ಸಲ್ಮಾನ್‌ಖಾನ್‌ಗೆ ನಾಯಕಿಯಾಗಿದ್ದ ರಾಯಲ್‌ ಫ್ಯಾಮಿಲಿ ಕುಡಿ, ನಟನಿಗಿಂತ ಐದು ಪಟ್ಟು ಹೆಚ್ಚು ಸಂಭಾವನೆ ಪಡೆದುಕೊಂಡಿದ್ದರು. ಈ ನಟಿಯ ಫೇಮ್‌ನಿಂದ ಸಲ್ಮಾನ್ ಖಾನ್ ತಿಂಗಳಾನುಗಟ್ಟಲೆ ಕೆಲಸವಿಲ್ಲದೆ ಇರಬೇಕಾಯಿತು. ಯಾರು ಆ ನಟಿ?
ಬಾಲಿವುಡ್‌ನ ಖ್ಯಾತ ನಟರಲ್ಲೊಬ್ಬರು ಸಲ್ಮಾನ್ ಖಾನ್. 90ರ ದಶಕದಿಂದ ಆರಂಭಿಸಿ ಇಲ್ಲಿಯವರೆಗೆ ಹಲವಾರು ಸೂಪರ್‌ಹಿಟ್‌ ಸಿನಿಮಾಗಳನ್ನು ನೀಡಿದ್ದಾರೆ. ಹಲವಾರು ನಟಿಯರೊಂದಿಗೆ ನಟಿಸಿದ್ದಾರೆ. ಐಶ್ವರ್ಯಾ ರೈ, ಶಿಲ್ಪಾ ಶೆಟ್ಟಿ, ರಾಣಿ ಮುಖರ್ಜಿ, ಪ್ರೀತಿ ಝಿಂಟಾ ಮೊದಲಾದವರ ಜೊತೆ ಸ್ಕ್ರೀನ್ ಹಂಚಿಕೊಂಡಿದ್ದಾರೆ. ಆದರೆ ಹೆಸರಾಂತ ರಾಜಕುಮಾರಿಯೊಬ್ಬರು ಇವರ ಸಿನಿಮಾದಲ್ಲಿ ನಟಿಸಿದ್ದರು ಅನ್ನೋದು ನಿಮ್ಗೆ ಗೊತ್ತಿದ್ಯಾ?
ಹೌದು, ನಂಬೋಕೆ ಸ್ಪಲ್ಪ ಕಷ್ಟವೆನಿಸಿದರೂ ಇದು ನಿಜ. ಹೆಸರಾಂತ ರಾಜಮನೆತನದ ರಾಜಕುಮಾರಿಯೊಬ್ಬರು ಸಲ್ಮಾನ್ ಖಾನ್ ಜೊತೆ ಹೀರೋಯಿನ್ ಆಗಿ ನಟಿಸಿದ್ದರು. ಮಾತ್ರವಲ್ಲ ತಮ್ಮ ಚೊಚ್ಚಲ ಚಿತ್ರಕ್ಕಾಗಿ ನಟನಿಗಿಂತ 5 ಪಟ್ಟು ಹೆಚ್ಚು ಸಂಭಾವನೆ ಪಡೆದಿದ್ದರು. ತಿಂಗಳುಗಳ ಕಾಲ ಸಲ್ಮಾನ್ ಖಾನ್ ನಿರುದ್ಯೋಗಿಯಾಗಲು ಕಾರಣರಾದರು. ಆ ನಟಿ ಬೇರೆ ಯಾರೂ ಅಲ್ಲ ಭಾಗ್ಯಶ್ರೀ.
