ಮಲೈಕಾ ಅರೋರಾ (Maliaka Arora) ಮತ್ತು ಅರ್ಜುನ್ ಕಪೂರ್ (Arjun Kapoor) ಬಹಳ ಸಮಯದಿಂದ ಸಂಬಂಧದಲ್ಲಿದ್ದಾರೆ. ಅವರ ಮದುವೆಯ ಊಹಾಪೋಹಗಳ ನಡುವೆ, ಮಲೈಕಾ ಅರೋರಾ ಗರ್ಭಿಣಿ ಎಂದು ವರದಿಗಳಲ್ಲಿ ಹೇಳಲಾಗುತ್ತಿದೆ. ಅವರು ಅರ್ಜುನ್ ಕಪೂರ್ ಅವರೊಂದಿಗೆ ತಮ್ಮ ಮೊದಲ ಮಗುವನ್ನು ನಿರೀಕ್ಷಿಸುತ್ತಿದ್ದಾರೆ ಎಂಬ ನ್ಯೂಸ್‌ ಸಖತ್‌ ವೈರಲ್‌ ಆಗಿದೆ. ಈ ಸುದ್ದಿಯನ್ನು ಕೇಳಿದ ನಟಿ ಇದುವರೆಗೂ ಯಾವುದೇ ಪ್ರತಿಕ್ರಿಯೆ ನೀಡದಿದ್ದರೂ, ಅರ್ಜುನ್ ಕಪೂರ್ ಕೋಪಗೊಂಡಿದ್ದಾರೆ.
ಇತ್ತೀಚೆಗೆ ಬಾಲಿವುಡ್‌ನ ಹಾಟ್ ನಟಿ ಮಲೈಕಾ ಅರೋರಾ ಅವರು ಅರ್ಜುನ್ ಕಪೂರ್ ಅವರೊಂದಿಗೆ ತಮ್ಮ ಮೊದಲ ಮಗುವನ್ನು ನಿರೀಕ್ಷಿಸುತ್ತಿದ್ದಾರೆ ಎಂದು ಹೇಳಲಾಗಿದೆ. ಮಲೈಕಾ ಗರ್ಭಿಣಿಯಾಗಿರುವ ಸುದ್ದಿ ಬಿ-ಟೌನ್‌ನಲ್ಲಿ ಬೆಂಕಿಯಂತೆ ಹಬ್ಬಿತ್ತು ಮತ್ತು ಆದರೆ ಇದು ಕೇವಲ ವದಂತಿ ಎಂದು ಸಾಬೀತಾಗಿದೆ. ಗರ್ಭಧಾರಣೆಯ ಸುದ್ದಿಯನ್ನು ಕುಟುಂಬವು ಸಂಪೂರ್ಣವಾಗಿ ತಿರಸ್ಕರಿಸಿದೆ.
ಅದೇ ಸಮಯದಲ್ಲಿ, ಆಕೆಯ ಗೆಳೆಯ ಅರ್ಜುನ್ ಕಪೂರ್ ಕೋಪಗೊಂಡಿದ್ದಾರೆ. ತಮ್ಮ ಇನ್‌ಸ್ಟಾಗ್ರಾಮ್ ಸ್ಟೋರಿಯಲ್ಲಿ ಲೇಖನವೊಂದರ ಸ್ಕ್ರೀನ್ ಶಾಟ್ ಹಂಚಿಕೊಂಡಿರುವ ಅರ್ಜುನ್ ಕಪೂರ್ ಸುದ್ದಿಯ ಬಗ್ಗೆ ಕಿಡಿಕಾರಿದ್ದಾರೆ.
'ಇಂತಹ ಸುದ್ದಿಗಳು ಸಂವೇದನಾರಹಿತ ಮತ್ತು ಅನೈತಿಕವಾಗಿದೆ. ನೀವು ತಳಕ್ಕೆ ಹೋಗಿದ್ದೀರಿ. ಇಂತಹ ಸುದ್ದಿಗಳು ನಮ್ಮ ಬಗ್ಗೆ ನಿರಂತರವಾಗಿ ನಡೆಯುತ್ತಿವೆ, ಏಕೆಂದರೆ ನಾವು ನಿರಂತರವಾಗಿ ಇಂತಹ ನಕಲಿ ಗಾಸಿಪ್ ಲೇಖನಗಳನ್ನು ನಿರ್ಲಕ್ಷಿಸುತ್ತಿದ್ದೇವೆ. ಆದರೆ ಅಂತಹ ಲೇಖನಗಳು ಮಾಧ್ಯಮಗಳಲ್ಲಿ ಹರಡುತ್ತವೆ ಮತ್ತು ನಿಜವಾಗುತ್ತವೆ. ಇದು ಸರಿಯಲ್ಲ. ನಮ್ಮ ವೈಯಕ್ತಿಕ ಬದುಕಿನೊಂದಿಗೆ ಆಟವಾಡುವ ಧೈರ್ಯ ಮಾಡಬೇಡಿ’ ಎಂದು ಬರೆದಿದ್ದಾರೆ.
