ಇನ್ನು ಕೆಲವೇ ವರ್ಷ ಬರಲಿದೆ ಫ್ಲೈಯಿಂಗ್ ಕಾರ್..!: ಪೆಟ್ರೋಲ್ , ಡೀಸೆಲ್ ಬೇಡ.. ಆಕಾಶದಲ್ಲಿ ಹಾರಲಿದೆ ಈ ಕಾರ್..!

ಪ್ರತೀದಿನ ಟ್ರಾಫಿಕ್ ಜಾಮ್ ಅಲ್ಲಿ ಸಿಲುಕಿ ಸುಸ್ತಾಗಿರೋರಿಗೆ ಇದೀಗ ಗುಡ್ ನ್ಯೂಸ್ ಬಂದಿದೆ. ಅದೇನಂದ್ರೆ ಹಾರುವ ಕಾರ್‌ಗೆ (Flying car) ಮಾನ್ಯತೆ ಸಿಕ್ಕಿದ್ದು, ಇನ್ನು ಕೆಲವೇ ಕೆಲವು ವರ್ಷಗಳಲ್ಲಿ ಫ್ಲೈಯಿಂಗ್ ಕಾರ್ ಫೀಲ್ಡಿಗಿಳಿಯಲಿದೆ. ಈ ಕಾರ್‌ಗಳಿಗೆ ಪೆಟ್ರೋಲ್ ಡೀಸೆಲ್ ಬೇಕಾಗಿಲ್ಲ. ಒಮ್ಮೆ ಚಾರ್ಜ್ ಮಾಡಿದ್ರೆ 110 ಕಿಮೀ ಹಾರಾಟ ನಡೆಸುತ್ತೆ. ಇನ್ಮುಂದೆ ನೀವು ರೋಡಿನಿಂದ ಆಗಸಕ್ಕೆ ಟೇಕಾಫ್ ಮಾಡಬಹುದು. ಯಾಕಂದ್ರೆ ಸ್ಕೈ-ಫೈ ಸಿನಿಮಾಗಳಲ್ಲಿ ನೀವು ನೋಡಿದಂತೆಯೇ ಇದೀಗ ಹಾರುವ ಕಾರುಗಳಿಗೆ ಅಧಿಕೃತವಾಗಿ ಅನುಮೋದನೆ ಸಿಕ್ಕಿದೆ. ಅಮೆರಿಕ(America) ಮೂಲದ ಅಲೆಫ್ ಏರೋನಾಟಿಕ್ಸ್ ಅಭಿವೃದ್ಧಿಪಡಿಸಿರುವ ಈ ಹಾರುವ ಕಾರಿಗೆ ಅಮೆರಿಕ ಸರ್ಕಾರದಿಂದ ಅನುಮೋದನೆ ಸಿಕ್ಕಿದೆ. ಅಭಿವೃದ್ದಿ ಪಡಿಸಿರುವ ತನ್ನ ಮಾಡೆಲ್ A ಹೆಸರಿನ ಕಾರು ಯುಎಸ್ ಫೆಡರಲ್ ಏವಿಯೇಷನ್ ಅಡ್ಮಿನಿಸ್ಟ್ರೇಷನ್(US Federal Aviation Administration) ನಿಂದ ವಿಶೇಷ ಏರ್‌ವರ್ದಿನೆಸ್ ಪ್ರಮಾಣೀಕರಣವನ್ನು ಪಡೆದಿದೆ ಅಂತ ಕಂಪನಿ ಘೋಷಿಸಿದೆ. ಈ ಬೆಳವಣಿಗೆ ಐತಿಹಾಸಿಕವಾಗಿದೆ. ಯಾಕಂದ್ರೆ ಯಾವುದೇ ದೇಶ ಈ ರೀತಿಯ ವಾಹನವನ್ನು ಪ್ರಮಾಣೀಕರಿಸಿಲ್ಲ. ಆದ್ರೆ ಅಮೆರಿಕ ಮೊದಲ ಬಾರಿಗೆ ಇಂಥಾ ಹಾರುವ ಕಾರಿಗೆ ಅನುಮೋದನೆ ಕೊಟ್ಟಿದೆ. ಈ ಮೂಲಕ ಅನೇಕ ವರ್ಷಗಳಿಂದ ಜನರು ಕಾಣುತ್ತಿದ್ದ ಹಾರುವ ಕಾರಿನ ಸ್ಕೈ-ಫೈ ಕನಸು ನನಸಾಗಿದೆ.

ಇದನ್ನೂ ವೀಕ್ಷಿಸಿ: Panchanga: ನಿಮ್ಮ ರಾಶಿಯ ಇಂದಿನ ಭವಿಷ್ಯ ಹೇಗಿದೆ ?: ಈ ದಿನ ಶಿವ-ದುರ್ಗಾ ಆರಾಧನೆ ಮಾಡಿ