ಹೃತಿಕ್​ ರೋಷನ್​ಗೆ ಮಾಜಿ ಪತ್ನಿ ತಿರುಗೇಟು: ಪ್ರಿಯತಮನ​ ಜೊತೆಗಿನ ರೊಮ್ಯಾಂಟಿಕ್​ ರೀಲ್ಸ್​ ಶೇರ್​!

ಹೃತಿಕ್ ರೋಷನ್-ಸಾಬಾ ಆಜಾದ್ ಅವರ ರಜೆಯ ಫೋಟೋಗಳ ನಂತರ ಸುಸೇನ್​ ಖಾನ್​ ತಮ್ಮ ಲವರ್​  ಅರ್ಸ್ಲಾನ್ ಗೋನಿಯೊಂದಿಗೆ ರೀಲ್ಸ್​ ಮಾಡಿ ಶೇರ್​ ಮಾಡಿಕೊಂಡಿದ್ದಾರೆ.  

ನಟಿ ಕಂಗನಾ ರಣಾವತ್​ಗೆ ಕೈಕೊಟ್ಟು, ಪತ್ನಿ ಸೂಸೆನ್ ಖಾನ್​ಗೂ ಡಿವೋರ್ಸ್​ ಕೊಟ್ಟ ಮೇಲೆ ಬಾಲಿವುಡ್ (Bollywood) ನಟ ಹೃತಿಕ್ ರೋಷನ್ ಮತ್ತು ಗಾಯಕಿ ಸಬಾ ಅಜಾದ್ ಲವ್ ವಿಚಾರ ಇದೀಗ ಗುಟ್ಟಾಗಿಯೇನು ಉಳಿದಿಲ್ಲ. ಕೆಲ ತಿಂಗಳ ಸಾರ್ವಜನಿಕ ಸ್ಥಳದಲ್ಲಿ ಸಬಾ- ಹೃತಿಕ್ ಇಬ್ಬರು ಲಿಪ್ ಕಿಸ್ ಮಾಡಿ ತಮ್ಮ ಸಂಬಂಧದ ಕುರಿತು ಪರೋಕ್ಷವಾಗಿ ತಿಳಿಸಿದ್ದರು. ಇದರ ವಿಡಿಯೋ ಭಾರಿ ಸದ್ದು ಮಾಡಿತ್ತು. ಸಬಾ ಜೊತೆ ಡೇಟಿಂಗ್ ಮಾಡುತ್ತಾ ಕೆಲ ವರ್ಷಗಳೇ ಆಗಿವೆ. ಕಳೆದ ವರ್ಷ ನವೆಂಬರ್‌ನಲ್ಲಿ ಹೃತಿಕ್ ರೋಷನ್- ಸಬಾ ದಾಂಪತ್ಯ ಜೀವನಕ್ಕೆ ಕಾಲಿಡಲಿದ್ದಾರೆ ಎನ್ನುವ ಸುದ್ದಿ ಹರಡಿತ್ತು. ಆದರೆ ಈ ಜೋಡಿ ಮಾತ್ರ ತುಟಿಕ್​ ಪಿಟಿಕ್​ ಅಂದಿರಲಿಲ್ಲ.  ಆದರೆ ಈಗ ಅವರಿಬ್ಬರು ಯಾವುದೇ ಹಿಂಜರಿಕೆ ಇಲ್ಲದೇ ತಮ್ಮ ಫೋಟೋಗಳನ್ನು ಶೇರ್​ ಮಾಡಿಕೊಳ್ಳುತ್ತಿದ್ದಾರೆ. ಸಿನಿಮಾ ಕೆಲಸಗಳಿಂದ ಸಣ್ಣ ಬ್ರೇಕ್​ ತೆಗೆದುಕೊಂಡಿರೋ ನಟ,  ಅರ್ಜೆಂಟೀನಾದಲ್ಲಿ ಗರ್ಲ್​ಫ್ರೆಂಡ್​ ಜೊತೆ ಮೋಜು ಮಸ್ತಿಯಲ್ಲಿ ತೊಡಗಿದ್ದು, ಅದರ ಫೋಟೋಗಳನ್ನು ಮೊನ್ನೆಯಷ್ಟೇ ಖುಲ್ಲಂ ಖುಲ್ಲಾ ಆಗಿ ಶೇರ್ ಮಾಡಿಕೊಂಡಿದ್ದರು. ಮದುವೆಯ ಬಗ್ಗೆ ಏನೂ ಹೇಳದ ಈ ಜೋಡಿ ಮಾತ್ರ ಟೂರ್​ ಎಂಜಾಯ್​ ಮಾಡುತ್ತಿದ್ದು, ಅವರ ಫೋಟೋ ವೈರಲ್​ ಆಗಿದೆ. ಈ ಫೋಟೋಗೆ ಹೃತಿಕ್​ ಅವರು ಚಳಿಗಾಲದ ಹುಡುಗಿ (Winter Girl) ಎಂದು ಶೀರ್ಷಿಕೆ ಕೊಟ್ಟಿದ್ದಾರೆ.

