ಕಚ್ಚಾ ಡ್ರೈ ಫ್ರೂಟ್ಸ್ ತಿನ್ನೋ ಅಭ್ಯಾಸವಿದ್ಯಾ, ಹುರಿದು ತಿಂದ್ರೆ ಇನ್ನೂ ಒಳ್ಳೇದು
ಸಾರಾಂಶ
ಹಬ್ಬಗಳು ಬಂದಾಗ ಪರಸ್ಪರ ಸ್ವೀಟ್ಸ್ ವಿನಿಮಯ ಮಾಡಲು ಶುರು ಮಾಡುತ್ತಾರೆ. ಹೆಚ್ಚಿನವರು ಆರೋಗ್ಯಕ್ಕೆ ಉತ್ತಮವೆಂದು ಡ್ರೈ ಫ್ರೂಟ್ಸ್ ಗಿಫ್ಟ್ ಮಾಡುತ್ತಾರೆ. ಆದ್ರೆ ಒಣಬೀಜಗಳನ್ನು ಅತಿಯಾಗಿ ಸೇವಿಸುದು ಆರೋಗ್ಯದ ದೃಷ್ಟಿಯಿಂದ ಒಳ್ಳೆಯದಲ್ಲ. ಹಾಗಿದ್ರೆ ಡ್ರೈ ಫ್ರೂಟ್ಸ್ ಆರೋಗ್ಯಕ್ಕೆ ಹಿತಕಾರಿಯಾಗುವಂತೆ ತಿನ್ನೋ ರೀತಿ ಯಾವ್ದು ?
ದೀಪಾವಳಿ ಸೀಸನ್ ಬಂದರೆ ಸಾಕು ಬಾದಾಮಿ, ಗೋಡಂಬಿ, ಖರ್ಜೂರ, ಪಿಸ್ತಾ ಮೊದಲಾದ ಒಣಹಣ್ಣುಗಳು ನಿಮ್ಮ ಮನೆಯಲ್ಲಿ ರಾಶಿಯಾಗಿ ಬಂದು ಸೇರುತ್ತವೆ. ಹೆಚ್ಚಿನವರು ಆರೋಗ್ಯಕ್ಕೆ ಉತ್ತಮವೆಂದು ದಿನದ ಮೂರೂ ಹೊತ್ತು ಇವನ್ನೇ ತಿನ್ನುತ್ತಾರೆ ಕೂಡಾ. ಬೀಜಗಳನ್ನು ಅವುಗಳ ಕಚ್ಚಾ ರೂಪದಲ್ಲಿ ತಿನ್ನುವುದು ಉತ್ತಮ ಎಂಬುದರಲ್ಲಿ ಸಂದೇಹವಿಲ್ಲ. ಅವು ಅತ್ಯಂತ ಆರೋಗ್ಯಕರ ಮತ್ತು ಸಂಸ್ಕರಿಸಿದ ಬಿಸ್ಕತ್ತುಗಳು ಅಥವಾ ವೇಫರ್ಗಳ ಬದಲಿಗೆ ಲಘು ಆಹಾರವಾಗಿ ಹೊಂದಲು ಉತ್ತಮವಾಗಿವೆ. ಬೀಜಗಳು ನಂಬಲಾಗದಷ್ಟು ಪೌಷ್ಟಿಕವಾಗಿದೆ ಮತ್ತು ಫೈಬರ್, ಉತ್ತಮ ಕೊಬ್ಬುಗಳು ಮತ್ತು ಪ್ರೋಟೀನ್ಗಳಿಂದ ತುಂಬಿರುತ್ತವೆ. ಆದರೆ ಹುರಿದ ಬೀಜಗಳು ಕೆಲವು ಹೆಚ್ಚುವರಿ ಪ್ರಯೋಜನಗಳನ್ನು ಹೊಂದಿವೆ.
