ಡೊಲಿಡಾ ಹಾಡಿಗೆ ಐಫೆಲ್ ಟವರ್ ಮುಂದೆ ಕುಣಿದ ಮಹಿಳೆಯರು

ಅಲಿಯಾ ಭಟ್‌ ನಟನೆಯ ಬಾಲಿವುಡ್ ಸಿನಿಮಾ ಗಂಗೂಬಾಯಿ ಕಥಿಯಾವಾಡಿ ಸಿನಿಮಾ ಸಾಮಾಜಿಕ ಜಾಲತಾಣದಲ್ಲಿ ಹವಾ ಸೃಷ್ಟಿ ಮಾಡಿದೆ. ಈ ಸಿನಿಮಾದ ಡೊಲಿಡಾ ಹಾಡು ಎಲ್ಲರನ್ನು ಸೆಳೆಯುತ್ತಿದ್ದು, ಮಕ್ಕಳು ಮುದುಕರೆನ್ನದೇ ಅನೇಕರು ಈ ಹಾಡಿಗೆ ಡಾನ್ಸ್ ಮಾಡುತ್ತಿರುವುದನ್ನು ಸಾಮಾಜಿಕ ಜಾಲತಾಣದಲ್ಲಿ ನೀವು ನೋಡಿರಬಹುದು. ಈಗ ಫ್ರಾನ್ಸ್‌ನ ಐತಿಹಾಸಿಕ ತಾಣ ಐಫೆಲ್‌ ಟವರ್ ಮುಂದೆ ಮೂವರು ಮಹಿಳೆಯರು ಈ ಡೊಲಿಡಾ ಹಾಡಿಗೆ ಸಖತ್ ಹೆಜ್ಜೆ ಹಾಕಿದ್ದಾರೆ. ಮೂವರು ಸಾರಿ ಉಟ್ಟ ನಾರಿಯರು ಸಖತ್ ಆಗಿ ನೃತ್ಯ ಮಾಡುತ್ತಿರುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.