ಬುರ್ಖಾ ವೇಷದಲ್ಲಿ ಮಹಿಳಾ ಉದ್ಯಮಿ ಕಿಡ್ನಾಪ್: ಪೊಲೀಸರ ಸಮಯಪ್ರಜ್ಞೆಯಿಂದ ಬಚಾವ್!

 ಸ್ಲೋ ಆಗಿ ಹೋಟೆಲ್‌ಗೆ ಎಂಟ್ರಿ ಕೊಡ್ತಿರುವ ಬುರ್ಕಾ ಧಾರಿಗಳು. ಒಬ್ಬರಲ್ಲ, ಇಬ್ಬರಲ್ಲ, ಬರೋಬ್ಬರಿ 25 ಮಂದಿಯನ್ನು ನೋಡಿದ ಓನರ್ ಕಂ ರೆಸಿಪ್ಷನಿಸ್ಟ್‌ಗೆ ಆತಂಕ ಶುರುವಾಗಿದೆ. ಇಲ್ಲಿ ಏನಾಗ್ತಿದೆ ಅಂತ ಮಹಿಳೆ(woman) ಅರಿವಿಗೆ ಬರೋದ್ರಲ್ಲಿ ಬುರ್ಕಾ(Burqa) ವೇಷದಲ್ಲಿದ್ದ ಗಂಡಸರೆಲ್ಲ ಸಿಸಿಟಿವಿ ವೈರ್ ಕಟ್ ಮಾಡಿದ್ರೆ, ಮತ್ತೆ ಕೆಲವರು ಮಹಿಳೆ  ಮೇಲೆ ಹಲ್ಲೆ ನಡೆಸ್ತಿದ್ರು. ಈ ಸೀನ್ ಯಾವ್ದೋ ಸಿನಿಮಾದಲ್ಲ.. ಇದೊಂದು ಪ್ರೀ ಪ್ಲಾನ್ಡ್ ಕಿಡ್ಯಾಪ್ ಕೇಸ್. ಅದು ವೀಕೆಂಡ್.. ಮಟ ಮಟ ಮಧ್ಯಾಹ್ನ 12 ಗಂಟೆ.. ಜನರ ಓಡಾಟವೂ ಅಷ್ಟಕ್ಕಷ್ಟೇ. ಇಂತಹ ಸಂದರ್ಭದಲ್ಲಿ ಬುರ್ಕಾಧಾರಿಗಳ ಗುಂಪೊಂದು ಬೆಂಗಳೂರಿನ ಜಾಲಹಳ್ಳಿ ಕ್ರಾಸ್ನ ಡಿಎಂ ರೆಸಿಡೆನ್ಸಿ ಹೋಟೆಲ್‌ಗೆ ಎಂಟ್ರಿ ಕೊಡುತ್ತೆ.. ನಮಗೊಂದು ರೂಂ ಕೊಡಿ ರಿಪ್ರೆಶ್ ಆಗ್ಬೇಕು ಅಂತಾರೆ. ಅನುಮಾನಗೊಂಡ ಪಂಕಜ ಸ್ಥಳೀಯರಿಗೆ ನಾವು ರೂಮ್ ಕೊಡಲ್ಲ ಎಂದಿದ್ದಾರೆ.. ಅಷ್ಟರಲ್ಲಿ ಮೊದಲೇ ಪ್ಲಾನ್ ಮಾಡಿಕೊಂಡು ಬಂದಂತೆ ರೆಸಿಡೆನ್ಸಿಯ ಕಿಟಕಿ ಗಾಜುಗಳನೆಲ್ಲ ಪುಡಿ ಪುಡಿ ಮಾಡ್ತಾರೆ.. ಬುರ್ಕಾಧಾರಿ ವೇಷದಲ್ಲಿದ್ದ ಪುರುಷ ಹಾಗೂ ಮಹಿಳೆಯರು ಪಂಕಜರನ್ನ ಆಟೋದಲ್ಲಿ ಎಳೆದುಕೊಂಡು ಹೋಗೆ ಬಿಡ್ತಾರೆ. ಆಟೋದಲ್ಲಿದ್ದ ಮಹಿಳಾ ಉದ್ಯಮಿ ಪಂಕಜ, ಕಿರುಚಾಟದ ಕಂಡ ಜಾಲಹಳ್ಳಿ ಸಂಚಾರಿ ಪೊಲೀಸರ ಆಟೋ ತಡೆದಿದ್ದಾರೆ.. ನಂತರ ಮಹಿಳೆಯನ್ನ ರಕ್ಷಿಸುವಲ್ಲಿ ಖಾಕಿ ಯಶಸ್ವಿಯಾಗಿದೆ. ಸಿನಿಮಾ ಸ್ಟೈಲ್ನಲ್ಲಿ ಮಹಿಳೆಯನ್ನ ಕಿಡ್ಯಾಪ್ ( Kidnapping ) ಮಾಡಲು ಕಾರಣ ಅದೊಂದು ಪ್ರಾಪರ್ಟಿ.. ಯೆಸ್, ವಿಜಯ್ ಹಾಗೂ ಪಂಕಜ ದಂಪತಿ, ಗೌತಮ್ ಎಂಬುವರ ಬಳಿ ಈ ಹೋಟೆಲ್  ಪ್ರಾಪರ್ಟಿಯನ್ನ 10 ವರ್ಷ ಲೀಸ್ ಗೆ ಪಡೆದಿದ್ದರಂತೆ. ಪಂಕಜರನ್ನ ಖಾಲಿ ಮಾಡಿಸಲು ಈ ರೀತಿ ಕಿಡ್ನಾಪ್ ಪ್ಲಾನ್ ಮಾಡಲಾಗಿದ್ಯಂತೆ. ಜಾಲಹಳ್ಳಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಮಹಿಳೆ ಆರೋಪ ಮಾಡ್ತಿರೋದು ನಿಜಾನಾ ಎಂಬುದು ಪೊಲೀಸರ ತನಿಖೆಯಲ್ಲಿ ತಿಳಿಯಬೇಕಿದೆ.

ಇದನ್ನೂ ವೀಕ್ಷಿಸಿ:  'ರಾಜ ಮಾರ್ತಾಂಡ'ನಿಗಾಗಿ ಬಂದ ಆ್ಯಕ್ಷನ್ ಪ್ರಿನ್ಸ್ ಧ್ರುವ: ಪತಿಯ ಕೊನೆ ಚಿತ್ರ ಸಕ್ಸಸ್‌ಗಾಗಿ ಮೇಘನಾ ಸರ್ಜಾ ಪಣ!