"ಇತ್ತೀಚಿನ ದಿನಗಳಲ್ಲಿ ಎಲ್ಲರೂ ನೆಟ್ಫ್ಲಿಕ್ಸ್ ನೋಡುತ್ತಾರೆ, ಇಂತಹ ದೃಶ್ಯಗಳನ್ನು ಕದ್ದರೆ ಯಾರಿಗೂ ತಿಳಿಯುವುದಿಲ್ಲ ಅಂದುಕೊಂಡಿದ್ದೀರಾ?" ಎಂದು ನೋರಾ ಫತೇಹಿ ಅವರನ್ನೇ ನೆಟ್ಟಿಗರು ಟ್ಯಾಗ್ ಮಾಡಿ ಕೇಳುತ್ತಿದ್ದಾರೆ. ಫಿಲ್ಮಿ ಸೋನಿಯಾ ಎಂಬ ಕಂಟೆಂಟ್ ಕ್ರಿಯೇಟರ್ ಈ ಎರಡೂ ವಿಡಿಯೋಗಳ ಹೋಲಿಕೆಯ ರೀಲ್ಸ್ ಹಂಚಿಕೊಂಡಿದ್ದು, ಅದು ಈಗ ಸಖತ್ ವೈರಲ್ ಆಗಿದೆ.
ಜಿಬಾರೋ ವಿಶೇಷತೆ ಏನು?
ಆಸ್ಕರ್ ಪ್ರಶಸ್ತಿ ವಿಜೇತ ಅಲ್ಬರ್ಟೊ ಮಿಲ್ಗೊ ನಿರ್ದೇಶನದ 'ಜಿಬಾರೋ' ಎಪಿಸೋಡ್ ತನ್ನ ಅದ್ಭುತ ಅನಿಮೇಷನ್ ಮತ್ತು ಕಥೆ ಹೇಳುವ ಶೈಲಿಯಿಂದ ಜಗತ್ತಿನಾದ್ಯಂತ ಮೆಚ್ಚುಗೆ ಗಳಿಸಿತ್ತು. ಯಾವುದೇ ಸಂಭಾಷಣೆ ಇಲ್ಲದಿದ್ದರೂ ಕೇವಲ ದೃಶ್ಯಗಳ ಮೂಲಕವೇ ಪ್ರೇಕ್ಷಕರನ್ನು ಮಂತ್ರಮುಗ್ಧಗೊಳಿಸುವ ಕಲೆ ಈ ಎಪಿಸೋಡ್ನಲ್ಲಿತ್ತು. ಈಗ ಅಂತಹ ಒಂದು ಶ್ರೇಷ್ಠ ಕಲಾಕೃತಿಯನ್ನು ನೋರಾ ಮತ್ತು ಹನಿ ಸಿಂಗ್ ತಂಡ ನಕಲು ಮಾಡಿದೆ ಎಂಬುದು ಕಲಾಪ್ರೇಮಿಗಳ ಕೋಪಕ್ಕೆ ಕಾರಣವಾಗಿದೆ.