ಮಹಾರಾಷ್ಟ್ರದ ಸಾಂಗ್ಲಿಯ ರಾಜಮನೆತನದಿಂದ ಬಂದವರು ಭಾಗ್ಯಶ್ರೀ. ರಾಣಿ ರಾಜ್ಯಲಕ್ಷ್ಮಿ ಪಟವರ್ಧನ್ ಅವರ ಪುತ್ರಿ. ರಾಜ್ಯಲಕ್ಷ್ಮಿ, ಸಾಂಗ್ಲಿಯ ನಾಲ್ಕನೇ ಮತ್ತು ಕೊನೆಯ ರಾಜ ಮಹಾರಾಜ ವಿಜಯಸಿಂಗ್ರಾಜೆ ಪಟವರ್ಧನ್ ಅವರ ಪತ್ನಿ. ಭಾಗ್ಯಶ್ರೀ ಸಹೋದರಿಯರು ಪೂರ್ಣಿಮಾ ಮತ್ತು ಮಧುವಂತಿ.
ಈ ಹಿಂದೆ ಸಂದರ್ಶನವೊಂದರಲ್ಲಿ ಭಾಗ್ಯಶ್ರೀ, ತಮ್ಮ ಮೊದಲ ಸಾಕು ಪ್ರಾಣಿ ಆನೆ ಎಂಬುದಾಗಿ ಹೇಳಿಕೊಂಡಿದ್ದರು. ಬಾಂಬೆಯ ಜೀವನವು ವರ್ಷದಲ್ಲಿ ನಾವು ನಮ್ಮ ಊರಿಗೆ ನಿಯಮಿತವಾಗಿ ಹೋಗುತ್ತಿದ್ದಾಗಲೂ ಬಹಳ ಭಿನ್ನವಾಗಿತ್ತು. ಜನರು ನಮ್ಮನ್ನು ತುಂಬಾ ಗೌರವಯುತವಾಗಿ ನಡೆಸಿಕೊಳ್ಳುತ್ತಿದ್ದರು. ನಮ್ಮ ಉಡುಪು, ಆಭರಣವನ್ನು ಗಮನಿಸುತ್ತಿದ್ದರು. ಹೀಗಾಗಿ ನಾನು ಸೀರೆಯುಟ್ಟು ಮಾತ್ರ ಸಾಂಗ್ಲಿಗೆ ಹೋಗುತ್ತಿದ್ದೆ' ಎಂದು ಭಾಗ್ಯಶ್ರೀ ತಿಳಿಸಿದ್ದರು.
ಭಾಗ್ಯಶ್ರೀ ಅವರು 1989ರಲ್ಲಿ ಸಲ್ಮಾನ್ ಖಾನ್ ಅವರ ಮೈನೆ ಪ್ಯಾರ್ ಕಿಯಾ ಮೂಲಕ ಬಾಲಿವುಡ್‌ಗೆ ಪಾದಾರ್ಪಣೆ ಮಾಡಿದರು. ಸಲ್ಮಾನ್ ಖಾನ್‌ಗೆ ಈ ಚಿತ್ರಕ್ಕಾಗಿ 31000 ರೂಪಾಯಿಗಳನ್ನು ಪಾವತಿಸಲಾಯಿತು. ಆದರೆ ಭಾಗ್ಯಶ್ರೀ ಚಿತ್ರಕ್ಕೆ 1.5 ಲಕ್ಷ ರೂಪಾಯಿ ಸಂಭಾವನೆ ಪಡೆದುಕೊಂಡರು. ಇದು ನಟನಿಗಿಂತ 5 ಪಟ್ಟು ಹೆಚ್ಚಾಗಿದೆ.
IIFA ಪ್ರಶಸ್ತಿ ಸಮಾರಂಭದಲ್ಲಿ, ಒಮ್ಮೆ ಸಲ್ಮಾನ್ ಖಾನ್ ಅವರು ಯಾವುದೇ ಕೆಲಸವಿಲ್ಲದ ಸಮಯವನ್ನು ನೆನಪಿಸಿಕೊಂಡರು. ಮೈನೆ ಪ್ಯಾರ್ ಕಿಯಾ ನಂತರ, ಭಾಗ್ಯಶ್ರೀಗೆ ಚಿತ್ರದ ಎಲ್ಲಾ ಕ್ರೆಡಿಟ್ ಹೋಯಿತು. ಹೀಗಾಗಿ ಕೆಲ ತಿಂಗಳುಗಳ ಕಾಲ ನನಗೆ ಯಾವುದೇ ನಟನೆಯ ಆಫರ್ ಬಂದಿರಲ್ಲಿಲ್ಲ ಎಂದು ತಿಳಿಸಿದ್ದರು.
