ಫುಡ್ ಡೆಲಿವರಿ ಮಾಡೋ ಹುಡುಗರು ಆಗಿಂದಾಗೆ ಏನಾದರೊಂದು ಯಡವಟ್ಟು ಮಾಡಿಕೊಳ್ಳೋದು ಹೊಸದೇನಲ್ಲ. ಹಾಗೆಯೇ ಬ್ರಿಟಿಷ್ ಆನ್‌ಲೈನ್ ಆಹಾರ ವಿತರಣಾ ಕಂಪನಿಯ ಡೆಲಿವರಿ ಬಾಯ್ ಫುಡ್ ಟೇಸ್ಟಿಯಾಗಿತ್ತು ಅನ್ನೋ ಕಾರಣಕ್ಕೆ ಗ್ರಾಹಕರು ಆರ್ಡರ್ ಮಾಡಿದ ಆಹಾರವನ್ನು ತಾನೇ ತಿಂದುಬಿಟ್ಟಿದ್ದಾನೆ. ಕೇಳೋಕೆ ಶಾಕಿಂಗ್ ಅನಿಸಿದರೂ ಇದು ನಿಜಾನೇ. ಆ ಬಗ್ಗೆ ಹೆಚ್ಚಿನ ಮಾಹಿತಿ ಇಲ್ಲಿದೆ.
ತಂತ್ರಜ್ಞಾನಗಳು ಅಭಿವೃದ್ಧಿಯಾಗುತ್ತಲೇ ಇರುತ್ತವೆ. ಹಲವು ಬಾರಿ ಜನರಿಗೆ ಇದರಿಂದ ಪ್ರಯೋಜನವಾದ್ರೆ, ಇನ್ನು ಕೆಲವೊಮ್ಮೆ ತೊಂದ್ರೆನೂ ಆಗುತ್ತೆ. ಅದರಲ್ಲೊಂದು ಫುಡ್ ಡೆಲಿವರಿ ಆಪ್‌ಗಳು. ಫುಡ್ ಡೆಲಿವರಿ ಆಪ್‌ಗಳಲ್ಲಿ ಗ್ರಾಹಕರು ವಿವಿಧ ಹೊಟೇಲ್‌ಗಳಿಂದ ಆಹಾರ ಆರ್ಡರ್ ಮಾಡಬಹುದಾಗಿದೆ. ಡೆಲಿವರಿ ಬಾಯ್‌ಗಳು ಇದನ್ನ ನಿಗದಿತ ಸಮಯಕ್ಕೆ ಸರಿಯಾಗಿ ಮನೆಗೆ ತಲುಪಿಸುತ್ತಾರೆ. ಇದೊಂದು ವ್ಯವಸ್ಥಿತ ಸಿಸ್ಟಂ ಆಗಿದ್ದರೂ ಇಲ್ಲೂ ಕೆಲವೊಮ್ಮೆ ಲೋಪಗಳಾಗುತ್ತವೆ. ಡೆಲಿವರಿಗೆ ತಂದಿದ್ದ ಆಹಾರ ಬದಲಾಗಿರುವುದು, ಫುಡ್ ಪ್ಯಾಕೆಟ್ ಓಪನ್ ಆಗಿರುವುದು ಮೊದಲಾದ ಘಟನೆಗಳು ನಡೆಯುತ್ತವೆ. ಆದ್ರೆ ಇಲ್ಲಾಗಿದ್ದು ಮಾತ್ರ ಇವೆಲ್ಲವನ್ನೂ ಮೀರಿದ್ದು, ಆಘಾತಕಾರಿ ಘಟನೆಯಲ್ಲಿ, ಬ್ರಿಟಿಷ್ ಆನ್‌ಲೈನ್ ಆಹಾರ ವಿತರಣಾ ಕಂಪನಿಯ ಡೆಲಿವರಿ ಏಜೆಂಟ್ ತನ್ನ ಗ್ರಾಹಕರ ಆಹಾರವನ್ನು ತಾನೇ ತಿಂದಿದ್ದಾನೆ. ಆಹಾರವನ್ನು ಏಕೆ ತಲುಪಿಸಲಿಲ್ಲ ಎಂದು ವಿಚಾರಿಸಿದಾಗ, ಸವಾರನು ಆಹಾರವು ತುಂಬಾ ರುಚಿಯಾಗಿದ್ದು ಹೀಗಾಗಿ ನಾನೇ ಸೇವಿಸಿದೆ ಎಂದಿದ್ದಾನೆ.
