ವರಾಹಕ್ಕೆ ಹಾಲುಣಿಸಿದ ಗೋ ಮಾತೆ; ಸೋಶಿಯಲ್‌ ಮೀಡಿಯಾದಲ್ಲಿ ವಿಡಿಯೋ ಸಖತ್‌ ವೈರಲ್

ಯಾದಗಿರಿ: ವಿಷ್ಣುವಿನ ರೂಪವಾದ ವರಾಹನಿಗೆ ಹಸುವೊಂದು ಹಾಲುಣಿಸಿದ ವಿಡಿಯೋವೊಂದು ಸಖತ್‌ ವೈರಲ್ ಆಗಿದೆ. ಕೃಷ್ಣ ಜನ್ಮಾಷ್ಟಮಿ ದಿನವೇ ಗೋ ಮಾತೆಯೊಂದು ವರಾಹಕ್ಕೆ ಹಾಲುಣಿಸಿದೆ. ಯಾದಗಿರಿ ಜಿಲ್ಲೆ ಸುರಪುರ ನಗರದ ವೇಣುಗೋಪಾಲಸ್ವಾಮಿ ದೇವಸ್ಥಾನದ ಮುಂದೆ ಈ ಅಪರೂಪದ ದೃಶ್ಯ ಕಂಡು ಬಂದಿದೆ. ವೇಣುಗೋಪಾಲ ಸ್ವಾಮಿ ಆವರಣದಲ್ಲಿ ವರಾಹಕ್ಕೆ ಗೋಮಾತೆ ಹಾಲುಣಿಸಿದೆ. 
ಕರುವಿನೊಂದಿಗೆ  ಹಸು ಸಂಚರಿಸುತ್ತಿದ್ದಾಗ ಅಲ್ಲೇ ಇದ್ದ ಹಂದಿಯೊಂದಕ್ಕೆ ಹಾಲುಣಿಸಿದೆ. ಇದೇ ವೇಳೆ ಹಸುವಿನ ಜೊತೆಯಲ್ಲೇ ಕರುವು ಇದ್ದು, ಹಂದಿ ತನ್ನ ತಾಯಿಯ ಹಾಲು ಕುಡಿಯುವುದನ್ನು ನೋಡಿದರು ಕರು ಸುಮ್ಮನಾಗಿದೆ. ಇದನ್ನು ನೋಡಿ ಅನೇಕರು ಅಚ್ಚರಿ ವ್ಯಕ್ತಪಡಿಸಿದ್ದಾರೆ.