Top 10 ಉತ್ತಮ ಜೀವನ ಗುಣಮಟ್ಟ ಹೊಂದಿರುವ ದೇಶಗಳು, ಭಾರತ ಎಷ್ಟನೇ ಸ್ಥಾನದಲ್ಲಿದೆ?

2024 ರ ಜೀವನ ಗುಣಮಟ್ಟ ಸೂಚ್ಯಂಕದಲ್ಲಿ ಯಾವ ದೇಶವು ಮೊದಲ ಸ್ಥಾನ ಪಡೆದಿದೆ ಮತ್ತು ಭಾರತದ ಸ್ಥಾನ ಏನು ಎಂಬುದನ್ನು ತಿಳಿಯಲು ಇಲ್ಲಿ ಓದಿ. 

ಉತ್ತಮ ಜೀವನ ಗುಣಮಟ್ಟ ಹೊಂದಿರುವ ಟಾಪ್ 10 ದೇಶಗಳು

ಒಂದು ದೇಶವನ್ನು ನಿಜವಾಗಿಯೂ ಶ್ರೇಷ್ಠವಾಗಿಸುವ ಅಂಶ ಯಾವುದು? ಅದು ಅದರ ಬೆಳೆಯುತ್ತಿರುವ ಆರ್ಥಿಕತೆಯೇ, ಉನ್ನತ ಜೀವನ ಮಟ್ಟವೇ ಅಥವಾ ಸಾಹಸ ಮತ್ತು ಸೃಜನಶೀಲತೆಯನ್ನು ಬೆಳೆಸುವ ಸಾಮರ್ಥ್ಯವೇ? GDP ಯಂತಹ ಆರ್ಥಿಕ ಸೂಚ್ಯಂಕಗಳನ್ನು ಮೀರಿ, ಭದ್ರತೆ (Security), ಆರೋಗ್ಯ (Health) ಮತ್ತು ಸಾಮಾಜಿಕ ಸೌಲಭ್ಯಗಳಂತಹ (Social Facility) ಅಂಶಗಳು ಜನರು ಎಲ್ಲಿ ವಾಸಿಸಬೇಕೆಂದು ನಿರ್ಧರಿಸುವಲ್ಲಿ ಪ್ರಮುಖ ಪಾತ್ರವಹಿಸುತ್ತವೆ.

ದೈನಂದಿನ ಜೀವನದ ಗುಣಮಟ್ಟದತ್ತ ಗಮನಹರಿಸುವುದು ಮುಖ್ಯ ಏಕೆಂದರೆ ನೀವು ವಾಸಿಸುವ ಸ್ಥಳ ನಿಮ್ಮ ಮತ್ತು ನಿಮ್ಮ ಜೀವನದ ಮೇಲೆ ಗಮನಾರ್ಹ ಪರಿಣಾಮ ಬೀರುತ್ತದೆ. ವಿಶ್ವಸಂಸ್ಥೆ ಪ್ರಕಾರ, ಉತ್ತಮ ಜೀವನವನ್ನು ಹುಡುಕುತ್ತಾ 232 ದಶಲಕ್ಷಕ್ಕೂ ಹೆಚ್ಚು ಜನರು ವಲಸೆ ಹೋಗುತ್ತಿದ್ದಾರೆ.

ಆರ್ಥಿಕ ಪರಿಸ್ಥಿತಿ ಮಾತ್ರವಲ್ಲ, ಅಲ್ಲಿಯ ಜನರ ಜೀವನಮಟ್ಟ ಹಾಗೂ ಮೂಲ ಸೌಕರ್ಯ ಸೇರಿ ಇರೋ ಸೌಲಭ್ಯಗಳನ್ನು ಬಳಸಿಕೊಂಡು ನಾಗರಿಕರು ಎಷ್ಟು ನೆಮ್ಮದಿ, ಖುಷಿಯಿಂದ ಜೀವನ ನಡೆಸುತ್ತಿದ್ದಾರೆ ಎಂಬುದರ ಮೇಲೆ ಆ ದೇಶದ ಹ್ಯಾಪಿನೆಸ್ ಇಂಡೆಕ್ಸ್ ಅನ್ನು ಅಳೆಯಲಾಗುತ್ತದೆ. 

