ಅಪ್ಪ-ಅಮ್ಮಗೆ ಹೆದರುತ್ತಿದ್ದ ಮಕ್ಕಳು, ಈ ಕಾಲದಲ್ಲಿ ತಿರುಗಿಬಿಳ್ತಿದ್ದಾರೆ ಏಕೆ? ಮಕ್ಕಳ ಕೋಪಕ್ಕೆ ಕಾರಣವೇನು ಗೊತ್ತಾ?

ಈಗಿನ ಕಾಲದಲ್ಲಿ ಮಕ್ಕಳನ್ನ ಹ್ಯಾಂಡಲ್ ಮಾಡೋದು ಸುಲಭ ಅಲ್ಲ. ಅವ್ರು ಕೇಳಿದ್ದನ್ನ ತಕ್ಷಣ ತಂದುಕೊಡ್ಬೇಕು. ಇಲ್ಲಾಂದ್ರೆ ಮನೆ ಉಲ್ಟಾ ಮಾಡ್ತಾರೆ. ಅಷ್ಟೇ ಅಲ್ಲ, ಈಗೀಗ ಮಕ್ಕಳಿಗೆ ತುಂಬಾ ಕೋಪ ಬರುತ್ತೆ. ಆ ಕೋಪನ ನಿಯಂತ್ರಿಸೋಕೆ ಪೋಷಕರು ಪಡೋ ಪಾಡು ಹೇಳತೀರದು. ಪೇರೆಂಟ್ಸ್ ಎಷ್ಟೇ ಒಳ್ಳೆ ದಾರಿ ತೋರಿಸೋಕೆ ನೋಡಿದ್ರೂ, ಮಕ್ಕಳ ವರ್ತನೆಯಲ್ಲಿ ಮಾತ್ರ ಬದಲಾವಣೆಗಳು ಬರ್ತಾನೇ ಇರುತ್ತೆ. ಮುಖ್ಯವಾಗಿ ಕೆಲವು ಮಕ್ಕಳು ಮೊಂಡು, ಕೋಪಿಷ್ಟರಾಗಿ ಬೆಳೆಯುತ್ತಾರೆ.

ಮಕ್ಕಳಿಗೆ ಕೋಪ ಯಾಕೆ ಬರುತ್ತೆ?

‘ನಾವು ಚಿಕ್ಕವರಿದ್ದಾಗ ಅಮ್ಮನ ಕಣ್ಣು ಹಾಯಿಸಿದ್ರೆ ಸಾಕು ಹೆದರುತ್ತಿದ್ವಿ. ಆದ್ರೆ ಈಗಿನ ಮಕ್ಕಳು ಹೊಡಿತೀವಿ ಅಂದ್ರೂ ಹೆದರಲ್ಲ’ ಅಂತ ಪೋಷಕರು ಹೇಳೋದು ಕಾಮನ್. ಯಾಕಂದ್ರೆ ಮೊದಲು ಪೋಷಕರು ಕೋಪಕ್ಕೆ ಮಕ್ಕಳು ಹೆದರುತ್ತಿದ್ರು, ಈಗ ಮಕ್ಕಳ ಕೋಪಕ್ಕೆ ಪೋಷಕರು ಹೆದರಬೇಕಾದ ಪರಿಸ್ಥಿತಿ ಬಂದಿದೆ.

ಈಗಿನ ಮಕ್ಕಳಿಗೆ ಕೋಪ ಜಾಸ್ತಿ ಆಗೋಕೆ ಪೋಷಕರು ಕಾರಣ ಇರಬಹುದು. ಮೊದಲಿನ ಹಾಗೆ ಈಗಿನ ಮಕ್ಕಳು ಫ್ರೀ ಆಗಿ ಆಟಾಡೋಕೆ ಆಗ್ತಿಲ್ಲ. ಪೋಷಕರು ಆಟ ಆಡೋಕೆ ಬಿಡಲ್ಲ. ಸಮಯ ವೇಸ್ಟ್ ಆಗುತ್ತೆ ಅಂತ ಫ್ರೀ ಪ್ಲೇ ಅನ್ನೋದನ್ನೇ ಇಲ್ಲದೆ ಮಾಡಿ ಏದೋ ಒಂದು ಕೋರ್ಸ್‌ಗೆ ಸೇರಿಸ್ತಾರೆ. ನಮಗೆ ಇಷ್ಟ ಇರೋದನ್ನ ಮಾಡೋಕೆ ಬಿಡಲ್ಲ ಅನ್ನೋ ಫ್ರಸ್ಟ್ರೇಷನ್‌ನಿಂದ ಮಕ್ಕಳಿಗೆ ಕೋಪ ಬರುತ್ತೆ ಅಂತಾರೆ.

