ನೆಟ್‌ಫ್ಲಿಕ್ಸ್‌ನ ಜನಪ್ರಿಯ ಶೋ, 'ಕ್ಲಾಸ್' ಸಾಕಷ್ಟು ಮನ್ನಣೆಯನ್ನು ಗಳಿಸಿದೆ ಮತ್ತು ಅದರ ಪ್ರಮುಖ ನಟಿ ಅಂಜಲಿ ಶಿವರಾಮನ್ ಐಶ್ವರ್ಯಾ ರೈ ಬಚ್ಚನ್ ಅವರ ಹೋಲಿಕೆಗಾಗಿ ಚರ್ಚೆಯಲ್ಲಿದ್ದಾರೆ. ಯಾರಿದು ಅಂಜಲಿ ಶಿವರಾಮನ್?
ಜನಪ್ರಿಯ OTT ಶೋ, ಕ್ಲಾಸ್, ಈ ತಿಂಗಳು ನೆಟ್‌ಫ್ಲಿಕ್ಸ್‌ನಲ್ಲಿ ಬಿಡುಗಡೆಯಾದಾಗಿನಿಂದ ಸಖತ್‌ ಚರ್ಚೆಯಾಗಿದೆ. ಕ್ಲಾಸ್ ಸ್ಪ್ಯಾನಿಷ್ ಹಿಟ್ ಶೋ, ಎಲೈಟ್‌ನ ಹಿಂದಿ ಆವೃತ್ತಿ. ಇದು ವಿಶ್ವಾದ್ಯಂತ ಅತಿ ಹೆಚ್ಚು ವೀಕ್ಷಿಸಿದ ಶೋಗಳಲ್ಲಿ ಒಂದು.
ಕ್ಲಾಸ್ ಭಾರತೀಯ ಸಮಾಜದ ವಿಮರ್ಶಾತ್ಮಕ ಪ್ರಾತಿನಿಧ್ಯದ ಮೇಲೆ ಕೇಂದ್ರೀಕರಿಸುತ್ತದೆ ಮತ್ತು ಅಸಮಾನತೆ, ಭ್ರಷ್ಟಾಚಾರ (Corruption), ಜಾತೀಯತೆ ಮತ್ತು ದ್ವೇಷದಂತಹ ಸೂಕ್ಷ್ಮ ವಿಷಯಗಳ ಮೇಲೆ ಬೆಳಕು ಚೆಲ್ಲುತ್ತದೆ. ಕ್ಲಾಸ್ ಕೂಡ ಭಾರತೀಯ ಪ್ರೇಕ್ಷಕರಿಂದ ಹೆಚ್ಚು ಇಷ್ಟಪಟ್ಟ ಶೋಗಳಲ್ಲಿ ಒಂದಾಯಿತು ಮತ್ತು ಎಲೈಟ್‌ನಂತೆ, ಇದು ಭಾರಿ ಅಭಿಮಾನಿಗಳನ್ನು ಗಳಿಸಿದೆ
ಪಾತ್ರಗಳ ಪೈಕಿ ನಟಿ ಅಂಜಲಿ ಶಿವರಾಮನ್ ನಿರ್ವಹಿಸಿದ ‘ಸುಹಾನಿ ಅಹುಜಾ’ ಪಾತ್ರ ಎಲ್ಲರ ಕಣ್ಮನ ಸೆಳೆದಿದೆ. ಅಂಜಲಿ ಶಿವರಾಮನ್ ಮುಖ್ಯ ನಾಯಕಿಗಳಲ್ಲಿ ಒಬ್ಬರು ಮತ್ತು ಸಾಕಷ್ಟು ಮನ್ನಣೆಯನ್ನು ಗಳಿಸಿದ್ದಾರೆ.
ಕ್ಲಾಸ್‌ನ ನಟಿ ಅಂಜಲಿ ಶಿವರಾಮನ್ ಅವರ ವ್ಯಕ್ತಿತ್ವ ಮತ್ತು ಪವರ್-ಪ್ಯಾಕ್ಡ್ ಅಭಿನಯದ ಹೊರತಾಗಿ, ಅವರನ್ನು ಐಶ್ವರ್ಯಾ ರೈ ಬಚ್ಚನ್ ಮತ್ತು ಸ್ನೇಹಾ ಉಲ್ಲಾಲ್‌ಗೆ ಹೋಲಿಸಲಾಗುತ್ತಿದೆ.
