Bengali Food: ವಿಧವೆಯರು ತಿನ್ನಲೆಂದೇ ಸಿದ್ಧಪಡಿಸೋ ಟೇಸ್ಟೀ ಆಹಾರಗಳಿವು

ಕಾಲ ಅದೆಷ್ಟು ಬದಲಾದರೂ ಹಲವು ಅನಿಷ್ಠ ಪದ್ಧತಿಗಳು ಸಮಾಜ (Society)ದಲ್ಲಿ ಇಂದಿಗೂ ಇವೆ. ಅದ್ರಲ್ಲೊಂದು ವಿಧವಾ ಪದ್ಧತಿ. ಬಂಗಾಳದಲ್ಲಿ ಗಂಡ ಸತ್ತ ನಂತರ ಮಹಿಳೆಯರು ಎಲ್ರೂ ತಿನ್ನೋ ಆಹಾರ (Food)ವನ್ನು ತಿನ್ನೋ ಆಗಿಲ್ಲ. ಮತ್ತೆ ಅವ್ರೇನು ತಿನ್ತಾರೆ. ತಿಳ್ಕೊಳ್ಳಿ.

ಬೆಂಗಾಲಿ ವಿಧವೆ (Widow)ಯರ ಪಾಕಪದ್ಧತಿಯು ಸಸ್ಯಾಹಾರಿ ಪಾಕಪದ್ಧತಿ ಎಂದು ಜನಪ್ರಿಯವಾಗಿದೆ. ಏಕೆಂದರೆ ಇಲ್ಲಿ ವಿಧವೆಯರು ಯಾವುದೇ ರೀತಿಯ ಮಾಂಸಾಹಾರ ತಿನ್ನುವುದನ್ನು ನಿಷೇಧಿಸಲಾಗಿದೆ. ಇದಕ್ಕೂ ಮೊದಲು ವಿಧವೆಯರ ಮೇಲೆ ಹಲವಾರು ನಿರ್ಬಂಧಗಳನ್ನು ಹಾಕಲಾಗಿತ್ತು. ಇದರಲ್ಲಿ ಕನಿಷ್ಠ ಮಸಾಲೆಗಳು ಮತ್ತು ಸೀಮಿತ ತರಕಾರಿ (Vegetable)ಗಳನ್ನು ತಿನ್ನುವುದು ಸೇರಿತ್ತು. ಬಂಗಾಳಿ ವಿಧವೆಯರು ಈರುಳ್ಳಿ ಮತ್ತು ಬೆಳ್ಳುಳ್ಳಿ ಇಲ್ಲದೆ ಮಾಡಿದ ಸರಳ ಆಹಾರಗಳನ್ನು ಮತ್ತು ಕೆಲವು ಮಸಾಲೆಗಳನ್ನು ಸೇವಿಸಬೇಕಾಗಿತ್ತು. ಇದು ಸುಂದರವಾದ ಪಾಕಪದ್ಧತಿಯ ವಿಕಸನಕ್ಕೆ ಕಾರಣವಾಯಿತು. 

ಬೆಂಗಾಲಿ ಸಂಸ್ಕೃತಿಯಲ್ಲಿ ವಿಧವೆಯರು ತಿನ್ನಲೆಂದೇ ಸಿದ್ಧಪಡಿಸುವ ಈ ಆಹಾರ (Food) ಸದ್ಯ ತನ್ನ ರುಚಿಯಿಂದಲೇ ಹೆಚ್ಚು ಪ್ರಸಿದ್ಧಿ ಹೊಂದಿದೆ. ಬೇಳೆಗಳು, ಬಾಳೆಕಾಯಿ, ಆಲೂಗಡ್ಡೆ (Potato) ಮೊದಲಾದವುಗಳನ್ನು ಬಳಸಿ ಹೆಚ್ಚಾಗಿ ಈ ತಿನಿಸುಗಳನ್ನು ತಯಾರಿಸಲಾಗುತ್ತದೆ.

ಥೋರ್ ಭಾಜಾ
ಇದು ಬಂಗಾಳಿ ಪಾಕಪದ್ಧತಿಯ ಜನಪ್ರಿಯ ಸಸ್ಯಾಹಾರಿ ಭಕ್ಷ್ಯಗಳಲ್ಲಿ ಒಂದಾಗಿದೆ. ಇದನ್ನು ಬಾಳೆ ಕಾಂಡಗಳು, ಪೋಸ್ಟೊ ದಾನಾ ಅಥವಾ ಖುಸ್ ಖುಸ್, ಹಳದಿ ಸಾಸಿವೆ, ಉಪ್ಪು, ಅರಿಶಿನ ಮತ್ತು ಸಾಸಿವೆ ಎಣ್ಣೆಯಿಂದ ತಯಾರಿಸಲಾಗುತ್ತದೆ. ಇದನ್ನು ಬೇಯಿಸಿದ ಅನ್ನದೊಂದಿಗೆ ಸವಿಯುವುದು ಉತ್ತಮವಾಗಿದೆ.

