ಮೊಳಕೆ ಬರಿಸಿದ ಕಾಳುಗಳನ್ನು ಅತ್ಯಂತ ಪೌಷ್ಟಿಕಾಂಶ ಆಹಾರವೆಂದು ಪರಿಗಣಿಸಲಾಗುತ್ತದೆ. ಮಾತ್ರವಲ್ಲ ಪ್ರೋಟೀನ್‌ಗಳ ಶಕ್ತಿ ಕೇಂದ್ರ ಎಂದು ಹೇಳಲಾಗುತ್ತದೆ. ಇದನ್ನು ಬೆಳಗಿನ ಉಪಾಹಾರಕ್ಕಾಗಿ ಮತ್ತು ಲಘು ಆಹಾರವಾಗಿಯೂ ಜನರು ಸೇವಿಸುತ್ತಾರೆ. ಆದರೆ ಮೊಳಕೆ ಬರಿಸಿದ ಕಾಳುಗಳನ್ನು ತಿನ್ನೋದ್ರಿಂದ ಆರೋಗ್ಯಕ್ಕೆ ತೊಂದ್ರೆನೂ ಆಗುತ್ತೆ ಅನ್ನೋ ವಿಚಾರ ನಿಮ್ಗೊತ್ತಾ ?
ಆರೋಗ್ಯ ಚೆನ್ನಾಗಿರಬೇಕಾದರೆ ಆರೋಗ್ಯಯುತ ಆಹಾರವನ್ನು ಸೇವಿಸುವುದು ತುಂಬಾ ಮುಖ್ಯ. ಅದಕ್ಕಾಗಿ ಹೆಚ್ಚು ತರಕಾರಿಗಳು, ಹಣ್ಣುಗಳು ಮತ್ತು ಕಾಳುಗಳನ್ನು ತಿನ್ನಬೇಕು. ಮೊಳಕೆ ಬರಿಸಿದ ಹೆಸರು ಕಾಳುಗಳು ಫೈಬರ್, ಕ್ಯಾಲ್ಸಿಯಂ, ವಿಟಮಿನ್ ಎ ಮತ್ತು ಸಿ, ಪೊಟ್ಯಾಸಿಯಮ್ ಮತ್ತು ರಂಜಕದ ಸಮೃದ್ಧ ಮೂಲವಾಗಿದೆ. ಆದರೆಮ ಆಯುರ್ವೇದ ತಜ್ಞರಾದ ಡಾ.ಅಲ್ಕಾ ವಿಜಯನ್, ಹೆಸರುಕಾಳುಗಳು ಪೋಷಕಾಂಶಗಳಲ್ಲಿ ಸಮೃದ್ಧವಾಗಿವೆ. ಇವುಗಳನ್ನು ಜೀರ್ಣಿಸಿಕೊಳ್ಳಲು ದೇಹಕ್ಕೆ ಹೆಚ್ಚು ಸಮಯ ಬೇಕಾಗುತ್ತದೆ ಎನ್ನುತ್ತಾರೆ. ಹಾಗಿದ್ರೆ ಮೊಳಕೆ ಕಾಳುಗಳು ದೇಹಕ್ಕೆ ಹಾನಿಯನ್ನುಂಟು ಮಾಡುತ್ತವಾ ? ಹೆಲ್ದೀಯಾಗಿರುವ ಹೆಸರುಕಾಳುಗಳ ಬಗ್ಗೆ ನೀವು ತಿಳಿದಿರದ ಕೆಲವು ವಿಚಾರಗಳು ಇಲ್ಲಿವೆ.
