ತೂಕ (Weight) ಹೆಚ್ಚಳ ಇವತ್ತಿನ ದಿನಗಳಲ್ಲಿ ಸಾಮಾಸ್ಯೆ. ತೂಕವನ್ನು ಇಳಿಸ್ಕೊಂಡು ಸ್ಲಿಮ್ (Slim) ಆಗಿರ್ಬೇಕು ಅಂತ ಪ್ರತಿಯೊಬ್ಬರೂ ಬಯಸ್ತಾರೆ. ಆದ್ರೆ ವ್ಯಾಯಾಮ (Exercise) ಮಾಡೋದು ಮಾತ್ರ ಹಲವರಿಗೆ ಬೇಸರ ತರೋ ಕೆಲ್ಸ. ಹೀಗಿದ್ದಾಗ ಈಜಿಯಾಗಿ ತೂಕ ಕಳೆದುಕೊಳ್ಳೋಕೆ ಏನ್ಮಾಡ್ಮೋದು ?
ಬದಲಾದ ಜೀವನಶೈಲಿ, ಆಹಾರಪದ್ಧತಿಯಿಂದ ತೂಕ (Weight) ಹೆಚ್ಚಳ ಎಂಬುದು ಎಲ್ಲರಲ್ಲಿ ಕಂಡುಬರುತ್ತಿರುವ ಸಾಮಾನ್ಯ ಸಮಸ್ಯೆಯಾಗಿದೆ. ತೂಕ ಇಳಿಸ್ಕೊಂಡು ಸ್ಲಿಮ್ ಆಗ್ಬೇಕು ಅನ್ನೋದು ಪ್ರತಿಯೊಬ್ಬರ ಆಸೆ. ಅದಕ್ಕೆಂದೇ ಕಷ್ಟಪಟ್ಟು ವರ್ಕೌಟ್‌ ಮಾಡ್ತಾರೆ. ವ್ಯಾಯಾಮ (Exercise)ವು ಹೆಚ್ಚಿನ ಸಮಯವನ್ನು ತೆಗೆದುಕೊಳ್ಳುವ ಕಾರ್ಯವಿಧಾನಗಳಲ್ಲಿ ಒಂದಾಗಿದೆ, ಅದಕ್ಕಾಗಿ ಬಹಳಷ್ಟು ಶಕ್ತಿ ಮತ್ತು ಸಮಯವನ್ನು ವ್ಯಯಿಸಬೇಕಾಗುತ್ತದೆ. ದಣಿದ ದಿನದ ಕೊನೆಯಲ್ಲಿ, ಓಡುವುದು, ಜಿಗಿಯುವುದು ಮತ್ತು ತೂಕವನ್ನು ಎತ್ತುಲು ಯಾರಿಗೂ ಆಸಕ್ತಿಯಿರುವುದಿಲ್ಲ.
ಬೆಳಗ್ಗೆ ಸಂಜೆ ವ್ಯಾಯಾಮ ಮಾಡಿ ಹೀಗೆಲ್ಲಾ ಮಾಡಿ ಕಷ್ಟಪಡೋದು ಎಲ್ರಿಗೂ ಬೇಜಾರಿನ ಕೆಲಸ. ನೀವೂ ಅದೇ ಪೈಕಿನಾ ? ಹಾಗಿದ್ರೆ ನಮ್ಮಲಿದೆ ಸೊಲ್ಯೂಶನ್‌. ಸಣ್ಣಗಾಗೋಕೆ ನೀವು ಡಂಬಲ್ಸ್ ಎತ್ತಿ, ರಾಡ್‌ನಲ್ಲಿ ನೇತಾಡ್ಕೊಂಡು ಕಷ್ಟಪಡಬೇಕಾಗಿಲ್ಲ. ಮತ್ತೇನಾಡ್ಬೇಕು ? ವ್ಯಾಯಾಮದ ಜೊತೆಗೆ, ಹೆಚ್ಚಿನ ಪ್ರಮಾಣದ ಶಕ್ತಿ ಮತ್ತು ಸಮಯವನ್ನು ಹೂಡಿಕೆ ಮಾಡದೆಯೇ ತೂಕವನ್ನು ಕಳೆದುಕೊಳ್ಳಲು ನಿಮಗೆ ಸಹಾಯ ಮಾಡುವ ಹಲವಾರು ಮಾರ್ಗಗಳಿವೆ. ವ್ಯಾಯಾಮ ಮಾಡದೆಯೇ ತೂಕ ಇಳಿಸಿಕೊಳ್ಳಲು ಸಹಾಯ ಮಾಡುವ ಐದು ವಿಧಾನಗಳು ಇಲ್ಲಿವೆ.