ನೆಟಿಜನ್‌ಗಳು ಅಂಜಲಿ ಶಿವರಾಮನ್ ಅವರು ಐಶ್ವರ್ಯಾ ರೈ ಅವರಂತೆಯೇ ಇದ್ದಾರೆ ಎಂದು ಹೇಳುತ್ತಾರೆ. ರೆಡ್ಡಿಟ್ ಬಳಕೆದಾರರು ಕ್ಲಾಸ್‌ನಿಂದ ಅಂಜಲಿ ಶಿವರಾಮನ್ ಅವರ ಸ್ಕ್ರೀನ್‌ಶಾಟ್‌ಗಳನ್ನು ಹಂಚಿಕೊಂಡಿದ್ದಾರೆ.
ಫೋಟೋ ಹಂಚಿಕೊಂಡ ತಕ್ಷಣ, ನೆಟಿಜನ್‌ಗಳು ಶೀಘ್ರವಾಗಿ ಪ್ರತಿಕ್ರಿಯಿಸಿದರು ಮತ್ತು ಅವರು ಅಂಜಲಿಯ ನೋಟದ ಬಗ್ಗೆ ತಮ್ಮ ಆಲೋಚನೆಗಳನ್ನು ಹಂಚಿಕೊಳ್ಳಲು ಪ್ರಾರಂಭಿಸಿದರು.
ಕೆಲವು ಅಭಿಮಾನಿಗಳು ಅಂಜಲಿಯನ್ನು ಜ್ಯೂನಿಯರ್‌ ಐಶ್ವರ್ಯಾ ರೈಗೆ ಹೋಲಿಸಿದರೆ, ಇತರರು ಅವರನ್ನು ನಟಿ ಸ್ನೇಹಾ ಉಲ್ಲಾಲ್ ಎಂದು ಕರೆದರು, ಸ್ನೇಹಾ ಉಲ್ಲಾಲ್ ಅವರು ಸಲ್ಮಾನ್ ಖಾನ್ ಜೊತೆ ಲಕ್ಕಿ: ನೋ ಟೈಮ್ ಫಾರ್ ಲವ್ ಚಿತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.
ಅಂಜಲಿ ಶಿವರಾಮನ್ ಒಬ್ಬ ನಟಿ ಮಾತ್ರವಲ್ಲ, ಅವರು ಮಾಡೆಲ್ ಮತ್ತು ಗಾಯಕಿ ಕೂಡ ಹೌದು . ಅವರು ಮಾಡೆಲ್ ಆಗಿ ತಮ್ಮ ವೃತ್ತಿಜೀವನವನ್ನು ಪ್ರಾರಂಭಿಸಿದರು ಮತ್ತು ಕೆಲವು ದೂರದರ್ಶನ ಜಾಹೀರಾತುಗಳಲ್ಲಿ ಕೆಲಸ ಮಾಡಿದರು. ಅಂಜಲಿ ಜನಪ್ರಿಯ ವಿನ್ಯಾಸಕರು ಮತ್ತು ಐಷಾರಾಮಿ ಬ್ರಾಂಡ್‌ಗಳಿಗಾಗಿ ಕೆಲವು ಫೋಟೋಶೂಟ್‌ಗಳನ್ನು ಸಹ ಮಾಡಿದ್ದಾರೆ.
ಅವರು ಪ್ರತೀಕ್ ಬಬ್ಬರ್ ಮತ್ತು ನೀಲೇ ಮೆಹೆಂದಲೆ ಅವರೊಂದಿಗೆ ಕೋಬಾಲ್ಟ್ ಬ್ಲೂ ಚಿತ್ರದಲ್ಲಿ ಮಹಿಳಾ ಪ್ರಮುಖ ಪಾತ್ರಕ್ಕೆ ಹೆಸರುವಾಸಿಯಾಗಿದ್ದಾರೆ. ಇದರ ಹೊರತಾಗಿ, ಅಂಜಲಿಯ ಇತರ ಯೋಜನೆಗಳಲ್ಲಿ ಜೆನ್ನಿ (2020), ಮತ್ತು ಇಟ್ಸ್ ಕಾಂಪ್ಲಿಕೇಟೆಡ್ (2020) ಸೇರಿವೆ.