ಮ್ಯಾಕ್ಸ್ ಆಸ್ಪತ್ರೆಯ ಕ್ಲಿನಿಕಲ್ ನ್ಯೂಟ್ರಿಷನಿಸ್ಟ್ ಉಪಾಸನಾ ಶರ್ಮಾ, 'ಒಣ ಬೀಜಗಳನ್ನು (Dry fruits) ಅವುಗಳ ಸುವಾಸನೆ, ಸುಗಂಧ ಮತ್ತು ಗರಿಗರಿಯಾದ ವಿನ್ಯಾಸವನ್ನು ಹೆಚ್ಚಿಸಲು ಸಾಮಾನ್ಯವಾಗಿ ಹುರಿಯಲಾಗುತ್ತದೆ. ಹಸಿ ಬೀಜಗಳು ಅಥವಾ ಹುರಿದ ಎರಡೂ ಆರೋಗ್ಯಕ್ಕೆ (Health) ಒಳ್ಳೆಯದು, ಆದರೆ ಅವುಗಳನ್ನು ಮಿತವಾಗಿ ತೆಗೆದುಕೊಳ್ಳಬೇಕು ಏಕೆಂದರೆ ಅವುಗಳು ಹೆಚ್ಚಿನ ಕ್ಯಾಲೋರಿಗಳನ್ನು ಹೊಂದಿರುತ್ತವೆ' ಎಂದು ಹೇಳುತ್ತಾರೆ. ಹಾಗಿದ್ರೆ ಹುರಿದ ಬೀಜಗಳ ಕೆಲವು ಆರೋಗ್ಯ ಪ್ರಯೋಜನಗಳನ್ನು ತಿಳಿಯಿರಿ.
ಖರ್ಜೂರ ಹೇಗ್ಬೇಕೊ ಹಾಗೆ ತಿನ್ತೀರಾ? ಅದಕ್ಕೂ ಟೈಮ್, ರೂಲ್ಸ್ ಇದೆ!
ಬೀಜಗಳನ್ನು ಹುರಿಯುವುದು ಆರೋಗ್ಯಕ್ಕೆ ಉತ್ತಮವಾಗಲು ಪೌಷ್ಟಿಕಾಂಶ ತಜ್ಞರು ಕೆಲವು ಕಾರಣಗಳನ್ನು ಪಟ್ಟಿ ಮಾಡಿದ್ದಾರೆ.
1. ಆರೋಗ್ಯಕ್ಕೆ ಒಳ್ಳೆಯದು: ಕೇವಲ ಬೀಜಗಳಲ್ಲದೇ ಯಾವುದೇ ಆಹಾರ (Food) ಪದಾರ್ಥವನ್ನು ಬಿಸಿ ಮಾಡುವುದರಿಂದ ಅದರಲ್ಲಿರುವ ಯಾವುದೇ ಸೂಕ್ಷ್ಮಜೀವಿಗಳು ಅಥವಾ ಕೊಳಕುಗಳನ್ನು ನಾಶಪಡಿಸುತ್ತದೆ. ಇದು ತಿನ್ನಲು ಆಹಾರವನ್ನು ಇನ್ನಷ್ಟು ಆರೋಗ್ಯಕರವಾಗಿಸುತ್ತೆ. ಆದ್ದರಿಂದ, ಬೀಜಗಳನ್ನು ಹುರಿದು ತಿನ್ನುವ ಅಭ್ಯಾಸ (Habit) ಆರೋಗ್ಯ ಸಮಸ್ಯೆಗಳಿಂದ ದೂರವಿರಲು ನೆರವಾಗುತ್ತದೆ.
