ಬಿಸಿಲಿನ ತಾಪಕ್ಕೆ ಜನರು ಕಂಗಾಲು, ಸ್ವಿಗ್ಗಿಯಲ್ಲಿ ಒಂದೇ ದಿನ 6 ಲಕ್ಷಕ್ಕೂ ಹೆಚ್ಚು ಐಸ್ಕ್ರೀಂ ಆರ್ಡರ್!
ಸಾರಾಂಶ
ದೇಶಾದ್ಯಂತ ಬಿಸಿಲನ ತಾಪ ಹೆಚ್ಚಾಗಿದೆ. ಜನರು ಎಳನೀರು, ಲೆಮನ್ ಜ್ಯೂಸ್ ಗಳನ್ನು ಹೆಚ್ಚೆಚ್ಚು ಸೇವಿಸುತ್ತಿದ್ದಾರೆ. ಬಿಸಿಲಿನಿಂದ ರಿಲ್ಯಾಕ್ಸ್ ಆಗಲು ಹೆಚ್ಚೆಚ್ಚು ಐಸ್ ಕ್ರೀಮ್ಗಳಿಗಾಗಿ ಹಾತೊರೆಯುತ್ತಿದ್ದಾರೆ ಎಂದು ಇತ್ತೀಚೆಗೆ ಬಿಡುಗಡೆಯಾದ ಸ್ವಿಗ್ಗಿ ವರದಿ ತಿಳಿಸಿದೆ.
ದೇಶಾದ್ಯಂತ ಬಿಸಿಲನ ತಾಪ ಹೆಚ್ಚಾಗಿದೆ. ಬಿಸಿಲ ಧಗೆಗೆ ಜನರು ಮನೆಯಿಂದ ಹೊರಬರೋಕೆ ಹಿಂಜರಿಯುವಂತಾಗಿದೆ. ಹೀಗಾಗಿ ಬಹುತೇಕ ಮಂದಿ ಮನೆಗೆ ಎಸಿ, ಕೂಲರ್ಗಳನ್ನು ಅಳವಡಿಸಿಕೊಳ್ಳುತ್ತಿದ್ದಾರೆ. ಎಳನೀರು, ಲಿಂಬೆ ಜ್ಯೂಸ್, ಕೋಲ್ಡ್ ಡ್ರಿಂಕ್ಸ್ಗಳನ್ನು ಹೆಚ್ಚೆಚ್ಚು ಸೇವಿಸುತ್ತಿದ್ದಾರೆ. ಜನರು ಬಿಸಿಲಿನಿಂದ ರಿಲ್ಯಾಕ್ಸ್ ಆಗಲು ಹೆಚ್ಚೆಚ್ಚು ಐಸ್ ಕ್ರೀಮ್ಗಳಿಗಾಗಿ ಹಾತೊರೆಯುತ್ತಿದ್ದಾರೆ ಎಂದು ಇತ್ತೀಚೆಗೆ ಬಿಡುಗಡೆಯಾದ ಸ್ವಿಗ್ಗಿ ವರದಿ ತಿಳಿಸಿದೆ.
ಮಾರ್ಚ್ 1ರಿಂದ ಏಪ್ರಿಲ್ 15ರ ವರೆಗೆ ಆರ್ಡರ್ ಮಾಡಿರುವ ಲಿಸ್ಟ್ನ ಪ್ರಕಾರ, ಕಳೆದ ವರ್ಷಕ್ಕೆ ಹೋಲಿಸಿದರೆ ಫುಡ್ ಆರ್ಡರ್ ಮತ್ತು ಡೆಲಿವರಿ ಪ್ಲಾಟ್ಫಾರ್ಮ್ ಐಸ್ ಕ್ರೀಮ್ಗಳ ಬೇಡಿಕೆಯಲ್ಲಿ 16% ಹೆಚ್ಚಳ ಕಂಡು ಬಂದಿದೆ. Swiggy ನಲ್ಲಿ ಐಸ್ ಕ್ರೀಮ್ ಆರ್ಡರ್ಗಳು ಈ ಬೇಸಿಗೆಯಲ್ಲಿ ಹೆಚ್ಚಾಗಿದೆ.
137 ರೂ ಐಸ್ಕ್ರೀಮ್ ಆರ್ಡರ್ ಮಾಡಿ 3,000 ರೂಪಾಯಿ ಪರಿಹಾರ ಪಡೆದ ಬೆಂಗಳೂರಿಗ!