ವೆಬ್‌ಸೈಟ್‌ನ ಪ್ರಕಾರ, ಅರ್ಜುನ್ ಕಪೂರ್ ಮತ್ತು ಮಲೈಕಾ ಅರೋರಾ ಇತ್ತೀಚೆಗೆ ಲಂಡನ್‌ಗೆ ಹೋಗಿದ್ದರು. ಆಗ ಆಕೆ ಗರ್ಭಿಣಿಯಾಗಿರುವ ಸುದ್ದಿಯನ್ನು ಆಪ್ತರಿಗೆ ನೀಡಿದ್ದರು. ಇದು ವದಂತಿಯಾಗಿದ್ದು, ಕುಟುಂಬಸ್ಥರು ಕೂಡ ಈ ಸುದ್ದಿಯನ್ನು ಸುಳ್ಳು ಎಂದು ಹೇಳಿದ್ದಾರೆ.
ದೀರ್ಘಕಾಲದವರೆಗೆ ತಮ್ಮ ಸಂಬಂಧವನ್ನು ಮರೆಮಾಡಿದ ನಂತರ, ಮಲೈಕಾ ಅರೋರಾ ಮತ್ತು ಅರ್ಜುನ್ ಕಪೂರ್ ಎರಡು ವರ್ಷಗಳಿಂದ ತಮ್ಮ ಸಂಬಂಧದ ಬಗ್ಗೆ ಮುಕ್ತವಾಗಿ ಮಾತನಾಡಲು ಪ್ರಾರಂಭಿಸಿದರು.
ಇತ್ತೀಚೆಗೆ, ಮಲೈಕಾ ಅರೋರಾ ಅವರು ರಿಂಗ್ ಅನ್ನು ಪ್ರದರ್ಶಿಸುವ ಚಿತ್ರವನ್ನು Instagram ನಲ್ಲಿ ಹಂಚಿಕೊಂಡಿದ್ದಾರೆ ಮತ್ತು ಶೀರ್ಷಿಕೆಯಲ್ಲಿ ಎಸ್‌ ಎಂದು ಬರೆದಿದ್ದಾರೆ. ಇದಾದ ನಂತರ ಇಬ್ಬರೂ ಶೀಘ್ರದಲ್ಲೇ ಮದುವೆಯಾಗಲಿದ್ದಾರೆ ಎಂಬ ಊಹಾಪೋಹಗಳು ಹಬ್ಬಿದ್ದವು. ಅವರ ಮದುವೆಗಾಗಿ ಅಭಿಮಾನಿಗಳು ಬಹಳ ದಿನಗಳಿಂದ ಕಾಯುತ್ತಿದ್ದಾರೆ.
ಮಲೈಕಾ ಅರೋರಾ OTT ಪಾದಾರ್ಪಣೆ ಮಾಡಲಿದ್ದಾರೆ. ನಟಿ 'ಮೂವಿಂಗ್ ಇನ್ ವಿತ್ ಮಲೈಕಾ' ಎಂಬ ರಿಯಾಲಿಟಿ ವೆಬ್ ಸರಣಿಯಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಎಲ್ಲಾ ಗ್ಲಾಮರ್‌ಗಳನ್ನು ಮೀರಿ ನಟಿಯ ಜೀವನದ ಬಗ್ಗೆ ಈಕಾರ್ಯಕ್ರಮವು ಒಂದು ನೋಟವನ್ನು ನೀಡುತ್ತದೆ. ನಟಿ ಇತ್ತೀಚೆಗೆ ತಮ್ಮ ಮಗ ಅರ್ಹಾನ್ ಕೂಡ ಶೋಗೆ ಸೇರಲಿದ್ದಾರೆ ಎಂದು ಬಹಿರಂಗಪಡಿಸಿದರು.
ಮತ್ತೊಂದೆಡೆ ಅರ್ಜುನ್ ಕಪೂರ್ ಇತ್ತೀಚೆಗೆ 'ಏಕ್ ವಿಲನ್ ರಿಟರ್ನ್ಸ್'ನಲ್ಲಿ ಕಾಣಿಸಿಕೊಂಡರು. ಇದಲ್ಲದೆ, ಅವರು ಕುಟ್ಟೆ ಮತ್ತು ಲೇಡಿ ಕಿಲ್ಲರ್‌ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.