ಆಟೋಗಳಿಗೆ 3 ಗಾಲಿಯೇ ಏಕೆ ಇರುತ್ತೆ? 4 ಚಕ್ರ ಯಾಕೆ ಹಾಕಲ್ಲ?

ನಗರ ಪ್ರದೇಶಗಳಲ್ಲಿ ಜನರನ್ನು ಒಂದು ಸ್ಥಳದಿಂದ ಮತ್ತೊಂದು ಸ್ಥಳಕ್ಕೆ ಕರೆದೊಯ್ಯುವ ಕೆಲಸವನ್ನು ಆಟೋಗಳು ಮಾಡುತ್ತವೆ. ಮೂರು ಗಾಲಿಯ ಆಟೋಗಳು ಇಕ್ಕಟ್ಟಿನ ಜಾಗದಲ್ಲಿಯೂ ಸರಾಗವಾಗಿ ಹೋಗುತ್ತವೆ.

ಗ್ರಾಮೀಣ ಭಾಗಗಳಲ್ಲಿಯೂ ಮೂರು ಗಾಲಿಯ ಆಟೋಗಳ ಸಂಖ್ಯೆ ಹೆಚ್ಚಿರುತ್ತವೆ. ಆಟೋಗಳ ವಿನ್ಯಾಸ ಬೇರೆ ಇರಬಹುದು. ಆದರೆ ಬಹುತೇಕ ಆಟೋ ಚಕ್ರಗಳ ಸಂಖ್ಯೆ ಮೂರು ಆಗಿರುತ್ತದೆ. ಬೆಂಗಳೂರಿನಲ್ಲಿ ಹಸಿರು-ಹಳದಿ ಬಣ್ಣದ ಆಟೋಗಳು ರಸ್ತೆ ರಸ್ತೆಗಳಲ್ಲಿಯೂ ನೋಡಬಹು.

ಆಟೋಗಳಿಗೆ ಯಾಕೆ ಮೂರು ಗಾಲಿ ಇರುತ್ತೆ ಎಂದು ಒಮ್ಮೆಯಾದ್ರೂ ಯೋಚಿಸಿದ್ದೀರಾ? ಇದರ ಹಿಂದಿನ ಕಾರಣ ಏನು ಅಂತ ಗೊತ್ತಿದೆಯಾ? ಈ ಬಗ್ಗೆ Quora ಸಾಮಾಜಿಕ ಜಾಲತಾಣದಲ್ಲಿಯೂ ಚರ್ಚೆಯೂ ನಡೆದಿದೆ. ಹಲವು ನೆಟ್ಟಿಗರು ತಮ್ಮ ಅಭಿಪ್ರಾಯಗಳನ್ನು ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ.

Quora ಸಾಮಾಜಿಕ ಜಾಲತಾಣದಲ್ಲಿ ಈ ಬಗ್ಗೆ ಐಐಟಿ ಅಧ್ಯಾಪಕರೊಬ್ಬರು ಹೀಗೆ ಪ್ರತಿಕ್ರಿಯಿಸಿದ್ದಾರೆ. ನಾಲ್ಕು ಕಾಲಿನ ವಸ್ತುವೊಂದನ್ನು ಸಮತೋಲನಗೊಳಿಸೋದಕ್ಕಿಂತ 3 ಕಾಲಿನ ವಸ್ತು ಮಾಡೋದು ತುಂಬಾ ಸುಲಭವಾಗಿದೆ. ಉದಾಹರಣೆಗೆ ಮೂರು ಕಾಲಿನ ಮೇಜು ತಯಾರಿಸೋದು ಸರಳವಾಗಿದೆ. 4 ಕಾಲಿನ ಮೇಜು ತಯಾರಿಸಲು ಸಮಯ ಮತ್ತು ಹೆಚ್ಚಿನ ಕೌಶಲ್ಯ ಬೇಕಾಗುತ್ತದೆ ಎಂದು ಹೇಳಿದ್ದಾರೆ.

ಈ ಕಾರಣದಿಂದ ಮೂರು ಚಕ್ರದ ಆಟೋಗಳ ವಿನ್ಯಾಸ ಸರಳವಾಗಿದೆ. ಮೂರು ಚಕ್ರದ ವಾಹನ ನಿರ್ಮಾಣದ ವೆಚ್ಚ ಸಹ ಕಡಿಮೆಯಾಗಿರುತ್ತದೆ. ಮೂರು ಚಕ್ರದ ವಾಹನ ನಿರ್ವಹಣಾ ವೆಚ್ಚವೂ ಕಡಿಮೆಯಾಗಿರುತ್ತದೆ. ಮೂರು ಚಕ್ರದ ವಾಹನಗಳ ವಿನ್ಯಾಸವನ್ನು ಮಾರ್ಪಾಡು ಸಹ ಮಾಡಿಕೊಳ್ಳಬಹುದು ಎಂದು ಕೆಲ ಬಳಕೆದಾರರು ಅಭಿಪ್ರಾಯ ಹಂಚಿಕೊಂಡಿದ್ದಾರೆ.

ಸೈನ್ಸ್ ಡೈರೆಕ್ಟ್ ವೆಬ್‌ಸೈಟ್ ಪ್ರಕಾರ, ಮೂರು ಚಕ್ರವುಳ್ಳ ಆಟೋ ರಿಕ್ಷಾ ನಿರ್ಮಾಣ ಮತ್ತು ನಿರ್ವಹಣಾ ವೆಚ್ಚ ಕಡಿಮೆಯಾಗಿರುತ್ತದೆ. ಹೆಚ್ಚು ಸಮತೋಲಿತವಾಗಿರುವ ಕಾರಣ ಇವುಗಳನ್ನು ಓಡಿಸೋದು ಸಹ ಸುಲಭವಾಗಿದೆ. ಮೂರು ಚಕ್ರದ ಆಟೋಗಳು ಹಗುರವಾಗಿದ್ದು, ಕಿರಿದಾದ ರಸ್ತೆಗಳಲ್ಲಿಯೂ ಹೋಗುತ್ತವೆ. ಇಂಜಿನ್ ಹಗುರವಾಗಿರೋದರಿಂದ ಕಡಿಮೆ ಇಂಧನವನ್ನು ಬಳಸುತ್ತವೆ.