ಯಪ್ಪಾ..ಮಹಿಳೆಯರ ಒಳ ಉಡುಪಿನ ಜಾಹೀರಾತಿಗೆ ಪುರುಷರು!
ಸಾರಾಂಶ
ಚೀನಾ ಸರ್ಕಾರ ಮಹಿಳೆಯರು ಒಳ ಉಡುಪುಗಳಿಗೆ ಮಾಡೆಲಿಂಗ್ ಮಾಡುವುದನ್ನು ನಿಷೇಧಿಸಿದೆ. ಹೀಗಾಗಿ ಲೈವ್-ಸ್ಟ್ರೀಮ್ ಶಾಪಿಂಗ್ ಈವೆಂಟ್ಗಳಲ್ಲಿ ಪುರುಷ ಮಾಡೆಲ್ಗಳು ಪುಷ್-ಅಪ್ ಬ್ರಾಸ್ ಮತ್ತು ಕಾರ್ಸೆಟ್ಗಳನ್ನು ಧರಿಸಿ ಜಾಹೀರಾತು ನೀಡುತ್ತಿದ್ದಾರೆ. ಯಪ್ಪಾ..ಹೀಗೂ ಮಾಡ್ತಾರಾ ಅನ್ಬೇಡಿ, ಇಲ್ಲಿದೆ ನೋಡಿ ಡೀಟೈಲ್ಸ್.
ಒಳ ಉಡುಪುಗಳ ಜಾಹೀರಾತು ತಡೆಯಲು ಚೀನಾ ಸರ್ಕಾರ, ಆನ್ಲೈನ್ನಲ್ಲಿ ಒಳ ಉಡುಪುಗಳ ಜಾಹೀರಾತಿಗೆ ಮಹಿಳೆಯರ ಬಳಕೆಗೆ ನಿಷೇಧ ಹೇರಿದೆ. ಆದರೆ ಸರ್ಕಾರದ ಆದೇಶಕ್ಕೆ ಸಡ್ಡು ಹೊಡೆದಿರುವ ಕಂಪನಿಯೊಂದು ಪುರುಷರಿಗೆ ಮಹಿಳೆಯರ ಒಳ ಉಡುಪು ತೊಡಿಸಿ ಜಾಹೀರಾತು ನೀಡಿದೆ. ತನ್ನ ಈ ನಿರ್ಧಾರ ಸಮರ್ಥಿಸಿಕೊಂಡಿರುವ ಕಂಪನಿ, ಉಡುಪುಗಳ ಡಿಸೈನ್ಗಳ ಪ್ರಚಾರದಿಂದ ಮಾರಾಟ ಹೆಚ್ಚಳವಾಗುತ್ತದೆ. ಆದರೆ ಸರ್ಕಾರ ಹೇರಿರುವ ನಿಷೇಧ ವ್ಯಾಪಾರಕ್ಕೆ ಹೊಡೆತ ನೀಡಲಿದೆ. ಹಾಗಾಗಿ ಈ ನಿರ್ಧಾರ ತೆಗೆದುಕೊಂಡಿರುವುದಾಗಿ ಹೇಳಿದೆ.