undefined
Weight Loss Tips: ಸಣ್ಣಗಾಗ್ಬೇಕಾ ? ಪ್ರತಿದಿನ ಈ ದೇಸಿ ಸ್ವೀಟ್ ತಿನ್ನಿ ಸಾಕು
ಸಕ್ಕರೆ ಹಾಕದ ಬ್ಲ್ಯಾಕ್ ಕಾಫಿ
ಸಕ್ಕರೆ ಹಾಕಿದ ಕಾಫಿ (Coffee)ಯನ್ನು ಕುಡಿಯುವುದಕ್ಕಿಂತ ಸಕ್ಕರೆ ಹಾಕದ ಕಾಫಿ ಕುಡಿಯುವುದು ತುಂಬಾ ಒಳ್ಳೆಯದು. ಯಾಕೆಂದರೆ ಸಕ್ಕರೆ ಹಾಕದ ಬ್ಲ್ಯಾಕ್ ಕಾಫಿ ಅಥವಾ ಕಪ್ಪು ಕಾಫಿಯನ್ನು ಸೇವಿಸುವುದರಿಂದ ವಾರಕ್ಕೆ 500 ಕ್ಯಾಲೊರಿಗಳನ್ನು ಬರ್ನ್ ಮಾಡಬಹುದು. ಏಕೆಂದರೆ ಕಪ್ಪು ಕಾಫಿಯ ಕ್ಯಾಲೋರಿ ಅಂಶವು ಕಡಿಮೆಯಾಗಿದೆ. ಕಪ್ಪು ಕಾಫಿಯ 60% ಕ್ಯಾಲೋರಿ ಅಂಶವು ಅದರಲ್ಲಿ ಸೇರಿಸಲಾದ ಸಕ್ಕರೆಯಿಂದ ಬರುತ್ತದೆ. ಸಕ್ಕರೆಯನ್ನು ತೆಗೆದುಹಾಕುವುದು ಮಧುಮೇಹ, ಇನ್ಸುಲಿನ್ ಪ್ರತಿರೋಧ ಮತ್ತು ಯಾವುದೇ ಚಯಾಪಚಯ ಅಸ್ವಸ್ಥತೆಗಳನ್ನು ತಗ್ಗಿಸಲು ಸಹಾಯ ಮಾಡುತ್ತದೆ.
ಆರೋಗ್ಯಕರ ತಿಂಡಿ ಸೇವಿಸಿ
ಸಂಜೆಯಾದಾಗ ಎಲ್ಲರಿಗೂ ಸಾಮಾನ್ಯವಾಗಿ ಏನಾದರೂ ಸ್ನ್ಯಾಕ್ಸ್ ತಿನ್ನಬೇಕು ಅನಿಸುತ್ತದೆ. ಹೀಗಾದಾಗ ಅನಾರೋಗ್ಯಕರ ತಿಂಡಿಗಳನ್ನು ತಿನ್ನುವುದು ತಪ್ಪಿಸಿ. ಈ ಸಮಯದಲ್ಲಿ ಹಸಿರು ಚಹಾದಂತಹ ಆರೋಗ್ಯಕರ ತಿಂಡಿಗಳನ್ನು ತಿನ್ನುವುದು ತೂಕವನ್ನು ಕಳೆದುಕೊಳ್ಳಲು ಸಹಾಯ ಮಾಡುತ್ತದೆ. ಸಂಜೆಯ ಹೊತ್ತು ಜಂಕ್‌ಫುಡ್ ಸೇವಿಸುವುದು ತಪ್ಪಿಸಿ ಮತ್ತು ಹೆಚ್ಚಿನ ಕ್ಯಾಲೋರಿ ತ್ವರಿತ ಆಹಾರವನ್ನು ಸೇವಿಸಿ.
Women And Pregnancy: ತೂಕ ಕಳೆದುಕೊಳ್ಳೋದ್ರಿಂದ ಗರ್ಭಿಣಿಯಾಗೋ ಸಾಧ್ಯತೆ ಹೆಚ್ಚುತ್ತಾ ?
