ಹಾಸನ ಶಾಸಕ ಪ್ರೀತಂ ಗೌಡ ಹೊಸ ಬಾಂಬ್, ವಿಡಿಯೋ ಕ್ಲಿಪ್ ವೈರಲ್, ರಾಜಕೀಯ ವಲಯವೇ ಶಾಕ್!

ಹಾಸನ: ಜೆಡಿಎಸ್ ಗೆ ಮತ ಹಾಕಿದ್ರೆ ನಮಗೆ ಮತ ಹಾಕಿದಂತೆ ಎಂದು ಹಾಸನ ನಗರದಲ್ಲಿ ಪ್ರಚಾರದ ವೇಳೆ ಬಿಜೆಪಿ ಅಭ್ಯರ್ಥಿ ಪ್ರೀತಂಗೌಡ ಹೇಳಿಕೆ ನೀಡಿದ್ದಾರೆ. ನಿಮಗೆ ಅರ್ಥ ಆಗಲಿ ಅಂತ ಬಿಡಿಸಿ ಬಿಡಿಸಿ ಹೇಳ್ತಿದ್ದೇನೆ. ಜನತಾದಳಕ್ಕೆ ಓಟು ಹಾಕಿದ್ರೆ ಬಿಜೆಪಿಗೆ ಓಟು ಹಾಕಿದ ಲೆಕ್ಕ. ದೇವೇಗೌಡರು ಮೋದಿ ಸಾಹೆಬ್ರು ಮಾತನಾಡಿಕೊಂಡಿದ್ದಾರೆ. ಏಕೆಂದರೆ ಅವರು ಬರೋದು ಇಪ್ಪತ್ತು, ಇಪ್ಪತ್ತೈದು ಸೀಟು. ಬೆಂಗಳೂರಿಗೆ ಹೋಗಬೇಕೆಂದರೆ ಮೈಸೂರಿಗೆ ಹೋಗಿ ಹೋಗಬೇಡಿ. ಹಾಸನದಿಂದ ಬೆಳ್ಳೂರು ಕ್ರಾಸ್ ಮೇಲೆ ಹೋಗಿ ಅಂತ ಮಾತ್ರ ಹೇಳ್ತಿನಿ. ಅದರ ಮೇಲೆ ನಿಮ್ಮ ಇಷ್ಟ. ಮೈಸೂರಿಗೆ ಹೋಗಿ ಹೋಗ್ತಿವಿ ನಮಗೆ ಖುಷಿ ಇದೆ ಅಂತ ಹೇಳಿದ್ರೆ, ಸುತ್ತಿ ಬಳಸಿ ನನ್ ಹತ್ರಾ ಬರೋದು ಬೇಡ, ನೇರಾ ನನ್ನ ಹತ್ತಿರ ಬನ್ನಿ ಎಂದ ಶಾಸಕ ಪ್ರೀತಂಗೌಡ. 

ಮತ್ತೆ ಎಲ್ಲಾ ನದಿ ನೀರು ಹರಿಯೋದು ಸಮುದ್ರಕ್ಕೆನೆ, ಬರೋದು ನಮ್ಮತ್ರಕ್ಕೆನೆ. ನೀವು ಅವರಿಗೆ ಓಟು ಹಾಕಿದ್ರು ನನ್ನ ಹತ್ರಕ್ಕೆ ಬರಬೇಕು. ಯೋಚನೆ ಮಾಡಿ ಬಿಟ್ಟು ಬನ್ನಿ ಅಂತ ಹೇಳ್ತಿನಿ ಎಂದು ಹೇಳಿದ್ದು, ಇದರ ಬೆನ್ನಲ್ಲೇ  ಬಿಜೆಪಿ ಜೆಡಿಎಸ್ ನಡುವೆ ಒಪ್ಪಂದದ ಪರೋಕ್ಷ ಸುಳಿವು ಕೊಟ್ರಾ ಬಿಜೆಪಿ ಶಾಸಕ ಪ್ರೀತಂಗೌಡ ಎಂಬ ಲೆಕ್ಕಾಚಾರ ಶುರುವಾಗಿದೆ. ಜೆಡಿಎಸ್ ಗೆ ಮತ ಹಾಕಿದ್ರೆ ಬಿಜೆಪಿಗೆ ಮತ ನೀಡಿದಂತೆ ಎನ್ನುವ ಮೂಲಕ ಚುನಾವಣೋತ್ತರ ಮೈತ್ರಿಯ ಸುಳಿವು ಕೊಟ್ರಾ ಪ್ರೀತಂ ಗೌಡ?