Raksha Bandhan Sweets: ರಕ್ಷಾಬಂಧನದಂದು ಮನೆಯಲ್ಲೇ ಮಾಡಿ ಹೆಲ್ತಿ ಸ್ವೀಟ್ಸ್

Raksha Bandhan : ಇದೇ ಆಗಸ್ಟ್ 9 ರಂದು ರಕ್ಷಾ ಬಂಧನ ಆಚರಣೆ ಮಾಡಲಾಗ್ತಿದೆ. ಸ್ಪೇಷಲ್ ಡೇ ಏನು ಸ್ಪೇಷಲ್ ಸ್ವೀಟ್ ಮಾಡ್ಬೇಕು ಅಂತ ಆಲೋಚನೆ ಮಾಡ್ತಿರೋರಿಗೆ ಸಿಹಿ ತಿಂಡಿ ರೆಸಿಪಿ ಇಲ್ಲಿದೆ. 

ರಕ್ಷಾ ಬಂಧನದಂದು (Raksha Bandhan) ತಯಾರಿಸುವ ಸಿಹಿ ತಿಂಡಿ (Sweets)ಗಳ ಮಾಧುರ್ಯ, ಸಂಬಂಧವನ್ನು ಮತ್ತಷ್ಟು ಗಟ್ಟಿಗೊಳಿಸುತ್ತೆ. ಈ ಬಾರಿ ಆಗಸ್ಟ್ 9 ರಂದು ರಕ್ಷಾ ಬಂಧನ ಆಚರಿಸಲಾಗ್ತಿದೆ. ಪ್ರತಿ ಬಾರಿ ಅದೇ ಜಾಮೂನು, ಪಾಯಸ ಮಾಡಿ ಬೋರ್ ಆಗಿದೆ ಅನ್ನೋರು ಈ ಬಾರಿ ರಕ್ಷಾ ಬಂಧನಕ್ಕೆ ಹೊಸ ಸಿಹಿ ತಯಾರಿಸಿ, ನಿಮ್ಮ ಸಹೋದರರಿಗೆ ಸರ್ಪ್ರೈಸ್ ನೀಡ್ಬಹುದು. ನಿಮಗಾಗಿ ಒಂದಿಷ್ಟು ಸಿಹಿ ತಿಂಡಿಗಳ ರೆಸಿಪಿ ಇಲ್ಲಿದೆ.

ರಕ್ಷಾ ಬಂಧನಕ್ಕೆ ಸ್ಪೆಷಲ್ ಸ್ವೀಟ್ಸ್ :

ಖರ್ಜೂರ ಮತ್ತು ಡ್ರೈ ಫ್ರೂಟ್ಸ್ ಲಡ್ಡು : ಖರ್ಚೂರದಲ್ಲೇ ಸಾಕಷ್ಟು ಸಿಹಿ ಇರೋದ್ರಿಂದ ಇದಕ್ಕೆ ಸಕ್ಕರೆ ಬೇಡ. ಇದು ಆರೋಗ್ಯಕ್ಕೆ ಬಹಳ ಒಳ್ಳೆಯದು.

ಖರ್ಜೂರದ ಲಡ್ಡು ಮಾಡಲು ಬೇಕಾಗುವ ಪದಾರ್ಥ :

1 ಕಪ್ ಖರ್ಜೂರ

1/2 ಕಪ್ ಕತ್ತರಿಸಿದ ಬಾದಾಮಿ

1/2 ಕಪ್ ಕತ್ತರಿಸಿದ ವಾಲ್ನಟ್ಸ್

1/4 ಕಪ್ ತುರಿದ ತೆಂಗಿನಕಾಯಿ

1 ಟೀಸ್ಪೂನ್ ಏಲಕ್ಕಿ ಪುಡಿ

ಖರ್ಜೂರದ ಲಡ್ಡು ಮಾಡುವ ವಿಧಾನ :

• ಮೊದಲು ಖರ್ಜೂರದ ಬೀಜ ತೆಗೆದು ಅದನ್ನು ನಯವಾದ ಪೇಸ್ಟ್ ಮಾಡ್ಕೊಳ್ಳಿ.

