ಶಿವಾಜಿ v/s ಪುಲಕೇಶಿ.. ರಿಷಬ್​ಗೆ ನಾಡದ್ರೋಹಿ ಅಂದಿದ್ಯಾರು? ಮರಾಠಿ ದೊರೆಯ ಪಾತ್ರ ಮಾಡ್ಬಾರ್ದಾ?

ಡಿವೈನ್ ಸ್ಟಾರ್ ರಿಷಬ್ ಶೆಟ್ಟಿ ಇತ್ತೀಚಿಗಷ್ಟೇ ಛತ್ರಪತಿ ಶಿವಾಜಿ ಮಹಾರಾಜರ ಬಯೋಪಿಕ್​ನಲ್ಲಿ ನಟಿಸ್ತಾ ಇರೋ ಸಂಗತಿ ಸದ್ದು ಮಾಡಿತ್ತು. ಈ ವಿಷ್ಯ ರಿಷಬ್ ಅಭಿಮಾನಿಗಳಿಗೆ ಖುಷಿ ತಂದ್ರೆ ಒಂದಷ್ಟು ಜನರು ಇದರ ವಿರುದ್ದ ಗರಂ ಆಗಿದ್ದಾರೆ. ಕನ್ನಡಿಗ ರಿಷಬ್, ಮರಾಠಿ ದೊರೆಯ ಪಾತ್ರವನ್ಯಾಕೆ ಮಾಡಬೇಕು ಅಂತ ಕ್ಯಾತೆ ತೆಗೆದಿದ್ದಾರೆ. ರಿಷಬ್​ನ ನಾಡದ್ರೋಹಿ ಅಂತ ನಿಂದಿಸ್ತಾ ಇದ್ದಾರೆ. ಹಾಗಾದ್ರೆ ಏನಿದು ಶಿವಾಜಿ ವಿವಾದ? ಛತ್ರಪತಿ ಶಿವಾಜಿ ಮಹಾರಾಜರ ಕಥೆಯುಳ್ಳ ಹಿಸ್ಟಾರಿಕಲ್ ಸಿನಿಮಾವನ್ನು ರಿಷಬ್ ಮಾಡೋ ವಿಷ್ಯ ರಿವೀಲ್ ಆಗಿತ್ತು. ಸಹಜವಾಗೇ ಇದು ರಿಷಬ್ ಶೆಟ್ಟರ ಅಭಿಮಾನಿಗಳು ಖುಷ್ ಆಗುವಂತೆ ಮಾಡಿತ್ತು. ಕಾಂತಾರ-1, ಜೈ ಹನುಮಾನ್ ನಂತರ ರಿಷಬ್ ಮಾಡಲಿರೋ ಈ ಸಿನಿಮಾ ಅವ್ರನ್ನ ಮತ್ತೊಂದು ಲೆವೆಲ್ ಗೆ ಕರೆದೊಯ್ಯುತ್ತೆ ಅಂತ ಎಲ್ಲರೂ ಭವಿಷ್ಯ ನುಡಿದಿದ್ದರು.