ತೂಕ (Weight)ವನ್ನು ಕಳೆದುಕೊಂಡು ಸ್ಲಿಮ್ (Slim) ಆಗಿರ್ಬೇಕು ಅನ್ನೋದೆ ಈಗಿನ ಟ್ರೆಂಡ್. ಈ ಗೀಳಿನ ಹಿಂದೆ ಬಿದ್ದ ಮಂದಿ ಇದಕ್ಕಾಗಿ ಊಟ, ತಿಂಡಿ ಮಾಡೋದನ್ನು ಬಿಟ್ಟು ಡಯೆಟ್ (Diet) ಮಾಡ್ತಾರೆ. ನೀವು ಕೂಡಾ ಹೀಗೆಲ್ಲಾ ಮಾಡ್ತಿದ್ರೆ ಆರೋಗ್ಯ (Health)ಕ್ಕಿದು ಒಳ್ಳೇದಲ್ಲ ತಿಳ್ಕೊಳ್ಳಿ. ಅಷ್ಟೇ ಅಲ್ಲ, ನಿಮ್ಮ ದೇಹ ಈ ರೀತಿ ರಿಯಾಕ್ಟ್ ಮಾಡ್ತಿದ್ರೆ ನೀವು ಆರೋಗ್ಯಕ್ಕೆ ಬೇಕಾದಷ್ಟು ತಿನ್ತಿಲ್ಲ ಅನ್ನೋ ಸೂಚನೆಯಿದು. ನೆಗ್ಲೆಕ್ಟ್ ಮಾಡ್ಬೇಡಿ.
ಸದ್ಯ ತೂಕ (Weight) ಇಳಿಸುವ ಪ್ರಕ್ರಿಯೆಯೇ ಹೆಚ್ಚು ಜನಪ್ರಿಯ. ಒಂದಷ್ಟು ವೈಟ್‌ ಲಾಸ್ ಟಿಪ್ಸ್‌ಗಳಿರ್ತವೆ. ಅದರಲ್ಲಿ ಹತ್ತಾರು ಸಜೆಶನ್ಸ್ ಇರ್ತವೆ. ಹೀಗಾಗಿ ಹೆಚ್ಚಿನವರು ಕ್ಯಾಲೊರಿ (Calorie), ಪ್ರೊಟೀನ್‌, ಕಾರ್ಬ್ಸ್ ಎಂದುಕೊಂಡು ಸರಿಯಾಗಿ ತಿನ್ನುವ ಬದಲು ಏನೇನನ್ನೋ ತಿನ್ತಿದ್ದಾರೆ. ಇದ್ರಿಂದ ಆರೋಗ್ಯ ಹದಗೆಡುತ್ತಿದೆ. ದಿನಪೂರ್ತಿ ಚಟುವಟಿಕೆಯಿಂದಿರಲು ಬೇಕಾಗುವಷ್ಟು ಶಕ್ತಿ ದೇಹಕ್ಕೆ ಸಿಗ್ತಿಲ್ಲ. ನೀವೇನೋ ಸ್ಲಿಮ್ ಆಗ್ಬೇಕು ಅಂತ್ಹೇಳಿ ಕಡಿಮೆ ತಿನ್ನೋದು ಮಾಡ್ತೀರಾ. ಆದ್ರೆ ಇದ್ರಿಂದ ದೇಹಕ್ಕೆ ಸರಿಯಾಗಿ ಆಹಾರ ಸಿಗ್ದೆ ಆರೋಗ್ಯ ಸಮಸ್ಯೆ ಕಾಡುತ್ತೆ. ಹೀಗಾಗೋ ಮುಂಚೇನೆ ತಿಳ್ಕೊಳ್ಳೋದು ಹೇಗೆ ?
