ಸಿಕ್ಕಾಪಟ್ಟೆ ಬಿಸಿಲಪ್ಪಾ, ಚಿಲ್ ಆಗೋಕೆ ಐಸ್ ನೀರು ಕುಡಿಯುವುದು ಸುರಕ್ಷಿತವೇ ?
ಸಾರಾಂಶ
ಹೊರಗಡೆ ಸಿಕ್ಕಾಪಟ್ಟೆ ಬಿಸಿಲು (Sunny). ಹೀಗಾಗಿಯೇ ಕೆಲವರು ಬಿಸಿಲಿನಲ್ಲಿ ಓಡಾಡಿ ಬಂದಾಗ ಒಮ್ಮೆ ಚಿಲ್ ಆಗಲಿ ಅನ್ನೋ ಕಾರಣಕ್ಕೆ ಫ್ರಿಜ್ ವಾಟರ್ (Fridge Water) ಕುಡಿಯುತ್ತಾರೆ. ಆದ್ರೆ ಬೇಸಿಗೆಯಲ್ಲಿ ಫ್ರಿಜ್ ವಾಟರ್ ಕುಡಿಯೋದು ಆರೋಗ್ಯ (Health)ಕ್ಕೆ ಒಳ್ಳೇದಾ ?
ಹೊರಗಡೆ ಸಿಕ್ಕಾಪಟ್ಟೆ ಬಿಸಿಲು (Sunny). ವಿಪರೀತ ಬಿಸಿಲಿದ್ದಾಗ ಬಾಯಾರಿಕೆಯಾಗುವುದೂ ಹೆಚ್ಚು. ಹೀಗಾಗಿಯೇ ಹೆಚ್ಚಿನವರು ಬೇಸಿಗೆಯಲ್ಲಿ ಜ್ಯೂಸ್, ತಂಪು ಪಾನೀಯಳನ್ನು ಕುಡಿಯುತ್ತಾರೆ. ಆದ್ರೆ ಇನ್ನೂ ಕೆಲವರು ಬಿಸಿಲಿನಲ್ಲಿ ಓಡಾಡಿ ಬಂದಾಗ ಒಮ್ಮೆ ಚಿಲ್ ಆಗಲಿ ಅನ್ನೋ ಕಾರಣಕ್ಕೆ ಫ್ರಿಜ್ ವಾಟರ್ ಕುಡಿಯುತ್ತಾರೆ. ಸಿಕ್ಕಾಪಟ್ಟೆ ಬಿಸಿಲಿದ್ದಾಗ ಐಸ್ ವಾಟರ್ (Ice Water) ಕುಡಿಯೋದು ಒಮ್ಮೆಗೇ ರಿಲ್ಯಾಕ್ಸ್ ಮಾಡುವುದೇನೂ ನಿಜ. ಆದ್ರೆ ಈ ರೀತಿ ಬೇಸಿಗೆಯಲ್ಲಿ ಐಸ್ ವಾಟರ್ ಕುಡಿಯಬಹುದಾ ?
ಬಿಸಿಲ ಧಗೆಗೆ ಐಸ್ ವಾಟರ್ ಕುಡಿಯುವುದು ದೇಹವನ್ನು ತಂಪಾಗಿಸುತ್ತದೆ ಎಂದು ನಾವು ಭಾವಿಸುತ್ತೇವೆ. ಆದರೆ ಇದು ಜೀರ್ಣಾಂಗವ್ಯೂಹದ ಮೇಲೆ ಕೆಟ್ಟದಾಗಿ ಪರಿಣಾಮ ಬೀರುತ್ತದೆ. ತಣ್ಣಗಾದ ನೀರು ಮತ್ತು ತಂಪು ಪಾನೀಯಗಳು ರಕ್ತನಾಳಗಳನ್ನು ಸಂಕುಚಿತಗೊಳಿಸುತ್ತದೆ, ಇದು ಜೀರ್ಣಕ್ರಿಯೆಯನ್ನು ನಿರ್ಬಂಧಿಸುತ್ತದೆ ಎಂದು ತಜ್ಞರು ಹೇಳುತ್ತಾರೆ.