Deliveroo driver has gone rogue this morning pic.twitter.com/sFNMUtNRrk
— Bags (@BodyBagnall)ಗ್ರಾಹಕ ಆರ್ಡರ್ ಮಾಡಿದ್ದ ಫುಡ್ ತಿಂದು ಮುಗಿಸಿದ ಡೆಲಿವರಿ ಬಾಯ್
ವಿತರಣಾ ಏಜೆಂಟ್ ದೂರಿನ ಬೆದರಿಕೆಗಳಿಗೆ ಕಿವಿಗೊಡಲಿಲ್ಲ. ಡೆಲಿವರಿ ಬಾಯ್ ಇನ್ನೂ ತನಗೆ ಮರುಪಾವತಿಯನ್ನು ನೀಡಿಲ್ಲ ಎಂದು ಗ್ರಾಹಕರು ಹೇಳಿಕೊಂಡಿದ್ದಾರೆ. ಡೆಲಿವರಿ ಎಕ್ಸಿಕ್ಯೂಟಿವ್ ತನ್ನ ಆಹಾರ (Food)ವನ್ನು ತಿಂದಿದ್ದೇನೆ ಮತ್ತು ಅದನ್ನು ತಲುಪಿಸಲಾಗುವುದಿಲ್ಲ ಎಂದು ಸಂದೇಶ ಕಳುಹಿಸಿದ ನಂತರ ಗ್ರಾಹಕರು (Customers) ಗಲಿಬಿಲಿಗೊಂಡರು ಮತ್ತು ಕೋಪಗೊಂಡರು. ಲಿಯಾಮ್ ಬಾಗ್ನಾಲ್ ಅವರು ಟ್ವಿಟರ್‌ನಲ್ಲಿ ಡೆಲಿವರಿ ಏಜೆಂಟ್‌ನೊಂದಿಗೆ ತಮ್ಮ ಸಂವಾದವನ್ನು ಹಂಚಿಕೊಂಡಿದ್ದಾರೆ. ಇದನ್ನು ಓದಿ ನೆಟ್ಟಿಗರು ಸಹ ನಿಬ್ಬೆರಗಾಗಿದ್ದಾರೆ.
undefined
ತಡವಾಗಿ ಫುಡ್ ಡೆಲಿವರಿಗೆ ಬಂದ ಜೋಮ್ಯಾಟೋ ಬಾಯ್‌ಗೆ ಅಚ್ಚರಿ, ಆರತಿ ಎತ್ತಿ ಸ್ವಾಗತ!
ವ್ಯಕ್ತಿ ಮೊದಲು ಗ್ರಾಹಕರಿಗೆ ಸಾರಿ ಎಂಬ ಸಂದೇಶ ಕಳುಹಿಸಿದ್ದಾನೆ. ನಂತರ 'ಈ ಆಹಾರವು ತುಂಬಾ ರುಚಿಕರವಾಗಿದೆ (Tasty), ನಾನು ಇದನ್ನು ತಿನ್ನುತ್ತೇನೆ, ನೀವು ಡೆಲಿವರೂ ಕಂಪನಿಗೆ ವರದಿ ಮಾಡಬಹುದು' ಎಂದು ಸೂಚಿಸಿದ್ದಾನೆ. ಈ ಚಾಟ್ ಸಾಮಾಜಿಕ ಜಾಲತಾಣದಲ್ಲಿ (Social media) ವೈರಲ್ ಆಗಿದೆ. ಅನೇಕ ಟ್ವಿಟರ್ ಬಳಕೆದಾರರು ಪೋಸ್ಟ್‌ಗೆ ಪ್ರತಿಕ್ರಿಯಿಸಿದ್ದಾರೆ ಮತ್ತು ಅಪನಂಬಿಕೆಯನ್ನು ವ್ಯಕ್ತಪಡಿಸಿದ್ದಾರೆ. ಒಬ್ಬ ಬಳಕೆದಾರರು ಫುಡ್ ಆರ್ಡರ್ ಮಾಡುವಾಗ ಎರಡು ಬಾರಿ ನನಗೆ ಈ ರೀತಿಯಾಗಿದ್ದಾಗಿ ಹೇಳಿಕೊಂಡಿದ್ದಾರೆ.
ಪುಡ್ ಡೆಲಿವರಿ ಬಾಯ್‌ಗಳಿಂದ ಇಂಥಾ ಯಡವಟ್ಟು ಮೊದಲ ಬಾರಿಯಲ್ಲ
ಲಿಯಾಮ್ ಕೂಡಾ ಡೆಲಿವೆರೂ ತಂಡವನ್ನು ಸ್ಲ್ಯಾಮ್ ಮಾಡಿದರು. ಅವರು ಅಪ್ಲಿಕೇಶನ್‌ನ ಬೆಂಬಲ ತಂಡದೊಂದಿಗೆ ಚಾಟ್‌ನ ಸ್ಕ್ರೀನ್‌ಶಾಟ್ ಅನ್ನು ಹಂಚಿಕೊಂಡಿದ್ದಾರೆ. ಅಲ್ಲಿ ಅವರು ತಮ್ಮ ಆದೇಶವನ್ನು ಪಡೆಯುವ ವರೆಗೆ ಮರುಪಾವತಿ ಮಾಡುವ ಆಯ್ಕೆ ಇರುವುದಿಲ್ಲ ಎಂದು ತಿಳಿಸಲಾಯಿತು. ಲಿಯಾಮ್ ಮಾಜಿ ಡೋಂಟ್ ಫ್ಲಾಪ್ ಎಂಟರ್‌ಟೈನ್‌ಮೆಂಟ್ ಬ್ಯಾಟಲ್ ರಾಪ್ ರಚನೆಕಾರರಾಗಿದ್ದಾರೆ ಮತ್ತು ಈಗ ಮಾಜಿ ಪ್ರೀಮಿಯರ್ ಲೀಗ್ ಫುಟ್‌ಬಾಲ್ ಆಟಗಾರ ಪ್ಯಾಟ್ರಿಸ್ ಎವ್ರಾ ಅವರೊಂದಿಗೆ ಕೆಲಸ ಮಾಡುತ್ತಿದ್ದಾರೆ.
