ಶಫಕ್ ಅಖ್ತರ್ ಪಾಕಿಸ್ತಾನದ ಲಾಹೋರ್ ಮೂಲದವರು. ಅಲ್ಲಿಯೇ ಅವರು ವೈದ್ಯಕೀಯ ಅಧ್ಯಯನವನ್ನು ಮಾಡಿದರು ಮತ್ತು ಯಶಸ್ವಿ ವೈದ್ಯರಾದರು. ಡಾಕ್ಟರ್ ಅಗಿರುವ ಇವರು ಮಾಡೆಲಿಂಗ್‌ನಲ್ಲಿ ಆಸಕ್ತಿ ಹೊಂದಿದ್ದು ಅದರಲ್ಲೇ ವೃತ್ತಿಜೀವನವನ್ನು ಮಾಡಲು ಯೋಚಿಸಿದ್ದರು.
ಮಾಡೆಲಿಂಗ್ ವೃತ್ತಿಜೀವನಕ್ಕೆ ಕಾಲಿಟ್ಟ ನಂತರ, ಅವರು ಅನೇಕ ಸೌಂದರ್ಯ ಸ್ಪರ್ಧೆಗಳಲ್ಲಿ ಭಾಗವಹಿಸಿದರು ಮತ್ತು ಅನೇಕ ಪ್ರಶಸ್ತಿಗಳನ್ನು ಗೆದ್ದರು. ಆದರೆ ಇತ್ತೀಚೆಗೆ ಅವರು ಕೆನಡಾದಲ್ಲಿ ನಡೆದ ವರ್ಚುವಲ್ ಸೌಂದರ್ಯ ಸ್ಪರ್ಧೆಯಲ್ಲಿ ಮಿಸ್ ಪಾಕಿಸ್ತಾನ್ ಯೂನಿವರ್ಸಲ್ 2022 ಪ್ರಶಸ್ತಿಯನ್ನು ಗೆದ್ದಿದ್ದಾರೆ.
ಇದರ ನಂತರ ಲಾಹೋರ್‌ನಲ್ಲಿ ನಡೆದ ದೊಡ್ಡ ಕಾರ್ಯಕ್ರಮದಲ್ಲಿ ಮಿಸ್ ಪಾಕಿಸ್ತಾನ್ ಯೂನಿವರ್ಸಲ್ ಡಾ ಶಫಾಕ್ ಅವರು ಮಾಜಿ ಮಿಸ್ ಪಾಕಿಸ್ತಾನ್ ಯೂನಿವರ್ಸ್ ಸಮನ್ ಶಾ ಅವರಿಂದ ಕಿರೀಟವನ್ನು ಪಡೆದರು. ತನ್ನ ಗೆಲುವಿನ ನಂತರ, ಭವಿಷ್ಯದಲ್ಲಿ ನಾನು ಅಂತರರಾಷ್ಟ್ರೀಯ ಸ್ಪರ್ಧೆಗಳಲ್ಲಿ ಭಾಗವಹಿಸುತ್ತೇನೆ ಮತ್ತು ಪಾಕಿಸ್ತಾನಕ್ಕೆ ಕೀರ್ತಿ ತರಲು ಪ್ರಯತ್ನಿಸುತ್ತೇನೆ' ಎಂದು ಹೇಳಿದರು.
ಇದಲ್ಲದೆ ಮಿಸ್ ಸನಾ ಹಯಾತ್ ಅವರು ಮಿಸ್ ಪಾಕಿಸ್ತಾನ್ ಗ್ಲೋಬಲ್ ಪ್ರಶಸ್ತಿಯನ್ನು ಗೆದ್ದಿದ್ದಾರೆ. ಅದರ ನಂತರ, ಶ್ರೀಮತಿ ನಾಡಾ ಖಾನ್ ಮಿಸೆಸ್ ಪಾಕಿಸ್ತಾನ್ ವರ್ಲ್ಡ್ ಆಗುವಲ್ಲಿ ಯಶಸ್ವಿಯಾದರು. ಅದೇ ಸಮಯದಲ್ಲಿ, ಶಾಯ್ರಾ ರಾಯ್‌ಗೆ ಮಿಸ್ ಟ್ರಾನ್ಸ್ ಬ್ಯೂಟಿ ಕ್ವೀನ್ ಪ್ರಶಸ್ತಿಯನ್ನು ನೀಡಲಾಯಿತು
ಆಸ್ಪತ್ರೆ ಕರ್ತವ್ಯ ಮತ್ತು ಮಾಡೆಲಿಂಗ್ ಇವೆಂಟ್‌ಗಳ ಜೊತೆಗೆ ಡಾ ಶಫಾಕ್ ಸಾಮಾಜಿಕ ಮಾಧ್ಯಮದಲ್ಲಿ ತುಂಬಾ ಸಕ್ರಿಯರಾಗಿದ್ದಾರೆ. ಅವರು ಇನ್ಸ್ಟಾಗ್ರಾಮ್‌ನಲ್ಲಿ 5 ಸಾವಿರಕ್ಕೂ ಹೆಚ್ಚು ಅನುಯಾಯಿಗಳನ್ನು ಹೊಂದಿದ್ದಾರೆ. ಡಾ. ಶಫಕ್ ಅಖ್ತರ್ ಬ್ಯೂಟಿ ವಿಥ್‌ ಬ್ರೈನ್‌ಗೆ ಪರ್ಫೇಕ್ಟ್‌ ಉದಾಹರಣೆ ಆಗಿದ್ದಾರೆ.