Kama Kasturi: ಬಿಸಿಲ ಧಗೆಯಿಂದ ಆರೋಗ್ಯ ಸಮಸ್ಯೆನಾ ? ಸಬ್ಜಾ ಬೀಜ ತಿನ್ನಿ ಸಾಕು
ಬೇಸಿಗೆಯಲ್ಲಿ ತಣ್ಣೀರು ಕುಡಿಯೋದು ಜೀರ್ಣಕ್ರಿಯೆಯ ಸಮಯದಲ್ಲಿ ಪೋಷಕಾಂಶಗಳನ್ನು ಹೀರಿಕೊಳ್ಳುವ ನೈಸರ್ಗಿಕ ಪ್ರಕ್ರಿಯೆಯನ್ನು ತಡೆಯುತ್ತದೆ. ನಿಮ್ಮ ದೇಹದ ಉಷ್ಣತೆ ಮತ್ತು ನೀರಿನ ತಾಪಮಾನವನ್ನು ನಿಯಂತ್ರಿಸಲು ಪ್ರಯತ್ನಿಸುವುದರಿಂದ ದೇಹ (Body)ದ ಗಮನವು ಜೀರ್ಣಕ್ರಿಯೆಯಿಂದ ಬೇರೆಡೆಗೆ ತಿರುಗುತ್ತದೆ, ಇದು ವಾಸ್ತವವಾಗಿ ನೀರಿನ ನಷ್ಟವನ್ನು ಉಂಟುಮಾಡಬಹುದು ಮತ್ತು ನೀವು ನಿರ್ಜಲೀಕರಣವನ್ನು ಅನುಭವಿಸಬಹುದು. ಹಾಗಿದ್ರೆ ಬೇಸಗೆಯಲ್ಲಿ ಐಸ್ ವಾಟರ್ ಕುಡಿಯೋದ್ರಿಂದ ಆರೋಗ್ಯ (Health)ಕ್ಕೆ ಬೇರೆನೆಲ್ಲಾ ತೊಂದರೆಯಾಗಬಹುದು ತಿಳಿಯೋಣ.
ಹೊಟ್ಟೆ ನೋವು
ಬೇಸಿಗೆಯಲ್ಲಿ ಐಸ್ ವಾಟರ್ ಕುಡಿಯುವುದು ಗಂಟಲು ನೋವು ಮತ್ತು ಮೂಗು ಕಟ್ಟುವ ಸಾಧ್ಯತೆಯನ್ನು ಹೆಚ್ಚಿಸುತ್ತದೆ. ತಣ್ಣಗಾದ ನೀರನ್ನು ಕುಡಿಯುವುದು, ವಿಶೇಷವಾಗಿ ಊಟದ ನಂತರ ಹೆಚ್ಚುವರಿ ಉಸಿರಾಟದ ಲೋಳೆಪೊರೆಯ ರಚನೆಗೆ ಕಾರಣವಾಗುತ್ತದೆ, ಇದು ಉಸಿರಾಟದ ಪ್ರದೇಶದ ರಕ್ಷಣಾತ್ಮಕ ಪದರವನ್ನು ರೂಪಿಸುತ್ತದೆ. ಇದು ಅನೇಕ ಉರಿಯೂತದ ಸೋಂಕುಗಳಿಗೆ ಕಾರಣವಾಗುತ್ತದೆ.
ಜ್ವರ ಮತ್ತು ಶೀತ
ಪ್ರತಿ ಸಾರಿ ಊಟದ ನಂತರ ನೀವು ತಣ್ಣಗಾದ ನೀರನ್ನು ಸೇವಿಸಿದರೆ, ಶೀತಲವಾಗಿರುವ ತಾಪಮಾನವು ನೀವು ಸೇವಿಸಿದ ಆಹಾರದಿಂದ ಕೊಬ್ಬನ್ನು ಗಟ್ಟಿಗೊಳಿಸುತ್ತದೆ. ಇದರಿಂದ ನಿಮ್ಮ ದೇಹದಲ್ಲಿರುವ ಅನಗತ್ಯ ಕೊಬ್ಬನ್ನು ಒಡೆಯಲು ನಿಮ್ಮ ದೇಹಕ್ಕೆ ಕಠಿಣವಾಗುತ್ತದೆ ಎಂದು ತಜ್ಞರು ಹೇಳುತ್ತಾರೆ. ಬೆಂಗಳೂರು ಮೂಲದ ಪೌಷ್ಟಿಕತಜ್ಞ ಡಾ. ಅಂಜು ಸೂದ್ ಅವರು ಊಟದ ನಂತರ ಮತ್ತು ನೀವು ನೀರು ಕುಡಿಯುವ ಮೊದಲು 30 ನಿಮಿಷಗಳ ಅಂತರವನ್ನು ಇಟ್ಟುಕೊಳ್ಳಲು ಸಲಹೆ ನೀಡುತ್ತಾರೆ.