ಚೀನಾದಲ್ಲಿ ಅಶ್ಲೀಲ ವಸ್ತುಗಳ ಆನ್ಲೈನ್ ಮಾರಾಟವನ್ನು (Online sale) ನಿಷೇಧಿಸುವ ಕಾನೂನನ್ನು ಉಲ್ಲಂಘಿಸಿದ್ದಕ್ಕಾಗಿ ಹಲವಾರು ಕಂಪನಿಗಳನ್ನು ಮುಚ್ಚಲಾಗಿದೆ. ಮಹಿಳೆ (Woman)ಯರನ್ನು ಇಂಥಾ ಅಡ್ವರ್ಟೈಸ್ಮೆಂಟ್ಗಳಲ್ಲಿ ಬಳಸದಂತೆ ಸೂಚಿಸಲಾಗಿದೆ. ಆದ್ದರಿಂದ, ಕಂಪನಿಗಳು ಪುಶ್-ಅಪ್ ಬ್ರಾಗಳು, ಫಾರ್ಮ್-ಫಿಟ್ಟಿಂಗ್ ಕಾರ್ಸೆಟ್ಗಳು ಮತ್ತು ಲೇಸ್-ಟ್ರಿಮ್ ಮಾಡಿದ ನೈಟ್ಗೌನ್ಗಳನ್ನು ಧರಿಸಿರುವ ಪುರುಷರ ಚಲನಚಿತ್ರಗಳನ್ನು ಲೈವ್ ಸ್ಟ್ರೀಮ್ ಮಾಡಲು ಪ್ರಾರಂಭಿಸಿವೆ. ಯಾಕೆಂದರೆ ಜಾಹೀರಾತು (Advertisement) ನೀಡದೆ ನಷ್ಟವನ್ನು ಮಾಡಿಕೊಳ್ಳಲು ಬಯಸುವುದಿಲ್ಲ ಎಂದು ಕಂಪೆನಿ ಕೇಳಿಕೊಂಡಿದೆ.
Bra Secrets: ಇಂಥಹಾ ಬ್ರಾ ಹಾಕಿದ್ರೆ ಹುಡುಗರು ನಿಮ್ಮನ್ನೇ ನೋಡ್ತಾರೆ..!
ಪುರುಷ ಸಹೋದ್ಯೋಗಿಗಳನ್ನು ಬಳಸಿ ಮಹಿಳೆಯರ ಒಳಉಡುಪಿನ ಜಾಹೀರಾತು
'ಒಳಉಡುಪುಗಳನ್ನು (Lingerie) ಮಾರಾಟ ಮಾಡಲು ನಮಗೆ ಹೆಚ್ಚು ಆಯ್ಕೆಯಿರಲ್ಲಿಲ್ಲ. ನಮ್ಮ ಮಹಿಳಾ ಸಹೋದ್ಯೋಗಿಗಳನ್ನು ಮಾಡೆಲಿಂಗ್ ಮಾಡಲು ಅನುಮತಿಸದ ಕಾರಣ ನಾವು ನಮ್ಮ ಪುರುಷ (Men) ಸಹೋದ್ಯೋಗಿಗಳನ್ನು ಮಾಡೆಲ್ ಆಗಿ ಬಳಸಿಕೊಂಡೆವು; ಎಂದು ನ್ಯೂಯಾರ್ಕ್ ಪೋಸ್ಟ್ ವರದಿ ಮಾಡಿದೆ. ಲೈವ್ ಸ್ಟ್ರೀಮ್ ಕಂಪನಿಯ ಮಾಲೀಕ ಕ್ಸು ಕೂಡಾ ಒಳಉಡುಪುಗಳ ಜಾಹೀರಾತನ್ನು ಪುರುಷರಿಂದ ಮಾಡಿಸಿಕೊಳ್ಳುತ್ತಿರುವ ಕ್ರಮವನ್ನು ಸಮರ್ಥಿಸಿಕೊಂಡರು. ಕಳೆದ ಡಿಸೆಂಬರ್ನಲ್ಲಿ, ರೇಷ್ಮೆ ನಿಲುವಂಗಿಯನ್ನು ಧರಿಸಿದ ಪುರುಷ ಮಾಡೆಲ್ ಕ್ಸು ಅವರು ಜಾಹೀರಾತಿನಲ್ಲಿ ಕಾಣಿಸಿಕೊಂಡರು. 2,000 ಕ್ಕೂ ಹೆಚ್ಚು ಜನರು ವೀಡಿಯೊವನ್ನು ಇಷ್ಟಪಟ್ಟಿದ್ದಾರೆ ಮತ್ತು ಅನೇಕರು ಕಾಮೆಂಟ್ ಮಾಡಿದ್ದಾರೆ.