ಇದನ್ನು ನೋಡಿ ಸೂಸೆನ್ ಖಾನ್​ ಸುಮ್ಮನೇ ಇರ್ತಾರೆಯೇ? ಮಾಜಿ ಪತಿ ಹೃತಿಕ್​ ರೋಷನ್​ಗೆ ಸರಿಯಾದ ತಿರುಗೇಟು ನೀಡಿದ್ದಾರೆ. ಹೃತಿಕ್ ರೋಷನ್ ಗೆಳತಿ ಸಬಾ ಆಜಾದ್ (Saba Azad) ಜೊತೆಗಿನ ಫೋಟೋಗಳನ್ನು ಶೇರ್​ ಮಾಡಿಕೊಂಡ ಎರಡು ದಿನಗಳಲ್ಲಿಯೂ ಸೂಸೇನ್​ ಖಾನ್​  ತಮ್ಮ ಸ್ನೇಹಿತ  ಅರ್ಸ್ಲಾನ್ ಗೋನಿಯೊಂದಿಗೆ ಇರುವ ವಿಡಿಯೋ ಒಂದನ್ನು ಶೇರ್​ ಮಾಡಿದ್ದಾರೆ. ರೊಮ್ಯಾಂಟಿಕ್​ ರೀಲ್ಸ್​ ಇದಾಗಿದ್ದು, ಇದನ್ನು ತಮ್ಮ ಇನ್​ಸ್ಟಾಗ್ರಾಮ್​ನಲ್ಲಿ ಹಂಚಿಕೊಂಡಿದ್ದಾರೆ.  ಸುಸೇನ್​ ಮತ್ತು  ಆರ್ಸ್ಲಾನ್ ಅವರ ರಜೆಯ ಕ್ಷಣಗಳನ್ನು ಇದರಲ್ಲಿ ನೋಡಬಹುದು. ನೈಟ್‌ಕ್ಲಬ್‌ನಲ್ಲಿ ಪಾರ್ಟಿಗೆ ಅಟೆಂಡ್​ ಆಗಿರೋ ಜೋಡಿ,  ತಡರಾತ್ರಿಯ ವೇಳೆ ರೊಮ್ಯಾಂಟಿಕ್​ ಮೂಡ್​ನಲ್ಲಿರುವುದನ್ನು ನೋಡಬಹುದು.

Hrithik Roshan: ಡಿವೋರ್ಸ್​ ಬಳಿಕ 'ಚಳಿಗಾಲದ ಪ್ರೇಯಸಿ' ಜೊತೆ ಕಂಗನಾ ಎಕ್ಸ್​! ಜ್ಯೋತಿಷಿ ಮಾತು ನಿಜವಾಗತ್ತಾ?