ರಾಜಮನೆತನಕ್ಕೆ ಸೇರಿದ ಭಾಗ್ಯಶ್ರೀ ತಾವು ಪ್ರೀತಿಸಿದವರನ್ನು ಮದುವೆಯಾಗಲು ತಮ್ಮ ಕುಟುಂಬವನ್ನು ತೊರೆದರು. ಮನೆಯವರ ಇಚ್ಛೆಗೆ ವಿರುದ್ಧವಾಗಿ ಹಿಮಾಲಯ ದಾಸಾನಿಯನ್ನು ಮದುವೆಯಾದರು. ಪ್ರೀತಿಗಾಗಿ ರಾಜಮನೆತನವನ್ನು ಬಿಟ್ಟು ಬಂದಿದ್ದಾಗಿ ನಾನ್ಯಾವತ್ತೂ ಬೇಸರ ಪಟ್ಟುಕೊಳ್ಳುವುದಿಲ್ಲ ಎಂದು ಭಾಗ್ಯಶ್ರೀ ಹೇಳಿದ್ದಾರೆ.
ಭಾಗ್ಯಶ್ರೀ ಅವರಿಗೆ ಈಗ ಇಬ್ಬರು ಮಕ್ಕಳಿದ್ದಾರೆ . ಮಗಳು ಅವಂತಿಕಾ ದಾಸಾನಿ ಮತ್ತು ಒಬ್ಬ ಮಗ ಅಭಿಮನ್ಯು ದಾಸಾನಿ. ನಟಿ 2000ರ ದಶಕದಲ್ಲಿ ಉದ್ಯಮಕ್ಕೆ ಮರಳಿದರು. ಮಾ ಸಂತೋಷಿ ಮಾ (2003), ಹಮ್ಕೋ ದೀವಾನಾ ಕರ್ ಗಯೆ (2006), ಮತ್ತು ರೆಡ್ ಅಲರ್ಟ್: ದಿ ವಾರ್ ವಿಥಿನ್ (2010) ನಂತಹ ಚಲನಚಿತ್ರಗಳಲ್ಲಿ ನಟಿಸಿದರು.
ನಟಿ ಮುಂದಿನ ಸಿನಿಮಾ 'ಸಜಿನಿ ಶಿಂಧೆ ಕಾ ವೈರಲ್ ವಿಡಿಯೋ'ದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಮಿಖಿಲ್ ಮುಸಲೆ ನಿರ್ದೇಶನದ ಚಿತ್ರದಲ್ಲಿ ರಾಧಿಕಾ ಮದನ್, ನಿಮ್ರತ್ ಕೌರ್, ಸುಮೀತ್ ವ್ಯಾಸ್, ಸುಬೋಧ್ ಭಾವೆ, ಸೋಹಂ ಮಜುಂದಾರ್, ಚಿನ್ಮಯ್ ಮಾಂಡೇಕರ್, ಶ್ರುತಿ ವ್ಯಾಸ್, ಅಶುತೋಷ್ ಗಾಯಕ್ವಾಡ್ ಮತ್ತು ರಶ್ಮಿ ಅಗ್ಡೇಕರ್ ನಟಿಸಿದ್ದಾರೆ. ಈ ಚಿತ್ರವು ಅಕ್ಟೋಬರ್ 27ರಂದು ಥಿಯೇಟರ್‌ಗಳಲ್ಲಿ ಬಿಡುಗಡೆಯಾಗಲಿದೆ.