ನೀವು ಸಾಕಷ್ಟು ತಿನ್ನುತ್ತಿಲ್ಲ ಎಂಬ ಸೂಚನೆಗಳು
undefined
ದೀರ್ಘಕಾಲದ ಆಯಾಸ
ಎಷ್ಟೇ ನಿದ್ದೆ ಮಾಡಿದರೂ ಸುಸ್ತಾಗುತ್ತಿದೆಯೇ ? ನೀವು ಸಾಕಷ್ಟು ತಿನ್ನುತ್ತಿಲ್ಲ ಎಂಬ ಆರಂಭಿಕ ಚಿಹ್ನೆಗಳಲ್ಲಿ ಇದೂ ಒಂದು. ಸರಿಯಾಗಿ ತಿನ್ನದಿರುವ ಕಾರಣ ನೀವು ಸಾಮಾನ್ಯಕ್ಕಿಂತ ಕಡಿಮೆ ಶಕ್ತಿಯನ್ನು ಹೊಂದಿರುತ್ತೀರಿ. ಇದರಿಂದ ಆಗಾಗ ಆಯಾಸ (Restless)ವಾದ ಅನುಭವವಾಗುತ್ತದೆ. ನಮ್ಮ ದೇಹವು ತಿನ್ನುವ ಆಹಾರವನ್ನು ಗ್ಲೂಕೋಸ್ ಆಗಿ ವಿಭಜಿಸುತ್ತದೆ. ನಂತರ ಅವುಗಳನ್ನು ಶಕ್ತಿಯ ಮೂಲವನ್ನಾಗಿ ಮಾಡುತ್ತದೆ. ದೇಹಕ್ಕೆ ಸಾಕಷ್ಟು ಪೋಷಣೆ ಸಿಗದಿದ್ದಾಗ ದೇಹಕ್ಕೆ ಶಕ್ತಿಯಿರುವುದಿಲ್ಲ. ಯಾವಾಗಲೂ ದಣಿದ ಭಾವನೆಯನ್ನು ಅನುಭವಿಸಬೇಕಾಗುತ್ತದೆ. ದೀರ್ಘಕಾಲದ ಆಯಾಸದಿಂದ, ದೈನಂದಿನ ಚಟುವಟಿಕೆಗಳು ಸಹ ನಿಮ್ಮನ್ನು ಆಯಾಸಗೊಳಿಸುತ್ತದೆ.
ಗ್ಲೂಕೋಸ್ ಮಟ್ಟಗಳಲ್ಲಿ ಏರಿಳಿಕೆ
ಕಡಿಮೆ ತಿನ್ನುವುದು ಹೈಪೊಗ್ಲಿಸಿಮಿಯಾ ಅಥವಾ ಕಡಿಮೆ ರಕ್ತದ ಸಕ್ಕರೆಗೆ ಕಾರಣವಾಗಬಹುದು. ಇದರಿಂದ ತಲೆತಿರುಗುವಿಕೆ, ಬೆವರುವುದು ಮೊದಲಾದ ಸಮಸ್ಯೆ ಕಾಣಿಸಿಕೊಳ್ಳುತ್ತದೆ. ನಿಮ್ಮ ಗ್ಲೂಕೋಸ್ (Glucose) ಮಟ್ಟವನ್ನು ಪರೀಕ್ಷಿಸಲು ರಕ್ತ ಪರೀಕ್ಷೆಯನ್ನುಮಾಡಬಹುದು.
Weight Loss Tips: ಮನೆಯಲ್ಲೇ ತಯಾರಿಸಬಹುದಾದ ಹೆಲ್ದೀ ಡ್ರಿಂಕ್ಸ್ ಕುಡೀರಿ.. ಸೂಪರ್ ಸ್ಲಿಮ್ ಆಗಿ
ಅನಾರೋಗ್ಯಕರ ಕೂದಲು ಮತ್ತು ಉಗುರುಗಳು
ದೇಹಕ್ಕೆ ಬೇಕಾಗುವಷ್ಟು ಕ್ಯಾಲೊರಿಗಳನ್ನು ಸೇವಿಸದಿರುವ ಅಥವಾ ಸರಿಯಾದ ಪೋಷಕಾಂಶಗಳನ್ನು ಪಡೆಯದಿರುವ ಚಿಹ್ನೆಗಳಲ್ಲಿ ಒಂದು ಕೂದಲು ನಷ್ಟ ಮತ್ತು ಆರೋಗ್ಯರಹಿತ ಉಗುರುಗಳು. ಕೂದಲು (Hair), ಚರ್ಮ ಮತ್ತು ಉಗುರುಗಳ ಆರೋಗ್ಯವು ನಿಮ್ಮ ದೇಹವು ಎಷ್ಟು ಖನಿಜಗಳು, ಆರೋಗ್ಯಕರ ಕೊಬ್ಬುಗಳು, ಪ್ರೋಟೀನ್ ಮತ್ತು ಒಟ್ಟಾರೆ ಪೋಷಕಾಂಶಗಳನ್ನು ಹೀರಿಕೊಳ್ಳುತ್ತದೆ ಎಂಬುದರ ಜೊತೆಗೆ ನೀವು ತಿನ್ನುವುದರೊಂದಿಗೆ ನಿಕಟವಾಗಿ ಸಂಬಂಧ ಹೊಂದಿದೆ. ಇವುಗಳು ಬಲಹೀನವಾದಾಗ ನೀವು ಸರಿಯಾಗಿ ತಿನ್ನುತ್ತಿಲ್ಲ ಎಂಬುದನ್ನು ಅರ್ಥ ಮಾಡಿಕೊಳ್ಳಬಹುದು.