'ಸಹಾನುಭೂತಿಯಿಂದ ಬದುಕುವ ಸಿಂಹಿಣಿಯು ಅದನ್ನು ಯಾವಾಗಲೂ ಸ್ವೀಕರಿಸುತ್ತದೆ... 2023 ರ ಅತ್ಯುತ್ತಮ ಬೇಸಿಗೆಗಾಗಿ... ಎಂದು ಈ ರೀಲ್ಸ್​ಗೆ ಶೀರ್ಷಿಕೆ ಕೊಟ್ಟಿದ್ದಾರೆ ಸೂಸೇನ್​ ಖಾನ್​. ಈ  ಪೋಸ್ಟ್  ಹಂಚಿಕೊಂಡ ತಕ್ಷಣ,  ನೆಟಿಜನ್‌ಗಳಿಂದ ಮಿಶ್ರ ಪ್ರತಿಕ್ರಿಯೆ ವ್ಯಕ್ತವಾಗಿದೆ.  ಸಭಾರೊಂದಿಗೆ  ಹೃತಿಕ್ ರೋಷನ್​ ರೊಮ್ಯಾನ್ಸ್​ ಮಾಡುವಾಗ ನೀವು ಹೀಗೆ ಮಾಡ್ತಿರೋದು ತಪ್ಪಲ್ಲ ಎಂದೇ ಹಲವರು ಹೇಳಿದ್ದಾರೆ. ಮಾಜಿ ಪತಿಗೆ ಸರಿಯಾಗಿ ಠಕ್ಕರ್​ ಕೊಟ್ಟಿರುವಿರಿ ಎಂದು ಇನ್ನು ಕೆಲವರು ಸೂಸೇನ್​ ಖಾನ್​ (Susen Khan) ಪರವಾಗಿ ಬರೆದಿದ್ದಾರೆ.  ಒಂದು ಪ್ರೀತಿ ಸೋತರೆ ಇನ್ನೊಂದು ಪ್ರೀತಿ ಸಿಕ್ಕೇ ಸಿಗುತ್ತದೆ ಎಂದು ಹೇಳುವುದು ಇದಕ್ಕಾಗಿಯೇ ಎಂದು ಮತ್ತೆ ಕೆಲವರು ಹೇಳಿದ್ದಾರೆ.

ಇನ್ನು ಹೃತಿಕ್​  ಅವರ ಕೆಲಸದ ಕುರಿತು ಹೇಳುವುದಾದರೆ, ಹೃತಿಕ್ (Hritik Roshan) ಕೊನೆಯದಾಗಿ ನಿಯೋ-ನಾಯರ್ ಆಕ್ಷನ್ ಥ್ರಿಲ್ಲರ್ ವಿಕ್ರಮ್ ವೇದದಲ್ಲಿ ಕಾಣಿಸಿಕೊಂಡರು, ಇದರಲ್ಲಿ ಅವರು ದರೋಡೆಕೋರ ವೇದಾ ಪಾತ್ರದಲ್ಲಿ ಮಿಂಚಿದ್ದಾರೆ.  ಅದೇ ಹೆಸರಿನ 2017 ರ ತಮಿಳು ಚಲನಚಿತ್ರದ ಅಧಿಕೃತ ರಿಮೇಕ್ ಇದು. ಚಲನಚಿತ್ರವು ಕಳೆದ ವರ್ಷ ಸೆಪ್ಟೆಂಬರ್‌ನಲ್ಲಿ ಚಿತ್ರಮಂದಿರಗಳಲ್ಲಿ ಸಕಾರಾತ್ಮಕ ವಿಮರ್ಶೆಗಳೊಂದಿಗೆ  ಬಿಡುಗಡೆಯಾದರೂ ಹೆಚ್ಚು  ಜನಪ್ರಿಯತೆ ಗಳಿಸಲಿಲ್ಲ.