ಸಂಪ್ರದಾಯಸ್ಥ ಮನೆ ಸೊಸೆಯಾಗಿ ನಟನಯೇ ಬಿಡಬೇಕಾಯ್ತು ಎಂದ ಪೂಜಾ ಬೇಡಿ

• ಸಂಪ್ರದಾಯಸ್ಥ ಮನೆಯ ಸೊಸೆಯಾಗಿ ನಟನೆಗೆ ಬಾಯ್ ಬಾಯ್ ಹೇಳಿದ ನಟಿ
• ನಟನೆಯನ್ನೇ ತ್ಯಜಿಸಬೇಕಾಯ್ತು ಪೂಜಾ ಬೇಡಿ

90 ರ ದಶಕದ ಆರಂಭದಲ್ಲಿ ವಿಷ್ ಕನ್ಯಾ ಮತ್ತು ಜೋ ಜೀತಾ ವೋಹಿ ಸಿಕಂದರ್ ಚಿತ್ರಗಳಲ್ಲಿ ನಟಿಸಿದ ಪೂಜಾ ಬೇಡಿ, ಆ ನಂತರ ಬಾಲಿವುಡ್‌ನಿಂದ ತಾನು ದೂರ ಸರಿದ ಸಂದರ್ಭವನ್ನು ವಿವರಿಸಿದ್ದಾರೆ.

ತನ್ನ ಮಾಜಿ ಪತಿ ಫರ್ಹಾನ್ ಕುಟುಂಬವು ಸಂಪ್ರದಾಯವಾದಿ ಆಗಿದ್ದರಿಂದ ತಾನು ನಟನೆಯನ್ನು ತ್ಯಜಿಸಿದ್ದೇನೆ ಎಂದು ಅವರು ಹೇಳಿದ್ದಾರೆ.

ತಾನು ಚಿತ್ರರಂಗದಲ್ಲಿದ್ದಾಗ ಬಹಳ ಖುಷಿಪಟ್ಟಿದ್ದೇನೆ ಮತ್ತು ನಂತರ ನಾನು ಮದುವೆಯಾಗಿದ್ದೆ. ನನ್ನ ಮಾಜಿ ಪತಿ ಹೇಳಿದ್ದು, ನಾನು ಮದುವೆಯಾದರೆ, ಚಲನಚಿತ್ರಗಳಲ್ಲಿ ಮುಂದುವರಿಯಲು ಸಾಧ್ಯವಿಲ್ಲ ಎಂದು ಪತಿ ಹೇಳಿದ್ದರು ಎಂದಿದ್ದಾರೆ.

ಏಕೆಂದರೆ ಅವರ ಕುಟುಂಬವು ತುಂಬಾ ಸಂಪ್ರದಾಯವಾದಿಯಾಗಿದೆ. ನನ್ನ ತಾಯಿ ಯಾವಾಗಲೂ ಏನೇ ಮಾಡಿದರೂ ಅದನ್ನು 100 ಪ್ರತಿಶತದಷ್ಟು ಸಮರ್ಪಣೆಯಿಂದ ಮಾಡಬೇಕು ಎನ್ನುತ್ತಿದ್ದರು.

ಹಾಗಾಗಿ ನಾನು ಗೃಹಿಣಿ ಮತ್ತು ಹೆಂಡತಿಯಾಗಲು ಹೋಗುತ್ತಿದ್ದರೆ, ನಾನು ಅದರಲ್ಲೇ ಉತ್ತಮನಾಗಿರಲಿಲು ಬಯಸಿದೆ ಎಂದಿದ್ದಾರೆ.

'ಆದ್ದರಿಂದ, ನಾನು ನನ್ನ ಜೀವನದ ಈ ಪ್ರಯಾಣವನ್ನು ಬಿಟ್ಟು ಹೊಸದನ್ನು ಪ್ರಾರಂಭಿಸುತ್ತೇನೆ ಎಂದು ಹೊರಟಿದ್ದೆ 'ಎಂದು ಅವರು ಹೇಳಿದ್ದಾರೆ.

ಪೂಜಾ ಅವರು ನಟನೆಯನ್ನು ತ್ಯಜಿಸಲು ನಿರ್ಧರಿಸಿದ್ದರೂ ಇದೇ ರೀತಿಯ ಪರಿಸ್ಥಿತಿಯನ್ನು ಈಗ ಎದುರಿಸಿದರೆ ಅವರು ಈಗ ವಿಭಿನ್ನವಾಗಿ ಆಯ್ಕೆ ಮಾಡುತ್ತಿದ್ದರು ಎಂದಿದ್ದಾರೆ.

ನೀವು ಚಿಕ್ಕವರಿದ್ದಾಗ, ನೀವು ವಿಭಿನ್ನವಾಗಿ ಯೋಚಿಸುತ್ತೀರಿ, ಇಂದು, ಬಹುಶಃ ನಾನು ವಿಭಿನ್ನ ಆಯ್ಕೆಗಳನ್ನು ಮಾಡುತ್ತಿದ್ದೆ. ಆದರೆ ಆ ಸಮಯದಲ್ಲಿ ಅದೇ ಸರಿಯಾದ ಆಯ್ಕೆಗಳಾಗಿತ್ತು ಎಂದಿದ್ದಾರೆ.

ನಾನು ಆ ಆಯ್ಕೆಗಳನ್ನು ಮಾಡಿದ್ದೇನೆ ಎಂದು ನನಗೆ ಖುಷಿಯಾಗಿದೆ. ಆದ್ದರಿಂದ, ನಂತರ ನಾನು ಪವಿತ್ರ ವೈವಾಹಿಕತೆಗಾಗಿ ಎಲ್ಲವನ್ನೂ ಬಿಟ್ಟುಬಿಟ್ಟೆ ಮತ್ತು ನಾನು ಅತ್ಯುತ್ತಮ ಹೆಂಡತಿಯಾಗಿದ್ದೆ ಎಂದು ಅವರು ಹೇಳಿದ್ದಾರೆ.

2003 ರಲ್ಲಿ ಫರ್ಹಾನ್‌ನಿಂದ ವಿಚ್ಛೇದನೆ ನಂತರ ಪೂಜಾ ಹಲವಾರು ರಿಯಾಲಿಟಿ ಶೋಗಳಲ್ಲಿ ಕಾಣಿಸಿಕೊಂಡರು.

ಅವರು ಬಿಗ್ ಬಾಸ್, ನಾಚ್ ಬಲಿಯೆ, ಮಾ ಎಕ್ಸ್ಚೇಂಜ್ ಮತ್ತು ಖತ್ರೋನ್ ಕೆ ಖಿಲಾಡಿ ಚಿತ್ರಗಳಲ್ಲಿ ಕಾಣಿಸಿಕೊಂಡರು. ಕಳೆದ ವರ್ಷ, ಅವರು ಎರಡು ಡಿಜಿಟಲ್ ಪ್ರಾಜೆಕ್ಟ್‌ಗಳಲ್ಲಿ ಕಾಣಿಸಿಕೊಂಡರು.