ಮಹಿಳಾ ಮಾಡೆಲ್ ಆಗಿದ್ದರೆ, ಪ್ರತಿ ಎರಡು ನಿಮಿಷಗಳಿಗೊಮ್ಮೆ ಲೈವ್ ಸ್ಟ್ರೀಮ್ ಅನ್ನು ಸ್ಥಗಿತಗೊಳಿಸಲಾಗುತ್ತಿತ್ತು ಎಂದು ಒಬ್ಬರು ಹೇಳಿದರು. 'ಈ ರೀತಿಯ ಕ್ರಮ ಇನ್ನೂ ಹೆಚ್ಚಿನ ಮಹಿಳಾ ಉದ್ಯೋಗ ಅವಕಾಶಗಳನ್ನು ನಿರಾಕರಿಸುತ್ತದೆ; ಎಂದು ಮತ್ತೊಬ್ಬ ಬಳಕೆದಾರರು ಹೇಳಿದರು. 'ಒಳಉಡುಪುಗಳನ್ನು ಗಂಡು, ಹೆಣ್ಣಿಗಿಂತ ಚೆನ್ನಾಗಿ ಧರಿಸುತ್ತಾನೆ' ಎಂದು ಇನ್ನೊಬ್ಬರು ಕಾಮೆಂಟ್ ಮಾಡಿದ್ದಾರೆ.
@xiaojingcanxue ಎಂಬ ಬಳಕೆದಾರಹೆಸರು ಹೊಂದಿರುವ ಟ್ವಿಟ್ಟರ್ ಬಳಕೆದಾರರು ಟ್ವೀಟ್ ಮಾಡಿದ್ದಾರೆ, 'ಚೀನಾದಲ್ಲಿ, ನೇರ ಪ್ರಸಾರದಲ್ಲಿ ಮಹಿಳೆಯರಿಗೆ ಒಳ ಉಡುಪುಗಳನ್ನು ಧರಿಸಲು ಅನುಮತಿ ಇಲ್ಲ. ಹೀಗೆ ಮಾಡಿದರೆ, ಅಶ್ಲೀಲತೆಯನ್ನು ಹರಡಿದ ಆರೋಪಕ್ಕಾಗಿ ಲೈವ್ ಸ್ಟ್ರೀಮ್ ಆಫೀಸ್ನ್ನು ತಕ್ಷಣವೇ ಮತ್ತು ಶಾಶ್ವತವಾಗಿ ನಿಷೇಧಿಸಲಾಗುವುದು. ಹಾಗಾಗಿ ಒಳಉಡುಪುಗಳ ಮಾರಾಟಕ್ಕೆ, ಜಾಹೀರಾತಿನಲ್ಲಿ ಪುರುಷರನ್ನು ಬಳಸಿಕೊಳ್ಳಲಾಗುತ್ತಿದೆ. ಗಮನಾರ್ಹವಾಗಿ, ಚೀನಾ 2020ರಲ್ಲಿ ಲೈವ್ ಸ್ಟ್ರೀಮ್ ಶಾಪಿಂಗ್ನಲ್ಲಿ ಭಾರಿ ಹೆಚ್ಚಳವನ್ನು ಕಂಡಿತು ಮತ್ತು COVID-19 ಸಾಂಕ್ರಾಮಿಕವು ಅದರ ಕೆಲವು ಏರಿಕೆಗೆ ಕೊಡುಗೆ ನೀಡಿತು. ಹೆಚ್ಚಿನ ಜನರು ಮನೆಯಲ್ಲಿ ಶಾಪಿಂಗ್ ಮಾಡಲು ಒತ್ತಾಯಿಸಲ್ಪಟ್ಟಿದ್ದರಿಂದ ಸಾಂಪ್ರದಾಯಿಕ ಅಂಗಡಿಗಳು ಮುಚ್ಚಲು ಪ್ರಾರಂಭಿಸಿದವು ಮತ್ತು ಕಂಪನಿಗಳು ತಮ್ಮ ಬಿಸಿನೆಸ್ನ್ನು ಆನ್ಲೈನ್ಗೆ ಬದಲಾಯಿಸಿದವು.
ತುಂಬಾ ಬಿಗಿಯಾದ ಬ್ರಾ ಧರಿಸಿದ್ರೆ ಗಂಭೀರ ಅನಾರೋಗ್ಯ ಕಾಡುತ್ತೆ!
