ಜವಾನ್‌: ತಾಯಿ ಪಾತ್ರ ಮಾಡಿದ ರಿಧಿ ಡೋಗ್ರಾಗೆ ಶಾರುಖ್‌ ಹೇಳಿದ ಗುಟ್ಟಿದು!

ಜವಾನ್‌ (Jawan) ಸಿನಿಮಾದಲ್ಲಿ ಶಾರುಖ್ ಖಾನ್ (Shah Rukh Khan)  ಅವರ 'ಅಮ್ಮ' ಪಾತ್ರವನ್ನು ನಿರ್ವಹಿಸಿದ ನಟಿ ರಿಧಿ ಡೋಗ್ರಾ  (Ridhi Dogra) ಇತ್ತೀಚಿನ ಸಂದರ್ಶನವೊಂದರಲ್ಲಿ ಶಾರುಖ್ ಖಾನ್ ಅವರ ಜೊತೆ ಕೆಲಸ ಮಾಡಿದ ಅನುಭವವನ್ನು ಹಂಚಿಕೊಂಡಿದ್ದಾರೆ ಮತ್ತು  ಸೂಪರ್‌ ಸ್ಟಾರ್‌ ಸ್ನೇಪರರಾಗಿರುತ್ತಾರೆ ಎಂದು ತಾನು ನಿರೀಕ್ಷಿಸಿರಲಿಲ್ಲ ಎಂದು ಹಂಚಿಕೊಂಡಿದ್ದಾರೆ.

ಜವಾನ್‌ ಸಿನಿಮಾದಲ್ಲಿ ಶಾರುಖ್ ಖಾನ್ ಅವರ 'ಅಮ್ಮ' ಪಾತ್ರವನ್ನು ನಿರ್ವಹಿಸಿದ ಯಾಗಿ ನಟಿ ರಿಧಿ ಡೋಗ್ರಾ ಅವರು  ಹಲವು ಬಾರಿ ಆತಂಕಗೊಂಡಿದ್ದರು. ಆದರೆ ಆಕೆಗೆ ಸೂಪರ್ ಸ್ಟಾರ್ ಭೇಟಿಯಾದಾಗ ಅಚ್ಚರಿ ಕಾದಿತ್ತು ಎಂದಿದ್ದಾರೆ.

ಆದರೆ ಚಿತ್ರದ ಸೆಟ್‌ನಲ್ಲಿ ಮೊದಲ ಬಾರಿಗೆ ಶಾರುಖ್ ಅವರನ್ನು ಭೇಟಿಯಾದ ನಂತರ ಅವರ ಅಭದ್ರತೆ ಮತ್ತು ಭಯ ದೂರವಾಯಿತು. ಕಿಂಗ್ ಖಾನ್ ಅವರ ಚಿನ್ನದ ಮಾತುಗಳು ಅವರಿಗೆ ಅದ್ಭುತಗಳನ್ನು ಮಾಡಿದವು ಎಂದಿದ್ದಾರೆ.

ಇತ್ತೀಚಿನ ಸಂದರ್ಶನವೊಂದರಲ್ಲಿ, ರಿಧಿ ಡೋಗ್ರಾ ಅವರು ಜವಾನ್ ಸೆಟ್‌ನಲ್ಲಿ ಶಾರುಖ್ ಖಾನ್ ತುಂಬಾ ಸುಲಭವಾಗಿ ಮತ್ತು ಸ್ನೇಹಪರರಾಗಿರುತ್ತಾರೆ ಎಂದು ತಾನು ನಿರೀಕ್ಷಿಸಿರಲಿಲ್ಲ ಎಂದಿದ್ದಾರೆ.

'ಸೆಟ್‌ನಲ್ಲಿ ಅವರೊಂದಿಗೆ ಮಾತನಾಡಲು ನಾನು ತುಂಬಾ ನಾಚಿಕೆಪಡುತ್ತೇನೆ. ಏಕೆಂದರೆ ನಾನು ಅವರನ್ನು ಪ್ರೀತಿಸುತ್ತಾ ಬೆಳೆದಿದ್ದೇನೆ. ಆದರೆ, ಅವರು ತುಂಬಾ ಕರುಣಾಮಯಿ. ಅವರು ನನ್ನನ್ನು ಮೊದಲ ಬಾರಿಗೆ ಭೇಟಿಯಾದಾಗ, ನಾನು ನಿನ್ನನ್ನು ಅಮ್ಮ ಎಂದು ಕರೆಯುವುದಿಲ್ಲ ಎಂದು ಹೇಳಿದರು ಎಂಬ ವಿಷಯವನ್ನು ನಟಿ ಬಹಿರಂಗ ಪಡಿಸಿದ್ದಾರೆ.