ಅದರಲ್ಲೂ ಚಾಕೊಲೇಟ್ ಐಸ್ಕ್ರೀಂನ್ನು ಜನರು ಹೆಚ್ಚು ಆರ್ಡರ್ ಮಾಡಿದ್ದಾರೆ. ಮಾವಿನ ಹಣ್ಣುಗಳು ಐಸ್ಕ್ರೀಂ ನಂತರದ ಸ್ಥಾನದಲ್ಲಿದೆ. ಬಾದಾಮಿ ಮತ್ತು ವೆನಿಲ್ಲಾ ಸಹ ಜನರು ಹೆಚ್ಚು ಆರ್ಡರ್ ಮಾಡಿರುವ ಐಸ್ಕ್ರೀಂಗಳ ಪಟ್ಟಿಯಲ್ಲಿ ಸೇರಿದೆ. ವರದಿಯ ಪ್ರಕಾರ, ತೆಂಗಿನಕಾಯಿ ಮತ್ತು ಮಾವಿನ ಹಣ್ಣಿನಂತಹ ಹಣ್ಣು ಆಧಾರಿತ ಐಸ್ಕ್ರೀಮ್ಗಳ ಹೆಚ್ಚಿನ ಆರ್ಡರ್ಗಳನ್ನು ಮುಂಬೈ ನೀಡಿದೆ. ಏತನ್ಮಧ್ಯೆ, ಹೈದರಾಬಾದ್ನ ಜನಪ್ರಿಯ ಆಯ್ಕೆಯೆಂದರೆ ನಟ್ಸ್ ಓವರ್ಲೋಡ್ ಐಸ್ ಕ್ರೀಮ್.
ಸಂಜೆ 7 ರಿಂದ ಮಧ್ಯರಾತ್ರಿಯ ಸ್ಲಾಟ್ನಲ್ಲಿ ಸ್ವಿಗ್ಗಿ ಅತಿ ಹೆಚ್ಚು ಐಸ್ಕ್ರೀಂ ಆರ್ಡರ್ಗಳನ್ನು ಸ್ವೀಕರಿಸಿದ್ದು, ಈ ಸಮಯದಲ್ಲಿ 6.9 ಲಕ್ಷಕ್ಕೂ ಹೆಚ್ಚು ಆರ್ಡರ್ಗಳು ಬಂದಿವೆ ಎಂದು ವರದಿಯು ತಿಳಿಸಿದೆ. ಇದರ ನಂತರ ಮಧ್ಯಾಹ್ನದ ಸ್ಲಾಟ್ನಲ್ಲಿ (ಬೆಳಿಗ್ಗೆ 11 ರಿಂದ ಸಂಜೆ 4 ರವರೆಗೆ) ಐಸ್ಕ್ರೀಂಗೆ 4.6 ಲಕ್ಷ ಆರ್ಡರ್ಗಳು ಬಂದವು. ಬೆಳಗ್ಗೆ ಹೆಚ್ಚಿನ ಸಂಖ್ಯೆಯ ಐಸ್ ಕ್ರೀಮ್ ಆರ್ಡರ್ಗಳನ್ನು ಪಡೆಯಲಾಗುತ್ತಿತ್ತು. Swiggy ವಿಶ್ಲೇಷಣೆಯು ಸುಮಾರು 80 ಸಾವಿರ ಆರ್ಡರ್ಗಳನ್ನು ಬೆಳಿಗ್ಗೆ 7 ರಿಂದ 11 ರವರೆಗೆ ಬೆಳಿಗ್ಗೆ ಸ್ಲಾಟ್ನಲ್ಲಿ ಇರಿಸಲಾಗಿದೆ ಎಂದು ಬಹಿರಂಗಪಡಿಸುತ್ತದೆ. ಬೆಂಗಳೂರು ಈ ಲಿಸ್ಟ್ನಲ್ಲಿ ಮುಂಚೂಣಿಯಲ್ಲಿದೆ.
Mandya: ಐಸ್ ಕ್ರೀಮ್ ತಿಂದು ಅವಳಿ ಮಕ್ಕಳ ಸಾವು ಪ್ರಕರಣಕ್ಕೆ ಟ್ವಿಸ್ಟ್, ಮಕ್ಕಳಿಗೆ ಜಿರಳೆ ಔಷಧಿ ಹಾಕಿದ ಅಮ್ಮ!
ಮುಂಬೈನ ಒಬ್ಬ ಬಳಕೆದಾರರು ಈ ಬೇಸಿಗೆಯಲ್ಲಿ 45 ದಿನಗಳಲ್ಲಿ 310 ಐಸ್ ಕ್ರೀಮ್ಗಳನ್ನು ಹೊಂದಿರುವ 141 ಆರ್ಡರ್ಗಳನ್ನು ಮಾಡಿದ್ದಾರೆ ಎಂದು ವರದಿ ಬಹಿರಂಗಪಡಿಸಿದೆ. ಮುಂಬೈ, ಬೆಂಗಳೂರು ಮತ್ತು ಹೈದರಾಬಾದ್ನಲ್ಲಿ ಹೆಚ್ಚಿನ ಸಂಖ್ಯೆಯ ಆರ್ಡರ್ಗಳೊಂದಿಗೆ ಟಾಪ್ ಮೆಟ್ರೋ ನಗರಗಳಲ್ಲಿ ನ್ಯಾಚುರಲ್ಸ್ ಐಸ್ ಕ್ರೀಮ್ ಜನಪ್ರಿಯತೆಯ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದೆ ಎಂದು ವರದಿ ತಿಳಿಸಿದೆ.
ಆರೋಗ್ಯ, ಸೌಂದರ್ಯ, ಫಿಟ್ನೆಸ್, ಕಿಚನ್ ಟಿಪ್ಸ್, ಸಂಬಂಧ, ಫ್ಯಾಷನ್, ರೆಸಿಪಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.