ರಿಷಬ್ ನಟನೆಯ 'ಛತ್ರಪತಿ ಶಿವಾಜಿ' ಚಿತ್ರ ಬರಲ್ವಾ..? ರಿತೇಶ್ ದೇಶಮುಖ್ 'ರಾಜಾ ಶಿವಾಜಿ' ಆಗಿ ರಿಲೀಸ್​ಗೆ ರೆಡಿ!

ಶಿವಾಜಿ ಸಮರ
ರಿತೇಶ್ ದೇಶಮುಖ್ ನಟನೆ ನಿರ್ದೇಶನದ ರಾಜಾ ಶಿವಾಜಿ

ಡಿವೈನ್ ಸ್ಟಾರ್ ರಿಷಬ್ ಶೆಟ್ಟಿ (Rishab Shetty) ನಟನೆಯಲ್ಲಿ ಛತ್ರಪತಿ ಶಿವಾಜಿ ಮಹಾರಾಜ್ ಸಿನಿಮಾ ಅನೌನ್ಸ್ ಆಗಿದ್ದು ಗೊತ್ತೇ ಇದೆ. 2027ರ ಜನವರಿಗೆ ಈ ಸಿನಿಮಾ ರಿಲೀಸ್ ಅಂತ ಅನೌನ್ಸ್ ಮಾಡಲಾಗಿತ್ತು. ಈಗ ನೋಡಿದ್ರೆ ಬಾಲಿವುಡ್​ನಲ್ಲಿ ರಿತೇಷ್ ದೇಶಮುಖ್ (Riteish Deshmukh) ತಮ್ಮದೇ ನಟನೆ ನಿರ್ದೇಶನದಲ್ಲಿ ರಾಜಾ ಶಿವಾಜಿ ಅನ್ನೋ ಸಿನಿಮಾ ಮಾಡಿದ್ದಾರೆ. ಹಾಗಾದ್ರೆ ರಿಷಬ್ ಶಿವಾಜಿ ಪಾತ್ರ ಮಾಡೋದಿಲ್ವಾ..? ಏನಿದು ಶಿವಾಜಿ ಸಮರ..? ಇಲ್ಲಿದೆ ನೋಡಿ ಆ ಕುರಿತ ಸ್ಟೋರಿ.

ರಿಷಬ್ ನಟನೆಯ ಛತ್ರಪತಿ ಶಿವಾಜಿ ಚಿತ್ರ ನಿಂತೋಯ್ತಾ..?
ಕಳೆದ ವರ್ಷ ರಿಷಭ್ ಶೆಟ್ಟಿ ನಟನೆಯಲ್ಲಿ ದಿ ಪ್ರೈಡ್ ಆಫ್ ಭಾರತ್ ಛತ್ರಪತಿ ಶಿವಾಜಿ ಮಹಾರಾಜ್ ಅನ್ನೋ ಸಿನಿಮಾ ಅನೌನ್ಸ್ ಆಗಿತ್ತು. ಸಂದೀಪ್ ಸಿಂಗ್ ಈ ಚಿತ್ರವನ್ನ ಡೈರೆಕ್ಟ್ ಮಾಡಲಿದ್ದು, ಜನವರಿ 21,  2027ಕ್ಕೆ ರಿಲೀಸ್ ಅಂತ ಅನೌನ್ಸ್ ಮಾಡಲಾಗಿತ್ತು. ರಿಷಬ್ ಛತ್ರಪತಿ ವೇಷದಲ್ಲಿರೋ ಪೋಸ್ಟರ್ ಕೂಡ ರಿಲೀಸ್ ಆಗಿತ್ತು.

ಆದ್ರೆ ಈ ಶಿವಾಜಿ ಬರೋದಕ್ಕೂ ಮುನ್ನ ಬಾಲಿವುಡ್​ನಲ್ಲಿ ಮತ್ತೊಬ್ಬ ಶಿವಾಜಿ ಬಂದಾಗಿದೆ. ಹೌದು ಶಿವಾಜಿ ಮಹಾರಾಜರ ಕಥೆಯುಳ್ಳ ರಾಜಾ ಶಿವಾಜಿ ಅನ್ನೋ ಸಿನಿಮಾ ಮರಾಠಿ, ಹಿಂದಿ ಮತ್ತು ತೆಲುಗುನಲ್ಲಿ ಸಿದ್ದವಾಗಿದ್ದು, ಇದೇ ಮೇ 1 ಕ್ಕೆ ದೇಶಾದ್ಯಂತ ರಿಲೀಸ್ ಆಗ್ತಾ ಇದೆ.