ತನ್ನ ಪ್ರತಿ ಪ್ರಾಜೆಕ್ಟ್‌ನೊಂದಿಗೆ ಹೊಸ ಪ್ರಕಾರಗಳು ಮತ್ತು ಪಾತ್ರಗಳನ್ನು ಪ್ರಯತ್ನಿಸಲು ಆದ್ಯತೆ ನೀಡುವ ನಟಿ, ಅಟ್ಲೀ ಅವರು ಜವಾನ್‌ನಲ್ಲಿ ಪಾತ್ರವನ್ನು ನೀಡಿದಾಗ ಸಂದಿಗ್ಧ ಸ್ಥಿತಿಯಲ್ಲಿದ್ದರು.

ಸಿನಿಮಾದಲ್ಲಿ ರಿಧಿ ಡೋಗ್ರಾ ಅವರು ದೀಪಿಕಾ ಪಡುಕೋಣೆ ಸಾವಿನ ನಂತರ  ಜೈಲರ್ ಮತ್ತು ಆಜಾದ್ (ಯುವ SRK) ನ ದತ್ತು ತಾಯಿಯಾಗಿ ನಟಿಸಿದ್ದಾರೆ.

ಜವಾನ್‌ನ ಅವಕಾಶ ಬಂದಾಗ, 'ನೀನು ಇದನ್ನು ತೆಗೆದುಕೊಳ್ಳಲು ಸಿದ್ಧವಿದ್ದೀಯಾ? ಎಂದು ನಾನು ನನ್ನನ್ನು ಕೇಳಿಕೊಂಡೆ, ನಂತರ 'ಕಾಮನ್‌  ರಿಧಿ ಇದನ್ನು ಮಾಡೋಣ' ಎಂದು ಕೊಂಡೆ ಎಂದು ಅವರು ಹಂಚಿಕೊಂಡರು.

'ಚಿತ್ರದಲ್ಲಿ ನನ್ನ ಬಿಟ್ ಅನ್ನು ಒಪ್ಪಿಕೊಂಡಿರುವ ಎಲ್ಲರಿಗೂ ನಾನು ಪದಗಳನ್ನು ಮೀರಿ ಕೃತಜ್ಞನಾಗಿದ್ದೇನೆ. ಒಬ್ಬ ಕಲಾವಿದನಿಗೆ ಅಪಾಯಗಳನ್ನು ತೆಗೆದುಕೊಳ್ಳುವುದನ್ನು ಮುಂದುವರಿಸಲು ಇದು ಧೈರ್ಯ ನೀಡುತ್ತದೆ ಮತ್ತು ಅದಕ್ಕಾಗಿ ಧನ್ಯವಾದಗಳು' ಎಂದು ಅವರು ಇನ್ಸ್ಟಾಗ್ರಾಮ್‌ನಲ್ಲಿ ತನ್ನ ಅಮ್ಮನ ಪಾತ್ರದ ಮೇಲೆ ಪ್ರೀತಿ ಧಾರೆ ಎರೆದ ಪ್ರೇಕ್ಷಕರಿಗೆ ಕೃತಜ್ಞತೆ ಸಲ್ಲಿಸಿದ್ದರು.

ಜವಾನ್ ಒಂದು ತಿಂಗಳಿನಿಂದ ಥಿಯೇಟರ್‌ಗಳಲ್ಲಿ ಯಶಸ್ವಿಯಾಗಿ ಓಡುತ್ತಿದೆ. ಈ ಚಿತ್ರವು ಭಾರತದಲ್ಲಿ 625 ಕೋಟಿ ರೂಪಾಯಿ ಗಳಿಸಿದೆ ಮತ್ತು ಜಾಗತಿಕವಾಗಿ ದಾಖಲೆಗಳನ್ನು ಮುರಿಯುತ್ತಿದೆ