ಮರೆವಿನ ಸಮಸ್ಯೆ
ಸಾಮಾನ್ಯ ಊಟದ ಸಮಯವನ್ನು ಅಡ್ಡಿಪಡಿಸುವುದು ನಿಮ್ಮ ದೇಹವನ್ನು ಮುಂದುವರಿಸಲು ಅಗತ್ಯವಿರುವ ಶಕ್ತಿಯನ್ನು ವಿಳಂಬಗೊಳಿಸುತ್ತದೆ. ಇದು ನೆನಪಿನ ಶಕ್ತಿಯ ಮೇಲೆ ಪರಿಣಾಮ ಬೀರುತ್ತದೆ. ನಿಮಗೆ ಇತ್ತೀಚಿಗೆ ಮರೆವಿನ ಸಮಸ್ಯೆ (Memory Loss) ಕಾಡುತ್ತಿದೆಯೆ ಎಂದಾದರೆ ಇದು ನೀವು ಸರಿಯಾಗಿ ಊಟ ಮಾಡಿ ಎನ್ನುವ ಸೂಚನೆಯಾಗಿದೆ. ಜೀವಸತ್ವಗಳು, ಒಮೆಗಾ-3 ಕೊಬ್ಬಿನಾಮ್ಲಗಳು, ಫೋಲೇಟ್ ಮತ್ತು ಉತ್ಕರ್ಷಣ ನಿರೋಧಕಗಳಲ್ಲಿ ಸಮೃದ್ಧವಾಗಿರುವ ಆಹಾರಗಳು ಮೆದುಳಿನ ಕಾರ್ಯವನ್ನು ಹೆಚ್ಚಿಸಲು ಮತ್ತು ಅರಿವಿನ ಕುಸಿತವನ್ನು ತಡೆಯಲು ಸಹಾಯ ಮಾಡುತ್ತದೆ.
Weight Loss Tips: ಸಣ್ಣಗಾಗ್ಬೇಕಾ ? ಗೋಧಿ ಹಿಟ್ಟಿನ ಚಪಾತಿ ಬಿಟ್ಬಿಡಿ, ಇದನ್ನು ಟ್ರೈ ಮಾಡಿ
ಮನಸ್ಥಿತಿಯ ಏರುಪೇರು
ದೇಹದ ಪೋಷಣೆಗೆ ಬೇಕಾದಷ್ಟು ಆಹಾರ ತಿನ್ನದಿದ್ದಾಗ ದೇಹಕ್ಕೆ ಹೆಚ್ಚು ಚೈತನ್ಯ ಲಭಿಸುವುದಿಲ್ಲ. ಇದರಿಂದ ದೇಹದಲ್ಲಿ ಗ್ಲುಕೋಸ್ ಮಟ್ಟ ಕಡಿಮೆಯಾಗುತ್ತದೆ. ನಿಮ್ಮ ಗ್ಲೂಕೋಸ್ ಮಟ್ಟಗಳು ತುಂಬಾ ಕಡಿಮೆಯಾದಾಗ, ದೇಹವು ಸಾಕಷ್ಟು ಸಿರೊಟೋನಿನ್ ಅನ್ನು ಉತ್ಪಾದಿಸಲು ಕಷ್ಟವಾಗಬಹುದು. ಇದು ಮೂಡ್ ಸ್ವಿಂಗ್ ಮತ್ತು ಕಿರಿಕಿರಿಯ ಅನುಭವವನ್ನು ಉಂಟುಮಾಡಬಹುದು.