2. ಸುಲಭವಾಗಿ ಜೀರ್ಣವಾಗುತ್ತದೆ: ಯಾವುದೇ ಬೇಯಿಸಿದ ಆಹಾರವು ಅದರ ಕಚ್ಚಾ ರೂಪಕ್ಕೆ ಹೋಲಿಸಿದರೆ, ಜೀರ್ಣಿಸಿಕೊಳ್ಳಲು ಯಾವಾಗಲೂ ಸುಲಭವಾಗಿರುತ್ತದೆ. ಆದ್ದರಿಂದ, ಕಚ್ಚಾ ಬೀಜಗಳಿಗೆ ಹೋಲಿಸಿದರೆ ಹುರಿದ ಬೀಜಗಳು ನಿಮ್ಮ ಜೀರ್ಣಾಂಗ ವ್ಯವಸ್ಥೆಗೆ ಖಂಡಿತವಾಗಿಯೂ ಉತ್ತಮವಾಗಿದೆ. ಇದು ಹೊಟ್ಟೆನೋವು (Stomach pain), ಅಸಿಡಿಟಿ, ಮಲಬದ್ಧತೆ ಮೊದಲಾದ ಸಮಸ್ಯೆಗಳನ್ನು ಉಂಟು ಮಾಡುವುದಿಲ್ಲ.
3. ಬೀಜಗಳ ರುಚಿ, ವಿನ್ಯಾಸವನ್ನು ಹೆಚ್ಚಿಸುತ್ತದೆ: ಹುರಿದ ಬೀಜಗಳು ಅದರ ರುಚಿ (Taste)ಯನ್ನು ಉತ್ತಮ ರೀತಿಯಲ್ಲಿ ಬದಲಾಯಿಸುತ್ತವೆ. ಇದು ಬೀಜಗಳ ಪರಿಮಳವನ್ನು ಹೆಚ್ಚಿಸುತ್ತದೆ ಮತ್ತು ಅವುಗಳನ್ನು ಗರಿಗರಿಯಾದ ಮತ್ತು ಕುರುಕಲು ತಿಂಡಿಯನ್ನಾಗಿ ಪರಿವರ್ತಿಸುತ್ತದೆ.
ಬೀಜಗಳನ್ನು ಹುರಿಯುವುದು ಹೇಗೆ ?
ಹಂತ 1: ಫ್ಲಾಟ್ ಬೇಸ್ನೊಂದಿಗೆ ಪ್ಯಾನ್ ತೆಗೆದುಕೊಂಡು ಅದನ್ನು ಬಿಸಿ (Heat) ಮಾಡಿ. ಬಾಣಲೆಯಲ್ಲಿ ಬೀಜಗಳನ್ನು ಸಮವಾಗಿ ಹರಡಿ ಮತ್ತು ಅವುಗಳನ್ನು ಒಂದರ ಮೇಲೊಂದು ರಾಶಿ ಮಾಡಬೇಡಿ. ಹೀಗೆ ಮಾಡುವುದರಿಂದ ಅವು ಸರಿಯಾದ ರೀತಿಯಲ್ಲಿ ಹುರಿಯುವುದಿಲ್ಲ. ಬೀಜಗಳು ತಮ್ಮದೇ ಆದ ನೈಸರ್ಗಿಕ ಎಣ್ಣೆಯನ್ನು ಹೊಂದಿರುವುದರಿಂದ ಯಾವುದೇ ಎಣ್ಣೆಯನ್ನು ಸೇರಿಸುವ ಅಗತ್ಯವಿಲ್ಲ, ಅದು ಹುರಿದ ನಂತರ ಮೇಲ್ಮೈಗೆ ಬರುತ್ತದೆ.
ನೀವು ತಿನ್ನೋದು ನಕಲಿ ಡ್ರೈ ಫ್ರುಟ್ಸ್ ಅಲ್ಲಾ ತಾನೆ…? ಪತ್ತೆ ಹಚ್ಚೋದು ಹೇಗೆ?