ಜಿಯೋ ಸ್ಟುಡಿಯೋಸ್ ಜೊತೆಗೂಡಿ ಜೆನಿಲಿಯಾ ದೇಶಮುಖ್ ಈ ಸಿನಿಮಾವನ್ನ ನಿರ್ಮಾಣ ಮಾಡಿದ್ರೆ, ರಿತೇಶ್ ದೇಶಮುಖ್ ಶಿವಾಜಿ ಪಾತ್ರಕ್ಕೆ ಬಣ್ಣ ಹಚ್ಚೋದ್ರ ಜೊತೆಗೆ ಖುದ್ದು ಸಿನಿಮಾವನ್ನ ನಿರ್ದೇಶನ ಕೂಡ ಮಾಡಿದ್ದಾರೆ. ರಿತೇಶ್ ಮಹಾರಾಷ್ಟ್ರ ಮಾಜಿ ಸಿಎಂ ವಿಲಾಸ್ ರಾವ್ ದೇಶಮುಖ್ ಪುತ್ರ. ಮರಾಠ ಸಮುದಾಯಕ್ಕೆ ಸೇರಿದ ರಿತೇಶ್​ಗೆ ಶಿವಾಜಿ ಮಹಾರಾಜರ ಕುರಿತ ಸಿನಿಮಾ ಮಾಡೋದು ಬಹುಕಾಲದ ಕನಸಾಗಿತ್ತಂತೆ , ಫೈನಲಿ ಈ ಚಿತ್ರವನ್ನ ಮಾಡೋ ಆ ಮೂಲಕ ಕನಸನ್ನ ಈಡೇರಿಸಿಕೊಂಡಿದ್ದಾರೆ.

ರಿತೇಶ್, ಜೆನಿಲಿಯಾ ಜೊತೆಗೆ ಸಂಜಯ್ ದತ್, ಅಭಿಷೇಕ್ ಬಚ್ಚನ್, ವಿದ್ಯಾ ಬಾಲನ್, ಮಹೇಶ್ ಮಾಂಜ್ರೇಕರ್ ಸೇರಿದಂತೆ ಚಿತ್ರದಲ್ಲಿ ದೊಡ್ಡ ತಾರಾಬಳಗವೇ ಇದೆ. ಅಷ್ಟೇ ಅಲ್ಲದೇ ಸಲ್ಮಾನ್ ಖಾನ್ ಈ ಸಿನಿಮಾ ಸ್ಪೆಷಲ್ ಅಪೀಯರೆನ್ಸ್ ಮಾಡಿದ್ದಾರೆ.

ರಾಜಾ ಶಿವಾಜಿ ರಿಲೀಸ್​ಗೆ ರೆಡಿ.. ಏನಾಯ್ತು ರಿಷಬ್ ಪ್ರಾಜೆಕ್ಟ್?
ಹೌದು ಇತ್ತ ರಾಜಾ ಶಿವಾಜಿ ಶೂಟಿಂಗ್ ಮುಗಿಸಿ ರಿಲೀಸ್​​ಗೆ ಸಜ್ಜಾದ್ರೆ, ರಿಷಬ್ ಶೆಟ್ಟಿ ನಟನೆಯಲ್ಲಿ ಬರಬೇಕಿದ್ದ ಛತ್ರಪತಿ ಶಿವಾಜಿ ಮಹಾರಾಜ್ ಸಿನಿಮಾ ತಂಡದಿಂದ ಮಾತ್ರ ಯಾವುದೇ ಸುದ್ದಿ ಇಲ್ಲ. ಅಸಲಿಗೆ ಕಾಂತಾರ ಚಾಪ್ಟರ್ -1 ನಂತರ ರಿಷಬ್, ಜೈ ಹನುಮಾನ್ ಸಿನಿಮಾದಲ್ಲಿ ತೊಡಗಿಕೊಂಡಿದ್ದಾರೆ.

ಅಸಲಿಗೆ ರಿಷಬ್ ಶೆಟ್ಟಿ ನಟನೆಯಲ್ಲಿ ಛತ್ರಪತಿ ಶಿವಾಜಿ ಸಿನಿಮಾ ಅನೌನ್ಸ್ ಆದಾಗ ಕನ್ನಡ ಪರ ಸಂಘಟನೆಗಳಿಂದ ವಿರೋಧ ವ್ಯಕ್ತವಾಗಿತ್ತು. ಮರಾಠಿ ದೊರೆ ಪಾತ್ರ ಕನ್ನಡ ನಟ ಮಾಡೋದ್ಯಾಕೆ ಅಂತ ಕೆಲವರು ಕ್ಯಾತೆ ತೆಗೆದಿದ್ರು.

ಈ ವಿರೋಧದ ಕಾರಣಕ್ಕೆ ರಿಷಬ್ ಈ ಚಿತ್ರದಿಂದ ದೂರವಾದ್ರಾ..? ಅಥವಾ ಜೈ ಹನುಮಾನ್ ನಂತರ ಈ ಸಿನಿಮಾ ಸೆಟ್ಟೇರಲಿದೆಯಾ ಗೊತ್ತಿಲ್ಲ..? ಈಗಿನ ಬೆಳವಣಿಗೆ ನೋಡಿದ್ರೆ 2027 ಜನವರಿಗೆ ರಿಷಬ್ ನಟನೆಯ ಛತ್ರಪತಿ ಶಿವಾಜಿ ಸಿನಿಮಾ ತೆರೆಗೆ ಬರೋದು ಅಸಾಧ್ಯ. ಹಾಗಾದ್ರೆ ಯಾವಾಗ ಬರುತ್ತೆ..? ಅಥವಾ ಬರೋದೇ ಇಲ್ವಾ..? ಈ ಪ್ರಶ್ನೆಗಳಿಗೆ ಸದ್ಯಕ್ಕಂತೂ ಉತ್ತರವಿಲ್ಲ. 
ಹೆಚ್ಚಿನ ಮಾಹಿತಿಗೆ ವಿಡಿಯೋ ನೋಡಿ...