ಅತ್ತ ತಾಲಿಬಾನಿಗಳ ಕಾಟ, ಇತ್ತ ಚೀನಾ ಕೋಪ: ಕಂಗೆಟ್ಟ ಪಾಕಿಸ್ತಾನಕ್ಕೆ ದಿಕ್ಕು ಯಾರು?

ನವದೆಹಲಿ (ಜೂ. 15): ಪಾಕಿಸ್ತಾನ (Pakistan) ಸದ್ಯಕ್ಕೆ ಸಂಕಷ್ಟದಲ್ಲಿದೆ. ಒಂದು ಕಡೆ ಆರ್ಥಿಕ ಹೊಡೆತ, ಆರ್ಥಿಕತೆಯಿಂದ ದೇಶದಲ್ಲೇ ವಾತಾವರಣ ಹದಗೆಡುತ್ತಿದೆ. ಮತ್ತೊಂದು ಕಡೆ ತಾಲಿಬಾನ್ (Taliban)​​ ಪಾಕಿಸ್ತಾನಕ್ಕೆ ಗಡಿಯಲ್ಲಿ ತೊಂದ್ರೆ ಕೊಡ್ತಾನೇ ಇದೆ. ಇನ್ನೊಂದು ಕಡೆ ಪಾಕಿಸ್ತಾನದ ಮೇಲೆ ಚೀನಾ (China) ಕೋಪ ಮಾಡಿಕೊಂಡಿದೆ. ಇದೆಲ್ಲವನ್ನ ನೋಡ್ತಿದ್ರೆ ಪಾಕ್​​ ಸಧ್ಯ ತುಂಬಾ ಕಷ್ಟದರಲ್ಲಿದೆ ಎಂದೆನಿಸುತ್ತಿದೆ.  ಪಾಕಿಸ್ತಾನಕ್ಕೆ ಸಧ್ಯ ಬಿದ್ದಿರೋದು ಒಂದೆರೆಡು ಕೆಟ್ಟ ದೃಷ್ಟಿಗಳಲ್ಲ. ಎಲ್ಲ ದಿಕ್ಕುಗಳಿಂದಲೂ ಪಾಕಿಸ್ತಾನದ ಮೇಲೆ ಕೆಟ್ಟ ದೃಷ್ಟಿ ಬಿದ್ದಿವೆ. ಹೀಗಾಗಿ ಪಾಕಿಸ್ತಾನ ಈಗ ಎಲ್ಲ ದಿಕ್ಕುಗಳಿಂದಲೂ ಏಟುಗಳ ಮೇಲೆ ಏಟುಗಳನ್ನು ತಿನ್ನುತ್ತಿದೆ. 

ಇದನ್ನೂ ನೋಡಿ: 18 ತಿಂಗಳಲ್ಲಿ 10 ಲಕ್ಷ ಉದ್ಯೋಗ ನೇಮಕಾತಿ, ಸಂಚಲನ ಸೃಷ್ಟಿಸಿದ ಪ್ರಧಾನಿ ಮೋದಿ ಘೋಷಣೆ!

ಪಾಕಿಸ್ತಾನದ ಮುಂದೆ ಸದ್ಯ ಪ್ರಮುಖವಾಗಿ 4 ಸವಾಲುಗಳಿವೆ. ಈ ಸವಾಲುಗಳನ್ನು ಪಾಕಿಸ್ತಾನ ಸಮರ್ಥವಾಗಿ ನಿಭಾಯಿಸುತ್ತಾ ಅಥವಾ ನಿಭಾಯಿಸದೇ ಸೋತು ನೆಲಕಚ್ಚುತ್ತಾ ಅನ್ನೋದು ಸಹ ಗೊತ್ತಿಲ್ಲ. ಯಾಕೆಂದ್ರೆ ಪಾಕಿಸ್ತಾನದ ಮುಂದಿರುವ 4 ಸವಾಲುಗಳು ಸಾಮಾನ್ಯ ಸವಾಲುಗಳಲ್ಲ. ಪಾಕಿಸ್ತಾನ ಸಧ್ಯಕ್ಕೆ ಎದುರಿಸುತ್ತಿರುವ ಪ್ರಮುಖ 4 ತೊಂದರೆಗಳಲ್ಲಿ ಮೊದಲ ಸ್ಥಾನದಲ್ಲಿರೋದು ಹದಗೆಟ್ಟ ಆರ್ಥಿಕ ವ್ಯವಸ್ಥೆ, ಎರಡನೇಯದು ಭುಗಿಲೇಳುತ್ತಿರುವ ಅಂತರ್ಯುದ್ಧ. ಇನ್ನು ಮೂರನೇಯದು ಪಾಕ್​ ಸೈನಿಕರನ್ನು ಕಾಡುತ್ತಿರೋ ತಾಲಿಬಾನಿಗಳು ಮತ್ತು 4ನೇಯದ್ದು ಪಾಕ್​ ಮೇಲೆ ಚೀನಾ ಕೋಪ. ಈ ನಾಲ್ಕು ಸಂಕಷ್ಟಗಳಲ್ಲಿ ಸಿಲುಕಿರುವ ಪಾಕ್​ ದಿಕ್ಕೇ ತೋಚದಂತಾಗಿ ವಿಲವಿಲವೆಂದು ಒದ್ದಾಡುತ್ತಿದೆ. ಈ ನಾಲ್ಕು ಸಮಸ್ಯೆಗಳಿಂದ ಪಾಕ್​​ ಈಗ ಹೇಗೆಲ್ಲ ಕಷ್ಟ ಅನುಭವಿಸುತ್ತಿದೆ ಅನ್ನೋದರ ಕುರಿತ ಕಂಪ್ಲೀಟ್‌ ವರದಿ ಇಲ್ಲಿದೆ