Summer Health : ಸೌತೆಕಾಯಿ ತಿಂದಾಕ್ಷಣ ನೀರು ಕುಡಿಯೋದು ಅಪಾಯ!
ಹೃದಯ ಬಡಿತವನ್ನು ಕಡಿಮೆ ಮಾಡಬಹುದು
ಕೆಲವು ಅಧ್ಯಯನಗಳು ಬೇಸಿಗೆಯಲ್ಲಿ ತಣ್ಣೀರು ಕುಡಿಯುವುದು ನಿಮ್ಮ ಹೃದಯ ಬಡಿತ (Heart beat)ವನ್ನು ಕಡಿಮೆ ಮಾಡುವಲ್ಲಿ ಪ್ರಮುಖ ಪಾತ್ರವನ್ನು ವಹಿಸುತ್ತದೆ ಎಂದು ತಿಳಿಸುತ್ತದೆ. ಐಸ್ ನೀರನ್ನು ಕುಡಿಯುವುದು ಹಣೆಯಲ್ಲಿರುವ ವಾಗಸ್ ಎಂಬ ನರವನ್ನು ಉತ್ತೇಜಿಸುತ್ತದೆ. ಈ ನರವು ದೇಹದ ಸ್ವಾಯತ್ತ ನರಮಂಡಲದ ಮಹತ್ವದ ಭಾಗವಾಗಿದೆ ಮತ್ತು ಇದು ಹೃದಯ ಬಡಿತವನ್ನು ಕಡಿಮೆ ಮಾಡಲು ಮಧ್ಯಸ್ಥಿಕೆ ವಹಿಸುತ್ತದೆ. ನೀವು ಶೀತಲವಾಗಿರುವ ನೀರನ್ನು ಸೇವಿಸಿದಾಗ, ನೀರಿನ ಕಡಿಮೆ ತಾಪಮಾನವು ಹೃದಯ ಬಡಿತವನ್ನು ಕಡಿಮೆ ಮಾಡಲು ನರವನ್ನು ಪ್ರಚೋದಿಸುತ್ತದೆ.
ವ್ಯಾಯಾಮದ ನಂತರ ಶೀತಲವಾಗಿರುವ ನೀರನ್ನು ಕುಡಿಯುವುದು ಸೂಕ್ತವಲ್ಲ. ವ್ಯಾಯಾಮದ ನಂತರ ಒಂದು ಲೋಟ ಬೆಚ್ಚಗಿನ ನೀರನ್ನು ತೆಗೆದುಕೊಳ್ಳಲು ಜಿಮ್ ತಜ್ಞರು ಸಲಹೆ ನೀಡುತ್ತಾರೆ. ತಾಲೀಮು ಮಾಡಿದಾಗ ದೇಹದಿಂದ ಬಹಳಷ್ಟು ಶಾಖವು ಉತ್ಪತ್ತಿಯಾಗುತ್ತದೆ ಮತ್ತು ನೀವು ತಕ್ಷಣ ಐಸ್-ತಣ್ಣನೆಯ ನೀರನ್ನು ಸೇವಿಸಿದರೆ, ತಾಪಮಾನದ ಅಸಂಗತತೆಯು ನಿಮ್ಮ ಜೀರ್ಣಾಂಗವ್ಯೂಹದ ಮೇಲೆ ಪರಿಣಾಮ ಬೀರಬಹುದು.
ಅದರ ಜೊತೆಗೆ, ನಿಮ್ಮ ದೇಹವು ಶೀತಲವಾಗಿರುವ ನೀರನ್ನು ಹೀರಿಕೊಳ್ಳುವುದಿಲ್ಲ, ಆದ್ದರಿಂದ ಇದು ಯಾವುದೇ ಪ್ರಯೋಜನವಿಲ್ಲ. ವ್ಯಾಯಾಮದ ನಂತರ ತಣ್ಣಗಾದ ನೀರನ್ನು ಸೇವಿಸುವುದರಿಂದ ಕೆಲವರು ಹೊಟ್ಟೆಯಲ್ಲಿ ದೀರ್ಘಕಾಲದ ನೋವು ಉಂಟಾದ ಬಗ್ಗೆ ಹೇಳುತ್ತಾರೆ.
ಆರೋಗ್ಯ, ಸೌಂದರ್ಯ, ಫಿಟ್ನೆಸ್, ಕಿಚನ್ ಟಿಪ್ಸ್, ಸಂಬಂಧ, ಫ್ಯಾಷನ್, ರೆಸಿಪಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.