Men Staring: ಹೆಣ್ಮಕ್ಕಳನ್ನು ನೋಡುವುದರಲ್ಲೇ ವರ್ಷ ಸವೆಸ್ತಾರಂತೆ ಪುರುಷರು

ಪುರುಷರು ತಮ್ಮ ಜೀವಿತಾವಧಿಯ ಒಂದು ವರ್ಷ ಅಂದ್ರೆ 12 ತಿಂಗಳನ್ನು ಹೆಣ್ಣುಮಕ್ಕಳನ್ನು ನೋಡುವುದರಲ್ಲೇ ಕಳೆಯುತ್ತಾರೆ ಎಂಬ ಸಮೀಕ್ಷೆಯೊಂದು ಸಾಮಾಜಿಕ ಜಾಲತಾಣದಲ್ಲಿ ಭಾರಿ ವೈರಲ್ ಆಗಿದೆ. ಹೆಣ್ಣುಮಕ್ಕಳನ್ನು ಗುರಾಯಿಸುವುದರಲ್ಲಿ ಅದೇನೋ ಖುಷಿ ಇದೆ ಅಂತ ಪುರುಷರೇ ತಮ್ಮ ನಡೆಯನ್ನು ಒಪ್ಪಿಕೊಂಡಿರುವುದು ವಿಶೇಷ.

ಕೆಲವು ಸಂಶೋಧನೆಗಳು ಸಮೀಕ್ಷೆಗಳು ವಿಚಿತ್ರವಾಗಿರುತ್ತವೆ. ಒಬ್ಬ ಮಾನವ ತನ್ನ ಜೀವಮಾನದ ಎಷ್ಟು ಸಮಯವನ್ನು ಶೌಚಾಲಯದಲ್ಲಿ ಕಳಿತಾನೆ ಜೀವಮಾನದ ಎಷ್ಟು ಸಮಯವನ್ನು ನಿದ್ದೆಯಲ್ಲಿ ಕಳಿತಾನೆ ಎಂಬ ವಿಚಾರಗಳು ನಮಗೆ ಅಚ್ಚರಿ ಮೂಡಿಸುತ್ತವೆ. ಅದೇ ರೀತಿ ಇಲ್ಲೊಂದು ತಮಾಷೆಯ ಸಮೀಕ್ಷೆ ಇದೆ. ಅದೇ ಗುರಾಯಿಸುವುದಕ್ಕೆ ಫೇಮಸ್ ಆಗಿರುವ ಪುರುಷರು ತಮ್ಮ ಜೀವಿತಾವಧಿಯ ಎಷ್ಟು ಸಮಯವನ್ನು ಇದಕ್ಕಾಗಿ ವ್ಯಯ ಮಾಡ್ತಾರೆ ಅನ್ನೋದು..

ಪುರುಷರದ್ದೇನು ಸಮಸ್ಯೆ?

ಸಾಮಾನ್ಯವಾಗಿ ಪುರುಷರು ಕಂಡವರ ಹೆಣ್ಣು ಮಕ್ಕಳನ್ನು ನೋಡುವುದಕ್ಕೆ ಫೇಮಸ್‌. ಚೆಂದದ ಹುಡುಗಿಯೊಬ್ಬಳು ಬಂದರಂತು ಗಂಡಸರು ತಮ್ಮ ವಯಸ್ಸನ್ನೇ ಮರೆತು ಬಿಡುತ್ತಾರೆ. ಪುಟ್ಟ ಮಕ್ಕಳಿಂದ ಅಜ್ಜಂದಿರವರೆಗೂ ಅವರನ್ನು ನೋಡುವುದರಲ್ಲೇ ಬಾಕಿಯಾಗಿ ಬಿಡುತ್ತಾರೆ. ಬಸ್ ನಿಲ್ದಾಣಗಳು ರೈಲ್ವೆ ಸ್ಟೇಷನ್‌ಗಳು, ಹೀಗೆ ಯಾವುದೇ ಸಾರ್ವಜನಿಕ ಸ್ಥಳಗಳಲ್ಲಿ ಒಬ್ಬಂಟಿ ಮಹಿಳೆ ನಿಂತಿದ್ದಾಳೆಂದರೆ ಸಾವಿರಾರು ಜನ ಆಕೆಯನ್ನು ತಿನ್ನುವಂತೆ ಗುರಾಯಿಸುವುದು ಕಾಮನ್.