• ಇದಕ್ಕೆ ಕತ್ತರಿಸಿದ ಬಾದಾಮಿ, ಕತ್ತರಿಸಿದ ವಾಲ್ನಟ್ ಮತ್ತು ಏಲಕ್ಕಿ ಪುಡಿ ಹಾಕಿ ಮಿಕ್ಸ್ ಮಾಡಿ.

• ಕೈಗೆ ತುಪ್ಪ ಸವರಿಕೊಂಡು ಮಿಶ್ರಣವನ್ನು ಚಿಕ್ಕ ಚಿಕ್ಕ ಉಂಡೆ ಮಾಡಿ

• ಈ ಉಂಡೆಗಳನ್ನು ತೆಂಗಿನಕಾಯಿ ತುರಿಯಲ್ಲಿ ಉರುಳಿಸಿ.

• ಈ ಉಂಡೆಯನ್ನು 30 ನಿಮಿಷಗಳ ಕಾಲ ಫ್ರಿಜ್ ನಲ್ಲಿ ಇಡಿ.

• ರುಚಿಯಾದ ಮತ್ತು ಆರೋಗ್ಯಕರ ಲಡ್ಡು ಸಿದ್ಧ.

ಬೇಯಿಸಿದ ಆಪಲ್ ಖೀರ್ : ಇದು ಸಾಮಾನ್ಯ ಖೀರ್ ಗಿಂತ ಸ್ವಲ್ಪ ಭಿನ್ನವಾಗಿರುತ್ತದೆ. ಹಾಲು ಮತ್ತು ಸೇಬು , ಖೀರ್ ರುಚಿಯನ್ನು ಹೆಚ್ಚಿಸುತ್ತದೆ.

ಬೇಯಿಸಿದ ಆಪಲ್ ಖೀರ್ ಮಾಡಲು ಬೇಕಾಗುವ ಪದಾರ್ಥ :

2 ಮಧ್ಯಮ ಗಾತ್ರದ ಸೇಬು

2 ಕಪ್ ಹಾಲು

1/4 ಕಪ್ ಬೆಲ್ಲಅಥವಾ ಜೇನುತುಪ್ಪ

1/4 ಕಪ್ ಅಕ್ಕಿ

1/4 ಟೀಸ್ಪೂನ್ ಏಲಕ್ಕಿ ಪುಡಿ

ಒಣಗಿದ ಹಣ್ಣು (ಬಾದಾಮಿ, ಪಿಸ್ತಾ)

1 ಟೀಸ್ಪೂನ್ ತುಪ್ಪ

ಬೇಯಿಸಿದ ಆಪಲ್ ಖೀರ್ ಮಾಡುವ ವಿಧಾನ :

• ಓವನ್ ಅನ್ನು 180°C (350°F) ಗೆ ಮೊದಲೇ ಕಾಯಿಸಿ. ಸಿಪ್ಪೆ ತೆಗೆದು ಕತ್ತರಿಸಿದ ಸೇಬುಗಳನ್ನು ಬೇಕಿಂಗ್ ಟ್ರೇನಲ್ಲಿ ಹಾಕಿ. ತುಪ್ಪ/ತೆಂಗಿನ ಎಣ್ಣೆಯನ್ನು ಚಿಮುಕಿಸಿ ಮತ್ತು ಮೃದುವಾಗುವವರೆಗೆ 20-25 ನಿಮಿಷಗಳ ಕಾಲ ಬೇಯಿಸಿ.

• ಅತಿ ಕಡಿಮೆ ನೀರನ್ನು ಹಾಕಿ, ಗ್ಯಾಸ್ ಒಲೆ ಮೇಲೆಯೂ ನೀವು ಬೇಯಿಸಿಕೊಳ್ಳಬಹುದು.

• ಒಂದು ಪ್ಯಾನ್ನಲ್ಲಿ ಅಕ್ಕಿಯನ್ನು ಹಾಲಿನ ಜೊತೆ ಸೇರಿಸಿ ಬೇಯಿಸಿ. ಅನ್ನ ಮೃದುವಾಗಬೇಕು.

• ಅನ್ನ ಬೇಡ ಎನ್ನುವವರು ಅಕ್ಕಿಯನ್ನು ಸ್ಕಿಪ್ ಮಾಡ್ಬಹುದು.

• ಬೆಂದ ಹಾಲಿನ ಅನ್ನಕ್ಕೆ ಬೇಯಿಸಿದ ಸೇಬುಗಳನ್ನು ಸೇರಿಸಿ ಚೆನ್ನಾಗಿ ಮಿಕ್ಸ್ ಮಾಡಿ.

