ಹಣ ವರ್ಗಾವಣೆ ಮಾಡುವ ತ್ವರಿತ ವಿಧಾನ ಐಎಂಪಿಎಸ್
ಇತ್ತೀಚೆಗಷ್ಟೇ IMPS ವಹಿವಾಟು ಮಿತಿಯನ್ನು 2 ರಿಂದ 5 ಲಕ್ಷಕ್ಕೆ ಏರಿಸಿದ್ದ ಆರ್ ಬಿಐ
ಎಸ್ ಬಿಐನಲ್ಲಿ ಇನ್ನು 5 ಲಕ್ಷದವರೆಗಿನ IMPS ವಹಿವಾಟಿಗೆ ನೋ ಚಾರ್ಜ್
ಬೆಂಗಳೂರು (ಜ.5): ದೇಶದ ಅತಿದೊಡ್ಡ ಬ್ಯಾಂಕ್, ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ (State Bank of India ) ತನ್ನ ಗ್ರಾಹಕರಿಗೆ ಹೊಸ ವರ್ಷದ ಉಡುಗೊರೆಯನ್ನು ನೀಡಿದೆ. ನೆಟ್ ಬ್ಯಾಂಕಿಂಗ್ (Net Banking) ಅಥವಾ ಮೊಬೈಲ್ ಬ್ಯಾಂಕಿಂಗ್ (Mobile Banking) ಮೂಲಕ ಮಾಡಲಾಗುವ 5 ಲಕ್ಷದವರೆಗಿನ ಇಮ್ಮಿಡಿಯೇಟ್ ಪೇಮೆಂಟ್ ಸರ್ವೀಸ್ (ಐಎಂಪಿಎಸ್) ಇನ್ನು ಮುಂದೆ ಯಾವುದೇ ಚಾರ್ಜ್ ಇರುವುದಿಲ್ಲ. ಆದರೆ, ಬ್ಯಾಂಕ್ ನ ಶಾಖೆಗೆ ತೆರಳಿ ಮಾಡಲಾಗುವ ಐಎಂಪಿಎಸ್ ಗೆ (Immediate Payment Service) ಚಾರ್ಜ್ ಮುಂದುವರಿಯಲಿದೆ ಎಂದು ಎಸ್ ಬಿಐ (SBI) ಪ್ರಕಟಣೆಯಲ್ಲಿ ತಿಳಿಸಿದೆ. ಇದಕ್ಕೂ ಮುನ್ನ 2 ಲಕ್ಷದವರೆಗಿನ ಆನ್ ಲೈನ್ ಐಎಂಪಿಎಸ್ (Online IMPS)ವಹಿವಾಟಿಗೆ ಯಾವುದೇ ಚಾರ್ಜ್ ಅನ್ನು ಬ್ಯಾಂಕ್ ಹಾಕುತ್ತಿರಲಿಲ್ಲ.
"ಗ್ರಾಹಕರು ಡಿಜಿಟಲ್ ಬ್ಯಾಂಕಿಂಗ್ ಅಳವಡಿಸಿಕೊಳ್ಳಲು ಪ್ರೋತ್ಸಾಹಿಸುವ ಉದ್ದೇಶದಿಂದ, ಎಸ್‌ಬಿಐ ಯೋನೋ (SBI YONO) ಸೇರಿದಂತೆ ಇಂಟರ್ನೆಟ್ ಬ್ಯಾಂಕಿಂಗ್ / ಮೊಬೈಲ್ ಬ್ಯಾಂಕಿಂಗ್ ಮೂಲಕ ಮಾಡಿದ 5 ಲಕ್ಷ ರೂ.ವರೆಗಿನ ಐಎಂಪಿಎಸ್ ವಹಿವಾಟುಗಳಿಗೆ ಯಾವುದೇ ಸೇವಾ ಶುಲ್ಕವನ್ನು ವಿಧಿಸುವುದಿಲ್ಲ" ಎಂದು ಬ್ಯಾಂಕ್ ಹೇಳಿಕೆಯಲ್ಲಿ ತಿಳಿಸಿದೆ. ಬ್ಯಾಂಕ್ ಶಾಖೆಗಳ ಮೂಲಕ ನಡೆಸುವ ಐಎಂಪಿಎಸ್ (IMPS) ವಹಿವಾಟುಗಳಿಗೆ, ಸೇವಾ ಶುಲ್ಕವನ್ನು ವಿಧಿಸಲು 2 ಲಕ್ಷದಿಂದ 5 ಲಕ್ಷದವರೆಗೆ ಹೊಸ ಸ್ಲ್ಯಾಬ್ ಅನ್ನು ಸೇರಿಸಲಾಗಿದೆ. "ಈ ಸ್ಲ್ಯಾಬ್‌ಗೆ ಪ್ರಸ್ತಾವಿತ ಸೇವಾ ಶುಲ್ಕಗಳು ರೂ 20 + ಜಿಎಸ್‌ಟಿ," ಈ ನಿರ್ದೇಶನವು ಫೆಬ್ರವರಿ 1, 2022 ರಿಂದ ಜಾರಿಗೆ ಬರಲಿದೆ ಎಂದು ಎಸ್‌ಬಿಐ ಹೇಳಿದೆ.
