Amruthadhaare: ಭೂಮಿಕಾಗೆ ಮತ್ತೊಂದು ಮಗುವಾಗೋ ಟೈಮ್​ ಬಂದಾಯ್ತು? ಶ್ರೀರಸ್ತು ಶುಭಮಸ್ತು ರಿಪೀಟ್ಸ್

ಮಕ್ಕಳಿಲ್ಲದ ಮಹಿಮಾಗಾಗಿ ಭೂಮಿಕಾ ಮತ್ತೊಂದು ಮಗುವನ್ನು ಹೆರುತ್ತಾಳಾ ಎಂಬ ಪ್ರಶ್ನೆ ಅಮೃತಧಾರೆ ಸೀರಿಯಲ್​ನಲ್ಲಿ ಮೂಡಿದೆ. ಜ್ಯೋತಿಷಿಯ ಭವಿಷ್ಯದಂತೆ ಹೊಸ ಮಗು ಗೌತಮ್ ಪ್ರಾಣಕ್ಕೆ ಕಂಟಕ ತಂದರೆ, ಆ ಮಗು ಮುಂದೆ ವಿಲನ್ ಆಗುವ ಸಾಧ್ಯತೆಯ ಬಗ್ಗೆ ಕಥೆ ಕುತೂಹಲ ಕೆರಳಿಸಿದೆ.

ರೋಚಕ ಹಂತದಲ್ಲಿ ಅಮೃತಧಾರೆ

​ಅಮೃತಧಾರೆ ಸೀರಿಯಲ್​ (Amruthadhaare serial) ಇದೀಗ ರೋಚಕ ಹಂತ ತಲುಪಿದೆ. ಮಕ್ಕಳಾಗದ ಮಹಿಮಾ ದಂಪತಿಗೆ ಮಿಂಚುವನ್ನು ನೀಡುವಂತೆ ಭೂಮಿಕಾ ಅಮ್ಮ ಸಲಹೆ ಕೊಟ್ಟಾಗಿದೆ. ಆದರೆ, ಮಿಂಚು ತಮ್ಮ ಹೆತ್ತ ಪುತ್ರಿ ಎಂದು ಅರಿವೇ ಇರದಿದ್ದರೂ, ಆಕೆಯನ್ನು ಹೇಗೆ ಕೊಟ್ಟಾರು ಭೂಮಿಕಾ ಮತ್ತು ಗೌತಮ್​?

ಜ್ಯೋತಿಷಿ ಮಾತು

ಇದರ ನಡುವೆಯೇ, ಮಹಿಮಾಳನ್ನು ಸಮಾಧಾನ ಮಾಡಲು ಮಗು ಬೇಕೇ ಬೇಕು. ಅದೇ ಇನ್ನೊಂದೆಡೆ ಭೂಮಿಕಾಗೆ ಇನ್ನೊಂದು ಹೆಣ್ಣುಮಗು ಹುಟ್ಟತ್ತೆ, ಅದರಿಂದ ಗೌತಮ್​ ಪ್ರಾಣಕ್ಕೆ ಕಂಟಕ ಇದೆ ಎನ್ನುವ ಮಾತನ್ನು ಜ್ಯೋತಿಷಿಗಳು ಹೇಳಿದ್ದು, ಸೀರಿಯಲ್​ ಜ್ಯೋತಿಷಿಗಳ ಮಾತು ನಿಜವಾಗಲೇಬೇಕಿದೆ.

ಭೂಮಿಕಾಗೆ ಮಗು

ಇವನ್ನೆಲ್ಲಾ ನೋಡಿದ್ರೆ ಮಹಿಮಾಗೆ ಕೊಡುವ ಸಲುವಾಗಿ ಭೂಮಿಕಾ-ಗೌತಮ್​ ಮತ್ತೊಂದು ಮಗುವನ್ನು ಮಾಡಿಕೊಳ್ತಾರಾ ಎನ್ನುವ ಪ್ರಶ್ನೆ ಕಾಡುತ್ತಿದೆ.

ಶ್ರೀರಸ್ತು ಶುಭಮಸ್ತು ಸೀರಿಯಲ್​ ರಿಪೀಟ್​

ಹಾಗೆ ಆದಲ್ಲಿ ಶ್ರೀರಸ್ತು ಶುಭಮಸ್ತು ಸೀರಿಯಲ್​ ರಿಪೀಟ್​ ಆಗೋ ಸಾಧ್ಯತೆ ಇದೆ. ಏಕೆಂದರೆ, ಅಲ್ಲಿ ಕೂಡ ತುಳಸಿ ಮಗುವಾಗದ ತನ್ನ ಸೊಸೆ ಪೂರ್ಣಿಗಾಗಿ ಮಗುವನ್ನು ಹೆತ್ತು ಕೊಟ್ಟಿದ್ದಳು. ಅದೇ ರೀತಿ ಮಹಿಮಾಗಾಗಿ ಭೂಮಿಕಾ ಮಗು ಹೆರುತ್ತಾಳಾ ಎನ್ನುವುದು ಸದ್ಯಕ್ಕೆ ಇರುವ ಸಂದೇಹ.

ಅವಳೇ ವಿಲನ್​?

ಒಂದು ವೇಳೆ ಹೀಗಾದರೆ ಅದೇ ಮಗು, ತನ್ನನ್ನು ಬೇರೆಯವರಿಗೆ ಕೊಟ್ಟ ಕಾರಣ ಸಿಟ್ಟಾಗಿ ಅಪ್ಪ-ಅಮ್ಮನ ಮೇಲೆ ದ್ವೇಷ ಸಾಧಿಸ್ತಾಳಾ ಅಥವಾ ಆಕೆ ಜೈದೇವನ ಕೈಗೆ ಸಿಕ್ಕು ಆತ ಬ್ರೈನ್​ವಾಷ್​ ಮಾಡ್ತಾನಾ ನೋಡಬೇಕಿದೆ.