ಅಸಹನೆ:
ಮಕ್ಕಳು ಚಿಕ್ಕವರಿದ್ದಾಗ ಚೇಷ್ಟೆ ಮಾಡೋದು ಸಹಜ. ಆದ್ರೆ ಪೋಷಕರು ಕೆಲಸ ಮಾಡ್ಕೊಳ್ತಿದ್ದಾಗ ಡಿಸ್ಟರ್ಬ್ ಮಾಡಿದ್ರೆ ಕೋಪ ಬರುತ್ತೆ. ಕೆಲವೊಮ್ಮೆ ಸಹನೆ ಕಳ್ಕೊಂಡು ಹೊಡೆದು ಬಿಡ್ತಾರೆ. ಹೀಗೆ ಮಾಡೋದ್ರಿಂದ ಮಕ್ಕಳಿಗೆ ಕೋಪ ಬಂದು ಪೋಷಕರಿಗೆ ಎದುರು ಮಾತಾಡ್ತಾರೆ.

ಈಗಿನ ಕಾಲದಲ್ಲಿ ಓದಿನ ಜೊತೆಗೆ ಏನಾದ್ರೂ ಸ್ಪೆಷಲ್ ಆಗಿ ಕಲಿಸಬೇಕು ಅಂತ ಪೇರೆಂಟ್ಸ್‌ಗೆ ಅನ್ನಿಸ್ತಾ ಇರುತ್ತೆ. ಆದ್ರೆ ಮಕ್ಕಳಿಗೆ ಆಸಕ್ತಿ ಇದ್ರೆ ಪರವಾಗಿಲ್ಲ. ಬಲವಂತ ಮಾಡಿದ್ರೆ ಅವ್ರು ಕಲಿಯೋಕೆ ಆಗಲ್ಲ. ಬದಲಿಗೆ ಅವ್ರಿಗೆ ಇಷ್ಟ ಇರೋದನ್ನ, ಆಸಕ್ತಿ ಇರೋದನ್ನ ಕಲಿಸಬೇಕು. ಆಗ ಅವ್ರಿಗೆ ಪ್ರೋತ್ಸಾಹ ಸಿಗುತ್ತೆ. ಇಷ್ಟ ಇಲ್ಲದಿದ್ದನ್ನ ಬಲವಂತವಾಗಿ ಕಲಿಸೋದ್ರಿಂದ ಮಕ್ಕಳಿಗೆ ಕೋಪ ಜಾಸ್ತಿ ಆಗಬಹುದು.

ಮೊಬೈಲ್ ಬಳಕೆ..
ಈಗಿನ ಮಕ್ಕಳು ಎದ್ದಾಗಿನಿಂದ ಮಲ್ಕೊಳ್ಳೋವರೆಗೂ ಮೊಬೈಲ್‌ನಲ್ಲೇ ಕಾಲ ಕಳೆಯುತ್ತಾರೆ. ಜಾಸ್ತಿ ಮೊಬೈಲ್ ನೋಡೋದ್ರಿಂದಲೂ ಮಕ್ಕಳಿಗೆ ಕೋಪ ಜಾಸ್ತಿ ಆಗಬಹುದು. ಅದಕ್ಕೆ ಮೊಬೈಲ್ ಅಭ್ಯಾಸ ಮಾಡ್ಸಬಾರದು. ದೂರ ಇಡಬೇಕು.

ಮಕ್ಕಳ ಮೇಲಿನ ಪ್ರೀತಿಯಿಂದ ನಾವು ಮಾಡೋ ಮುದ್ದೇ ಅವ್ರಿಗೆ ಕೋಪ ಬರೋಕೆ ಕಾರಣ ಆಗಬಹುದು. ಪ್ರೀತಿಯಿಂದ ಬೊಂಬೆಗಳಿಂದ ಹಿಡಿದು ತಿಂಡಿವರೆಗೂ ಅವ್ರು ಕೇಳಿದ್ದನ್ನೆಲ್ಲಾ ಕೊನಿಸ್ತೀವಿ. ಕೆಲವೊಮ್ಮೆ, ಆರ್ಥಿಕ ಪರಿಸ್ಥಿತಿಯಿಂದ ನಾವು ಅದನ್ನ ಕೊಳ್ಳೋಕೆ ಆಗಲ್ಲ. ಈ ನಿರಾಸೆ ಮಕ್ಕಳಿಗೆ ಕೋಪ ತರಬಹುದು.

ಮಕ್ಕಳು ಪ್ರಶಾಂತವಾಗಿದ್ದಾಗ ಮಾತ್ರ ಅವ್ರು ಕಡಿಮೆ ಕೋಪದಲ್ಲಿ ಇರ್ತಾರೆ. ಏನನ್ನಾದ್ರೂ ಸರಿಯಾಗಿ ಮಾಡ್ತಾರೆ. ಅದಕ್ಕೆ ಪೋಷಕರು ಮಕ್ಕಳನ್ನ ಯಾವಾಗ್ಲೂ ಖುಷಿಯಾಗಿಡೋ ವಾತಾವರಣ ನಿರ್ಮಿಸಬೇಕು.