Rishab Shetty Kantara Chapter 1: ಕದಂಬ ರಾಜರು Vs ಕರಾವಳಿ ವೀರರು, ರಕ್ತಸಿಕ್ತ ಸಂಘರ್ಷದ ಮಧ್ಯೆ ಪ್ರೇಮಕಥೆ

 2022ರಲ್ಲಿ ಬಂದ ಕಾಂತಾರದ ಪ್ರೀಕ್ವೆಲ್ ಕಥೆ ಇಲ್ಲಿದ್ದು ಬನವಾಸಿ ಕದಂಬ ರಾಜಮನೆತನ ಮತ್ತು ತುಳುನಾಡಿನ ದೈವದ ಕಥೆಯನ್ನ ರಿಷಬ್ ಹೇಳಲಿಕ್ಕೆ ಹೊರಟಿದ್ದಾರೆ. ಯೆಸ್ ಸಿನಿಪ್ರಿಯರು ಬಹುನಿರೀಕ್ಷೆಯೊಂದಿಗೆ ಕಾಯ್ತಾ ಇದ್ದ ಕಾಂತಾರ ಚಾಪ್ಟರ್-1 ಟ್ರೈಲರ್ ರಿಲೀಸ್ ಆಗಿದೆ. ಪಂಚಭಾಷೆಗಳಲ್ಲಿ ಸಿನಿಮಾ ಟ್ರೈಲರ್ ಹೊರಬಂದಿದ್ದು ಹಿಂದಿ ಭಾಷೆಯ ಟ್ರೈಲರ್​ನ  ಹೃತಿಕ್ ರೋಷನ್, ತೆಲುಗು ಟ್ರೈಲರ್​ನ ಪ್ರಭಾಸ್, ಮಲಯಾಳಂ ಟ್ರೈಲರ್​ನ ಪ್ರಥ್ವಿರಾಜ್ ಸುಕುಮಾರನ್, ತಮಿಳು ಟ್ರೈಲರ್​ನ ಶಿವಕಾರ್ತಿಕೇಯನ್ ತಮ್ಮ ಸೋಷಿಯಲ್ ಮಿಡಿಯಾ ಖಾತೆಗಳಲ್ಲಿ ಹಂಚಿಕೊಂಡು ರಿಲೀಸ್ ಮಾಡಿದ್ದಾರೆ. ಇನ್ನೂ ಕನ್ನಡ ಟ್ರೈಲರ್​ನ ವಿನೂತನವಾಗಿ ಕನ್ನಡಿಗರಿಂದಲೇ ರಿಲೀಸ್ ಮಾಡಿಸಿದೆ ಕಾಂತಾರ ಟೀಂ.