ಕನ್ನಡಕ್ಕೆ ಎಂಟ್ರಿ ಕೊಟ್ಟ ಮಹಾನಟಿ ಕೀರ್ತಿ ಸುರೇಶ್?

ಕೀರ್ತಿ ಸುರೇಶ್, ಇತ್ತೀಚಿಗಷ್ಟೇ ಮಹೇಶ್ ಬಾಬು ಜೊತೆ ಕಲಾವತಿ ಕಲಾವತಿ ಎಂದು ಹಾಡಿ ಕುಣಿದು ಮತ್ತೇ ಪ್ರೇಕ್ಷಕರ ಎದೆಯಲ್ಲಿ ತನ್ನ ಸ್ಥಾನವನ್ನ ಭದ್ರವಾಗಿ ಗಿಟ್ಟಿಸಿಕೊಂಡ ನಟಿ. ಇಂಡಸ್ಟ್ರಿಯಲ್ಲಿ ಮತ್ತೆ ಸಕ್ಸಸ್ ಹಾದಿ ಹಿಡಿದಿರೋ ಕೀರ್ತಿ ಸುರೇಶ್ ಕನ್ನಡಕ್ಕೆ ಬರ್ತಿದ್ದಾರೆ. ಕನ್ನಡದ ಹೊಂಬಾಳೆ ಸಂಸ್ಥೆ ಸದ್ಯ ಬ್ಯಾಕ್ ಟು ಬ್ಯಾಕ್ ಸಿನಿಮಾಗಳಲ್ಲಿ ಬ್ಯುಸಿ ಆಗಿದೆ. ಕನ್ನಡ ಮಾತ್ರವಲ್ಲದೆ ತೆಲುಗು , ತಮಿಳು , ಮಲೆಯಾಳಂ ಭಾಷೆಯ ಸ್ಟಾರ್ಗಳ ಜೊತೆ ಸಿನಿಮಾ ಮಾಡಲು ಕಮಿಟ್ ಆಗಿದೆ. ತಮಿಳಿನ ಸೊರರೈಪೊಟ್ರು ಸಿನಿಮಾ ನಿರ್ದೇಶಕಿ ಸುಧಾ ಕೊಂಗಾರ ಅವರ ಮುಂದಿನ ಚಿತ್ರಕ್ಕೆ ಹೊಂಬಾಳೆ ಸಂಸ್ಥೆ ಬಂಡವಾಳ ಹಾಕಲು ತಯಾರಿ ಮಾಡಿಕೊಂಡಿದ್ದು ಆ ಚಿತ್ರಕ್ಕೆ ಕೀರ್ತಿ ಸುರೇಶ್ ನಾಯಕಿಯಂತೆ. ಹೊಂಬಾಳೆ ಸಂಸ್ಥೆ ಯಾವುದೇ ಭಾಷೆಯ ಸ್ಟಾರ್ ಹಾಗೂ ಟೆಕ್ನಿಷಿಯನ್ಸ್ ಜೊತೆ ಸಿನಿಮಾ ಕಮಿಟ್ ಆದರೂ ಕನ್ನಡದಲ್ಲಿಯೂ ಆ ಚಿತ್ರ ನಿರ್ಮಾಣ ಆಗಬೇಕು ಎಂದು ಫಿಕ್ಸ್ ಆಗಿದ್ದಾರೆ. ಅದರಂತೆಯೇ ಈಗ ಸುಧಾ ಕೊಂಗಾರ ಹಾಗೂ ಕೀರ್ತಿ ಸುರೇಶ್ ಕಾಂಭಿನೇಷನ್ ಚಿತ್ರ ಕನ್ನಡದಲ್ಲಿಯೂ ತೆರೆಗೆ ಬರಲಿದೆ. ಈ ಮೂಲಕ ಕನ್ನಡಕ್ಕೆ ಕೀರ್ತಿ ಸುರೇಶ್ ಅಧಿಕೃತವಾಗಿ ಎಂಟ್ರಿಕೊಡಲಿದ್ದಾರೆ.