ಹಂತ 2: ಪ್ಯಾನ್ ಬಿಸಿಯಾದ ನಂತರ ನೀವು ಬೀಜಗಳನ್ನು ಸುಮಾರು 15 ನಿಮಿಷಗಳ ಕಾಲ ಕಡಿಮೆ ಉರಿಯಲ್ಲಿ ಹುರಿಯಬೇಕು. ಕಡಲೆಕಾಯಿ, ಪಿಸ್ತಾ ಮತ್ತು ವಾಲ್ನಟ್ಗಳಂತಹ ಬೀಜಗಳಿಗೆ, ಅವುಗಳನ್ನು ಹುರಿಯಲು ಕೇವಲ 6-8 ನಿಮಿಷಗಳನ್ನು ತೆಗೆದುಕೊಳ್ಳುತ್ತದೆ ಆದರೆ ಬಾದಾಮಿಗೆ ಇದು 15 ನಿಮಿಷಗಳ ವರೆಗೆ ತೆಗೆದುಕೊಳ್ಳಬಹುದು.
ಹಂತ 3: ಪ್ರತಿ 30 ಸೆಕೆಂಡ್ಗಳಿಗೊಮ್ಮೆ ಬೀಜಗಳನ್ನು ಬೆರೆಸುವುದು ಬಹಳ ಮುಖ್ಯ, ಇಲ್ಲದಿದ್ದರೆ ಅವು ಸಮವಾಗಿ ಹುರಿಯುವುದಿಲ್ಲ ಮತ್ತು ಅವುಗಳ ಅಂಚುಗಳು ಸುಟ್ಟು ಹೋಗಬಹುದು.
ಹಂತ 4: ಬೀಜಗಳು ಗರಿಗರಿಯಾದ ನಂತರ, ಶಾಖವನ್ನು ಆಫ್ ಮಾಡಿ ಮತ್ತು ಅವುಗಳನ್ನು ಬೌಲ್ಗೆ ವರ್ಗಾಯಿಸಿ. ಅವುಗಳನ್ನು ಬಿಸಿ ಪ್ಯಾನ್ನಲ್ಲಿ ಹಾಗೆಯೇ ಬಿಡಬೇಡಿ. ಇದರಿಂದ ಅವು ಅಲ್ಲಿದ್ದು ಬಿಸಿಯಾಗಿ ಸುಟ್ಟು ಹೋಗಬಹುದು.
ಹಂತ 5: ಬೀಜಗಳು ತಣ್ಣಗಾದ ನಂತರ ನೀವು ಅವುಗಳಿಗೆ ಮಸಾಲೆ ಮಾಡಲು ಸ್ವಲ್ಪ ಬಿಳಿ ಉಪ್ಪು ಮತ್ತು ಕಾಳುಮೆಣಸನ್ನು ಸೇರಿಸಬಹುದು ಮತ್ತು ನಂತರ ಅವುಗಳನ್ನು ಕಂಟೇನರ್ನಲ್ಲಿ ಸಂಗ್ರಹಿಸಿಡಬಹುದು. ಹುರಿಯುವಾಗ, ಅದರ ಪೌಷ್ಟಿಕಾಂಶದ ಮೌಲ್ಯವನ್ನು ಸಂರಕ್ಷಿಸುವ ಸಲುವಾಗಿ, ತಾಪಮಾನವು ತುಂಬಾ ಹೆಚ್ಚಿರಬಾರದು ಮತ್ತು ಬೀಜಗಳನ್ನು ಹೆಚ್ಚು ಕಾಲ ಹುರಿಯಬಾರದು ಎಂಬುದನ್ನು ನೆನಪಿನಲ್ಲಿಡಿ. ಅಲ್ಲದೆ, ಅವುಗಳನ್ನು ಆರೋಗ್ಯಕರವಾಗಿಸಲು ನಿಮಗೆ ಸಾಧ್ಯವಾದರೆ ಉಪ್ಪನ್ನು ಬಳಸುವುದನ್ನು ತಪ್ಪಿಸಲು ಪ್ರಯತ್ನಿಸಿ.
ಆರೋಗ್ಯ, ಸೌಂದರ್ಯ, ಫಿಟ್ನೆಸ್, ಕಿಚನ್ ಟಿಪ್ಸ್, ಸಂಬಂಧ, ಫ್ಯಾಷನ್, ರೆಸಿಪಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.