ಚೆನ್ನಾಗಿ ನಿದ್ದೆ ಮಾಡಿ
ಉತ್ತಮ ಗುಣಮಟ್ಟದ ನಿದ್ರೆ (Sleep)ಯು ತೂಕ ನಷ್ಟಕ್ಕೆ ಸಹಾಯ ಮಾಡುವ ಪ್ರಮುಖ ಅಂಶಗಳಲ್ಲಿ ಒಂದಾಗಿದೆ. ಏಳರಿಂದ ಎಂಟು ಗಂಟೆಗಳ ಉತ್ತಮ ನಿದ್ರೆಯು ಎಲ್ಲಾ ದೈಹಿಕ ಕಾರ್ಯಗಳು ಸರಿಯಾದ ರೀತಿಯಲ್ಲಿ ನಡೆಯುವುದನ್ನು ಖಚಿತಪಡಿಸುತ್ತದೆ. ವ್ಯಕ್ತಿಯ ನಿದ್ರೆಯ ಚಕ್ರವು ನಿಯಮಿತವಾಗಿದ್ದರೆ ಹಾರ್ಮೋನುಗಳ ಸರಿಯಾದ ಸ್ರವಿಸುವಿಕೆಯು ಸಹ ನಡೆಯುತ್ತದೆ. ಅನಿಯಮಿತ ಗಂಟೆಗಳ ಕಾಲ ಅಸಮರ್ಪಕ ಸಮಯದಲ್ಲಿ ನಿದ್ರಿಸುವುದು ಗ್ರೆಲಿನ್‌ನಂತಹ ಹಾರ್ಮೋನುಗಳ ಸಾಕಷ್ಟು ಸ್ರವಿಸುವಿಕೆಗೆ ಕಾರಣವಾಗಬಹುದು, ಇದು ಹೆಚ್ಚು ಹಸಿವನ್ನು ಉಂಟುಮಾಡಬಹುದು ಮತ್ತು ತೂಕ ಹೆಚ್ಚಾಗಲು ಕಾರಣವಾಗಬಹುದು.
ಹೆಚ್ಚು ನೀರು ಕುಡಿಯಿರಿ
ಪ್ರತಿದಿನ ಆರರಿಂದ ಎಂಟು ಗ್ಲಾಸ್ ನೀರು (Water) ಕುಡಿಯುವುದು ತೂಕ ಇಳಿಸಿಕೊಳ್ಳಲು ಪ್ರಯತ್ನಿಸುವವರಿಗೆ ಉತ್ತಮವಾಗಿದೆ. ಇದು ದೇಹವನ್ನುಹೈಡ್ರೇಟ್ ಆಗಿಡುತ್ತದೆ. ಕುಡಿಯುವ ನೀರು ದೇಹದಲ್ಲಿ ನೀರಿನ ಧಾರಣವನ್ನು ನಿವಾರಿಸುತ್ತದೆ. ಸಾಕಷ್ಟು ನೀರು ಕುಡಿಯುವುದು ದೇಹದಿಂದ ವಿಷವನ್ನು ಹೊರಹಾಕಲು ಸಹಾಯ ಮಾಡುತ್ತದೆ, ಇದು ವ್ಯವಸ್ಥೆಯನ್ನು ಶುದ್ಧೀಕರಿಸುತ್ತದೆ ಮತ್ತು ಇತರ ದೈಹಿಕ ಕಾರ್ಯಗಳನ್ನು ಉತ್ತಮಗೊಳಿಸುತ್ತದೆ.
ರೆಡಿಮೇಡ್ ಆಹಾರವನ್ನು ತಪ್ಪಿಸಿ
ರೆಡಿಮೇಡ್ ಆಹಾರಗಳಲ್ಲಿ ಹೆಚ್ಚಾಗಿ ಸಕ್ಕರೆ (Sugar) ಮತ್ತು ಸಂರಕ್ಷಕಗಳನ್ನು ಸೇರಿಸಿರಲಾಗುತ್ತದೆ. ಇದನ್ನು ತಿನ್ನಷ್ಟು ಮತ್ತಷ್ಟು ತಿನ್ನುವ ಬಯಕೆ ಹೆಚ್ಚಾಗುತ್ತದೆ. ಇದು ಕ್ರಮೇಣ ತೂಕ ಹೆಚ್ಚಾಗಲು ಕಾರಣವಾಗುತ್ತದೆ.