ಡೆಲಿವೆರೂ ಬ್ರಿಟಿಷ್ ಆನ್‌ಲೈನ್ ಆಹಾರ ವಿತರಣಾ ಕಂಪನಿಯಾಗಿದ್ದು, ಇದನ್ನು 2013ರಲ್ಲಿ ಲಂಡನ್‌ನ ಇಂಗ್ಲೆಂಡ್‌ನಲ್ಲಿ ಸ್ಥಾಪಿಸಲಾಗಿದೆ. ಘಟನೆಗೆ ಸಂಬಂಧಿಸಿದಂತೆ ಡೆಲಿವೆರೂನ ವಕ್ತಾರರು ಪ್ರತಿಕ್ರಿಯೆ ನೀಡಿದ್ದಾರೆ. ನಮ್ಮಲ್ಲಿ ಕೆಲಸ ಮಾಡುವ ಎಲ್ಲಾ ನೌಕರರು ಎಲ್ಲಾ ಸಮಯದಲ್ಲೂ, ಗ್ರಾಹಕರಲ್ಲಿ ವೃತ್ತಿಪರವಾಗಿ ಮತ್ತು ಗೌರವಯುತವಾಗಿ ವರ್ತಿಸಬೇಕೆಂದು ನಾವು ನಿರೀಕ್ಷಿಸುತ್ತೇವೆ, ಆದ್ದರಿಂದ ಈ ಘಟನೆಯ ಬಗ್ಗೆ ತಿಳಿದು ವಿಷಾದಿಸುತ್ತೇವೆ. ನಾವು ಗ್ರಾಹಕರಲ್ಲಿ ಕ್ಷಮೆಯಾಚಿಸಿದ್ದೇವೆ, ಅವರು ಸ್ವೀಕರಿಸಿದ ಸದ್ಭಾವನೆಯ ಸೂಚಕವನ್ನು ನೀಡಿದ್ದೇವೆ ಮತ್ತು ಊಟವನ್ನು ಪುನಃ ವಿತರಿಸಲು ವ್ಯವಸ್ಥೆಗೊಳಿಸಿದ್ದೇವೆ' ಎಂದಿದ್ದಾರೆ. ಡೆಲಿವರಿ ಬಾಯ್ ವಿರುದ್ಧ ಸೂಕ್ತ ಕ್ರಮ ತೆಗೆದುಕೊಳ್ಳಲಾಗುವುದು ಎಂಬ ಮಾಹಿತಿ ನೀಡಿದ್ದಾರೆ.
Muslim ಡೆಲಿವರಿ ಮಾಡುವುದು ಬೇಡ ಎಂಬ Swiggy ಗ್ರಾಹಕನಿಗೆ ನೆಟ್ಟಿಗರ ತರಾಟೆ..!
2021ರಲ್ಲಿ ಇದೇ ರೀತಿಯ ಘಟನೆ ವರದಿಯಾಗಿತ್ತು. ಲಂಡನ್‌ನಲ್ಲಿ ಕಾನೂನು ವಿದ್ಯಾರ್ಥಿನಿ ಇಲಿ ಇಲಿಸ್ ತನ್ನ ಡೆಲಿವರಿ ಏಜೆಂಟ್‌ನಿಂದ ಫುಡ್ ಡೆಲಿವರಿ ಬಾಯ್‌ನಿಂದ ಇಂಥಾ ಮೆಸೇಜ್ ಬಂದಿತ್ತು. Uber Eats ಬಳಸಿಕೊಂಡು ಆಕೆಗೆ ಫುಡ್ ಆರ್ಡರ್ ಮಾಡಿದ್ದಳು. ಆದರೆ ಡೆಲಿವರಿ ಡ್ರೈವರ್‌ನಿಂದ ಸಂದೇಶವನ್ನು ಸ್ವೀಕರಿಸಿದಾಗ ಅವಳು ತನ್ನ ಆಹಾರವನ್ನು ವಿತರಿಸುವ ಬದಲು ತಿಂದಿದ್ದಾನೆ ಎಂದು ತಿಳಿಸಿದಾಗ ಆಘಾತಕ್ಕೊಳಗಾಯಿತು. ಹೀಗಿದ್ದೂ ವಿತರಣಾ ಸಂಸ್ಥೆ ಏಜೆಂಟ್‌ನ್ನು ದೂಷಿಸಲು ನಿರಾಕರಿಸಿದರು ಮತ್ತು ಅವರು ನಿಜವಾಗಿಯೂ ಹಸಿದಿರಬಹುದು ಎಂದು ಹೇಳಿದರು