Apr 12, 2022, 3:50 PM IST
ಬೆಂಗಳೂರು (ಏ. 12): ಹೊಂಬಾಳೆ ಫಿಲ್ಮ್ಸ್, ಸ್ಯಾಂಡಲ್‌ವುಡ್ ದೊಡ್ಡ ನಿರ್ಮಾಣ ಸಂಸ್ಥೆ. ಈಗ ಕೆಜಿಎಫ್-2 ಬಿಡುಗಡೆಗೆ ಸಿದ್ಧವಾಗಿರೋ ಹೊಂಬಾಳೆ ಫಿಲಮ್ಸ್ ಪ್ರಭಾಸ್ ಜೊತೆ ಸಲಾರ್ ಸಿನಿಮಾ ಮಾಡುತ್ತಿದೆ. ಈ ಮಧ್ಯೆ ಕೆಜಿಎಫ್-2 ಸಿನಿಮಾದ ಪ್ರಚಾರದಲ್ಲಿ ಹೊಂಬಾಳೆ ಮತ್ತೊಂದು ದೊಡ್ಡ ಹೆಜ್ಜೆ ಇಟ್ಟಿದೆ. ಆರ್ಸಿಬಿ ಜೊತೆ ಹೊಂಬಾಳೆ ಫಿಲ್ಮ್ಸ್ ಕೈ ಜೋಡಿಸಿದೆ. ಹೊಂಬಾಳೆ ಫಿಲ್ಮ್ಸ್ ಮತ್ತು ಆರ್ಸಿಬಿ ಸಹಭಾಗಿತ್ವದಲ್ಲಿ ಕ್ರೀಡೆ ಮತ್ತು ಮನರಂಜನೆಯ ಸಮ್ಮಿಲನಕ್ಕೆ 3 ವರ್ಷಗಳ ಕಾಲ ಸಹಿ ಮಾಡಿವೆ.
KGF 2 ಟಿಕೆಟ್ ಬುಕ್ಕಿಂಗ್: ದೊಡ್ಡ ಇತಿಹಾಸ ಬರೆದ ರಾಕಿಭಾಯ್..!
ಈ ಸಹಯೋಗದಲ್ಲಿ ಹೊಂಬಾಳೆಯಿಂದ ಯಾವುದೇ ಸಿನಿಮಾ ಬಂದರೂ ಅದನ್ನ ಆರ್ಸಿಬಿ ಪ್ರಮೋಷನ್ ಮಾಡಲಿದೆ. ಇದಕ್ಕಾಗಿ ಈಗ ವೀಡಿಯೋವೊಂದನ್ನ ರಿಲೀಸ್ ಮಾಡಿದೆ ಹೊಂಬಾಳೆ ಪ್ರೊಡಕ್ಷನ್. ವಿಡಿಯೋದಲ್ಲಿ ಕೆಜಿಎಫ್-2 ಕ್ಯಾರೆಕ್ಟರ್‌ಗಳಂತೆ ಆರ್ಸಿಬಿ ಆಟಗಾರರನ್ನ ತೋರಿಸಲಾಗಿದೆ. ಅಧೀರನಂತೆ ಫಾಫ್ ಡುಪ್ಲೆಸಿಸ್, ರವಿನಾ ಟೆಂಡನ್ ರೀತಿಯಲ್ಲಿ ಮ್ಯಾಕ್ಸ್ವೆಲ್ ನಡಿಗೆ, ಯಶ್‌ರಂತೆ ಕಿಂಗ್ ಕೊಹ್ಲಿ ಖಡಕ್ ಲುಕ್‌ನಲ್ಲಿ ಮಿಂಚಿದ್ದಾರೆ. ಇನ್ನು ಕೊನೆಯಲ್ಲಿ ಕ್ರಿಕೆಟರ್ಸ್ ಬಾಯಿಂದ ಬರೋ ‘ಬಾರ್ನ್ ಇನ್ ಬೆಂಗಳೂರು, ಟು ಥ್ರಿಲ್ ದ ನೇಶನ್’ ಅನ್ನೋ ಮಾತು ಅಂತೂ ಕೇಳುಗರಿಗೆ ಸಖತ್ ಮಜವಾಗಿದೆ..