2024 ರ ಜೀವನ ಗುಣಮಟ್ಟ ಸೂಚ್ಯಂಕದಲ್ಲಿ ಸ್ಪೇನ್ ಮತ್ತೊಮ್ಮೆ ಅಗ್ರಸ್ಥಾನ ಪಡೆದಿದೆ. ಸ್ಪೇನ್ ಮೂರನೇ ಬಾರಿಗೆ ಅಗ್ರಸ್ಥಾನ ಪಡೆದಿದೆ. ವಿರಾಮ ಚಟುವಟಿಕೆಗಳು, ಸುಲಭವಾಗಿ ಲಭ್ಯವಿರುವ ಆರೋಗ್ಯ ಸೇವೆ ಮತ್ತು ಕೈಗೆಟುಕುವ ಬೆಲೆಯಲ್ಲಿ ಸಾರ್ವಜನಿಕ ಸಾರಿಗೆ ವ್ಯವಸ್ಥೆಯಲ್ಲಿ ದೇಶವು ಶ್ರೇಷ್ಠವಾಗಿದೆ. ಆದ್ದರಿಂದ ಸ್ಪೇನ್ ವಿದೇಶಿಯರನ್ನು ಹೆಚ್ಚು ಆಕರ್ಷಿಸುತ್ತದೆ. ಆದಾಗ್ಯೂ, ರಾಜಕೀಯ ಸ್ಥಿರತೆಯ ಬಗ್ಗೆ ಕಳವಳಗಳು ಸ್ಪೇನ್‌ನ ಸುರಕ್ಷತಾ ಶ್ರೇಯಾಂಕದ ಮೇಲೆ ಪರಿಣಾಮ ಬೀರಿದರೂ, ಅದು ದೇಶದ ಜೀವನದ ಗುಣಮಟ್ಟದ ಮೇಲೆ ಪರಿಣಾಮ ಬೀರಿಲ್ಲ. ಸ್ಪೇನ್ ನಂತರ ಆಸ್ಟ್ರಿಯಾ ಈ ಪಟ್ಟಿಯಲ್ಲಿ 2ನೇ ಸ್ಥಾನ ಪಡೆದಿದೆ. ಯುನೈಟೆಡ್ ಅರಬ್ ಎಮಿರೇಟ್ಸ್ ಈ ಪಟ್ಟಿಯಲ್ಲಿ 3ನೇ ಸ್ಥಾನ ಪಡೆದಿದೆ. ಪ್ರಯಾಣ ಮತ್ತು ಸಾರಿಗೆ ವಿಭಾಗದಲ್ಲಿ ಶ್ರೇಷ್ಠವಾಗಿರುವ ಯುನೈಟೆಡ್ ಅರಬ್ ಎಮಿರೇಟ್ಸ್ ನೈಸರ್ಗಿಕ ಪರಿಸರದಲ್ಲಿ ಹಿಂದುಳಿದಿದೆ, ವಿದೇಶಿಯರು ಹವಾಮಾನದ ಕಾರಣದಿಂದಾಗಿ ಹೊರಾಂಗಣ ಚಟುವಟಿಕೆಗಳನ್ನು ಇಷ್ಟಪಡುತ್ತಾರೆ.

ಕತಾರ್ ಗೇ 4ನೇ ಸ್ಥಾನ

ಉತ್ತಮ ಜೀವನ ಗುಣಮಟ್ಟ ಹೊಂದಿರುವ ದೇಶಗಳ ಪಟ್ಟಿಯಲ್ಲಿ ಕತಾರ್ 4ನೇ ಸ್ಥಾನದಲ್ಲಿದ್ದರೆ, ಲಕ್ಸೆಂಬರ್ಗ್ 5ನೇ ಸ್ಥಾನದಲ್ಲಿದೆ. ಜಪಾನ್ 6ನೇ ಸ್ಥಾನ ಪಡೆದಿದ್ದರೆ, ಪೋರ್ಚುಗಲ್ 7ನೇ ಸ್ಥಾನ ಪಡೆದಿದೆ. ಡೆನ್ಮಾರ್ಕ್ 8ನೇ ಸ್ಥಾನದಲ್ಲಿದ್ದರೆ, ಸಿಂಗಾಪುರ್ 9ನೇ ಸ್ಥಾನದಲ್ಲಿದೆ ಮತ್ತು ದಕ್ಷಿಣ ಕೊರಿಯಾ 10ನೇ ಸ್ಥಾನದಲ್ಲಿದೆ.

ಭಾರತಕ್ಕೆ ಸ್ಥಾನ ಎಲ್ಲಿದೆ?
ಆರೋಗ್ಯಸೇವೆ ಉಪವರ್ಗದಲ್ಲಿ ಭಾರತ 14ನೇ ಸ್ಥಾನ ಪಡೆದಿದ್ದರೂ, ಜೀವನದ ಗುಣಮಟ್ಟದಲ್ಲಿ ಭಾರತ 52ನೇ ಸ್ಥಾನದಲ್ಲಿದೆ. ವಿದೇಶಿಯರು ಭಾರತದಲ್ಲಿ ವೈದ್ಯಕೀಯ ಸೇವೆಯ ಕೈಗೆಟುಕುವಿಕೆ ಮತ್ತು ಲಭ್ಯತೆಯನ್ನು ಶ್ಲಾಘಿಸುತ್ತಾರೆ; ಆದಾಗ್ಯೂ, ಗಾಳಿಯ ಗುಣಮಟ್ಟದಲ್ಲಿ ಭಾರತ 53ನೇ ಸ್ಥಾನದಲ್ಲಿದೆ.

ಕಳಪೆ ಜೀವನ ಗುಣಮಟ್ಟ ಹೊಂದಿರುವ ದೇಶಗಳು

ಕಳಪೆ ಜೀವನ ಗುಣಮಟ್ಟ ಹೊಂದಿರುವ ದೇಶಗಳಲ್ಲಿ ಕುವೈತ್ ನಿರಂತರವಾಗಿ ಕೆಳ ಶ್ರೇಣಿಯಲ್ಲಿದೆ. 2024 ರಲ್ಲೂ ಇದೇ ಪರಿಸ್ಥಿತಿ ಮುಂದುವರಿಯುತ್ತದೆ. ಆಂತರಿಕ ಕಲಹ ಸೇರಿ ದೇಶದಲ್ಲಿ ತಾಂಡವವಾಡುತ್ತಿರುವ ಹಲವು ಕ್ಲಿಷ್ಟ ವಿಷಯಗಳ ಕಾರಣ ಕತಾರ್ ಜನರ ಜೀವನ ಶೈಲಿ ಕಳಪೆ ಗುಣಮಟ್ಟದ್ದಾಗಿದೆ.