ಮೋಚಾರ್ ಘೋಂಟೋ
ಬಂಗಾಳಿ ಪಾಕಪದ್ಧತಿಯ ಮತ್ತೊಂದು ಸಾಂಪ್ರದಾಯಿಕ ಸವಿಯಾದ ಮೋಚಾರ್ ಘೋಂಟೊವನ್ನು ಬಾಳೆ ಹೂವು, ಆಲೂಗಡ್ಡೆ, ಉಪ್ಪು, ಅರಿಶಿನ, ಹಸಿರು ಮೆಣಸಿನಕಾಯಿಗಳು, ಸಾಸಿವೆ ಎಣ್ಣೆ, ಸಕ್ಕರೆ ಮತ್ತು ತುರಿದ ತೆಂಗಿನಕಾಯಿ ಬಳಸಿ ತಯಾರಿಸಲಾಗುತ್ತದೆ. ಬಂಗಾಳಿ ಜನರು ಈ ಖಾದ್ಯವನ್ನು ಅಡುಗೆ ಮಾಡುವಾಗ ಸಂಪೂರ್ಣ ಮಸಾಲೆಗಳನ್ನು ಸೇರಿಸುತ್ತಾರೆ.

ಕಚ್ಕೋಲರ ಕೋಫ್ತಾ
ಬಾಳೆಹಣ್ಣಿನ ಈ ರುಚಿಕ ಖಾದ್ಯವನ್ನು ಈರುಳ್ಳಿ ಮತ್ತು ಬೆಳ್ಳುಳ್ಳಿ ಬಳಸದೆ ತಯಾರಿಸಲಾಗುತ್ತದೆ. ಮಾಂಸಾಹಾರಕ್ಕೆ ಪರ್ಯಾಯವಾಗಿ ಇದನ್ನು ಬಳಸಲಾಗುತ್ತದೆ. ಬಲಿಯದ ಬಾಳೆಹಣ್ಣುಗಳು, ಬೇಯಿಸಿದ ಆಲೂಗಡ್ಡೆ ಮತ್ತು ಹಿಟ್ಟನ್ನು ಸೇರಿಸಿ ಉಂಡೆ ಕಟ್ಟಲಾಗುತ್ತದೆ. ನಂತರ ಈ ಹಿಟ್ಟಿನ ಚೆಂಡುಗಳನ್ನು ಎಣ್ಣೆಯಲ್ಲಿ ಹುರಿಯಲಾಗುತ್ತದೆ. ನಂತರ ಇದಕ್ಕೆ ತುರಿದ ತೆಂಗಿನಕಾಯಿ, ಉಪ್ಪು, ಅರಿಶಿನ, ಸಕ್ಕರೆ, ಹಸಿರು ಮೆಣಸಿನಕಾಯಿಗಳು ಮತ್ತು ಎಣ್ಣೆ ಸೇರಿಸಿ ಮಾಡಿದ ಗ್ರೇವಿಯಲ್ಲಿ ಮುಳುಗಿಸಿ ತಯಾರಿಸಲಾಗುತ್ತದೆ.

ಆಲೂ ಪೋಸ್ಟೊ
ಆಲೂ ಪೋಸ್ಟೊ ಬೆಂಗಾಲಿ ಪಾಕಪದ್ಧತಿಯ ಶ್ರೇಷ್ಠ ಭಕ್ಷ್ಯವಾಗಿದೆ. ವಿಧವೆಯರು ಇಲ್ಲಿ ಅಕ್ಷರಶಃ ಪ್ರತಿ ದಿನವೂ ಇದನ್ನು ತಿನ್ನುತ್ತಾರೆ. ಈ ಅದ್ಭುತ ಖಾದ್ಯವನ್ನು ಮಾಡುವಾಗ ಕೆಲವರು ಈರುಳ್ಳಿ ಮತ್ತು ಒಣ ಕೆಂಪು ಮೆಣಸಿನಕಾಯಿಯನ್ನು ಸಹ ಬಳಸುತ್ತಾರೆ. ಜತೆಗೆ ಹಸಿರು ಮೆಣಸಿನಕಾಯಿ, ಗಸಗಸೆಯನ್ನು ಸಹ ಸೇರಿಸುತ್ತಾರೆ.