• ಇದಕ್ಕೆ ಬೆಲ್ಲ/ಜೇನುತುಪ್ಪ ಮತ್ತು ಏಲಕ್ಕಿ ಸೇರಿಸಿ ಮಿಕ್ಸ್ ಮಾಡಿ

• ಕಡಿಮೆ ಉರಿಯಲ್ಲಿ ಸ್ವಲ್ಪ ಸಮಯ ಬೇಯಿಸಿ ನಂತ್ರ ಅದಕ್ಕೆ ಡ್ರೈ ಫ್ರೂಟ್ಸ್ ಸೇರಿಸಿ.

ಓಟ್ಸ್ ಮತ್ತು ಬಾದಾಮಿ ಬರ್ಫಿ : ಓಟ್ಸ್ ಮತ್ತು ಬಾದಾಮಿ ಬರ್ಫಿಗೂ ಸಕ್ಕರೆಯ ಅಗತ್ಯವಿಲ್ಲ.

ಓಟ್ಸ್ ಮತ್ತು ಬಾದಾಮಿ ಬರ್ಫಿಗೆ ಬೇಕಾಗುವ ಪದಾರ್ಥ :

1 ಕಪ್ ರೋಲ್ಡ್ ಓಟ್ಸ್

1/2 ಕಪ್ ಬಾದಾಮಿ ಹಿಟ್ಟು

1/4 ಕಪ್ ಜೇನುತುಪ್ಪ

1/4 ಕಪ್ ತೆಂಗಿನ ಎಣ್ಣೆ

1 ಟೀಸ್ಪೂನ್ ವೆನಿಲ್ಲಾ ಎಕ್ಸ್ಟ್ರಾಕ್ಟ್

ಚಿಟಿಕೆ ಉಪ್ಪು

ಅಲಂಕರಿಸಲು ಕತ್ತರಿಸಿದ ಬಾದಾಮಿ

ಓಟ್ಸ್ ಬಾದಾಮಿ ಬರ್ಫಿ ಮಾಡುವ ವಿಧಾನ :

• ಓಟ್ಸ್ ಅನ್ನು ಬಾಣಲೆಗೆ ಹಾಕಿ ಗೋಲ್ಡನ್ ಬಣ್ಣಕ್ಕೆ ತಿರುಗುವವರೆಗೆ ಹುರಿಯಿರಿ. ನಂತ್ರ ಗ್ಯಾಸ್ ಬಂದ್ ಮಾಡಿ ಪಕ್ಕಕ್ಕಿಡಿ.

• ಓಟ್ಸ್ ತಣ್ಣಗಾದ ನಂತ್ರ ಅದನ್ನು ಪುಡಿ ಮಾಡಿ.

• ಒಂದು ಬಟ್ಟಲಿನಲ್ಲಿ ಓಟ್ಸ್ ಪುಡಿ, ಬಾದಾಮಿ ಹಿಟ್ಟು, ಜೇನುತುಪ್ಪ, ತೆಂಗಿನ ಎಣ್ಣೆ, ವೆನಿಲ್ಲಾ ಎಕ್ಸ್ಟ್ರಾಕ್ಸ್ ಮತ್ತು ಉಪ್ಪು ಹಾಕಿ.

• ಇದನ್ನು ಚೆನ್ನಾಗಿ ಮಿಕ್ಸ್ ಮಾಡಿ. ನಂತ್ರ ಇದನ್ನು ತುಪ್ಪ ಸವರಿದ ಟ್ರೇಗೆ ಸುರಿಯಿರಿ. ಅಲಂಕಾರಕ್ಕೆ ಅದ್ರ ಮೇಲೆ ಬಾದಾಮಿ ಸೇರಿಸಿ.

• ಇದನ್ನು 1-2 ಗಂಟೆಗಳ ಕಾಲ ಫ್ರಿಡ್ಜ್ ನಲ್ಲಿಡಿ.

• ನಂತ್ರ ಫ್ರಿಜ್ ನಿಂದ ತೆಗೆದು ನಿಮಗೆ ಬೇಕಾದ ಆಕಾರಕ್ಕೆ ಕತ್ತರಿಸಿ ಸರ್ವ್ ಮಾಡಿ