500 ಕಾರು.. 600 ಡ್ಯಾನ್ಸರ್ಸ್.. ಧ್ರುವ ಸರ್ಜಾ ಮಾಸ್ ಎಂಟ್ರಿ: ಮಾರ್ಟಿನ್ ಇಂಟ್ರಡಕ್ಷನ್ ಸಾಂಗ್​ಗೆ 6 ಕೋಟಿ ಬಜೆಟ್!

ಮಾರ್ಟಿನ್ ಪ್ಯಾನ್ ವರ್ಲ್ಡ್ ಎಂಟ್ರಿಗೆ ಕೌಂಟ್ ಡೌನ್ ಶುರುವಾಗಿದೆ. ಬಿಗ್ ಸ್ಕ್ರೀನ್ ಮೇಲೆ ಮಾರ್ಟಿನ್ ಆರ್ಭಟ ನೋಡೋದಕ್ಕೆ ಫ್ಯಾನ್ಸ್ ಕಾತುರದಿಂದ ಕಾಯ್ತಿದ್ದಾರೆ. ಸದ್ಯ ಮಾರ್ಟಿನ್ ಸಿನಿಮಾದ ಇಂಟ್ರಡಕ್ಷನ್ ಸಾಂಗ್ ರಿಲೀಸ್ ಅಗಿದ್ದು, ಮಾರ್ಟಿನ್ ಹೇಗಿರ್ತಾನೆ ಅನ್ನೋ ಹಿಂಟ್ ಕೊಟ್ಟಿದೆ. ಬರೊಬ್ಬರಿ 6 ಕೋಟಿ ಬಜೆಟ್​ನಲ್ಲಿ ರೆಡಿಯಾಗಿರೋ ಮಾರ್ಟಿನ್ ಮಾಸ್ ಸಾಂಗ್ ನೋಡಿದವ್ರು ವಾರೆವ್ಹಾ ಅಂತಿದ್ದಾರೆ. ಮೋಸ್ಟ್ ಅವೇಟೆಡ್ ಮಾರ್ಟಿನ್ ಮೂವಿಯ ಇಂಟ್ರಡಕ್ಷನ್ ಸಾಂಗ್ ರಿಲೀಸ್ ಅಗಿದೆ. ಆಕ್ಷನ್ ಪ್ರಿನ್ಸ್ ಧ್ರುವ ಮಾರ್ಟಿನ್ ಅವತಾರದ ಝಲಕ್ ಹೇಗಿರುತ್ತೆ ಅನ್ನೋ ಹಿಂಟ್ ಕೊಟ್ಟಿದೆ ಈ ಇಂಟ್ರೋ ಸಾಂಗ್. 

ಅಷ್ಟೇ ಅಲ್ಲ ಮಾರ್ಟಿನ್​ನ ಅದ್ಧೂರಿತನ, ಲ್ಯಾವಿಶ್​ನೆಸ್, ಹೇಗಿರುತ್ತೆ ಅನ್ನೋದನ್ನೂ ಈ ಸಾಂಗ್ ಸಾರಿ ಹೇಳ್ತಾ ಇದೆ. ಮುರಳಿ ಮಾಸ್ಟರ್ ಈ ಹಾಡಿಗೆ ಕೋರಿಯೋಗ್ರಫಿ ಮಾಡಿದ್ದು, ಧ್ರುವ ಹಾಕಿರೋ ಸ್ಟೆಪ್ಸ್ ಫ್ಯಾನ್ಸ್​ನ ಹುಚ್ಚೆದ್ದು ಕುಣಿಸೋದು ಫಿಕ್ಸ್. ಥಿಯೇಟರ್​ನಲ್ಲಿ ಧ್ರುವ ಜೊತೆಗೆ ಫ್ಯಾನ್ಸ್ ಕೂಡ ಈ ಹಾಡಿಗೆ   ಹೆಜ್ಜೆ ಹಾಕೋದ್ರಲ್ಲಿ ಡೌಟೇ ಇಲ್ಲ. ಇನ್ನೂ ಸಾಂಗ್​ನಲ್ಲಿ ಧ್ರುವ ಹಾಕಿರೋ ಡಿಫ್ರೆಂಟ್ ಗೆಟಪ್ಸ್ ಕೂಡ ಅಭಿಮಾನಿಗಳಿಗೆ ಮೋಡಿ ಮಾಡ್ತಿವೆ.  ಈ ಸಾಂಗ್​ನ ಮೇಕಿಂಗ್​ಗೆ ಖರ್ಚು ಮಾಡಿರೋದು ಭರ್ತಿ 6 ಕೋಟಿ. ಒಂದು ಸಿನಿಮಾಗೆ ಹಾಕುವಷ್ಟು ಬಜೆಟ್​​ನ ಜಸ್ಟ್ ಈ ಸಾಂಗ್ ಮೇಕಿಂಗ್​ಗೆ ಸುರಿದಿದ್ದಾರೆ ನಿರ್ಮಾಪಕ ಉದಯ್ ಕೆ. ಮೆಹತಾ. ಸ್ಯಾಂಡಲ್​ವುಡ್ ಇತಿಹಾಸದಲ್ಲೇ ಇದು ಹೈ ಬಜೆಟ್ ಇಂಟ್ರೋ ಸಾಂಗ್.