ಲಾಬ್ರಾ ತೊರ್ಕರಿ
ಲಾಬ್ರಾ ತೊರ್ಕರಿ ತಿನಿಸನ್ನು ಜೀರಿಗೆ, ಅರಿಶಿನ, ಉಪ್ಪು, ಕೊತ್ತಂಬರಿ ಮತ್ತು ಹಸಿರು ಮೆಣಸಿನಕಾಯಿಗಳಂತಹ ಕನಿಷ್ಠ ಮಸಾಲೆಗಳೊಂದಿಗೆ ತಯಾರಿಸಲಾಗುತ್ತದೆ. ಇದು ಈರುಳ್ಳಿ ಮತ್ತು ಬೆಳ್ಳುಳ್ಳಿ ಇಲ್ಲದೆ ಮಾಡಿದ ಕ್ಲಾಸಿಕ್ ಸೈಡ್ ಡಿಶ್ ಆಗಿದೆ. ಇದು ಮೂಲಂಗಿ, ಆಲೂಗಡ್ಡೆ, ಬಿಳಿಬದನೆ, ಸಿಹಿ ಗೆಣಸು, ಟ್ಯಾರೋ, ಬಾಳೆಹಣ್ಣು ಮತ್ತು ಬ್ರಾಡ್ ಬೀನ್ಸ್‌ನಂತಹ ಮಿಶ್ರ ತರಕಾರಿಗಳೊಂದಿಗೆ ಈ ಖಾದ್ಯವನ್ನು ಸಿದ್ಧಪಡಿಸಲಾಗುತ್ತದೆ.

ಬೇಗನ್ ಪೋರಾ
ಬಂಗಾಳಿ ವಿಧವೆಯರು ಆಲೂಗಡ್ಡೆ ಮತ್ತು ಟೊಮೇಟೊಗಳೊಂದಿಗೆ ಬದನೆಕಾಯಿಯನ್ನು ಹುರಿಯುವ ಮೂಲಕ ಈ ಬೇಗನ್ ಪೋರಾವನ್ನು ತಯಾರಿಸುತ್ತಾರೆ. ಹುರಿದ ನಂತರ, ಈ ಎಲ್ಲಾ ತರಕಾರಿಗಳನ್ನು ಉಪ್ಪು, ಸಾಸಿವೆ ಎಣ್ಣೆ ಮತ್ತು ಹಸಿರು ಮೆಣಸಿನಕಾಯಿಗಳೊಂದಿಗೆ ಸೇರಿಸುತ್ತಾರೆ. ತುಂಬಾ ಸರಳವಾಗಿ ತಯಾರಿಸುವ ಈ ಖಾದ್ಯ ತಿನ್ನಲು ಸಹ ರುಚಿಕರವಾಗಿದೆ.

ತೇತೋ ಶುಕ್ತೋ
ಈ ಖಾದ್ಯವು ಕರುಳನ್ನು ಶುದ್ಧೀಕರಿಸುವ ಪಾಕವಿಧಾನ ಎಂದು ಹೇಳಲಾಗುತ್ತದೆ. ಹೀಗಾಗಿಯೇ ವಿಧವೆಯರು ತಮ್ಮ ಆಹಾರದಲ್ಲಿ ಇದನ್ನು ಸೇರಿಸಲು ಪ್ರಮುಖ ಕಾರಣವಾಗಿದೆ. ಶುಕ್ತೋ ಎಂಬುದು ಕಹಿಗೆ ಒತ್ತು ನೀಡುವ ತರಕಾರಿಗಳ ಮಿಶ್ರಣವಾಗಿದ್ದು, ಇದನ್ನು ತಯಾರಿಸಲು ಹಾಗಲಕಾಯಿಯನ್ನು ಬಳಸುತ್ತಾರೆ.

ಎಕೋರೆರ್ ದಲ್ನಾ 
ಈ ಖಾದ್ಯವನ್ನು ಬಂಗಾಳಿ ವಿಧವೆಯವರು ತಮ್ಮ ಮಾಂಸದ ಕಡುಬಯಕೆಗಳನ್ನು ಪೂರೈಸಲು ವ್ಯಾಪಕವಾಗಿ ಬಳಸುತ್ತಾರೆ. ಇದು ಕೆಲವು ಸಾಮಾನ್ಯ ಮಸಾಲೆಗಳೊಂದಿಗೆ ಮತ್ತು ಈರುಳ್ಳಿ ಮತ್ತು ಬೆಳ್ಳುಳ್ಳಿ ಜತೆಗೆ ಹಲಸಿನಕಾಯಿ ಸೇರಿಸಿ ಮಾಡುವ ತಿನಿಸಾಗಿದೆ. ಈ ಮೇಲೋಗರವನ್ನು ಸಾದಾ ರೊಟ್ಟಿಯೊಂದಿಗೆ ಅಥವಾ ಅನ್ನದೊಂದಿಗೆ ತಿನ್ನಬಹುದು.