ಸೀಮಂತ ಸಂಭ್ರಮದಲ್ಲಿ ಪ್ರೇರಣ ಸರ್ಜಾ; ಯಾರೆಲ್ಲ ಭಾಗಿಯಾಗಿದ್ರು?

ಮುದ್ದು ಮಗುವಿನ ಆಗಮನಕ್ಕೆ ಕಾದಿದೆ ಸರ್ಜಾ ಕುಟುಂಬ, ಆಕ್ಷನ್ ಪ್ರಿನ್ಸ್ ಧ್ರುವಾ ಸರ್ಜಾ ತಂದೆ ಆಗ್ತಿರೋ ವಿಚಾರ ಎಲ್ಲರಿಗೂ ತಿಳಿದಿದೆ. ತುಂಬು ಗರ್ಭಿಣಿ ಆಗಿರೋ ಪತ್ನಿ ಪ್ರೇರಣಾಗೆ ಸೀಮಂತ ಮಾಡಿ ಸಂಭ್ರಮಿಸಿದ್ದಾರೆ ನಟ ಧ್ರುವಾ ಸರ್ಜಾ. ಇದೇ ತಿಂಗಳಲ್ಲಿ ಸರ್ಜಾ ಕುಟುಂಬಕ್ಕೆ ಮುದ್ದಾದ ಮಗು ಆಗಮನವಾಗ್ತಿರೋ ಖುಷಿಯಲ್ಲಿರೋ ಸರ್ಜಾ ಫ್ಯಾಮಿಲಿ ಪ್ರೇರಣಾಗೆ ತುಂಬು ಹೃದಯದಿಂದ ಆಶೀರ್ವಾದ ಮಾಡಿದ್ದಾರೆ. ನಟಿ ತಾರ ಕೂಡ ಸಂಭ್ರಮದಲ್ಲಿ ಭಾಗಿಯಾಗಿ ಪ್ರೇರಣಾಗೆ ಹರಸಿದ್ದಾರೆ. ಧ್ರುವ ಪತ್ನಿ ಪ್ರೇರಣಾ ಹಸಿರು ಬಣ್ಣದ ಸೀರೆಯಲ್ಲಿ ಕಂಗೊಳಿಸುತ್ತಿದ್ದರು. ಪತಿ ಧ್ರುವ ಸರ್ಜಾ ಸಾಂಪ್ರದಾಯಿಕ ಉಡುಗೆಯಲ್ಲಿ ಮಿಂಚಿದ್ದರು. ಪ್ರೇರಣ ಸೀಮಂತ ಸಂಭ್ರಮದ ಫೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿವೆ.