Kapoor Sisters: ಮಗಳೇ ಅಂದ ಸೈಫ್​ ಮೇಲೆನೇ ಲವ್: ಕರೀನಾ ರೆಸ್​ಪಾನ್ಸ್​ ಹೇಗಿತ್ತೆಂದು ವಿವರಿಸಿದ ಕರಿಷ್ಮಾ ಕಪೂರ್​...

ಸೈಫ್ ಅಲಿ ಖಾನ್, ಕರೀನಾ ಕಪೂರ್‌ಗಿಂತ ೧೦ ವರ್ಷ ಹಿರಿಯರು, 5 ವರ್ಷಗಳ ಲಿವ್‌-ಇನ್‌ ನಂತರ ವಿವಾಹವಾದರು. ಸೈಫ್‌ಗೆ ಅಮೃತಾ ಸಿಂಗ್ ಜೊತೆಗಿನ ಮೊದಲ ವಿವಾಹದಿಂದ ಇಬ್ಬರು ಮಕ್ಕಳಿದ್ದಾರೆ. ಕರೀನಾ ಜೊತೆ ಇಬ್ಬರು ಪುತ್ರರಿದ್ದಾರೆ. ಕರೀನಾ, ಸೈಫ್‌ರನ್ನು ಪ್ರೀತಿಸುತ್ತಿರುವುದನ್ನು ಕರಿಷ್ಮಾಗೆ ಫೋನ್‌ನಲ್ಲಿ ತಿಳಿಸಿದ್ದರು.

 ಬಾಲಿವುಡ್​ನ ಸದ್ಯದ ಯಶಸ್ವಿ ಜೋಡಿಗಳಲ್ಲಿ ಒಂದೆನಿಸಿದೆ ಸೈಫ್​ ಅಲಿ ಖಾನ್​ ಮತ್ತು ಕರೀನಾ ಕಪೂರ್​ ಅವರ ಜೋಡಿ.  ಎಲ್ಲರಿಗೂ ತಿಳಿದಿರುವಂತೆ ಇದು ಸೈಫ್​ ಅಲಿ ಅವರಿಗೆ ಎರಡನೆಯ ಮದುವೆ. ಅವರ ಮೊದಲ ಮದುವೆಯಾದದ್ದು ನಟಿ ಅಮೃತಾ ಸಿಂಗ್​ ಅವರ ಜೊತೆಗೆ. ತಮ್ಮ ಮೊದಲ ಮದುವೆಗೆ ಬಂದಿದ್ದ ಕರೀನಾ ಕಪೂರ್​ ಅವರನ್ನು ಮಗಳೇ ಎಂದು ಕರೆದಿದ್ದ ಸೈಫ್​ ಅಲಿ ನಂತರ ಆಕೆಯನ್ನೇ ಮದುವೆಯಾಗಿ ಟ್ರೋಲ್​ಗೂ ಒಳಗಾಗಿದ್ದಿದೆ. ಅದೇನೇ ಇದ್ದರೂ ಸದ್ಯ ಈ ದಂಪತಿಗೆ ಇಬ್ಬರು ಪುತ್ರರಿದ್ದಾರೆ. ಕೆಲವು ಖ್ಯಾತನಾಮ ನಟರಂತೆಯೇ ಸೈಫ್​ ಅಲಿ ಕೂಡ ಇಬ್ಬರೂ ಹಿಂದೂ ಯುವತಿಯರನ್ನು ಮದುವೆಯಾಗಿ ಸಕತ್​ ಸುದ್ದಿ ಮಾಡಿದವರು. ಸೈಫ್​ ಅಲಿ ಖಾನ್​ ಕರೀನಾರಿಗಿಂತಲೂ 10 ವರ್ಷ ದೊಡ್ಡವರು. 5 ವರ್ಷಗಳ ಕಾಲ ಲಿವ್-ಇನ್ (Live in relation) ಸಂಬಂಧದಲ್ಲಿದ್ದ ಈ ಜೋಡಿ ಕೊನೆಗೆ ಮದುವೆಯಾಗಿತ್ತು. ಅದಾಗಲೇ ಲವ್ ಜಿಹಾದ್ ಎಂಬ ಬಗ್ಗೆಯೂ ದೊಡ್ಡ ಮಟ್ಟದಲ್ಲಿ ಸುದ್ದಿಯೇ ಆಗಿಬಿಟ್ಟಿತ್ತು. 

 ನಟ ಸೈಫ್​ ಅಲಿ ತಮಗಿಂತ 10 ವರ್ಷ ಚಿಕ್ಕವರಾಗಿರುವ ನಟಿ ಕರೀನಾರನ್ನು (Kareena Kapoor) ಮದುವೆಯಾಗಿದ್ದರೆ, ಅಮೃತಾ ಸಿಂಗ್​ ಅವರನ್ನು ಮದುವೆಯಾದಾಗ ಸೈಫ್ ಅವರಿಗೆ ವಯಸ್ಸು 21. ಆದರೆ ಅಮೃತಾ ಸಿಂಗ್‌ ಅವರಿಗೆ 32 ವರ್ಷ ವಯಸ್ಸಾಗಿತ್ತು!  ಎಲ್ಲರನ್ನೂ ಎದುರು ಹಾಕಿಕೊಂಡು 12 ವರ್ಷ ಹಿರಿಯ ನಟಿಯನ್ನು ಮದುವೆಯಾಗಿದ್ದರು ಎಂದೇ ಸುದ್ದಿಯಾಗಿತ್ತು. ಇದು ದೊಡ್ಡ ಮಟ್ಟದಲ್ಲಿ ಹಲ್​ಚಲ್​ ಸೃಷ್ಟಿಸಿತ್ತು. ನಂತರ ಸೈಫ್ ಅಲಿ ಖಾನ್ ಮತ್ತು ಅಮೃತಾ ಸಿಂಗ್ 13 ವರ್ಷಗಳ  ದಾಂಪತ್ಯದ  ನಂತರ ವಿಚ್ಛೇದನ ಪಡೆದರು. 2004ರಲ್ಲಿ ಸೈಫ್‌ ಹಾಗೂ ಅಮೃತಾ ತಮ್ಮ ಮದುವೆಯನ್ನು ಕೊನೆಗೊಳಿಸಲು ನಿರ್ಧರಿಸಿದಾಗ ಸಾರಾ 10 ಮತ್ತು ಇಬ್ರಾಹಿಂ 4 ವರ್ಷ ವಯಸ್ಸಿನವರಾಗಿದ್ದರು. 

ಸೈಫ್​ ಮೇಲೆ ಕರೀನಾಗೆ ಲವ್​ ಆದಾಗ ಆ ವಿಷಯವನ್ನು ಸಹೋದರಿ ಕರಿಷ್ಮಾ ಕಪೂರ್​ಗೆ ಹೇಗೆ ಫೋನ್​ನಲ್ಲಿ ಹೇಳಿದ್ದರು ಎನ್ನುವ ಬಗ್ಗೆ ಕರೀಷ್ಮಾ ಹೇಳಿರುವ ವಿಡಿಯೋ ವೈರಲ್​ ಆಗ್ತಿದೆ. 'ನನಗಿನ್ನೂ ನೆನಪಿದೆ. ನಾನಾಗ ಲಂಡನ್​ನಲ್ಲಿ ಇದ್ದೆ. ಮಾಲ್​ ಒಂದರಲ್ಲಿ ಶಾಪಿಂಗ್​ ಮಾಡುತ್ತಿದ್ದೆ. ಆ ಸಮಯದಲ್ಲಿ ಕರೀನಾ ನನಗೆ ಕಾಲ್​ ಮಾಡಿದಳು. ಏನೋ ವಿಷಯ ಹೇಳಬೇಕು, ಅಲ್ಲಿಯೇ ಎಲ್ಲಾದರೂ ಸೋಫಾ ಇದ್ದರೆ ಆರಾಮಾಗಿ ಕುಳಿತುಕೊಂಡು ಕೇಳು ಎಂದಳು. ನನಗೆ ಆಶ್ಚರ್ಯ ಆಯಿತು. ಸೋಫಾದ ಮೇಲೆ ಕುಳಿತು ಕೇಳುವಂಥದ್ದು ಏನಿದೆ ಎಂದು. ಆದರೆ ಅವಳು ಬಿಡಲಿಲ್ಲ. ಆರಾಮಾಗಿ ಕುಳಿತುಕೋ ಎಂದಳು. ಸರಿ ಎಂದು ಮಾಲ್​ನಲ್ಲಿ ಇದ್ದ ಸೋಫಾದ ಮೇಲೆ ನಾನು ಕುಳಿತೆ. ಆಗ ಕರೀನಾ, I Think ಎಂದು ಶುರು ಮಾಡಿ ನನಗೆ ಸೈಫ್​ ಮೇಲೆ ಲವ್​ ಆಗಿದೆ ಎಂದಳು' ಎಂದು ಅಂದು ನಡೆದ ಘಟನೆಯನ್ನು ವಿವರಿಸಿದ್ದಾರೆ ಕರಿಷ್ಮಾ ಕಪೂರ್​. 

 ಅಂದಹಾಗೆ ಇದೀಗ 54 ವರ್ಷದ ಸೈಫ್​ ಅಲಿ ಖಾನ್​ ಅವರಿಗೆ ಅಮೃತಾ ಸಿಂಗ್​ ಮತ್ತು ಕರೀನಾ ಕಪೂರ್​ ಈ ಇಬ್ಬರು  ಪತ್ನಿಯರಿಂದ ನಾಲ್ವರು ಮಕ್ಕಳಿದ್ದಾರೆ. ಅವರ ಹೆಸರು ಸಾರಾ ಅಲಿ ಖಾನ್​ (Sara Ali Khan), ಇಬ್ರಾಹಿಂ ಅಲಿ ಖಾನ್​, ತೈಮೂರು ಅಲಿ ಖಾನ್​ ಹಾಗೂ ಜೆಹ್​  ಅಲಿ ಖಾನ್​.