ಅನಿಯಮಿತ ಋತುಚಕ್ರ
ಕಡಿಮೆ ತಿನ್ನುವುದು ಅಮೆನೋರಿಯಾಕ್ಕೆ ಕಾರಣವಾಗಬಹುದು. ಅಮೆನೋರಿಯಾ ಎಂದರೆ ಅನಿಯಮಿತ ಋತುಚಕ್ರದ ವೈಜ್ಞಾನಿಕ ಪದವಾಗಿದೆ. ಗರ್ಭಾವಸ್ಥೆ, ಆಹಾರದಲ್ಲಿನ ಬದಲಾವಣೆಗಳು ಮತ್ತು ಒತ್ತಡ ಸೇರಿದಂತೆ ವಿವಿಧ ಕಾರಣಗಳಿಗಾಗಿ ಮಹಿಳೆಯರು ತಮ್ಮ ಅನಿಯಮಿತ ಋತುಚಕ್ರ ಅನುಭವಿಸುತ್ತಾರೆ. ಪಾಲಿಸಿಸ್ಟಿಕ್ ಓವೆರಿಯನ್ ಸಿಂಡ್ರೋಮ್‌ನಂತಹ ನಿರ್ದಿಷ್ಟ ಆರೋಗ್ಯ ಪರಿಸ್ಥಿತಿಗಳು ನಿಮ್ಮ ಹಾರ್ಮೋನ್ ಮಟ್ಟವನ್ನು ಸಹ ಪರಿಣಾಮ ಬೀರಬಹುದು. ಆದಾಗ್ಯೂ, ಅಮೆನೋರಿಯಾವು ಸಾಕಷ್ಟು ತಿನ್ನುವುದಿಲ್ಲ ಎನ್ನುವ ಚಿಹ್ನೆಗಳಲ್ಲಿ ಒಂದಾಗಿದೆ.
ತಣ್ಣನೆಯ ಭಾವನೆ
ನೀವು ನಿರಂತರವಾಗಿ ಶೀತ (Cold)ವನ್ನು ಅನುಭವಿಸುತ್ತಿದ್ದರೆ, ಸಾಕಷ್ಟು ಆಹಾರವನ್ನು ಸೇವಿಸದಿರುವುದು ಕಾರಣವಾಗಬಹುದು. ಶಾಖವನ್ನು ಸೃಷ್ಟಿಸಲು ಮತ್ತು ಆರೋಗ್ಯಕರ, ಆರಾಮದಾಯಕ ದೇಹದ ಉಷ್ಣತೆಯನ್ನು ಕಾಪಾಡಿಕೊಳ್ಳಲು ನಿಮ್ಮ ದೇಹವು ನಿರ್ದಿಷ್ಟ ಸಂಖ್ಯೆಯ ಕ್ಯಾಲೊರಿಗಳನ್ನು ಪಡೆಯುವ ಅಗತ್ಯವಿದೆ.
ನಿರಂತರ ಬಾಯಾರಿಕೆ
ನೀವು ಸಾಕಷ್ಟು ತಿನ್ನುತ್ತೀರಿ ಎಂದು ಖಚಿತಪಡಿಸಿಕೊಳ್ಳುವುದು ನಿಮ್ಮ ಜಲಸಂಚಯನ ಮಟ್ಟವನ್ನು ನಿರ್ವಹಿಸುವ ಒಂದು ಮಾರ್ಗವಾಗಿದೆ. ಒಂದು ಲೋಟ ನೀರು (Water) ಕುಡಿದ ನಂತರವೂ ನೀವು ಬಾಯಾರಿಕೆಯನ್ನು ಅನುಭವಿಸಿದರೆ, ನೀವು ಸಾಕಷ್ಟು ಕ್ಯಾಲೊರಿಗಳನ್ನು ಸೇವಿಸದಿರುವ ಕಾರಣವಾಗಿದೆ. ಹೀಗಾಗಿ ಹೆಚ್ಚು ಕೂಲ್‌ಡ್ರಿಂಕ್ಸ್, ಸೋಡಾಗಳನ್ನು ಕುಡಿಯಬೇಡಿ. ಬದಲಿಗೆ ತಾಜಾ ಹಣ್ಣಿನ ರಸ, ನೀರನ್ನು ಕುಡಿಯಿರಿ. ತಿನ್ನದೇ ಇರುವುದರಿಂದ ನಿರಂತರ ಬಾಯಾರಿಕೆಯ ಸಮಸ್ಯೆ ಆಗುವಂತೆಯೇ, ನಿರ್ಜಲೀಕರಣವೂ ಮಲಬದ್ಧತೆಗೆ ಕಾರಣವಾಗಬಹುದು.