ಬಹುತೇಕ ಬ್ಯಾಂಕ್ ಶಾಖೆಯಲ್ಲಿ ರೂ 1,000 ರಿಂದ ರೂ 10,000 ವರೆಗಿನ ಮೊತ್ತದ ಐಎಂಪಿಎಸ್ ವಹಿವಾಟುಗಳು ರೂ 2 + ಜಿಎಸ್ ಟಿ ಸೇವಾ ಶುಲ್ಕವನ್ನು ಪಡೆಯುತ್ತವೆ. ವಹಿವಾಟಿನ ಮೊತ್ತವು ರೂ 10,000 ರಿಂದ ರೂ 1,00,000 ವರೆಗೆ ಇದ್ದರೆ, ರೂ 4 + ಜಿಎಸ್ ಟಿ ಶುಲ್ಕವನ್ನು ವಿಧಿಸಲಾಗುತ್ತದೆ. ರೂ 1,00,000 ಮತ್ತು ರೂ 2,00,000 ನಡುವಿನ ಮೊತ್ತದ ವಹಿವಾಟುಗಳ ಮೇಲೆ, ರೂ 12 + ಜಿಎಸ್ ಟಿ ವಿಧಿಸಲಾಗುತ್ತದೆ. ಇನ್ನು ಬ್ಯಾಂಕ್ ಶಾಖೆಯ ಮೂಲಕ ಮಾಡಲಾಗುವ ಎನ್ ಇಎಫ್ ಟಿ (NEFT), ಆರ್ ಟಿಜಿಎಸ್ (RTGS) ವಹಿವಾಟುಗಳಿಗೂ ಇದೇ ರೀತಿಯ ಸೇವಾಶುಲ್ಕವನ್ನು ವಿಧಿಸಲಾಗುತ್ತದೆ.
SBI has increased the IMPS transaction limit to Rs 5 lac with NIL charges for transactions done through digital channels. For complete details, visit: https://t.co/2wpOQD7XCS pic.twitter.com/QVbHmlzXHF
— State Bank of India (@TheOfficialSBI)
ನೆಫ್ಟ್ ಹಾಗೂ ಆರ್ ಟಿಜಿಎಸ್ ಗೆ ಹೋಲಿಸಿದರೆ, ಐಂಎಪಿಎಸ್ ನೆಟ್ ಬ್ಯಾಂಕಿಂಗ್ ಬಳಕೆದಾರರ ಫೇವರಿಟ್ ಮಾರ್ಗವಾಗಿದೆ. ಅತ್ಯಂತ ತ್ವರಿತವಾಗಿ ಹಣ ವರ್ಗಾವಣೆಯಾಗುವುದು ಮಾತ್ರವಲ್ಲ, ದಿನದ 24 ಗಂಟೆಯೂ ಇದರ ಲಭ್ಯತೆ ಇರುವ ಕಾರಣ ಹೆಚ್ಚಿನ ಬಳಕೆದಾರರು ಹಣ ಕಳಿಸಲು ಈ ಮಾರ್ಗವನ್ನು ಬಳಸುತ್ತಾರೆ. ಅದಲ್ಲದೇ, ಭಾನುವಾರವೂ ಈ ಸೇವೆ ಚಾಲ್ತಿಯಲ್ಲಿದೆ.
Doorstep Banking: ಮನೆ ಬಾಗಿಲಿಗೇ ಬ್ಯಾಂಕಿಂಗ್ ಸೇವೆ ಪಡೆಯಲು ಏನ್ಮಾಡ್ಬೇಕು? ಯಾವೆಲ್ಲ ಬ್ಯಾಂಕುಗಳಲ್ಲಿದೆ ಈ ಸೌಲಭ್ಯ?
ಅಕ್ಟೋಬರ್ ನಲ್ಲಿ ಮಿತಿ ಏರಿಸಿದ್ದ ಆರ್ ಬಿಐ: ಕಳೆದ ಅಕ್ಟೋಬರ್ ವರೆಗೂ ನೆಟ್ ಬ್ಯಾಕಿಂಗ್ ಹಾಗೂ ಮೊಬೈಲ್ ಬ್ಯಾಂಕಿಂಗ್ ಮೂಲಕ ದಿನಕ್ಕೆ ಗರಿಷ್ಠ 2 ಲಕ್ಷವನ್ನು ಮಾತ್ರವೇ ವರ್ಗಾವಣೆ ಮಾಡಬಹುದಿತ್ತು. ಆದರೆ, ಡಿಜಿಟಲ್ ಬ್ಯಾಂಕಿಂಗ್ ಹೆ ಹೆಚ್ಚಿನ ಪ್ರೋತ್ಸಾಹ ನೀಡುವ ಉದ್ದೇಶ ಹೊಂದಿದ್ದ ಆರ್ ಬಿಐ (RBI) ಇದರ ಮಿತಿಯನ್ನು 2 ರಿಂದ 5 ಲಕ್ಷಕ್ಕೆ ಏರಿಸಿತ್ತು. ಇದರಿಂದಾಗಿ ಬ್ಯಾಂಕ್ ಗಳು ಹೊಸ ಸ್ಲ್ಯಾಬ್ ಗೆ ತನ್ನ ಸೇವಾ ಶುಲ್ಕ ಅನ್ನು ಫಿಕ್ಸ್ ಮಾಡಬೇಕಿತ್ತು. ಎಸ್ ಬಿಐ ಮಾತ್ರ ಈ ಸೇವೆಗೆ ಚಾರ್ಜ್ ಇರುವುದಿಲ್ಲ ಎಂದು ತಿಳಿಸಿದೆ.