ಆದರೆ ಗಂಡು ಮಕ್ಕಳು ಹೆಣ್ಣು ಮಕ್ಕಳನ್ನು ನೋಡುವುದರಲ್ಲೇ ತಮ್ಮ ಆಯಸ್ಸಿನ ಕೆಲ ಭಾಗವನ್ನು ಕಳೆದು ಬಿಡುತ್ತಾರೆ ಎಂಬ ವಿಚಾರ ನಿಮಗೆ ಗೊತ್ತಾ ವಿಚಿತ್ರ ಎನಿಸಿದರು ಇದು ಸತ್ಯ. 2009ರಲ್ಲಿ ನಡೆದ ಒಂದು ಸರ್ವೇಯ ಪ್ರಕಾರ ಒಬ್ಬ ವ್ಯಕ್ತಿ ದಿನಕ್ಕೆ 43 ನಿಮಿಷಗಳನ್ನು ಹುಡುಗಿಯರನ್ನು ನೋಡುವುದರಲ್ಲೇ ವ್ಯಯ ಮಾಡ್ತಾರಂತೆ, ಹಾಗಂತ ಒಬ್ಬಳೇ ಹುಡುಗಿಯನ್ನೋ ಪ್ರೇಯಸಿಯನ್ನೋ ಹೆಂಡತಿಯನ್ನೋ ನೋಡುವುದರಲ್ಲಿ ಇವರು ದಿನ ಕಳೆಯುವುದಿಲ್ಲ, ದಿನದಲ್ಲಿ 10 ವಿಭಿನ್ನ ಹುಡುಗಿಯರನ್ನು ಅವರು ಹೀಗೆ ನೋಡುತ್ತಾರಂತೆ. ಹೀಗೆ ನೋಡುತ್ತಲೇ ಜೀವನದ ಒಂದು ವರ್ಷದಷ್ಟು ಸಮಯವನ್ನು ಅವರು ಇದರಲ್ಲೇ ಕಳೆಯುತ್ತಾರಂತೆ.

ಹಾಗಂತ ಹೆಣ್ಣು ಮಕ್ಕಳು ಬೇರೆ ಪುರುಷರನ್ನು ನೋಡಲ್ವಾ ಖಂಡಿತಾ ನೋಡ್ತಾರೆ. ಆದರೆ ಪುರುಷರಿಗೆ ಹೋಲಿಸಿದರೆ ಅವರ ಇದಕ್ಕಾಗಿ ವ್ಯಯಿಸುತ್ತಿರುವ ಬಹಳ ಕಡಿಮೆ. ಮಹಿಳೆಯರು ದಿನದಲ್ಲಿ 20 ನಿಮಿಷವನ್ನು ಪುರುಷರನ್ನು ನೋಡುವುದಕ್ಕೆ ವ್ಯಯ ಮಾಡುತ್ತಾರೆ. ಅಂದರೆ ತಮ್ಮ ಜೀವಿತಾವಧಿಯ 6 ತಿಂಗಳನ್ನು ಇವರು ಇದಕ್ಕಾಗಿ ವ್ಯಯ ಮಾಡುತ್ತಾರೆ.

BrRitainನಲ್ಲಿ ನಡೆದ ಸರ್ವೆ

ಅಂದಹಾಗೆ ಈ ಸಮೀಕ್ಷೆ ನಡೆದಿರುವುದು ಬ್ರಿಟನ್‌ನಲ್ಲಿ. ಸುಮಾರು 3 ಸಾವಿರ ಮಂದಿ ಈ ಸಮೀಕ್ಷೆಯಲ್ಲಿ ಭಾಗಿಯಾಗಿದ್ದಾರೆ. ಈ ಸಮೀಕ್ಷೆಯು ಸೂಪರ್ ಮಾರ್ಕೆಟ್, ಬಾರ್‌ಗಳು, ನೈಟ್‌ಕ್ಲಬ್‌ಗಳು, ಕೆಲಸದ ಸ್ಥಳ ಮತ್ತು ಅಂಗಡಿಗಳಲ್ಲಿ ಕೆಲಸ ಮಾಡುವ ಪುರುಷರು ಮತ್ತು ಮಹಿಳೆಯರು ಪರಸ್ಪರ ನೋಡುವ ಸಾಮಾನ್ಯ ಸ್ಥಳಗಳೆಂದು ಗುರುತಿಸಲ್ಪಟ್ಟಿದೆ.

