Mar 28, 2022, 3:08 PM IST
ಆಲ್ ಇಂಡಿಯಾ ಕಟೌಟ್ ಕಿಚ್ಚ ಸುದೀಪ್ (Kiccha Sudeep) ನಟನೆಯ ವಿಕ್ರಾಂತ್ ರೋಣ (Vikranth Rona) (Pan India Movie)ಬರೀ ಪ್ಯಾನ್ ಇಂಡಿಯಾ ಚಿತ್ರ ಮಾತ್ರ ಅಲ್ಲ. ಇದು ಪ್ಯಾನ್ ವರ್ಲ್ಡ್ ಮೂವಿ. ಒಟ್ಟು 14 ಭಾಷೆಯಲ್ಲಿ ವಿಕ್ರಾಂತ್ ರೋಣ ತೆರೆಗೆ ಬರ್ತಾ ಇದೆ. ಹೀಗಾಗಿ ಬರೀ ಗ್ಲಿಮ್ಸ್‌ನಿಂದಲೇ ವಿಶ್ವದಾದ್ಯಂತ ಹೆಸರು ಮಾಡಿರೋ ವಿಕ್ರಾಂತ್ ರೋಣನ (Vikrant Rona)ಫಸ್ಟ್ ಟೀಸರ್ ಈಗ ಹೊರ ಬರ್ತಾ ಇದೆ. ಏಪ್ರಿಲ್ ಮೊದಲ ವಾರ ನಿಮ್ಗೆಲ್ಲಾ ಬಿಗ್ ಸರ್ಪ್ರೈಸ್ ಇದೆ ಅಂತ ಕಿಚ್ಚ ಸುದೀಪ್ ಟ್ವೀಟ್ ಮಾಡಿದ್ದಾರೆ. ಹೀಗಾಗಿ ಏಪ್ರಿಲ್ 2ನೇ ತಾರೀಖು ಯುಗಾಧಿ ಹಬ್ಬದ ದಿನ ವಿಕ್ರಾಂತ್ ರೋಣ ಮೊದಲ ಟೀಸರ್ ರಿಲೀಸ್ ಆಗ್ತಿದೆ ಅಂತ ಕಿಚ್ಚನ ಮೂಲಕಗಳಿಂದ ಮಾಹಿತಿ ಇದೆ. ಈ ಟೀಸರ್ನಲ್ಲಿ ಅಭಿನಯ ಚಕ್ರವರ್ತಿಯ ಅದ್ಧೂರಿ ಖದರ್ ನೋಡ್ಬಹುದಂತೆ.
RRR ಗೆ ಟಕ್ಕರ್ ಕೊಟ್ಟ James, 2 ನೇ ವಾರವೂ ಮುಂದುವರೆದ ಬಾಕ್ಸಾಫೀಸ್ ಬೇಟೆ..!
ವಿಕ್ರಾಂತ್ ರೋಣ ಸಿನಿಮಾವನ್ನ ನಿರ್ದೇಶಕ ಅನೂಪ್ ಬಂಡಾರಿ (Anoop Bhandari) ಸಿಕ್ಕಾಪಟ್ಟೆ ಮುತುವರ್ಜಿ ವಹಿಸಿ ಅದ್ಧೂರಿ ಕತೆ ರೆಡಿಮಾಡಿದ್ದಾರೆ. ಈ ಸ್ಟೋರಿಗೆ ದಂಡನಾಯಕನಾಗಿ ಕಿಚ್ಚ ಮೇಳೈಸಲಿದ್ದಾರೆ. ಯಾವಾಗಲೂ ಹೀರೋಯಿಸಂ ಸಿನಿಮಾಗಳಲ್ಲೇ ಮಿಂಚುತ್ತಿದ್ದ ಸುದೀಪ್, ವಿಕ್ರಾಂತ್ ರೋಣ ಚಿತ್ರದಲ್ಲಿ ಹೀರೋಯಿಸಂ ಜೊತೆ ಥ್ರಿಲ್ಲರ್ ಸ್ಟೋರಿಯ ಸಿನಿಮಾ ಮಾಡಿದ್ದಾರೆ. ಹಾಲಿವುಡ್ ಮಾಧರಿಯಲ್ಲಿ ಸಿದ್ಧವಾಗಿರೋ ಈ ಸಿನಿಮಾಗಾಗಿ ಕಿಚ್ಚ ಕನ್ನಡ, ಹಿಂದಿ, ತೆಲುಗು, ತಮಿಳು, ಹಾಗು ಇಂಗ್ಲೀಷ್ನಲ್ಲಿ ವಾಯ್ಸ್ ಡಬ್ ಮಾಡಿದ್ದಾರೆ. ಇಷ್ಟು ದಿನ ವಿಕ್ರಾಂತ್ ರೋಣ ಟೀಸರ್ ಯಾವಾಗ ಕೊಡ್ತೀರಾ.? ಸಿನಿಮಾ ರಿಲೀಸ್ ಟೇಟ್ ಯಾವಾಗ ಅನೌನ್ಸ್ ಮಾಡ್ತೀರಾ ಅಂತ ಕೇಳ್ತಿದ್ದ ಪ್ರಶ್ನೆಗೆ ಈಗ ಟೀಸರ್ ರಿಲೀಸ್ ಮಾಡೋ ಮೂಲಕ ಉತ್ತರ ಕೊಡುತ್ತಿದ್ದಾರೆ ಕಿಚ್ಚ.