ವ್ಯಾಪಾರದಲ್ಲಿ ನಷ್ಟವಾಗದಿರಲು ಕಂಪೆನಿಯ ಕ್ರಮ
ಲೈವ್-ಸ್ಟ್ರೀಮ್ ಶಾಪಿಂಗ್ನಲ್ಲಿ, ಮಾಡೆಲ್ಗಳು ಮತ್ತು ಪ್ರಭಾವಿಗಳು ಟೆಲಿವಿಷನ್ ಶಾಪಿಂಗ್ನಂತೆಯೇ ಲೈವ್ ಸ್ಟ್ರೀಮ್ನಲ್ಲಿ ಮಾರಾಟವಾಗುವ ಉತ್ಪನ್ನಗಳನ್ನು ಪ್ರದರ್ಶಿಸುತ್ತಾರೆ. ಆದರೆ ಲೈವ್-ಸ್ಟ್ರೀಮ್ ಶಾಪಿಂಗ್ನಲ್ಲಿ, ಗ್ರಾಹಕರು ನಿರೂಪಕರೊಂದಿಗೆ ಸಂವಹನ ನಡೆಸಬಹುದು. ಉತ್ಪನ್ನದ ಬಗ್ಗೆ ಪ್ರಶ್ನೆಗಳನ್ನು ಕೇಳಬಹುದು. ಲೈವ್ ಸ್ಟ್ರೀಮ್ ಶಾಪಿಂಗ್ ಈವೆಂಟ್ಗಳು ಸಾಮಾನ್ಯವಾಗಿ ರಿಯಾಯಿತಿಗಳು, ಪ್ರಚಾರಗಳು ಮತ್ತು ಕೊಡುಗೆಗಳನ್ನು ಒಳಗೊಂಡಿರುತ್ತವೆ, ಅವುಗಳನ್ನು ಹೆಚ್ಚು ಜನಪ್ರಿಯಗೊಳಿಸುತ್ತವೆ. ಇಂತಹ ಲೈವ್ ಶಾಪಿಂಗ್ ಶೋಗಳನ್ನು ಸಾಮಾನ್ಯವಾಗಿ ಫೇಸ್ಬುಕ್ ಲೈವ್ ಮತ್ತು ಇನ್ಸ್ಟಾಗ್ರಾಮ್ನಂತಹ ಸಾಮಾಜಿಕ ಮಾಧ್ಯಮ ಪ್ಲಾಟ್ಫಾರ್ಮ್ಗಳಲ್ಲಿ ಹೋಸ್ಟ್ ಮಾಡಲಾಗುತ್ತದೆ..
ಫ್ಯಾಷನ್ ಉತ್ಪನ್ನಗಳು ಚೀನಾದಲ್ಲಿ ಲೈವ್ ಸ್ಟ್ರೀಮ್ ಈವೆಂಟ್ಗಳಲ್ಲಿ ಮಾರಾಟವಾಗುವ ಅತ್ಯಂತ ಜನಪ್ರಿಯ ಉತ್ಪನ್ನಗಳಾಗಿವೆ. ಆಹಾರ ಮತ್ತು ಗೃಹೋಪಯೋಗಿ ವಸ್ತುಗಳು ಸಹ ಆನ್ಲೈನ್ನಲ್ಲಿ ಹೆಚ್ಚು ಮಾರಾಟವಾಗುತ್ತವೆ. ಈ ಪ್ರದರ್ಶನಗಳನ್ನು ಸಾಮಾನ್ಯವಾಗಿ ಮಾಡೆಲ್ಗಳು, ಪ್ರಭಾವಿಗಳು ಮತ್ತು ಸೆಲೆಬ್ರಿಟಿಗಳು ಆಯೋಜಿಸುತ್ತಾರೆ.
ಆರೋಗ್ಯ, ಸೌಂದರ್ಯ, ಫಿಟ್ನೆಸ್, ಕಿಚನ್ ಟಿಪ್ಸ್, ಸಂಬಂಧ, ಫ್ಯಾಷನ್, ರೆಸಿಪಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.