Russia Ukraine War: ರಷ್ಯಾದ 4,500 ಯೋಧರ ಬಲಿ ಪಡೆದಿದ್ದೇವೆ ಎಂದ ಉಕ್ರೇನ್

ಕೀವ್‌ (ಫೆ. 28): ರಷ್ಯಾ-ಉಕ್ರೇನ್ ಮಹಾಯುದ್ಧ 5 ನೇ ದಿನಕ್ಕೆ ಕಾಲಿಟ್ಟಿದೆ. ರಷ್ಯಾದ ಬೃಹತ್ ಸೈನ್ಯದ ಎದುರು, ಪುಟ್ಟ ದೇಶ ಉಕ್ರೇನ್ ಪ್ರತಿರೋಧ ತೋರುತ್ತಿದೆ. ರಷ್ಯಾದ 4500 ಯೋಧರನ್ನು ಬಲಿ ಪಡೆದಿದ್ದೇವೆ ಎಂದಿದೆ ಉಕ್ರೇನ್. 150 ಯುದ್ಧದ ಟ್ಯಾಂಕರ್, 700 ಶಸ್ತ್ರಾಸ್ತ್ರ ವಾಹನಗಳು, 60 ಇಂಧನ ಟ್ಯಾಂಕರ್, 1 ಕ್ಷಿಪಣಿ ಉಡಾವಣಾ ವಾಹನವನ್ನು ಧ್ವಂಸಗೊಳಿಸಿದ್ದೇವೆ ಎಂದು ಉಕ್ರೇನ್ ರಕ್ಷಣಾ ಇಲಾಖೆ ಹೇಳಿದೆ. ಇನ್ನು ಭಾರತಕ್ಕೆ ವಾಪಸ್ಸಾಗಲು  406 ಕನ್ನಡಿಗರು ನೋಂದಣಿ ಮಾಡಿಸಿದ್ದಾರೆ. 

ತನ್ನ ಮೇಲಿನ ದಾಳಿಯಲ್ಲಿ ತಡೆಯಲು ನ್ಯಾಯಾಂಗದ ಮೊರೆ ಹೋಗಿರುವ ಉಕ್ರೇನ್‌ ಸರ್ಕಾರ, ರಷ್ಯಾ ಸರ್ಕಾರದ ದಾಳಿಯ ವಿರುದ್ಧ ಅಂತಾರಾಷ್ಟ್ರೀಯ ನ್ಯಾಯಾಲಯಕ್ಕೆ ಅರ್ಜಿ ಸಲ್ಲಿಸಿದೆ.