ಮೊಳಕೆಬರಿಸಿದ ಹೆಸರು ಕಾಳು ಹೆಚ್ಚು ತಿನ್ನೋದ್ರಿಂದ ಆರೋಗ್ಯ ಸಮಸ್ಯೆ
'ಹೆಸರು ಕಾಳುಗಳು ಪೋಷಕಾಂಶಗಳಲ್ಲಿ ಸಮೃದ್ಧವಾಗಿದೆ. ಆದರೆ ದೇಹವು (Body) ಇವುಗಳನ್ನು ಜೀರ್ಣಿಸಿಕೊಳ್ಳಲು ಹೆಚ್ಚು ಸಮಯವನ್ನು ತೆಗೆದುಕೊಳ್ಳುವ ಕಾರಣ, ಇದು ದೀರ್ಘಾವಧಿಯಲ್ಲಿ ಉಬ್ಬುವುದು, ಆಮ್ಲೀಯತೆ, ಮಲಬದ್ಧತೆ (Constipation) ಮತ್ತು ಮೂಲವ್ಯಾಧಿಗೆ ಕಾರಣವಾಗುತ್ತದೆ" ಎಂದು ಡಾ.ಅಲ್ಕಾ ವಿಜಯನ್ ಮಾಹಿತಿ ನೀಡಿದ್ದಾರೆ. ಆಧುನಿಕ ವಿಜ್ಞಾನದ ಪ್ರಕಾರ, ಹೆಸರು ಕಾಳುಗಳು ಪ್ರೋಟೀನ್, ಕೊಬ್ಬುಗಳು, ಫೈಬರ್ ಮತ್ತು ವಿಟಮಿನ್‌ಗಳಲ್ಲಿ ಸಮೃದ್ಧವಾಗಿವೆ. ಆದರೆ ಆಯುರ್ವೇದದಲ್ಲಿ, ಕಾಳುಗಳು (Sprtous)) ವಾತವನ್ನು ಹೆಚ್ಚಿಸುತ್ತವೆ.
undefined
ದಿನದ ಆರಂಭವನ್ನು ಮೊಳಕೆಕಾಳು, ಬಾದಾಮಿ, ಮೊಟ್ಟೆಯಿಂದ ಆರಂಭಿಸಿ
ಏಕೆಂದರೆ ನೀವು ಮೊಳಕೆಗಳನ್ನು ನಿರ್ಣಯಿಸಿದಾಗ ಅವು ಬೀಜ ಮತ್ತು ಮಗುವಿನ ಸಸ್ಯಗಳ ನಡುವೆ ಅರ್ಧದಷ್ಟು ಇರುತ್ತದೆ. ಪರಿವರ್ತನೆಯ ಅರ್ಧದಾರಿಯಲ್ಲೇ ಇರುವ ಯಾವುದಾದರೂ ಅರ್ಧ ರೂಪುಗೊಂಡ ಮೊಸರಿನಂತೆಯೇ ಜೀರ್ಣಿಸಿಕೊಳ್ಳಲು (Digestion) ಕಠಿಣವಾಗಿದೆ'ಎಂದು ಅವರು ಹೇಳಿದರು. ಹೀಗಾಗಿಯೇ ಹೆಸರು ಕಾಳು ತಿನ್ನುವುದು ಕ್ರಮೇಣವಾಗಿ ಹೊಟ್ಟೆ ಉಬ್ಬುವುದು, ಅನಿಲ, ಆಮ್ಲೀಯ ಮತ್ತು ಮಲಬದ್ಧತೆಯ ಸಮಸ್ಯೆಗೆ ಕರಣವಾಗುತ್ತದೆ.
ಅತಿಸಾರ ಅಥವಾ ಮಲಬದ್ಧತೆಗೆ ಕಾರಣವಾಗಬಹುದು
ಪೌಷ್ಟಿಕತಜ್ಞರಾದ ಇಷ್ಟಿ ಸಲೂಜಾ ಅವರು ಮಾತನಾಡಿ, 'ಕಚ್ಚಾ ಅಥವಾ ಬೇಯಿಸದ ಕಾಳುಗಳು, ನಿರ್ದಿಷ್ಟವಾಗಿ, ಸ್ವಯಂ ನಿರೋಧಕ ಪರಿಸ್ಥಿತಿಗಳು ಮತ್ತು ಮಕ್ಕಳು ಮತ್ತು ವೃದ್ಧರು ಸೇರಿದಂತೆ ಕಡಿಮೆ ರೋಗನಿರೋಧಕ ಶಕ್ತಿ (Immunity power) ಹೊಂದಿರುವವರಲ್ಲಿ ಆಹಾರ ವಿಷವನ್ನು ಉಂಟುಮಾಡಬಹುದು. ಅವು ಪ್ರೋಟೀನ್ ಮತ್ತು ಫೈಬರ್‌ನಲ್ಲಿ ಹೆಚ್ಚಿನ ಪ್ರಮಾಣದಲ್ಲಿರುತ್ತವೆ, ಆದ್ದರಿಂದ ದುರ್ಬಲ ಮೂತ್ರಪಿಂಡಗಳಿರುವವರು ಸಹ ಜಾಗರೂಕರಾಗಿರಬೇಕು.' ಎಂದು ತಿಳಿಸಿದ್ದಾರೆ.
