಿನ ಕೆಲವು ಹೆಣ್ಣುಮಕ್ಕಳಿಗೆ ಅಡುಗೆ ಮಾಡಲ ಬರುತ್ತಾ ಕೇಳಿದ್ರೆ ಹೌದು, ಮ್ಯಾಗಿ ನೂಡಲ್ಸ್​ ಮಾಡಲು ಬರುತ್ತೆ ಎಂದು ಹೇಳ್ತಾರೆ ಎನ್ನುವ ಮಾತು ಇದೆ. ಅದರಲ್ಲಿಯೂ ಕೋವಿಡ್​ ಸಮಯದಲ್ಲಿ ಇದರ ಮೀಮ್ಸ್​ ಸಾಕಷ್ಟು ಸದ್ದು ಮಾಡಿತ್ತು.

ಎರಡು ನಿಮಿಷ?

ಎರಡೇ ನಿಮಿಷಗಳಲ್ಲಿ ಮ್ಯಾಗಿ ನೂಡಲ್ಸ್​ ಮಾಡಿ ಎಂದು ಹೇಳಿದರೂ, ಅದು ಎರಡು ನಿಮಿಷದಲ್ಲಿ ಅಂತೂ ಆಗಲ್ಲ, ಹಾಗೆಂದು ಯಾವುದೇ ಟೆನ್ಷನ್​ ಇಲ್ದೇ ಒಂದು ಹತ್ತು ನಿಮಿಷಗಳಲ್ಲಂತೂ ರೆಡಿ ಆಗುವ ಕಾರಣದಿಂದಲೇ ಇದು ಹಲವರಿಗೆ ಅಚ್ಚುಮೆಚ್ಚು.

ಬ್ಯಾನೂ ಆಗಿತ್ತು

ಅದರಲ್ಲಿಯೂ ಅದಕ್ಕೆ ಹಾಕುವ ಟೇಸ್ಟಿ ಪೌಡರ್​ನಿಂದಾಗಿ ಕಳೆದ ವರ್ಷ ಮ್ಯಾಗಿ ನೂಡಲ್ಸ್​ ಬ್ಯಾನ್​ ಕೂಡ ಆಗಿತ್ತು. ಪೌಡರ್​ನಲ್ಲಿ ವಿಷಕಾರಿ ಟೇಸ್ಟಿಂಗ್​ ಇದೆ ಎನ್ನುವುದು ಸಾಬೀತಾಗಿತ್ತು. ಆ ಸಮಯದಲ್ಲಿ ಬೇರೆ ಕಂಪೆನಿಗಳ ನೂಡಲ್ಸ್​ಗಳು ಹುಟ್ಟಿಕೊಂಡವು.

ಬೇರೆ ಬೇರೆ ಕಂಪೆನಿ

ನೂಡಲ್ಸ್​ ಯಾವುದೇ ಆಗಿದ್ದರೂ ಅದು ಮ್ಯಾಗಿ ನೂಡಲ್ಸ್​ ಎಂದೇ ಫೇಮಸ್​ ಆಗಿಬಿಟ್ಟಿದೆ. ಮ್ಯಾಗಿ ಎನ್ನುವುದು ಕಂಪೆನಿಯ ಹೆಸರು ಎಂದು ತಿಳಿಯದವರು ಅದೆಷ್ಟೋ ಮಂದಿ ಇದ್ದಾರೆ ಅನ್ನಿ.

ಮ್ಯಾಗಿ ಟ್ಯಾಬ್ಲೆಟ್​

ಈಗ ವಿಷಯ ಅದಲ್ಲ. ಪ್ಯಾಕೇಟ್​ ಮ್ಯಾಗಿ ಬದಲು ಟ್ಯಾಬ್ಲೆಟ್​ ಮ್ಯಾಗಿಯ ವಿಡಿಯೋ ಒಂದು ಸಕತ್​ ವೈರಲ್​ ಆಗುತ್ತಿದೆ. ನೂಡಲ್ಸ್​ ಈ ಟ್ಯಾಬ್ಲೆಟ್​ ಒಳಗೆ ಇದೆ. ಅದನ್ನು ಬಿಸಿ ನೀರಿಗೆ ಹಾಕಿದ್ರೆ ಅಲ್ಲಿ ಎರಡೇ ನಿಮಿಷಗಳಲ್ಲಿ ಮ್ಯಾಗಿ ನೂಡಲ್ಸ್​ ರೆಡಿಯಾಗುತ್ತದೆ. ಟೇಸ್ಟಿಂಗ್​ ಪೌಡರ್​ ಕೂಡ ಅಲ್ಲಿಯೇ ಇರುವ ಕಾರಣ ಅದರ ಟೈಮ್​ ಕೂಡ ಉಳಿದಿದೆ!

ವೇಟ್​ ವೇಟ್​...

ವೇಟ್​ ವೇಟ್​ ಈ ಟ್ಯಾಬ್ಲೆಟ್​ ಎಲ್ಲಿ ಸಿಗುತ್ತೆ ಎಂದು ಗೂಗಲ್​ ಸರ್ಚ್​ ಮಾಡಲು ಹೋಗಬೇಡಿ. ಹೆಡ್ಡಿಂಗ್​ ಅನ್ನು ಒಮ್ಮೆ ಓದಿ. ಇದು ಅಸಲಿ ಮ್ಯಾಗಿ ಟ್ಯಾಬ್ಲೆಟ್​ ಅಲ್ಲ, ಬದಲಿಗೆ ಎಐ ಟ್ಯಾಬ್ಲೆಟ್​. ಇದರ ಅರ್ಥ ಕೃತಕ ಬುದ್ಧಿಮತ್ತೆ ಉಪಯೋಗಿಸಿ ಎಐ ಮೂಲಕ ಇಂಥದ್ದೊಂದು ಕಲ್ಪನೆಯನ್ನು ಹರಿಬಿಡಲಾಗಿದೆ.

ಇದೇನು ಅಂತ ನೋಡಿ!

ಇದರಿಂದ ಪ್ರೇರೇಪಿತರಾಗಿ ಇಂಥ ಟ್ಯಾಬ್ಲೆಟ್​ ಅಸಲಿಗೆ ಬಂದರೂ ಏನೂ ಅಚ್ಚರಿಯಿಲ್ಲ ಎನ್ನಿ. ಆದ್ರೆ ಸದ್ಯ ಅಂತೂ ಇದು ಅಸಲಿಯದ್ದಲ್ಲ, ಕೇವಲ Artificial Intellegenceದು ಅಷ್ಟೇ. ಆದರೆ ಇದು ನಿಜ ಎಂದು ನಂಬಿರುವವರು ವಿಡಿಯೋ ಹಾಕಿದ ಕೆಲವೇ ಗಂಟೆಗಳಲ್ಲಿ 40 ಮಿಲಿಯನ್​ ವ್ಯೂವ್ಸ್​ ಕಂಡಿದೆ! ಅಂದಹಾಗೆ ಆದಿತ್ಯ ಸೋನಿ ಎನ್ನುವವರು ಇದನ್ನು ಶೇರ್​ ಮಾಡಿದ್ದಾರೆ.