ಆದರೆ ಈ ಪುರುಷರು ಹೆಣ್ಣು ಮಕ್ಕಳನ್ನು ನೋಡುವುದರಲ್ಲೇ ತಮ್ಮ ಜೀವಿತಾವಧಿಯ ಒಂದು ವರ್ಷವನ್ನು ಕಳೆಯುತ್ತಾರೆ ಎಂಬ ವಿಚಾರವು ಈಗ ಸಾಮಾಜಿಕ ಜಾಲತಾಣದಲ್ಲಿ ಭಾರಿ ವೈರಲ್ ಆಗ್ತಿದೆ. ಪೋಸ್ಟ್ ನೋಡಿದ ಬಹುತೇಕ ಪುರುಷರು ಇದನ್ನು ಬಹಳ ಪ್ರಮಾಣಿಕತೆಯಿಂದ ಒಪ್ಪಿಕೊಂಡಿದ್ದಾರೆ. ಅಲ್ಲದೇ ಬರೀ ಒಂದು ವರ್ಷನಾ ಎಂದು ಕೇಳ್ತಿದ್ದಾರೆ. ನಿಮಗೆ ಇದರ ಬಗ್ಗೆ ಖಚಿತತೆ ಇದೆಯೇ ಕೇವಲ ಒಂದೇ ವರ್ಷವೇ ಎಂದು ಕೆಲವರು ಮತ್ತೆ ಮತ್ತೆ ಕೇಳುತ್ತಿದ್ದಾರೆ. ಮತ್ತೆ ಕೆಲವರು ಹೌದು ಒಂದು ವರ್ಷ ಅದು ನನ್ನ ಕಾಲೇಜಿನ ಕೊನೆಯ ವರ್ಷ ಆಗಿತ್ತು ಎಂದು ಮತ್ತೊಬ್ಬರು ಕಾಮೆಂಟ್ ಮಾಡಿದ್ದಾರೆ. ಮತ್ತೆ ಕೆಲವರು ಇದೊಂದು ಸುಳ್ಳು ಮಾಹಿತಿ ತಮ್ಮ ಜೀವಿತಾವಧಿಯ ಅರ್ಧ ಭಾಗವನ್ನೇ ಅದರಲ್ಲಿ ಕಳೆಯುತ್ತಾರೆ ಎಂದು ಕೆಲವರು ತಮಾಷೆ ಮಾಡಿದ್ದಾರೆ.

ಪುರುಷರಿಂದ ಗ್ರೇಟೆ ರೆಸ್ಪಾನ್ಸ್:

ನಾನೀಗ ನನ್ನ 20ನೇ ವಯಸ್ಸಿನಲ್ಲಿದ್ದೇನೆ. ಈ ಒಂದು ವರ್ಷವನ್ನು ನಾನು ಈಗಾಗಲೇ ಕಳೆದಿರುವಂತಿದೆ ಎಂದು ಒಬ್ಬರು ಕಾಮೆಂಟ್ ಮಾಡಿದ್ದಾರೆ. ನಾನು ಈಗಾಗಲೇ ಒಂದಲ್ಲ ಎರಡು ವರ್ಷವನ್ನು ಇದರಲ್ಲಿ ಕಳೆದಿದ್ದೇನೆ. ಸೌಂದರ್ಯವನ್ನು ಮೆಚ್ಚಲೇಬೇಕು ಎಂದು ಒಬ್ಬರು ಕಾಮೆಂಟ್ ಮಾಡಿದ್ದಾರೆ. ಹಾಗೆಯೇ ಹೌದೌದು ನಾನು 30 ವರ್ಷವನ್ನು ಹೀಗೆ ಕಳೆದಿದ್ದೇನೆ ಎಂದು ಮತ್ತೊಬ್ಬರು ಕಾಮೆಂಟ್ ಮಾಡಿದ್ದಾರೆ. ನಾನು ಇಡೀ ಜೀವಮಾನವನ್ನೇ ಹೆಣ್ಮಕ್ಕಳನ್ನು ನೋಡುವುದರಲ್ಲಿ ಕಳೆದಿದ್ದಾನೆ ಎಂದು ಇನ್ನೊಬ್ಬರು ಹೇಳಿದ್ದಾರೆ. ಇದರಲ್ಲೊಂದು ತಿದ್ದುಪಡಿ ಪುರುಷರು 'ಪ್ರತಿ ವರ್ಷ' ಸುಮಾರು 1 ವರ್ಷ ಕಳೆಯುತ್ತಾರೆ ಎಂದು ಒಬ್ಬರು ಹಾಸ್ಯ ಮಾಡಿದ್ದಾರೆ. ಒಟ್ಟಿನಲ್ಲಿ ಈ ಪುರುಷರೇ ಇದನ್ನು ಒಪ್ಪಿಕೊಳ್ಳುವ ಮೂಲಕ ಈ ಅಧ್ಯಯನ ವರದಿ ಸುಳ್ಳಲ್ಲ ಎಂಬುದನ್ನು ಸಾಬೀತುಪಡಿಸಿದ್ದಾರೆ.

ಈ ಸಮೀಕ್ಷಾ ವರದಿ ಬಗ್ಗೆ ನಿಮಗೇನನಿಸ್ತಿದೆ ಕಾಮೆಂಟ್ ಮಾಡಿ.