ಪ್ರತಿದಿನ ಸೇವಿಸಿದರೆ ಮ್ಯಾಜಿಕ್ ಮಾಡುವ ಮೊಳಕೆಕಾಳುಗಳು!
ಹೆಚ್ಚುವರಿಯಾಗಿ, ಸೂಕ್ಷ್ಮ ಕರುಳನ್ನು ಹೊಂದಿರುವವರು ಕಾಳುಗಳನ್ನು ಸೇವಿಸುವುದರ ಬಗ್ಗೆ ಬಹಳ ಜಾಗರೂಕರಾಗಿರಬೇಕು. ಏಕೆಂದರೆ ಕಾಳುಗಳನ್ನು ಜೀರ್ಣಿಸಿಕೊಳ್ಳಲು ಕಷ್ಟವಾಗುತ್ತದೆ, ಇದು ಪರಿಸ್ಥಿತಿಗೆ ಅನುಗುಣವಾಗಿ ಹೊಟ್ಟೆ ನೋವು (Stomach pain), ಅನಿಲ ಮತ್ತು ಅತಿಸಾರ ಅಥವಾ ಮಲಬದ್ಧತೆಗೆ ಕಾರಣವಾಗಬಹುದು. ಪೈಲ್ಸ್‌ನಿಂದ ಬಳಲುತ್ತಿರುವವರು ಹಸಿ ಹೆಸರು ಕಾಳುಗಳನ್ನು ತಿನ್ನುವುದರಿಂದ ರೋಗಲಕ್ಷಣವನ್ನು ಉಲ್ಬಣಗೊಳ್ಳುತ್ತದೆ' ಎಂದು ತಿಳಿದುಬಂದಿದೆ.
ಯಾರೆಲ್ಲಾ ಹೆಸರುಕಾಳು ತಿನ್ನಬಾರದು ?
ಡಾ.ಅಲ್ಕಾ ಪ್ರಕಾರ, 'ಹೆಚ್ಚಿನ ಜನರು ಮೊಳಕೆ ಕಾಳುಗಳನ್ನು ಸೇವಿಸಬಹುದು. ಕಳಪೆ ಜೀರ್ಣಕ್ರಿಯೆ ಅಥವಾ ವಾತ ಅಥವಾ ಪಿತ್ತ ಪ್ರಕೃತಿ ಇರುವವರು ಅದನ್ನು ತಪ್ಪಿಸಬೇಕು. ಕಫ ಪ್ರಕೃತಿ ಹೊಂದಿರುವ ಜನರು ಮೊಳಕೆಗಳನ್ನು ಜೀರ್ಣಿಸಿಕೊಳ್ಳಲು ಸಮರ್ಥರಾಗಿದ್ದಾರೆ ಮತ್ತು ಅದನ್ನು ಹೆಚ್ಚಾಗಿ ಸೇವಿಸಬಹುದು. ಆದರೆ ವಾರಕ್ಕೆ ಒಂದು ಅಥವಾ ಎರಡು ಬಾರಿ ಮಾತ್ರ; ಅದಕ್ಕಿಂತ ಹೆಚ್ಚಾಗಿ ಸೇವಿಸಲೇಬಾರದು' ಎಂದು ತಿಳಿಸುತ್ತಾರೆ. ಕಫದ ಸಮಸ್ಯೆ ಇರುವವರು ಹೆಸರು ಕಾಳು ಸೇವಿಸುವ ಮುನ್ನ ಹೆಚ್ಚು ಜೀರ್ಣವಾಗುವಂತೆ ಮಾಡಲು, ಸ್ವಲ್ಪ ಪ್ರಮಾಣದ ತೆಂಗಿನ ಎಣ್ಣೆ, ಅಥವಾ ತುಪ್ಪ ಅಥವಾ ಬೆಣ್ಣೆ ಮತ್ತು ಮಸಾಲೆಗಳಾದ ಜೀರಿಗೆ, ಅಜ್ವೈನ್ (ಕೇರಂ ಬೀಜ) ಮತ್ತು ಒಣ ಶುಂಠಿ ಪುಡಿಯೊಂದಿಗೆ ಬೇಯಿಸಿ ತಿನ್ನುವ ಅಭ್ಯಾಸ ಒಳ್ಳೆಯದು.